Kɔlɔsi ye 1:5 - Cebaara Bible 2010

⁵ Gee bee n taa yele sɔ̀ngumi tɛɛtaʔaga báriga ni, gee gi nyɛ lè wogɔngɔ ní yele ma nyɛ̀ʔɛni na, kányɛɛgi syɛ́ɛnrɛ ti lè Syɛɛnjóocǎnri, toro di baa sɔ̀ngumi bee tɛɛtaʔaga tɛ̀ɛn yele na lǎli ni yele sélì di lóʔo lè.

Kɔlɔsi ye 1:5 Iomraidhean Croise

Ŋúnuyi 31:19

Jànvaafɔbèle nyɔ́ɔyɔ í tɔ́n, poro bele be nɛ̀ɛnyɛnɛgi syɛ́ɛnrɛ nyuu lè syɛɛnsinw kánma na ní kpɔɔmɔ, ní faʔara ní!

Luki 12:33

Ki n yɛlɛ yele í da yele kɔ́lɔ yáriri pára bàā foomɔfɔbèle kpɔ́ʔɔgi. Yaa wálile-yariya caa yaa yaari yeyɛɛ ma, yee yi lè yi a lɛɛ bi nyaa í, yáā lɔnaa-sìngwɔɔri kɔngi nyɛ̀ʔɛni na, beè gi nyɛ lè kàyuuo a gbǎn nan di na í, dɔnnɔ si a wɔ́ɔ di kálagi í.

Kapyegèle 10:36

Wi n wi syɛ́ɛnri tórigo Isirayɛli ye yòdaʔayi ma, di lè yɛɛ̀nyingi syɛɛnjóocànra dee wi joo lè wo ma Zyezu Kirisi bárigaw ni, woro wee wi nyɛ lè syɛ́ɛnbèle myɛ Kàfɔlɔ.

Kapyegèle 13:26

Ni senyɛ̀nnɛ, yele bele ye nyɛ lè Abirahami yòdaʔayi, n fàra yele bele na ye wɔ́ɔ̄ fɛ̀ɛgí lè Kolocɔlɔɔ na, ye gi cán wolo má pe da syɛ́ɛnri naa tórigo di nyɛ lè syɔɔli wóro.

Kapyegèle 23:6

Amɛɛ Pɔli gi cán lè syɛ́ɛnbèle bee pèle i nyɛ Sadusebéle, pèle si i nyɛ Farisibéle, a wi yákpoli wáa Sanedirɛnw nínge ni níì jo: «Ni senyɛ̀nnɛ, mii i nyɛ Farisio, ní wɔ́ɔ i nyɛ Farisibéle jáa. Amɛɛ mii mii sɔ̀ngumi taʔa kúbèle nyán-yirile kéele na lè, koro na kútiiw kúunri mii na.»

Kapyegèle 24:15

Mii n mii sɔ̀ngumi taʔa Kolocɔlɔɔ na, ní wɔ́ɔ̀ tága gi na ncan syɛɛnsinbèle ní syɛɛnnaa-sìnzinbèle a nyán yiri, gee poro tiimaa wɔ́ɔ i sige lè.

Wɔrɔmi ye 10:8

Nyàʔá si sínni syɛ́ɛnrɛ níì joo? Ti n jo: «Syɛ́ɛnri bee n nùuni mɔ na, ti i nyɛ mɔ nyɔ́ɔgi ni, ní mɔ fúngi ni.» Syɛ́ɛnri bee di nyɛ tágali syɛ́ɛnrɛ dee wolo nyuu lè.

1 Korɛnti ye 13:13

Kányɛʔɛ na yatɛɛyi naa taanri yi kòro, yoro yi nyɛ tágali, ní sɔ̀ngumi tɛɛtaʔaga, ní tàmagi ní. Kàjáa gee gi kpɔ́ʔɔ n sɔ̀lɔ lè, koro gi nyɛ tàmagi.

1 Korɛnti ye 15:19

Kapye dulunyanw naa yagana kéele na wolo wolo sɔ̀ngumi taʔa Kirisi na, wolo i nyɛ nyinimɛ wòolo ní n sɔ̀lɔ syɛ́ɛnbèle myɛ na.

2 Korɛnti ye 5:19

Níì cán Kolocɔlɔɔ maa pye Kirisi ni, ní i dulunyanw syɛ̀ɛnnɛ bɛ̀ɛgí ní wiyɛɛ ní, wi da ní ni be kapeegèle córo be kurugo í, wi si n bɛ̀ɛ́li bee tundunro kaan wolo ma.

2 Korɛnti ye 6:7

ní kányɛɛgi syɛ́ɛnrɛ, ní Kolocɔlɔɔ séew báriga ni n fàra sínni kapɛɛnkpumɔn-yárira na dee ní wolo kapɛɛnni kpúmɔn ni woyɛɛ zyoo nigoobèle ma lè.

Galasi ye 2:14

Kàjáa a mii ga gi nyaa pe o táanri ni yɛlɛgi ní kányɛɛgi ní ki nyɛ lè Syɛɛnjóocǎnri ni í, a mii gi joo Sefasi ma pe myɛ nyɛ́nɛ na níì jo: «Mɔ wi lè Zyefuo, mɔ si i táanri syɛɛnfeleyi tánʔaganma na níì Zyefubèle wómɔ yaʔa, mɛ̀ɛ́ gi nyɛ mɔ si i syɛɛnfeleyi ŋàʔaná yaa Zyefubèle kólogo táanri?»

Galasi ye 2:5

Wolo si ga fɔ̀lɔ pe syɛ́ɛnri na pe wolo kàriga làlaa faala ni í, wolo i caa kányɛɛgi ki nyɛ lè Syɛɛnjóocǎnri ni, gee bee í kòro yele ma gi kánmi na.

Galasi ye 5:5

Wolo si na, tágali ní Pìicǎnni báriga ni wolo sínni sige, sínlee na wolo wo sɔ̀ngumi taʔa lè.

Efɛzi ye 1:13

Kánmi bee na yele wɔ́ɔ baa yele sɔ̀ngumi taʔa wi na àmɛɛ yele kányɛɛgi syɛ́ɛnrɛ lóʔo lè, ti lè yele syɔɔli syɛɛnjóocànra, lǎli ni yele tága lè wi na, a Kolocɔlɔɔ wi fɛ̀ɛ́w taʔa yele na, fɛ̀ɛ́w bee wi nyɛ Pìicǎnni, lee nyɔɔfaliga Kolocɔlɔɔ da kpéʔele lè níì jo woro a li kaan,

Efɛzi ye 4:21

Kapye yele n Zyezu syɛ́ɛnri lóʔo kányɛʔɛ ni, á wi yele tama n yɛlɛ ní kányɛɛgi ní ki nyɛ lè woro ni,

Kɔlɔsi ye 1:23

ní yele ga tɛ́nɛ̀ kòro tágali ni níì yeyɛɛ daʔa li na níì nìrimɛ le, yele si ga wɔ́ɔ̀ láʔa sɔ̀ngumi tɛɛtaʔaga na í, gee yele taa lè Syɛɛnjóocǎnri ni yele lóʔo lè í, toro dee di joo syɛ́ɛnbèle myɛ ma lè dulunyanbo, a mii Pɔli tiimaa wɔ́ɔ baa pye ti joofɔwaa.

Kɔlɔsi ye 1:27

bele na wi da ni caa lè bi kalarali bee nìjanra kpɔ́ʔɔrɔ tɛ̀ɛn lè syɛɛnfeleyi nínge ni, kalarali bee li nyɛ àmɛɛ Kirisi nyɛ lè yele fúnyi ni, koro gi nyɛ nìjangbɔɔri sɔ̀ngumɔ tɛɛtaʔaga.

Kɔlɔsi ye 3:16

Yé Kirisi syɛ́ɛnri yaʔa di tɛ́ɛn yele fúnyi ni saʔa, yáā yeyɛɛ dama, yáā yeyɛɛ kɛɛlɛ sícilimi myɛ ni ní Kolocɔlɔɔ yɛ́ɛgi fyáara ŋúnuyo, ní Kolocɔlɔɔ kpɔ̀ʔɔrɔli ŋúnuyo, ní Kolocɔlɔɔ kôdanʔari ŋúnuyo ní. Yaa ŋúu yáā bariga kaangi Kolocɔlɔɔ ma ní yele fúnyi myɛ ní.

1 Tesaloniki ye 2:13

Gee bee na wolo wɔ́ɔ i bariga kaangi Kolocɔlɔɔ ma sìnlaʔa ni, níì cán lǎli ni yele Kolocɔlɔɔ syɛ́ɛnri lóʔo wolo ma lè níì yére di ni, a yele di sámaga n cò, níì gi cán ti i nyɛ Kolocɔlɔɔ wóro kányɛʔɛ ni, syɔɔn wóro ban í, toro si di wɔ́ɔ̄ báara yele ni, yele bele ye tága lè.

2 Tesaloniki ye 2:16

Wolo Kàfɔw Zyezu Kirisi tiimaa, ní wolo Tóow Kolocɔlɔɔ, woro wee wi tàmaga le ní wolo ní lè, níì bàngwɔɔ fûnnyingi kaan wo ma n fàra sɔ̀ngumi tɛɛtaʔajanga na wi kpɔ́ʔɔri báriga ni,

1 Timɔte 1:15

Syɛ́ɛnri naa mii a joo lè ti i nyɛ kányɛʔɛ syɛ́ɛnrɛ, syɛ́ɛnbèle myɛ n yɛlɛ pe di cò, toro di nyɛ Kirisi Zyezu n pan dulunyanw ni bi ba kapeebyebèle syɔɔ, mii si wi nyɛ pe myɛ yɛ́ʔɛ na kapeebyeri ni.

2 Timɔte 4:8

Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

Tiiti 1:2

jàngó sìibangwɔɔw sɔ̀ngurɔ tɛɛtaʔaga í pye be ma, Kolocɔlɔɔ wi lè wi o finɛ nyáana í, wi maa sìíw bee nyɔ́ɔ fàli sáni làrigèle í séli lè.

Heburubèle 7:19

níì cán wi ga yafyɛn sín n foro í, kàjáa Kolocɔlɔɔ n sɔ̀ngumɔ tɛɛtaʔaga kaan wolo ma, gee gi nyɔɔ n sɔ̀lɔ lè booma wógi na, sɔ̀ngumi bee tɛɛtaʔaga báriga ni wolo nùuní Kolocɔlɔɔ na.

1 Pyɛri 2:2

Ye pye àmɛɛ sàánnyɛɛngēle nyɛ lè bi yirejanmi láa yaʔa paa yele taagi pi lè pìígèle wómɔ, koro ga pye yele í da leegi syɔɔli kánma na pi bárigaw ni,

1 Pyɛri 3:15

Kàjáa ki n yɛlɛ ye Kirisi yaʔa wi pye yele fúnyi kàrigafɔlɔ, yé pye wogboʔoro-yaʔabéle ní làla o làla, koro ga pye syɔɔn o syɔɔn wi yele yíbe yele sɔ̀ngumi tɛɛtaʔaga kéele na lè, yele í syɛɛnlurugoro taa kaan wi ma.

2 Pyɛri 1:12

Koro na mii a ra yele sɔ̀ngumi tìrigí kérigèle bee na làla o làla, àlí bi gi taa yele n ge cán n kwɔ́ɔ, níì nìrimɛ taa kányɛɛgi ni, gee gi nyɛ yele ma n kwɔ́ɔ lè.

1 Zyan 3:3

Syɔ́ɔnwee faala wi wi sɔ̀ngumi taʔa Kirisi na kánmi bee na lè, wee bee a ra wiyɛɛ jé da mùú si pye tɛɛlɛ fun àmɛɛ woro nyɛ lè.