Kɔlɔsi ye 2:1 - Cebaara Bible 2010

¹ Mii i caa yele í gi cán kánmee na mii kapɛɛnni kpúmɔn lè gbanʔama yele, ní Lawodise ye kéeli na, n fàra bele myɛ na be nyɛ lè pe ga kɔ́ɔ̀ mii tiimaw nyaa í,

Kɔlɔsi ye 2:1 Iomraidhean Croise

Sélimɛ 30:8

A Arasyɛli jo: «Mii n gbɛ̀ɛgbàɔn cò ní mii yɛʔɛfɔw ní, a mii fànʔa taa wi na.» A wi pìíw mɛ́ʔɛ le ni wi yiri Nɛfitalii.

Luki 22:44

Amɛɛ wi wɔʔɔ ni caanri fúngi ni lè, a wi ní i nyɛ́ɛri ní lòmaana ní n sɔ̀lɔ, a kakpegi wi wo fwɔɔ n baa pye mɔ a jo sìsyaan wii, ni sɔlɔ ni ŋuu tári na.]

Kapyegèle 20:25

Ye wéle, yele bele myɛ nínge ni mii nyaari n sɔ̀lɔ lè ni Kolocɔlɔɔ fǎngi kèlē nyuu yele ma, tɔ́ɔliw ni mii n gi cán yele wàa a ní mii yɛ́ɛgi nyaa í.

Kapyegèle 20:38

Amɛɛ wi da jo lè pe a ní woro yɛ́ɛgi nyaa í, gee bee na pe yɛ́ɛyi da tanʔa n sɔ̀lɔ. Koro kàdoʔo ma a be sáà wi tórigo bàtow ma.

Galasi ye 4:19

Mii pìíbèle, àmɛɛ fícɛnnɛ gáā fícɛnnɛfɔlɔ yáa lè, ànbée yele kéeli ní i mii yáa mii fúngi ni kavɔn, fwɔɔ bi taa Kirisi í tɛɛ̀tɛ́nɛgɛ wòlo yele fúnyi ni.

Filipikaʔa ye 1:30

Kapɛɛnni wonijanna yele kpúmɔn, lee yele da mii nyaa mii i kpúmɔn lè, níì gi lóʔo mii sèʔé i nyɛ li na fwɔɔ n baa nan níjanʔa na.

Kɔlɔsi ye 1:24

Mii i fundaanra kpéʔele tɔ́ɔliw ni àmɛɛ mii fɔ̀rɔgí lè yele kéeli na, àmɛɛ Kirisi da ni wɔʔɔ lè, gee gi sèʔê fɔ̀n lè wɔʔɔyi bee ni, mii i gee bee forogi wi céri kéele na di lè Egiliziw, àmɛɛ mii fɔ̀rɔgí lè mii céri ni.

Kɔlɔsi ye 1:29

Gee bee na mii ŋàʔaná ni báara ni yɛlɛgi ní wi fǎngi ní gi báara mii ni lè gbanʔama.

Kɔlɔsi ye 2:5

Alí n gi yaʔa mii o yaà ní yele ní céri kàbaan na í, ye gi cán mii sɔ̀nguri i yaà ní yele ní. Amɛɛ mii gi nyaa lè yele tánʔaganmi n nyɔɔ, á yele tágali báriga Kirisi ni, mii i fundaanra kpéʔele gee bee na.

1 Tesaloniki ye 2:2

Kàjáa yele n gi cán àmɛɛ pe da wolo wɔʔɔ níì wolo tɛʔɛlɛ lè Filipikaʔa ni, koro kàdoʔo ma a wolo sèʔê soro wolo Kolocɔlɔw báriga ni n ba ni wi Syɛɛnjóocǎnri nyuu yele ma kàsiikpɔɔw nínge ni.

Heburubèle 5:7

N Kirisi yaʔa sìi na wi céri ni, wi maa Kolocɔlɔɔ nyɛ́ɛri gbanʔama, níì gi cán wi a gbǎn woro syɔɔ kùúw ma. Wi maa wi nyɛ́ɛri ní yákpowáara, ní nyatinmɛ ní, a Kolocɔlɔɔ wi nyɛ́ɛrigi lóʔo àmɛɛ wi fɛ̀ɛgí lè woro na.

1 Pyɛri 1:8

Yele ga kɔ́ɔ̀ wi nyaa í, ní si tàmaga le ní wi ní. Yele o wi nyaagi tɔ́ɔliw ni í, kàjáa àmɛɛ yele tága lè wi na, a yele i muguri fundaangbɔɔri báriga ni, dee di nyɛ lè nìjanra wóro, syɔɔn si a wɔ́ɔ gbǎn di kacánmi joo tɛ̀ɛn bi kwɔ́ɔ í,

Tɛ̀ɛnnɛ 1:11

a li jo: «Gee mɔ nyaagi lè, ki sɛ́bɛ sɛ́bɛ ni mi tórigo Egilizibèle kɔrɔsiin ma be nyɛ lè Efɛzi, ní Simiirini, ní Pɛrigami, ní Tyatiiri, ní Saridi, ní Filadelifii ni n fàra Lawodise na.»