Kɔlɔsi ye 2:9 - Cebaara Bible 2010

⁹ Níì cán kánmee na Kolocɔlɔɔ nyɛ lè, kánmi bee myɛ i nyɛ Kirisi céri ni n foro.

Kɔlɔsi ye 2:9 Iomraidhean Croise

Ezayi 7:14

Gee bee na Kàfɔw tiimaa a fɛ̀ɛ kaan yele ma: Wéle, pìcaaw a fícɛnnɛ taa, wi a pyà see nàɔn, si wi mɛ́ɛgi le paa wi yiri Emanuwɛli.

Matye 1:23

«Wéle, nàngeele sinján pìcaaw a ba fícɛnnɛ taa bi pyà see nàɔn, pe si a ra wi mɛ́ɛgi yiri Emanuwɛli. Ki kɔ́rɔw wi nyɛ, Kolocɔlɔɔ i nyɛ ní wolo ní.»

Luki 14:22

A cɛɛri ga pye a falipyew pan n baa jo: ‹Ni kàfɔlɔ, gee mɔ da joo lè, mii n sáà gi kpéʔele, koro ní ki myɛ ní kpáagi ga sèʔê nyìn í.›

Luki 3:22

A Zyan Pìicǎnni nyaa àmɛɛ kàtolo nyɛ lè, a li tìgi n baa tɛ́ɛn wi na. A be yákpolo lóʔo nyɛ̀ʔɛni na a li jo: «Mɔ wi nyɛ mii Pìinidaanmaw, mɔ kéeli n mii dɛ́nɛ gbanʔama.»

Zyan 1:14

Syɛ́ɛnri bee maa baa kàri syɔɔn n tɛ́ɛn wolo níngi ni, a wolo wi nìjangbɔɔri sámaga n nyaa, nìjangbɔɔri bee i nyɛ Jaafɔw wóro, dee Tofɔw Kolocɔlɔɔ kaan lè wi Pìinibingi ma, àmɛɛ wi yìri yaà woro ma lè. Kpɔ́ʔɔri ní kányɛɛgi saʔa maa tɔ̀nɔ n pye wi ma.

Zyan 1:16

Kpɔ́ʔɔree ti da pye wi ma lè, wo myɛ n tàa taa di ni, wi i di kaangi wolo ma ni taʔala tiyɛɛ na.

Zyan 10:30

Mii Tóow ní mii ní wolo i nyɛ nibin.»

Zyan 10:38

Yele si ga gi cán ncan mii Tóow kapyegèlē mii kpéʔele, àlí ki ga pye yele a tága mii syɛ́ɛnri na í, ki n yɛlɛ ye tága gele bee na, koro ga pye yele í gi fílige cán bi cán Tofɔw i nyɛ mii ni, mii si wɔ́ɔ i nyɛ Tofɔw ni.»

Zyan 14:20

Cángi bee na yele a náa gi cán bi cán mii i nyɛ mii Tóow ni, si wɔ́ɔ gi cán yele i nyɛ mii ni, mii si wɔ́ɔ i nyɛ yele ni.

Zyan 17:21

koro ga pye pe myɛ í pye nibin. Abaa, àmɛɛ mɔ nyɛ lè mii ni, á mii si wɔ́ɔ i nyɛ mɔ ni, mii i caa pe wɔ́ɔ pye wolo ni, jàngó dulunyanw syɛ̀ɛnnɛ í tága gi na bi cán mɔ wi mii tun.

Zyan 2:21

Kàjáa kpɔ̀ʔɔrɔli kpaʔa kéele wi joo lè, wi tiimaa céri kéele wi da joo ànbée.

Kapyegèle 17:29

Amɛɛ si wolo nyɛ lè Kolocɔlɔɔ yòdaʔaya, ki ga yɛlɛ wolo í da sɔ̀ngí si jo Kolocɔlɔɔ n yasungo wíri í, tɛɛ̀ wóʔo yoo, wálifiio wóʔo yoo, kàdɛnɛgɛ wóʔo yoo, toro dee syɛ́ɛnbèle sámagi lè ní be sícilimi ní, be funzɔngumi na.

2 Korɛnti ye 5:19

Níì cán Kolocɔlɔɔ maa pye Kirisi ni, ní i dulunyanw syɛ̀ɛnnɛ bɛ̀ɛgí ní wiyɛɛ ní, wi da ní ni be kapeegèle córo be kurugo í, wi si n bɛ̀ɛ́li bee tundunro kaan wolo ma.

Kɔlɔsi ye 1:19

Níì cán kánmee na Kolocɔlɔɔ nyɛ lè, ki n wi dɛ́nɛ, a wi kánmi bee myɛ yaʔa bi kòro woro Jáaw ni.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.

1 Zyan 5:7

Bele be gi séeraw kpéʔele lè pe i nyɛ taanri.