Kɔlɔsi ye 1:6 - Cebaara Bible 2010

⁶ Syɛɛnjóocǎnri bee n nan yele na, àmɛɛ di wɔ́ɔ̀ nan lè dulunyanw tɛ́ɛyɛ myɛ na. Ti i yasanra sangi ní i caragi dulunyanw tɛ́ɛyɛ myɛ ni, àmɛɛ di wɔ́ɔ̄ gi kpéʔele lè yele níngi ni, nlaa cángee na yele sélì Kolocɔlɔɔ kpɔ́ʔɔri kéele lóʔo lè níì di cán n fílige kányɛʔɛ ni.

Kɔlɔsi ye 1:6 Iomraidhean Croise

Ŋúnuyi 110:3

Mɔ syɛ́ɛnbèle tɔ̀nɔ́ i cángi sige, gee ni mɔ a mɔ kapɛɛnkpumɔnbèle kpóʔoro lè, fèreri yacanvororo si pye be na nyǐnjerigi na. Mɔ wojáribèle i maa àmɛɛ nyǐnjerige kásaga nyɛ lè!

Ŋúnuyi 98:3

Wi n sɔ̀ngi n taa wi funjǎngi ní wi kányɛɛgi na Isirayɛli kpáagi wòolo ma, tári láʔagéle myɛ wòolo n syɔɔli nyaa, lee wolo Kolocɔlɔw kaan lè.

Matye 24:14

Syɛɛnjóocǎnri naa di nyɛ lè fǎngi wóro, ti a kɔ́ ba joo dulunyanw tɛ́ɛyɛ myɛ ni bi pye syɛɛnfeleyi myɛ ma séera, gi kwɔ́ɔmi si náa ba nan.

Matye 28:19

Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na,

Mariki 16:15

Lǎli bee ni a Zyezu gi joo be ma níì jo: «Yaa syée dulunyanw tɛ́ɛyɛ myɛ ni ye sa ra Syɛɛnjóocǎnri nyuu syɛ́ɛnbèle myɛ ma.

Mariki 4:8

A dee too tácànra tɛ́ʔɛ ni, a toro fìin n baa tɔnɔ, ní baa san n taa, tàa toko ní kpɔrigɔ, tàa togoye taanri, tàa dabata.

Zyan 15:16

Yele ban ye mii nyɛ́nɛ n wòlo í, kàjáa mii tiimaa wi yele nyɛ́nɛ n wòlo, níì yele télege, jàngó yele í da syée bi sa ra sangi, yele yasanri si kòro beè, koro ga pye yele ga yárigee faala nyɛ́ɛri Tofɔw ma mii mɛ́ɛgi na lè, wi a gi kaan yele ma.

Zyan 17:19

Mii i niyɛɛ zámagi ni yaari mɔ ma be kéeli na koro ga pye mɔ í wɔ́ɔ ra be sámagi da yaari miyɛɛ ma kányɛɛgi báriga ni.

Zyan 4:23

Kàjáa làlaa i maa, li si n nan n kwɔ́ɔ, bele be nyɛ lè Kolocɔlɔɔ kpɔ̀ʔɔrɔfɔ-dèlebèle, poro a ra Tofɔw Kolocɔlɔɔ kpɔ̀ʔɔrɔ́ pǐli ní kányɛɛgi na. Níì cán kpɔ̀ʔɔrɔfɔbèle bee félege Tofɔw caa paa woro kpɔ̀ʔɔrɔ́.

Kapyegèle 11:18

Lǎli ni pe syɛ́ɛnri bee lóʔo lè, a be fúnyi nyíngi be na, a be i Kolocɔlɔɔ kpɔ̀ʔɔrɔ́ níì jo: «Jàʔá Kolocɔlɔɔ n gi yaʔa syɛɛnfeleyi í wɔ́ɔ ra kàdoʔo wáa yi kapeegèle ma koro ga pye yi sìíw taa.»

Kapyegèle 12:24

Kàfɔw syɛ́ɛnrɛ si maa ni jáari ni syée yɛʔɛ̀ ma, a kàa i fàrá di na.

Kapyegèle 16:14

Cewaa maa pye yaà be ni Tyatiiri ye wóo, wi maa ni fɛ̀ɛgí Kolocɔlɔɔ na pe i wi yiri Lidii. Wi maa pye fàninyɛɛɔn párafɔlɔ. Woro maa wi líiyi cáan ni Pɔli syɛ́ɛnri lúro, a Kàfɔw wi fúngi múgu, koro ga pye wi tága di na si di cò.

Kapyegèle 26:18

Mii a mɔ tun be ma mɔ í sa be nyapiigèle paʔala, koro ga pye pe yiri yébilimi ni bi jée gbɛ̀ɛ́nmi ni, pé wɔ́ɔ kàdoʔo wáa Sutanaw fànʔa ma si kàri Kolocɔlɔɔ ma, koro ga pye wi be kapeegèle kùsulugo syɔɔ, pé wɔ́ɔ pínɛ kɔ́rigi taa ní syɛ́ɛnbèle ní, bele Kolocɔlɔɔ sámaga n yaʔa wiyɛɛ ma lè, àmɛɛ be tága mii na lè.›

Wɔrɔmi ye 1:13

Ni senyɛ̀nnɛ, mii i caa yele í gi cán mii maa tée ni sɔ̀ngí gi na tɔlɔyɔ saʔa bi kári yaà yele ma koro ga pye mii í yasanra taa yele ni, àmɛɛ mii wɔ́ɔ̄ di taagi lè syɛɛnfeleyaa nínge ni. Kàjáa kérigèle kèle i mii sígi ni yéregi fwɔɔ n baa nan níjanʔa na.

Wɔrɔmi ye 15:19

Kirisi n gee bee myɛ kpéʔele fɛ̀ɛ́bèle ní kakpoloyi báriga ni, ní Pìicǎnni báriga ni fwɔɔ n taa a mii wi Syɛɛnjóocǎnri joo n foro tɛ́ɛyi myɛ ni nlaa Zyerusalɛmi ma n taa n sáà nan Ilirii na.

Wɔrɔmi ye 15:28

Mii ga kpɔ́ʔɔri bee fáli kpéʔele n di le be kɔ́yi ni n kwɔ́ɔ lǎli ni lè, mii a sɔ̀lɔ yaà yele ma si náa kári Ɛsipanyi ma.

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

2 Korɛnti ye 10:14

Kányɛʔɛ na àmɛɛ wolo nan yaà lè yele na, wolo ga sɔ̀lɔ wolo fáliw tɛɛ̀laʔala na í. Níì cán wolo wo da sélì Kirisi Syɛɛnjóocǎnri joo fwɔɔ n sáà nan yaà yele na.

2 Korɛnti ye 6:1

Amɛɛ wolo nyɛ lè Kolocɔlɔɔ falipyenyɛ̀nnɛ, wolo i yele nyɛ́ɛri níì jo kpɔ́ʔɔri yele taa wi ma lè, yele a kɔ́ dee bee yaʔa di pye yele ma gbanzan í.

Efɛzi ye 3:2

mii i gi sɔ̀ngí yele n gi lóʔo n kwɔ́ɔ àmɛɛ Kolocɔlɔɔ wi kpɔ́ʔɔri kàlifáa mii ma lè yele kéeli na.

Efɛzi ye 4:21

Kapye yele n Zyezu syɛ́ɛnri lóʔo kányɛʔɛ ni, á wi yele tama n yɛlɛ ní kányɛɛgi ní ki nyɛ lè woro ni,

Efɛzi ye 4:23

yé yele pìígèle ní yele fúnyi yaʔa yi kàri wovɔnyɔ ní,

Efɛzi ye 5:9

Níì cán gbɛ̀ɛ́nmi yasanra di nyɛ funjǎnyi féleye myɛ n fàra sínni, ní kányɛɛgi féleye myɛ na.

Filipikaʔa ye 1:11

Zyezu Kirisi si yele fúnyi nyìn kasinbyeri na, koro ga pye nìjanri ní kpɔ́ʔɔri sáā taari Kolocɔlɔɔ na.

Filipikaʔa ye 4:17

Ki o nyɛ mɔ a jo yakaangaa mii ní i caa í, kàjáa mii i caa Kolocɔlɔɔ í da kàa fàrá yele wógi na.

Kɔlɔsi ye 1:10

Ki ga pye nya, kánmee na Kàfɔw caa yele í da táanri lè, yele a gbǎn ra táanri kánmi bee na, yele kérigèle myɛ sáā wi dàán, yele sáā yasanra sangi kapyejǎngèle myɛ ni, kàa sáā fàrá yele na Kolocɔlɔɔ cánni kàbaan na.

Kɔlɔsi ye 1:23

ní yele ga tɛ́nɛ̀ kòro tágali ni níì yeyɛɛ daʔa li na níì nìrimɛ le, yele si ga wɔ́ɔ̀ láʔa sɔ̀ngumi tɛɛtaʔaga na í, gee yele taa lè Syɛɛnjóocǎnri ni yele lóʔo lè í, toro dee di joo syɛ́ɛnbèle myɛ ma lè dulunyanbo, a mii Pɔli tiimaa wɔ́ɔ baa pye ti joofɔwaa.

1 Tesaloniki ye 1:5

Níì cán àmɛɛ wolo da kári yele ma lè ní Syɛɛnjóocǎnri ní, wolo da kári n sáà di joo yele ma yagana í, kàjáa wolo maa wɔ́ɔ̀ kári ní fǎngi, ní Pìicǎnni, ní tágadeeli ní, lee li kpɔ́ʔɔ lè. Kánmee na wolo da pye lè yele níngi ni yele nyɔɔmi kéele na, yele n gee bee cán.

1 Tesaloniki ye 2:13

Gee bee na wolo wɔ́ɔ i bariga kaangi Kolocɔlɔɔ ma sìnlaʔa ni, níì cán lǎli ni yele Kolocɔlɔɔ syɛ́ɛnri lóʔo wolo ma lè níì yére di ni, a yele di sámaga n cò, níì gi cán ti i nyɛ Kolocɔlɔɔ wóro kányɛʔɛ ni, syɔɔn wóro ban í, toro si di wɔ́ɔ̄ báara yele ni, yele bele ye tága lè.

2 Tesaloniki ye 2:13

Ni senyɛ̀nnɛ, wolo n yɛlɛ bàā bariga kaangi Kolocɔlɔɔ ma làla o làla yele kéeli na, yele bele ye nyɛ lè Kàfɔw syɛɛn-nidaanmabéle, níì cán Kolocɔlɔɔ maa téè yele nyɛ́nɛ n wòlo nlaa yaà làrizelili ni, jàngó yele í ba syɔɔli taa, wi maa gi cán Pìicǎnni a ba yele jée mùnu, yele si wɔ́ɔ tága kányɛɛgi syɛ́ɛnrɛ na.

1 Pyɛri 5:12

Silivɛn wi nyɛ lè mii ma tágala senyɛnnɛ, woro wi mii dɛ̀ɛmɛ n syɛ́ɛnri naa cɛɛri sɛ́bɛ mii ma mii í di tórigo yele ma, jàngó bi lòmaana lége yele ni, si gi séeraw kpéʔele yele ma si jo: dee naa di nyɛ Kolocɔlɔɔ kpɔ́ʔɔri wodelere. Ye di sámaga ye cò.