Kɔlɔsi ye 2:3 - Cebaara Bible 2010

³ woro wee ni lɔnɛʔɛri nyɛ lè làrama ni, ti lè sícilimi ní kérigèle cánna.

Kɔlɔsi ye 2:3 Iomraidhean Croise

1 Fànʔafɔbèle 3:28

Kútiiw fànʔafɔw ceri lè, a Isirayɛli ye myɛw wi kéeli lóʔo, a be i fɛ̀ɛgí fànʔafɔw na, níì cán pe n gi nyaa Kolocɔlɔɔ sícilimi i nyɛ wi ma bàā kútiiw kèlē cɔɔnri kányɛɛgi na.

Zyɔbi 28:21

Pi n làra sìi yáriri myɛ na. Pi n làra féjɛɛngèle na ke yìrigí lè ǹjogi ni.

Kàseegèle 2:4

mɔ ga ni li caa àmɛɛ wálifiio nyɛ lè, ni li caa ní kɔ̀rɔsíi ní àmɛɛ lɔrɔ nyɛ lè,

Ezayi 11:2

Yawe Pǐli a tɛ́ɛn wi na, li lè sícilimi, ní kérigèle cánna Pile, ní yarili, ní fǎngi Pìle, ní cánni, ní Yawe yɛ́ɛgi fyáara Pile.

Ezayi 40:14

Wìí syɔ́ɔn wi yíbe jàngó woro i tamana taa wi ma? Wìí syɔ́ɔn wi wi tama kányɛɛgi kólogo na? Wìí wi wi tama sícilimi na, níì cánni kólogo tɛ̀ɛn wi na?

Matye 10:26

«Koro na ki ga yɛlɛ yele í da fɛ̀ɛgí be na í. Níì cán yárigee gi lè wodɔngɔ ní, ki a kɔ́ kòro sìndɛ̀ɛn ni í, wàlá ki ga pye wolaraga ní, ki a kɔ́ kòro sìnján ni í.

Luki 11:49

Koro na Kolocɔlɔɔ Sícilimi wɔ́ɔ̀ gi joo níì jo: ‹Mii a ra kanyaajoobéle ní pìitunbéle tungu be ma. Pe a sa ra bele bee pèle kúu, sáā pèle wɔʔɔ.›

Wɔrɔmi ye 11:33

Ee, Kolocɔlɔɔ lɔ́ri, ní wi sícilimi n tɔ̀nɔ n nɛʔɛ gbanʔama, gee wi cán lè, láʔala o nyɛ gi na í! Syɔɔn sícilimi a gbǎn wi kérigèle cɔɔnriganma ní wi kakɔrirɔgèle cán í.

1 Korɛnti ye 1:24

kàjáa bele myɛ Kolocɔlɔɔ nyɛ́nɛ n wòlo lè Zyefubèle yoo, Girɛkibèle yoo, Kirisi i nyɛ bele bee ma Kolocɔlɔɔ séew ní Kolocɔlɔɔ sícilimi.

1 Korɛnti ye 1:30

Kolocɔlɔɔ bárigaw ni yele nyɛ Kirisi Zyezu ni, woro Kolocɔlɔɔ kpéʔele wolo ma sícilimi, ní sínni, ní jéemununi, ní syɔɔli,

Efɛzi ye 1:8

Wi n kpɔ́ʔɔri bee kaan wolo ma wonɛʔɛrɛ ní, sícilimi, ní kérigèle cánna myɛ fúngo ni.

Kɔlɔsi ye 1:19

Níì cán kánmee na Kolocɔlɔɔ nyɛ lè, ki n wi dɛ́nɛ, a wi kánmi bee myɛ yaʔa bi kòro woro Jáaw ni.

Kɔlɔsi ye 1:28

Kirisi kéeli wolo nyuu ní i syɛ́ɛnbèle myɛ sàmí, ní i pe myɛ tama sícilimi myɛ ni, koro ga pye wolo í gbǎn pe myɛ nibin nibin tɛ̀ɛn Kolocɔlɔɔ na be pye wozinvorobéle ní Kirisi ni.

Kɔlɔsi ye 1:9

Gee bee na nlaa cángee na wolo yele kéeli lóʔo lè, a wolo wɔ́ɔ̀ kòro ni Kolocɔlɔɔ nyɛ́ɛri yele kéeli na sìnlaʔa ni, wolo i wi nyɛ́ɛri koro ga pye Pìicǎnni sícilimɛ ní li kérigèle cánna myɛ í yele fúnyi nyìn, jàngó yele í Kolocɔlɔɔ nyɛ́nɛ kéeli fílige cán.

Kɔlɔsi ye 3:16

Yé Kirisi syɛ́ɛnri yaʔa di tɛ́ɛn yele fúnyi ni saʔa, yáā yeyɛɛ dama, yáā yeyɛɛ kɛɛlɛ sícilimi myɛ ni ní Kolocɔlɔɔ yɛ́ɛgi fyáara ŋúnuyo, ní Kolocɔlɔɔ kpɔ̀ʔɔrɔli ŋúnuyo, ní Kolocɔlɔɔ kôdanʔari ŋúnuyo ní. Yaa ŋúu yáā bariga kaangi Kolocɔlɔɔ ma ní yele fúnyi myɛ ní.

Kɔlɔsi ye 3:3

Níì cán yele n kùu, á yele sìíw si i nyɛ làrama ni ní Kirisi ní, Kolocɔlɔɔ ni.

2 Pyɛri 1:5

Gee bee na gi yɛlɛ yele í ŋàʔana bi lòmaana le si nàʔajànma fàra yele tágali na, si cánna fàra nàʔajǎnmi na,

Tɛ̀ɛnnɛ 2:17

Dee Pìicǎnni nyuu Egilizibèle ma lè, líiweele ga pye wee na lè, wi líiyi cáan waa di lúro! Wee wi ga fànʔa taa lè, mii a mánɛ-làraɔ, ní kàdɛnɛviige kaan wee bee ma. Mɛ́ɛfɔngɔ i nyɛ kàdɛnɛgi bee na wozɛbɛgɛ ní, wàa faala ga mɛ́ɛgi bee cán í, kapye gi taafɔw ban í.›