Kɔlɔsi ye 1:9 - Cebaara Bible 2010

⁹ Gee bee na nlaa cángee na wolo yele kéeli lóʔo lè, a wolo wɔ́ɔ̀ kòro ni Kolocɔlɔɔ nyɛ́ɛri yele kéeli na sìnlaʔa ni, wolo i wi nyɛ́ɛri koro ga pye Pìicǎnni sícilimɛ ní li kérigèle cánna myɛ í yele fúnyi nyìn, jàngó yele í Kolocɔlɔɔ nyɛ́nɛ kéeli fílige cán.

Kɔlɔsi ye 1:9 Iomraidhean Croise

Ŋúnuyi 119:99

Mii n cánna taa n sɔ̀lɔ mii tamafɔbèle myɛ na, níì cán mii i sɔ̀ngí mɔ kajoogèle na.

Ŋúnuyi 143:10

Mii tama mii í da mɔ nyɛ́nɛ kérigèle kpéʔele! Níì cán mɔ wi nyɛ mii Kolocɔlɔw. Ki n yɛlɛ mɔ Piicanni í mii yɛ́ɛgi kíni kôzingi ni!

Zyan 7:17

Syɔ́ɔnwee faala wi ga ni caa bàā Kolocɔlɔɔ nyɛ́nɛ kérigèle kpéʔele lè, wee bee a tɔ̀nɔ́ gi cán kapye Kolocɔlɔɔ syɛ́ɛnri na mii syɛ́ɛnbèle tama, wàlá kapye mii fúngi syɛ́ɛnrɛ na mii be tama.

Kapyegèle 12:5

N Pyɛri yaʔa kàsow ni, a Egiliziw i Kolocɔlɔɔ nyɛ́ɛri wi kéeli na.

Wɔrɔmi ye 12:2

Ki ga yɛlɛ yele í ní da dulunyanw naa syɛ̀ɛnnɛ tɛ́ɛlɛ í, kàjáa ki n yɛlɛ yele í yele fúnyi kàriga si fàli, koro ga pye yele í Kolocɔlɔɔ nyɛ́nɛ kéeli sámaga cán, lee li nyɔɔ n foro lè, níì Kolocɔlɔɔ dɛ́nɛ.

1 Korɛnti ye 1:5

woro ni wi yele kpɔ́ʔɔ ní yáriri myɛ ní, n fàra syɛɛnjóori myɛ, ní sícilimi myɛ na.

Efɛzi ye 1:8

Wi n kpɔ́ʔɔri bee kaan wolo ma wonɛʔɛrɛ ní, sícilimi, ní kérigèle cánna myɛ fúngo ni.

Efɛzi ye 5:10

Ki n yɛlɛ yaa kérigèle sɛʔɛ bàā Kàfɔw kanidaangéle cángi.

Efɛzi ye 5:17

Gee bee na ki ga yɛlɛ yele í pye kanaa-sìnjánbéle í, kàjáa ki n yɛlɛ yele í da Kàfɔw nyɛ́nɛ kèlē cángi.

Efɛzi ye 6:6

Ki ga yɛlɛ yele í da báara pe nyaani yagana kéele na í, ki pye mɔ a jo syɛ́ɛnbèle kanidaangéle yele kpéʔele í, fwɔɔ gi pye àmɛɛ yele nyɛ lè Kirisi púlobéle ni Kolocɔlɔɔ nyɛ́nɛ kéeli kpéʔele ní yele fúnyi myɛ ní.

Filipikaʔa ye 1:4

Mii i nyɛ́ɛri làla o làla ní fundaanra ní mii nyɛ́ɛriyi myɛ ni yele myɛ kéeli na,

Kɔlɔsi ye 1:6

Syɛɛnjóocǎnri bee n nan yele na, àmɛɛ di wɔ́ɔ̀ nan lè dulunyanw tɛ́ɛyɛ myɛ na. Ti i yasanra sangi ní i caragi dulunyanw tɛ́ɛyɛ myɛ ni, àmɛɛ di wɔ́ɔ̄ gi kpéʔele lè yele níngi ni, nlaa cángee na yele sélì Kolocɔlɔɔ kpɔ́ʔɔri kéele lóʔo lè níì di cán n fílige kányɛʔɛ ni.

Kɔlɔsi ye 3:16

Yé Kirisi syɛ́ɛnri yaʔa di tɛ́ɛn yele fúnyi ni saʔa, yáā yeyɛɛ dama, yáā yeyɛɛ kɛɛlɛ sícilimi myɛ ni ní Kolocɔlɔɔ yɛ́ɛgi fyáara ŋúnuyo, ní Kolocɔlɔɔ kpɔ̀ʔɔrɔli ŋúnuyo, ní Kolocɔlɔɔ kôdanʔari ŋúnuyo ní. Yaa ŋúu yáā bariga kaangi Kolocɔlɔɔ ma ní yele fúnyi myɛ ní.

Kɔlɔsi ye 4:12

Epafirasi n yele syáanri wi nyɛ lè yele wówaa ní i nyɛ Kirisi Zyezu púlo, wi i nyɛ́ɛri ní lòmaana ní yele kéeli na làla o làla, koro ga pye yele í sámaga yére kòro wozinvorobéle ní si Kolocɔlɔɔ nyɛ́nɛ kéeli sámaga cán bi foro.

Kɔlɔsi ye 4:5

Ki n yɛlɛ yaa táanri sícilimɛ ni kàfugi wòolo kabaan na, yé lǎli còganma cán.

1 Tesaloniki ye 1:3

Wolo i sɔ̀ngí ni taagi yele kéeli na làla o làla wolo Tóow Kolocɔlɔɔ nyɛ́nɛ na, àmɛɛ yele báara lè tágali ní tàmagi báriga ni, ní àmɛɛ yele kpàracogi kpéʔele lè yele sɔ̀ngumi taʔala báriga ni wo Kàfɔw Zyezu Kirisi na.

1 Tesaloniki ye 5:17

Ye a kɔ́ láʔa Kolocɔlɔɔ nyɛ́ɛrigi na í.

2 Tesaloniki ye 1:11

Gee bee na wolo tɔ̀nɔ́ i nyɛ́ɛri làla o làla yele kéeli na, koro ga pye wolo Kolocɔlɔw í yele córo yele n yɛlɛ ní woro kayeli ní, sáā yele nyɔɔmi caala, ní yele tágali fáli myɛ forogi wi fǎngi báriga ni.

Filemɔn 1:4

Mii i bariga kaangi mii Kolocɔlɔw ma làla o làla, ní i mɔ mɛ́ɛgi yiri mii nyɛ́ɛriyi ni.

Filemɔn 1:6

Mii i wi nyɛ́ɛri koro ga pye pínɛnyɛnnɛgi ni wo nyɛ lè tágali báriga ni, gee bee í gi kaan mɔ í dùbaw myɛ cán, wee wolo taa lè Kirisi ma.

Heburubèle 10:36

Ki n yɛlɛ yele í da kpàracogo kpéʔele koro ga pye yele í Kolocɔlɔɔ nyɛ́nɛ kéeli foro, koro kàdoʔo ma, gee nyɔ́ɔ wi fàli yele ma lè, yele si náa gi taa àmɛɛ wi syɛɛnsɛbɛri gi joo lè níì jo:

Heburubèle 13:21

ki n yɛlɛ wi fànʔa kaan yele ma jàngó yele í gbǎn ra kapyejǎngèle féleye myɛ kpéʔele bi yɛlɛ ní wi nyɛnɛ kéeli ní, si wɔ́ɔ wi kanidaanni kpéʔele wolo fúnyi ni Zyezu Kirisi bárigaw ni, woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!

Zyaki 1:5

Kapye sícilimɛ n fɔ̀n yele wàa ma, ki n yɛlɛ wi bi nyɛ́ɛri Kolocɔlɔɔ ma, wi a bi kaan wi ma, níì cán woro wi syɛ́ɛnbèle myɛ kaangi saʔa, wi si o fúlo wi nyɛ́ɛrifɔbèle na í.

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

1 Pyɛri 2:15

Níì cán gee gi nyɛ lè Kolocɔlɔɔ nyɛ́nɛ kéeli, koro gi nyɛ yele í da kapyejàngèle kpéʔele bàā nilabalabèle nyɔ́ɔyɔ tɔ́ngi, poro bele be kanaa-sìnjánmi jóomɔ nyuu lè,

1 Pyɛri 4:2

koro ga pye lǎlee li kòro wi kwɔ́ɔ lè sìi na dulunyanw ni, wi a ní kɔ́ kòro bàā syɛ́ɛnbèle ki laànitaʔa kele kpéʔele lǎli bee ni í, fwɔɔ Kolocɔlɔɔ nyɛ́nɛ kérigèle.

1 Zyan 2:17

Dulunyanw si i kwóo ni syée ní wi laànitaagi yárira myɛ ní. Kàjáa wee wi Kolocɔlɔɔ nyɛ́nɛ kérigèle kpéʔele lè, wee bee a kòro sìi na làla o làla.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.