Kɔlɔsi ye 2:2 - Cebaara Bible 2010

² koro ga pye bi be kɛɛlɛ, pé tan peyɛɛ na tàmagi ni, pé Kolocɔlɔɔ kéeli cán bi fílige si tága li na, koro si pye be ma àmɛɛ lɔnɛʔɛrɛ nyɛ lè, pé wɔ́ɔ Kolocɔlɔɔ kalarali cán bi fílige, li lè Kirisi,

Kɔlɔsi ye 2:2 Iomraidhean Croise

1 Fànʔafɔbèle 3:28

Kútiiw fànʔafɔw ceri lè, a Isirayɛli ye myɛw wi kéeli lóʔo, a be i fɛ̀ɛgí fànʔafɔw na, níì cán pe n gi nyaa Kolocɔlɔɔ sícilimi i nyɛ wi ma bàā kútiiw kèlē cɔɔnri kányɛɛgi na.

Ŋúnuyi 133:1

Njogi lúgufɔɔlɔ ŋúnugo. Davidi wógi. Senyɛ̀nnɛ ga bɛ̀ɛ níì pínɛ n tɛ́ɛn, koro n nyɔɔ, ní i nyɛ kataanna!

Ezayi 32:17

Sínni kapyele li a pye yɛɛ̀nyingi, sínni fáli wi a pye ŋɔ́ndaali, ní sɔ̀ngumi tɛɛtaʔala làla o làla.

Ezayi 40:1

Ye mii syɛ́ɛnbèle kpɛʔɛlɛ, ye be kpɛʔɛlɛ, yele Kolocɔlɔw wi jo nya.

Ezayi 53:11

Wi fúngi wɔʔɔgɔ kadoʔo ma, gee wi a nyaa lè koro a wi yɛlɛ. Mii falipyew wi sín lè, wi a syɛɛnnɛʔɛmɛ kpéʔele syɛɛnsinbéle, wi cánni báriga ni pe a taa lè, si wi nyúngi le be kolomi kèlē láara ni.

Zyeremii 9:24

«Wéle, canyaa i maa,» Yawe wi jo nya, «yee ni mii a keele tɛ́ʔɛ kɛ́nɛkpeʔelebèle na, bele be lè kɛ́nɛkpeʔelebéle céri na yagana,

Matye 11:25

Lǎli bee ni a Zyezu fala n gi joo níì jo: «Mii i bariga kaangi mɔ ma, Abaa, mɔ wi lè nyɛ̀ʔɛni ní tári Kàfɔlɔ, níì cán mɔ n kérigèle naa làriga sícilibèle ní kacánbèle na, níì ge tɛ̀ɛn pìíbèle na.

Matye 11:27

Mii Tóow n yáriri myɛ le mii kɔ́yi ni. Wàa faala ga Jaafɔw cán n foro í, kapye Tofɔw ban í. Wàa faala si ga wɔ́ɔ̀ Tofɔw cán n foro í, kapye Jaafɔw ban í, ní wee na Jaafɔw caa bi wi tɛ̀ɛn lè, fwɔɔ woro.

Matye 13:11

A wi be yari: «Ki n kaan yele ma yele í nyɛ̀ʔɛni fànʔa kalaragēle cán, kàjáa ki ga kaan poro ma í.

Luki 1:1

Kérigèle gele ke da kpéʔele wolo níngi ni lè, syɛ̀ɛnnɛ saʔa n ge sɛ́bɛ,

Zyan 10:30

Mii Tóow ní mii ní wolo i nyɛ nibin.»

Zyan 10:38

Yele si ga gi cán ncan mii Tóow kapyegèlē mii kpéʔele, àlí ki ga pye yele a tága mii syɛ́ɛnri na í, ki n yɛlɛ ye tága gele bee na, koro ga pye yele í gi fílige cán bi cán Tofɔw i nyɛ mii ni, mii si wɔ́ɔ i nyɛ Tofɔw ni.»

Zyan 16:15

Gee myɛ gi nyɛ lè Tofɔw wóʔo, mii wóʔo wɔ́ɔ gii. Gee bee na mii jo li a ba ra mii tiimaa kérigèle lée bàā nyuu da fíligi yele ma.

Zyan 17:3

Pe ga mɔ cán ncan mɔ nibin wi nyɛ Kolocɔlɔw wodeleo, ní wɔ́ɔ̀ mɔ Tundunw cán wi lè Zyezu Kirisi, koro gi nyɛ be ma sìibangwɔɔw.

Zyan 5:17

Kàjáa a Zyezu be yari: «Mii Tóow sèʔé i báara n baa nan níjanʔa na, a mii wɔ́ɔ i báara.»

Zyan 5:23

koro ga pye syɛ́ɛnbèle myɛ í da Jaafɔw kpɔ̀ʔɔrɔ́, àmɛɛ be Tofɔw kpɔ̀ʔɔrɔ́ lè. Syɔ́ɔnwee ga pye lè wi o Jaafɔw kpɔ̀ʔɔrɔ́ í, wee bee wɔ́ɔ o Tofɔw kpɔ̀ʔɔrɔ́ í, woro wee wi Jaafɔw tun lè.

Zyan 6:69

Wolo n tɔ̀nɔ n tága gi na, ní wɔ́ɔ̀ gi cán ncan mɔ wi nyɛ Kirisi, wi lè Kolocɔlɔɔ syɛɛncanw.»

Kapyegèle 4:32

Syɛ́ɛnmi pi da tága lè, pi myɛ maa pye fungo nibin na, ní pìle nibin ni. Pe wàa faala da ni woro kɔ́lɔ yáriri córo woro nibin wóro í, níì cán pe maa be yáriri myɛ pye fòrobáa.

Wɔrɔmi ye 15:13

Kolocɔlɔwee wi nyɛ lè sɔ̀ngumi tɛɛtaʔaga kaanfɔlɔ, ki n yɛlɛ woro í yele fúnyi nyìn fundaanri myɛ ní fûnnyingi myɛ na tágali kólogo ni, koro ga pye kàa í da taari yele sɔ̀ngumi taʔala na Pìicǎnni fànʔa báriga ni.

Wɔrɔmi ye 16:25

Wee má séew nyɛ lè bi gbǎn yele kpéʔele yele í nìri lè bi yɛlɛ ní Syɛɛnjóocǎnri ní mii nyuu lè ni Zyezu Kirisi kéeli tèé, si wɔ́ɔ gbǎn yele kpéʔele yele í nìri bi yɛlɛ ní wi kalarali yirigele ní, lee wi da yaʔa làrama ni lè sáni dulunyanw í séli lè,

Wɔrɔmi ye 2:4

Wàlá àmɛɛ Kolocɔlɔɔ fúngi tɔ̀nɔ n nyɔɔ lè gbanʔama, á wi nyínimi ní wi kpàracogi wɔ́ɔ̀ nɛʔɛ lè, a koro jo lé mɔ o gee bee córo wii í láà? Mɔ ga gi cán ncan wi funjǎngi a gbǎn mɔ kàriga mɔ í kàdoʔo wáa mɔ kapeegèle ma ì?

1 Korɛnti ye 14:31

Níì cán yele myɛ nibin nibin a gbǎn ra kérigèle nyaagi da nyuu taʔalagèlē taʔalagèlē koro ga pye yele myɛ í tamana taa, sáā yeyɛɛ kɛɛlɛ.

1 Korɛnti ye 2:12

Pǐlee si wolo taa lè, dulunyanw naa wólo ban í, li n yìri Kolocɔlɔɔ ma, koro ga pye yáriree myɛ Kolocɔlɔɔ kaan wolo ma lè kpɔʔɔrɔ, wolo í toro cán.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Efɛzi ye 1:7

Woro ni wolo nyùnzyɔɔri taa wi sìsyaanw wolo báriga ni ti lè wolo kapeegèle kùsulugo syɔɔlɔ n yɛlɛ ní wi kpɔʔɔnɛʔɛri ní.

Efɛzi ye 3:16

Mii i wi nyɛ́ɛri jàngó wi Pǐli í fànʔa kaan yele ma yele í nìri yele fúnyi ni bi yɛlɛ ní wi nìjangbɔɔri lɔnɛʔɛrɛ ní,

Efɛzi ye 3:3

Yanyaʔa báriga ni mii kalarali bee cán n yɛlɛ ní gi ní àmɛɛ mii li sɛ́bɛ lè syɛɛnkanya cɛɛri ni.

Efɛzi ye 6:22

Kéeli bee tiimaa na mii wi tórigo yaà yele ma jàngó yele í wolo kérigèle cán, woro si wɔ́ɔ yele kɛɛlɛ.

Filipikaʔa ye 2:1

Gee bee na kapye yele n dɛ̀ɛmɛnɛ taa àmɛɛ yele nyɛ lè Kirisi ni, a wi tàmagi yele kɛɛlɛ, a yele wɔ́ɔ i nyɛ pínɛnyɛnnɛgɛ na Pìicǎnni ni, a tàmaga ní nyinimɛ wɔ́ɔ i nyɛ yele níngi ni,

Filipikaʔa ye 3:8

N fàra gee bee na, mii i kérigèle myɛ córo bɔ̀nɔ wòʔolo mii Kàfɔw Kirisi Zyezu cánni kéele na, lee li nyɔɔ n sɔ̀lɔ lè yáriri myɛ na. Woro kéeli na mii bɔ̀nɔ yáriri myɛ ni, ní i di córo kànyaʔara jàngó mii í Kirisi taa, wí pye mii tɔ̀nɔw,

Kɔlɔsi ye 1:26

Kolocɔlɔɔ maa syɛ́ɛnri bee làriga syɛ́ɛnbèle myɛ na nlaa yaà làridɔɔnnɔ ni, kàjáa tɔ́ɔliw ni wi n di tɛ̀ɛn wi syɛɛncanbèle na,

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

Kɔlɔsi ye 1:9

Gee bee na nlaa cángee na wolo yele kéeli lóʔo lè, a wolo wɔ́ɔ̀ kòro ni Kolocɔlɔɔ nyɛ́ɛri yele kéeli na sìnlaʔa ni, wolo i wi nyɛ́ɛri koro ga pye Pìicǎnni sícilimɛ ní li kérigèle cánna myɛ í yele fúnyi nyìn, jàngó yele í Kolocɔlɔɔ nyɛ́nɛ kéeli fílige cán.

Kɔlɔsi ye 2:19

Wi ga Kirisi cò gbanʔama í, wi lè nyǔngi, gee gi céri tɛ́ɛyɛ myɛ màko nyɔɔgi lè, níì yi sogi yiyɛɛ na yi tɛɛsogiyi ní kapanyi báriga ni, jàngó céri í da kpɔ́ʔɔgi bàā yɛlɛgi ní Kolocɔlɔɔ kínidɛnɛgi ní.

Kɔlɔsi ye 3:14

Gee si gi kpɔ́ʔɔ n sɔ̀lɔ lè ki myɛ na, koro gi nyɛ ye tàmaga le ní yeyɛɛ ní, tàmagi ki a yele pwɔɔ yeyɛɛ na bi foro.

Kɔlɔsi ye 4:3

Ki n yɛlɛ ye wɔ́ɔ yaa nyɛ́ɛri wolo kéeli na, koro ga pye Kolocɔlɔɔ í kpàánweele múgu wolo ma syɛ́ɛnri joolo kéele na, jàngó wolo í da Kirisi kalarali kéele nyuu, loro lee kéele na pe mii pwɔɔ lè,

Kɔlɔsi ye 4:8

Kéeli bee tiimaa na mii wi tórigo yaà yele ma, koro ga pye yele í wolo kérigèle cán, woro si wɔ́ɔ yele kɛɛlɛ.

1 Tesaloniki ye 1:5

Níì cán àmɛɛ wolo da kári yele ma lè ní Syɛɛnjóocǎnri ní, wolo da kári n sáà di joo yele ma yagana í, kàjáa wolo maa wɔ́ɔ̀ kári ní fǎngi, ní Pìicǎnni, ní tágadeeli ní, lee li kpɔ́ʔɔ lè. Kánmee na wolo da pye lè yele níngi ni yele nyɔɔmi kéele na, yele n gee bee cán.

1 Tesaloniki ye 3:2

níì Timɔte tun, wi lè wolo senyɛnw ní Kolocɔlɔɔ falipyenyɛnnɛ Kirisi Syɛɛnjóocǎnri joolo kéele na, wolo maa wi tun jàngó wi sa yele dɛ̀ɛmɛ yele í nìri, si yele kɛɛlɛ yele tágali kéele na,

1 Tesaloniki ye 5:14

Ni senyɛ̀nnɛ, wolo i yele nyɛ́ɛri níì jo, yaa sàlagafɔbèle sàmí, yáā fyáarafɔbèle zɔ̀nbēle nìrí, yé wɔ́ɔ yaa fànʔa-fùnvɔbèle tɔʔɔlɔ, yáā syɛ́ɛnbèle myɛ kpàracó.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

Heburubèle 10:22

Ki n yɛlɛ wolo í nùuni Kolocɔlɔɔ na ní funjànya ní, bi fàra tágala na, lee li sámaga n kpɔ́ʔɔ lè, wo nùuni wi na ní fúnyi ní, yee Kàfɔw nyari nyari ní wi sìsyaanw ní lè n sɔ̀ngubeeri yirige yi ni, ní céri ní be jée n mùnu ní lòcànga ní lè.

Heburubèle 6:11

Wolo si i caa yele myɛ nibin nibin í pínɛ da ŋàʔaná gbanʔama bi taa sa nan ki kwɔ́ɔmi na, jàngó gee na yele yele sɔ̀ngumi taʔa lè, yele í ki myɛ taa.

2 Pyɛri 1:10

Koro na ni senyɛ̀nnɛ, kéelee na Kolocɔlɔɔ yele yeri lè, ní wɔ́ɔ̀ yele nyɛ́nɛ n wòlo lè, ye sèʔé yaa ŋàʔaná ye kéeli bee sámaga ye cò cama, yele ga ni gee bee kpéʔele, yele a tée kpírige too nyáana í.

2 Pyɛri 1:3

Wi Kolocɔlɔmi séekpɔɔɔ n wolo kaan a wolo wi cán, á koro wolo kaan a wolo sìíw kèlē myɛ, ní Kolocɔlɔɔ yɛ́ɛgi fyáara woʔolo myɛ taa, woro wee wi wolo yeri lè wi tiimaa nìjangbɔɔri, ní wi nyɔɔ-mí-foroli báriga ni.

2 Pyɛri 3:18

Kàjáa ki n yɛlɛ ye gi yaʔa kàa í da taari yele na kpɔ́ʔɔri ni, ní Zyezu Kirisi cánni ni, wi lè wolo Kàfɔw ní wolo Syɔɔfɔw. Woro na nìjangbɔɔri yɛlɛ tɔ́ɔliw ni, ní làrigèle myɛ ni bi taa kwɔ́ɔmɔ fun cángi í ba nan!

1 Zyan 3:19

Kánmi bee na wolo a gi cán wolo i nyɛ kányɛɛgi wòolo, wolo fúnyi si wɔ́ɔ nyíngi Kolocɔlɔɔ yɛ́ʔɛ ma.

1 Zyan 5:7

Bele be gi séeraw kpéʔele lè pe i nyɛ taanri.