Kɔlɔsi ye 3:1 - Cebaara Bible 2010

¹ Amɛɛ yele pínɛ n nyán ní Kirisi ní lè, gee bee na gi yɛlɛ yele í da ǹjoʔo ma yáriri caa, beè Kirisi nyɛ lè wodɛ́ɛɔn ní Kolocɔlɔɔ kàliige kɔ́lɔ ma.

Kɔlɔsi ye 3:1 Iomraidhean Croise

Ŋúnuyi 110:1

Davidi ŋúnugi. Yawe n gi joo mii Kàfɔw ma níì jo: «Ba tɛ́ɛn mii kàliige ma bi taa mii í ba mɔ nigoobèle kpéʔele mɔ tɔ́lɔyi yataʔaga.»

Ŋúnuyi 16:11

Mɔ a sìíw kólogo tɛ̀ɛn mii na. Fundaannɛʔɛrɛ i nyɛ mɔ yɛ́ʔɛ ma, kataangēle i nyɛ mɔ kaliige ma làrigèle myɛ ni.

Kàseegèle 15:24

Wee wi cìlige lè, sìíw kólogo i syée ǹjogi ni ní woro ní, koro ga pye wi léeli kúbèle tɛɛkòrogo na ki lè táàma.

Syɛɛnjóow 10:2

Síciliw fúngo i syée ní wi ní wi kàliige ma, nilabalaw fúngo si i syée ní wi ní wi kàmɔnɔ ma.

Matye 22:44

‹Kàfɔw n gi joo mii Kàfɔw ma níì jo: Ba tɛ́ɛn mii kàliige ma fwɔɔ bi taa mii í mɔ nigoobèle cáan, mɔ si mɔ tɔ́lɔyi taʔa be na?›

Matye 26:64

A Zyezu wi yari: «Ɛɛn, mii wii. Mii si a gi joo yele ma, yele a kɔ́ Syɔɔn-pya nyaa wodɛ́ɛɔn ní séew myɛ fɔ́lɔ Kolocɔlɔɔ kàliige ma, si wɔ́ɔ kɔ́ wi nyaa waa maa fàfaanyi ni.»

Matye 6:20

Fwɔɔ yele í da di caa da kɔngi yeyɛɛ ma nyɛ̀ʔɛni na beè dɔ́nw ní tátɔɔnw o di kálagi lè í. Ní beè kàyuubèle o kpáayi fúrugu ní i yúu lè í.

Matye 6:33

Kàjáa ki n yɛlɛ yele í da wi fǎngi ní wi sínni caa gbɛnʔɛnɛ, yáriri bee myɛ si naa taʔa yaà yele ma.

Mariki 12:36

Bi gi taa Davidi tiimaa maa gi joo Pìicǎnni báriga ni níì jo: ‹Kàfɔw n gi joo mii Kàfɔw ma níì jo: Ba tɛ́ɛn mii kàliige ma fwɔɔ bi taa mii í mɔ nigoobèle cáan, mɔ si mɔ tɔ́lɔyi taʔa be na.›

Mariki 14:62

A Zyezu jo: «Ɛɛn, mii wii.» Ní wɔ́ɔ̀ jo: «Yele si a kɔ́ Syɔɔn-pya nyaa wodɛ́ɛɔn ní, séew myɛ fɔ́lɔ Kolocɔlɔɔ kàliige ma, si kɔ́ wi nyaa waa maa fàfaanyi ni.»

Mariki 16:19

A Kàfɔw Zyezu ga syɛ́ɛnri bee joo n kwɔ́ɔ be ma, a wi lúgu nyɛ̀ʔɛni na n sáà tɛ́ɛn Kolocɔlɔɔ kàliige ma.

Luki 12:33

Ki n yɛlɛ yele í da yele kɔ́lɔ yáriri pára bàā foomɔfɔbèle kpɔ́ʔɔgi. Yaa wálile-yariya caa yaa yaari yeyɛɛ ma, yee yi lè yi a lɛɛ bi nyaa í, yáā lɔnaa-sìngwɔɔri kɔngi nyɛ̀ʔɛni na, beè gi nyɛ lè kàyuuo a gbǎn nan di na í, dɔnnɔ si a wɔ́ɔ di kálagi í.

Luki 20:42

Davidi tiimaa n gi joo Ŋúnuyi sɛ́bɛ ni níì jo: ‹Kàfɔw n gi joo mii Kàfɔw ma níì jo: Ba tɛ́ɛn mii kàliige ma

Luki 22:69

Kàjáa nlaʔa tɔ́ɔliw naa na Syɔɔn-pya a pye wodɛ́ɛɔn ní Séew Myɛ Fɔ́lɔ Kolocɔlɔɔ kàliige ma.»

Kapyegèle 2:34

Davidi ban wi da lúgu nyɛ̀ʔɛni na í, kàjáa wi tiimaa maa gi joo níì jo: ‹Kàfɔw n gi joo mii Kàfɔw ma níì jo: Mi tɛ́ɛn mii kàliige kɔ́lɔ ma

Kapyegèle 7:55

Etyɛni fúngi si maa nyìn Pìicǎnni na, a wi nyǔngi yìrige n wéle nyɛ̀ʔɛni na n Kolocɔlɔɔ nìjangbɔɔri nyaa, ní wɔ́ɔ̀ Zyezu nyaa woyéreo ní Kolocɔlɔɔ kàliige ma.

Wɔrɔmi ye 8:34

Ba wìí wi a kálagili kútii kúun be na? Níì cán Kirisi Zyezu wi kùu. Koro yagana si ban í, ncan wi n nyán n pye sìi na, ní sáà tɛ́ɛn Kolocɔlɔɔ kàliige ma, ní i nyɛ́ɛri wolo kéeli na!

Wɔrɔmi ye 8:6

Níì cán céri kèlē sɔngurɔ i syɔɔn tórogi kùúw ma, Pìicǎnni kèlē sɔngurɔ si i syɔɔn tórogi sìíw ní yɛɛ̀nyingi ma.

2 Korɛnti ye 4:18

Yáriree syɛ́ɛnbèle nyaagi lè, wolo o dee bee wéle í, fwɔɔ dee di lè syɔɔn a gbǎn di nyaa í. Níì cán dee syɛ́ɛnbèle nyaagi lè, ti a kwɔ́ɔ, dee si di lè syɔɔn o di nyaagi í, toro i nyɛ bàngwɔɔ wóro.

Efɛzi ye 4:10

Wee wi tìgi lè, woro wonijanw wi wɔ́ɔ̀ lúgu nyɛ̀ʔɛgèle myɛ ǹjoʔo ma, koro ga pye wi yáriri myɛ nyìn.

Efɛzi ye 5:22

Cébèle, ki n yɛlɛ yaa lúro yele tiimaa nǎnbèle ma àmɛɛ yele lúro lè Kàfɔw ma.

Kɔlɔsi ye 2:20

Amɛɛ yele kùu lè ní Kirisi ní dulunyanw kalɛɛgéle kabaan na, nyàʔá si na yele táanri mɔ a jo yele i nyɛ dulunyanw wòolo, ní i tundunri naa jàtée, dee di joo lè:

Kɔlɔsi ye 3:2

Ye yele fúnyi yaʔa yi pye ǹjoʔo ma yáriri na, yele a kɔ́ yi yaʔa yi kòro dulunyanw yárira na í.

Heburubèle 1:13

Nyɛ̀ʔɛni tundunwìí má si Kolocɔlɔɔ kɔ́ɔ̀ gi joo làlaa faala ni níì jo: «Ba tɛ́ɛn mii kàliige ma bi taa mii í ba mɔ nigoobèle kpéʔele mɔ tɔ́lɔyi yataʔaga?»

Heburubèle 1:3

Jaafɔw bee wi nyɛ lè Kolocɔlɔɔ nìjangbɔɔri darigala, ní wi niwiriw, wi bárigaw syɛ́ɛnrɛ n dulunyanw yárira myɛ tɔʔɔ n yérige. Lǎli ni wi kapeegèle jéemununɔ kpéʔele n kwɔ́ɔ lè, a wi sáà tɛ́ɛn nyɛ̀ʔɛni ni, Nìjangbɔɔri Fɔ́lɔ kàliige ma.

Heburubèle 10:12

Kàjáa Kirisi n kwɔ́ɔmɔ fun sárigaw wòlo syɛ́ɛnbèle kapeegéle kéele na, ní sáà tɛ́ɛn Kolocɔlɔɔ kàliige ma

Heburubèle 12:2

Ki n yɛlɛ wolo í wolo nyapiigèle le Zyezu ni wi lè wolo tágali sélimɛfɔlɔ ní li forofɔw. Amɛɛ wi nyɛnɛ da pye lè fundaanri na, dee Kolocɔlɔɔ da tɛ́ʔɛ wi yɛʔɛ̀ ma lè, koro na wi kpàraco níì kùu tiiparigi na, wi ga gi córo fɛ̀ɛrɛ kéele í, koro kàdoʔo ma a wi sáà tɛ́ɛn Kolocɔlɔɔ fàngoli kàliige ma.

Heburubèle 8:1

Syɛ́ɛnri bee mii joo lè, ti kɔ́rɔw wi nyɛ wee naa, ncan sáriga-wòlobèle kàfɔlɔ i nyɛ wolo ma wodɛ́ɛɔn ní Nìjangbɔɔri Fɔ́lɔ fàngolo kàliige ma nyɛ̀ʔɛni ni.

1 Pyɛri 3:22

woro wee wi kári nyɛ̀ʔɛni na lè, ní i yaà Kolocɔlɔɔ kàliige ma, a nyɛ̀ʔɛni tundunbéle, ní séekpɔɔw fɔ̀ɔlɔ, ní bárigaw fɔ̀ɔlɔ i lúro wi ma.