Kɔlɔsi ye 3:2 - Cebaara Bible 2010

² Ye yele fúnyi yaʔa yi pye ǹjoʔo ma yáriri na, yele a kɔ́ yi yaʔa yi kòro dulunyanw yárira na í.

Kɔlɔsi ye 3:2 Iomraidhean Croise

1 Cányi kèlē 22:19

Lǎli naa ni ye yele zɔ̌nbèle, ní yele fúnyi yaʔa Yawe yele Kolocɔlɔw caala na. Ye yìri ye Yawe Kolocɔlɔɔ tɛɛcǎngi faan, koro ga pye yele í pan ni Yawe joogaanni kásu ní, n fàra yáriri na di yaʔa kɔlɔ̀ na Kolocɔlɔɔ ma lè bi ba lége kpáagi ni, gee ki a faan Yawe mɛ́ɛgi na lè.»

1 Cányi kèlē 29:3

N fàra gee bee na, tɛ́ɛw, ní wálifiiw mii taa lè, wi nyɛ mii tiimaa ma lè, àmɛɛ Kolocɔlɔɔ kpáagi kéele mii dɛ́nɛ lè, mii n wi kaan mii Kolocɔlɔw kpaʔa kéele na, n fàra yáriree myɛ na mii sámaga n yaʔa tɛɛcǎngi kéele na lè.

Ŋúnuyi 62:10

Adami pìíbèle i nyɛ káfalaga yagana! Syɛ́ɛnbèle i nyɛ jànvaa! Pe ga be taʔa cúlow na, pe n yìri fígɛli, pe myɛ bìnɛw n faʔa n sɔ̀lɔ káfalagi na.

Ŋúnuyi 91:14

«Amɛɛ mii kéeli wi dɛ́nɛ lè gbanʔama, koro na mii a wi syɔɔ. Mii a ra wi kpáaw wéle, níì cán wi n mii mɛ́ɛgi cán.

Kàseegèle 23:5

Lɔ́ri mɔ wéle lè, cɛɛri ga pye mɔ n fɔ̀n di ni! Níì cán ti i fókaanya yirigi ni yìrigí ni syée ǹjogi ni àmɛɛ nyɔɔ̀ nyɛ lè.

Syɛɛnjóow 7:14

Fundaanri canʔa na, da fundaanra kpéʔele, wɔʔɔgi canʔa na, mi sɔ̀ngi, Kolocɔlɔɔ n yi siinw kpéʔele wonijanya, a koro pye syɔɔn a gbǎn gi cán, gee gi maa ba pye woro kàdoʔo ma lè í.

Matye 16:23

A wi fíige n Pyɛri pye: «Núngo mii taana Sutana. Mɔ i nyɛ tɛɛpùunugo mii ma. Níì cán mɔ o sɔ̀ngí Kolocɔlɔɔ kérigèle na í, fwɔɔ syɛ́ɛnbèle wòʔolo na.»

Matye 6:19

«Ki ga yɛlɛ yele í da lɔ́ri caa da kɔngi yeyɛɛ ma tári na, beè dɔ́nw ní tátɔɔnw di kálagi lè í, ní beè kàyuubèle kpáayi fúrugu ní i yúu lè í.

Luki 12:15

Níì fala n gi joo be ma níì jo: «Yaa kɔ̀rɔsíi, yé yeyɛɛ còganmi cán lɔjaabeeyi féleye myɛ na. Níì cán syɔɔn ga lɔrɔ saʔa taa felege o felege na, wi a gbǎn sìíw taa wi kɔlɔ̀ yáriri báriga ni í.»

Luki 16:11

Gee bee na kapye yele ga pye tágala syɛɛnnɛ dulunyanw naa lɔ́rɔ kéele na í, wìí wi a kɔ́ ba lɔ́ri wodelere kàlifáa yele ma?

Filipikaʔa ye 1:23

Yi tɛ́ɛyi siin i mii kíle, mii i caa bi kári sa pye ní Kirisi ní, gee bee gi pɔ́rɔ n sɔ̀lɔ.

Kɔlɔsi ye 3:1

Amɛɛ yele pínɛ n nyán ní Kirisi ní lè, gee bee na gi yɛlɛ yele í da ǹjoʔo ma yáriri caa, beè Kirisi nyɛ lè wodɛ́ɛɔn ní Kolocɔlɔɔ kàliige kɔ́lɔ ma.

Kɔlɔsi ye 3:5

Gee bee na gi yɛlɛ yele í yele kanlɛɛmi kèlē kpóo ge nyɛ lè ceyuugi, ní nànyuugi, ní kanɔnʔɔri, ní céri ki laànitaʔa kérigèle, ní sɔ̀ngubeeri, ní fungbɔɔgi ní, ki nyɛ lè yasunzunro.