Kɔlɔsi ye 2:4 - Cebaara Bible 2010

⁴ Mii i gee bee nyuu koro ga pye syɔɔn faala a kɔ́ yele fáana pùuni ní wi sícili-zyɛ́ɛnrɛ ní í.

Kɔlɔsi ye 2:4 Iomraidhean Croise

Matye 24:24

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó pe fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Matye 24:4

A Zyezu be pye: «Yaa yeyɛɛ kɔ̀rɔsíi, yele a kɔ́ syɔɔn faala yaʔa wi yele fáana pùuni í.

Mariki 13:22

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó be fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Kapyegèle 20:30

Níì cán syɛ́ɛnbèle pèle a kɔ́ ba yìri yele tiimaa níngi ni bàā jànvaa syɛ́ɛnri nyuu koro ga pye sáā pìitamabèle nyúnyo kàragí bàā taari peyɛɛ na.

1 Korɛnti ye 2:4

Tamani na mii da yele tama lè, ní Syɛɛnjóocǎnri mii da joo n tɛ̀ɛn yele na lè, mii da di joo yele ma kanmaa na jàngó bi yele fúnyi kàriga ní mii fúngi sícilimɛ ní í. Kàjáa Pìicǎnni fànʔa báriga ni mii da di joo,

2 Korɛnti ye 11:3

Kánmee na wàbigi da Ɛvi fáana ní gi sícilibeemi ní lè, mii i fɛ̀ɛgí níì jo dɔ̀ʔɔ́ yele yákiriw a wɔ́ɔ kɔ́ kàri kánmi bee na yele í láʔa funviiri ní funjǎnyi na Kirisi kàbangi na.

Galasi ye 2:4

Kàjáa senyɛn-váanabèle be jée lè wo níngi ni làrama ni, pe maa ni caa bi wi ŋàʔana wi kɛ́nɛw kpéʔele, wɔ́rɔdi wolo taa lè Kirisi Zyezu bárigaw ni, pe maa ni caa bi dee bee kéele wéle làrama ni jàngó bi ní wolo lége púlori ni.

Efɛzi ye 4:14

Kánmi bee na wolo a ní kòro pìími ni, tamaveleyi káfalaya í ra wolo fíigi sáā wolo lée ra wáa da máari í bi yɛlɛ ní syɛ́ɛnbèle námara, ní be sícilibeemi ní bi syɔɔn pùuní lè í,

Efɛzi ye 4:17

Gee bee na mii i dee naa nyuu ní i di séeraw kpéʔele Kàfɔw ni, koro gi nyɛ yele a ní kɔ́ ra táanri àmɛɛ syɛɛnfeleyi wozanya táanri ni yɛlɛgi ní pe sɔ̀ngubeeri ní lè í.

Efɛzi ye 5:6

Ki ga yɛlɛ syɔɔn faala í kɔ́ yele fáana pùuni ní gbanzan syɛ́ɛnrɛ ní í, níì cán kérigèle bee ge Kolocɔlɔɔ fundanʔari yaari ti i tuun wi syɛ́ɛnri céefɔɔlɔ na.

Kɔlɔsi ye 2:18

Syɔ́ɔnwee wi caa lè bi wiyɛɛ dɛ̀ɛn màabyeo ní i nyɛ̀ʔɛni tundunbéle kpɔ̀ʔɔrɔ́, yele a kɔ́ syɔ́ɔnw bee félege yaʔa wi yele kaan yele í bɔ̀nɔ í. Wi n wiyɛɛ daʔa wi kanyaagèle na ní i wiyɛɛ gbɔ́ʔɔgi gbanzan, wi sɔ̀nguri i nyɛ céri kèlē na.

Kɔlɔsi ye 2:8

Yaa yeyɛɛ kɔ̀rɔsíi koro ga pye syɔɔnwaa faala a kɔ́ yele cǒ lége puloro ni ní wi sícili-zyɛ́ɛnri, ní wi gbanzan fáanagi ní í, pe i dee bee tímana ni yɛlɛgi ní syɛ́ɛnbèle kalɛɛgéle, ní dulunyanw tamana ní, ti si ga yɛlɛ ní Kirisi kéeli ní í.

2 Timɔte 2:16

Léeli Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ na, níì cán bele be di nyuu lè, poro a ra syée yɛʔɛ̀ ma làla o làla Kolocɔlɔɔ yɛ́ʔɛnaa-sìnvyaari ni.

2 Timɔte 3:13

Kàjáa syɛɛnpeebèle ní jànvaafɔbèle a ra syée yɛʔɛ̀ ma kapeebyeri ni, sáā syɛ́ɛnbèle fáana da pùuní, si wɔ́ɔ ra peyɛɛ bùuní.

1 Zyan 2:18

Ni pìibēle, làrizanni n nan. Amɛɛ yele da gi lóʔo lè Kirisi nigoow a pan, Kirisi nigoobèle saʔa i beè n kwɔ́ɔ tɔ́ɔliw naa ni, gee bee na wo gi cán ncan làrizanni n nan.

1 Zyan 2:26

Bele be caa bi yele fáana pùuni lè, poro kéeli na mii kérigèle naa sɛ́bɛ bi tórigo yele ma.

1 Zyan 4:1

Mii syɛɛn-nidaanmabèle, ki ga yɛlɛ yele í da tági pìígèle myɛ syɛ́ɛnrɛ na í. Ki n yɛlɛ yaa pìígèle sɛʔɛ yaa wéle jàngó bi gi cán kapye Kolocɔlɔɔ má ge yìri, níì cán kanyaajoo-fáanabéle saʔa n cariga dulunyanw ni.

2 Zyan 1:7

Jànvaafɔɔlɔ saʔa n cariga dulunyanw ni, poro bele be nyɛ lè pe ga yére gi ni n jo Zyezu Kirisi n pan cere ni lè í. Syɔ́ɔnwee wi ga pye ànbée lè, wee bee wi nyɛ jànvaafɔw, ní Kirisi nigoow.

Tɛ̀ɛnnɛ 12:9

A be yacobeekpɔɔgi cò n wáa kàfugi na, gi lè wàbilɛɛgi, be yiri lè Dàzɔɔnw, ní Sutanaw, woro wee wi dulunyanw syɛ̀ɛnnɛ myɛ fáana ni pùuní lè. A be wi yirige n wáa tári na ní wi tundunbèle ní.

Tɛ̀ɛnnɛ 13:8

Bele myɛ be nyɛ lè tári na, gee bee n jo syɔɔn o syɔɔn mɛ́ʔɛ gi nyɛ lè sìnzɛbɛ ni nlaa yaà dulunyanw sélimɛ na sìíw sɛ́bɛ ni wi nyɛ lè Bàpili ma, lee pe da kpóo lè, bele bee a ra yaweegi kpɔ̀ʔɔrɔ́.

Tɛ̀ɛnnɛ 20:3

Amɛɛ wi gi pwɔɔ lè, a wi gi wáa weecurugi ni, níì làkilew tɛ́ʔɛ n wéegi sɔ̀ʔɔ níì fɛ̀ɛ kpúmɔn gi na, koro ga pye yacobeegi a kɔ́ yiri gi ni bi ní da syɛɛnfeleyi fáana í, bi taa yɛ́ɛgèle saala kagunɔ í ba kwɔ́ɔ. Koro kàdoʔo ma pe a gi yirige yaʔa ki làla cɛɛri kwɔ́ɔ.

Tɛ̀ɛnnɛ 20:8

Wi si a kári sa tári kàbanya sicɛrɛ syɛɛnfeleye fáana, gee bee n joo Gɔgi, ní Magɔgi, jàngó bi be kpóʔoro kapɛɛnkpumɔnri kéele na. Pe n nɛʔɛ àmɛɛ sólomi lɔ́ʔɔ kàgomɔ táminyɔɔ nyɛ lè.