Kɔlɔsi ye 2:8 - Cebaara Bible 2010

⁸ Yaa yeyɛɛ kɔ̀rɔsíi koro ga pye syɔɔnwaa faala a kɔ́ yele cǒ lége puloro ni ní wi sícili-zyɛ́ɛnri, ní wi gbanzan fáanagi ní í, pe i dee bee tímana ni yɛlɛgi ní syɛ́ɛnbèle kalɛɛgéle, ní dulunyanw tamana ní, ti si ga yɛlɛ ní Kirisi kéeli ní í.

Kɔlɔsi ye 2:8 Iomraidhean Croise

Ŋúnudaangi 2:15

Ye sɔ́riyi cò wolo ma, sɔripiiyi yi ɛrɛzɛn séyi kálagi lè, bi gi taa wolo ɛrɛzɛn séyi i fyɛ́ɛn n kwɔ́ɔ.

Zyeremii 29:8

Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n jo: ‹Yele kanyaajoobèle, ní yele kanyaabèle be nyɛ yele níngi ni lè, yele a kɔ́ be yaʔa be yele fáana pùuni í. Yele a kɔ́ yele yákirii yaʔa ŋúnɔyi na yele ŋúnɔ lè í!

Matye 10:17

Yaa yeyɛɛ kɔ̀rɔsíi syɛ́ɛnbèle na, ncan pe a kɔ́ ba ra yele nii kútiijoobèle kɔ́yɔ ni sáā yele kpúmɔn pe sérikpaayi ni.

Matye 16:6

A Zyezu be pye: «Ki n yɛlɛ yaa yeyɛɛ kɔ̀rɔsíi Farisibèle ní Sadusebèle levé na.»

Matye 7:15

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè.

Kapyegèle 17:18

Kérigèle sɛʔɛfɔɔlɔ, bele be yiri lè Epikuribèle, ní i bele yiri Sitoyisibèle, bele bee pèle maa ni syɛ́ɛnri syoo Pɔli nyɔ́ɔgi na. A pèle jo: «Nyàʔá gbanzan syɛ́ɛnrɛ wee naa nyuu nya?» A pèle jo: «Wi i di nyuu mɔ a jo syɛɛnfeleyaa nikwɔɔ màdebēle syɛ́ɛnrɛ dii.» Amɛɛ wi da ni Zyezu kéeli, ní kúbèle nyán-yirile kéele nyuu lè, koro na pe da ni dee bee nyuu.

Kapyegèle 17:32

Lǎli ni be kúbèle nyán-yirile syɛ́ɛnrɛ lóʔo Pɔli ma lè, a pèle i wi tɛ́ʔɛ, á pèle jo: «Wolo a ní ba kéeli bee lóʔo mɔ ma cangaa.»

Wɔrɔmi ye 16:17

Ni senyɛ̀nnɛ, bele be syɛ́ɛnbèle wálagi peyɛɛ na lè, ní i be fáana ni láari tamani na, lee yele tama lè, mii i yele nyɛ́ɛri yaa yeyɛɛ kɔ̀rɔsíi be na. Yaa còʔoró be na.

1 Korɛnti ye 10:12

Kánmi bee na wee wi ga ni gi sɔ̀ngí lè n jo woro n sámaga n yére, ki n yɛlɛ waa wiyɛɛ kɔ̀rɔsíi, koro ga pye wi a kɔ́ too í.

1 Korɛnti ye 8:9

Yaa yeyɛɛ kɔ̀rɔsíi koro ga pye bele fànʔa gi cɛ́rɛ lè, yele fǎngi a kɔ́ pye bele bee na sábabu be too í.

2 Korɛnti ye 10:5

n fàra yáriri myɛ na di tiyɛɛ nyɛ́nɛ lè Kolocɔlɔɔ cánni kéele na, ní wɔ́ɔ̀ sɔ̀nguri myɛ jáa ni di kàragí jàngó taa lúro Kirisi ma.

Galasi ye 1:14

Mii maa ni syée yɛʔɛ̀ ma Zyefubèle sérikologo ni n sɔ̀lɔ mii felegefɔ-nyɛ́nbèle saʔa na, be nyɛ lè mii kàdanbèle, níì cán mii maa niyɛɛ gaan mii tóolɛɛbèle kalɛɛgéle ma n sɔ̀lɔ.

Galasi ye 4:3

Anbée ki da wɔ́ɔ̀ pye wolo ma lǎlee ni wolo da pye lè pìibēle, wolo maa pye dulunyanw kalɛɛgéle púloro ni.

Galasi ye 4:9

Amɛɛ si yele Kolocɔlɔɔ cán lè tɔ́ɔliw ni, wàlá ki n pɔ́rɔ mii í gi joo si jo àmɛɛ Kolocɔlɔɔ yele cán lè, nyàʔá na yele ní i caa bi lúru kári gbanzan kalɛɛgèle kurugo, koro ga pye bi ní sa jée ke púlori ni kavɔn?

Galasi ye 5:15

Yele si ga ni yeyɛɛ nɔngi ní i yeyɛɛ gáa, ki n yɛlɛ yaa yeyɛɛ kɔ̀rɔsíi koro ga pye yele a kɔ́ yeyɛɛ gáa kwɔ́ɔ í.

Efɛzi ye 2:2

ànbée yele da ni táanri booma ni ni yɛlɛgi ní dulunyanw naa nàʔama ní, n wɔ́ɔ ni yɛlɛgi ní káfalagi fànʔa kàfɔlɔ ní, wi lè pìipeeli, lee li báara lè Kolocɔlɔɔ syɛ́ɛnri céefɔɔlɔ fúnyo ni.

Efɛzi ye 4:20

Yele si na, tánʔaganmi bee félege na ban Kirisi yele tama í.

Efɛzi ye 5:6

Ki ga yɛlɛ syɔɔn faala í kɔ́ yele fáana pùuni ní gbanzan syɛ́ɛnrɛ ní í, níì cán kérigèle bee ge Kolocɔlɔɔ fundanʔari yaari ti i tuun wi syɛ́ɛnri céefɔɔlɔ na.

Làlwaw Kaanziin 6:12

maa miyɛɛ kɔ̀rɔsíi, mɔ a kɔ́ fɛ̀ʔɛ Yawe na í, woro wee wi mɔ yirige lè Ezyipiti tári ni, púlori kpaʔa ni.

Filipikaʔa ye 3:2

Yaa yeyɛɛ kɔ̀rɔsíi pɔ́nbèle na, ye wɔ́ɔ yaa yeyɛɛ kɔ̀rɔsíi kakolobyebèle na, yé ní wɔ́ɔ yaa yeyɛɛ kɔ̀rɔsíi gbanzan kɛ́nɛw kpéʔelefɔɔlɔ na.

Kɔlɔsi ye 2:18

Syɔ́ɔnwee wi caa lè bi wiyɛɛ dɛ̀ɛn màabyeo ní i nyɛ̀ʔɛni tundunbéle kpɔ̀ʔɔrɔ́, yele a kɔ́ syɔ́ɔnw bee félege yaʔa wi yele kaan yele í bɔ̀nɔ í. Wi n wiyɛɛ daʔa wi kanyaagèle na ní i wiyɛɛ gbɔ́ʔɔgi gbanzan, wi sɔ̀nguri i nyɛ céri kèlē na.

Kɔlɔsi ye 2:20

Amɛɛ yele kùu lè ní Kirisi ní dulunyanw kalɛɛgéle kabaan na, nyàʔá si na yele táanri mɔ a jo yele i nyɛ dulunyanw wòolo, ní i tundunri naa jàtée, dee di joo lè:

Kɔlɔsi ye 2:22

Yáriree ní syɛ́ɛnbèle pe màkow nyɔɔgi lè, ti a ba kwɔ́ɔ. Tundunri bee ní tamani bee myɛ i nyɛ syɛ́ɛnbèle wóro.

Kɔlɔsi ye 2:23

Kányɛʔɛ ni syɛ́ɛnbèle nyɛ́nɛ na pe kérigèle bee i nyɛ sícilimɛ wòʔolo, àmɛɛ pe be kpɔ̀ʔɔrɔli kpéʔele lè ni yɛlɛgi ní be funzɔnguri ní, ní i màámi kpéʔele, ní wɔ́ɔ i be céri wɔʔɔ lè, kàjáa tɔ̀nɔ o nyɛ kérigèle bee ni í, ke a gbǎn fànʔa taa céri ki laànitaʔa kele na í.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 3:13

Kàjáa syɛɛnpeebèle ní jànvaafɔbèle a ra syée yɛʔɛ̀ ma kapeebyeri ni, sáā syɛ́ɛnbèle fáana da pùuní, si wɔ́ɔ ra peyɛɛ bùuní.

Heburubèle 13:9

Ki ga yɛlɛ ye gi yaʔa pe kɔ yele fáana pùuni ní tama-nibɔngèle kèle nikwɔɔlɔ félege ní í, ki n yɛlɛ yele zɔ̌nbèle í nìri Kolocɔlɔɔ kpɔ́ʔɔri báriga ni, ki ga yɛlɛ gi pye yaliifeleraa báriga ni í. Níì cán bele pe da ni zɔ̀nniriw caa lè yaliifeleraa báriga ni, pe ga tɔ̀nɔ taa gee bee ni í.

Heburubèle 3:12

Yaa kɔ̀rɔsíi, ni senyɛ̀nnɛ, koro ga pye sìndagali sɔ̀ngubeere a kɔ́ jée yele wàa faala ni bi wi láʔa Kolocɔlɔɔ woweew na í.

1 Pyɛri 1:18

Níì cán yele n gi cán àmɛɛ wi yele syɔɔ lè yele gbanzan tánʔaganmi ma, bee yele taa lè yele tóolɛɛbèle ma, wi ga yele syɔɔ ní yakwɔɔrɔ ní í, àmɛɛ wálifiiw ní tɛ́ɛw nyɛ lè.

2 Pyɛri 3:17

Koro na, mii syɛɛn-nidaanmabèle, àmɛɛ yele gee bee cán n kwɔ́ɔ lè, ki n yɛlɛ yaa yeyɛɛ kɔ̀rɔsíi, koro ga pye kapeebyebèle a kɔ́ yele fáana pùuni àmɛɛ poro pùuni lè í, jàngó yéreganmee na yele sámaga n yére lè, yele a kɔ́ bee bee yaʔa si too í.

2 Zyan 1:8

Yele si n yɛlɛ yaa yeyɛɛ kɔ̀rɔsíi koro ga pye fáliwee yele kpéʔele lè, yele a kɔ́ bɔ̀nɔ wi ni í, fwɔɔ yele í wi tɔ̀nɔw taa bi foro.