Kɔlɔsi ye 1:4 - Cebaara Bible 2010

⁴ Níì cán àmɛɛ yele tága lè Kirisi Zyezu na, ní àmɛɛ yele tàmaga le ní Kolocɔlɔɔ syɛɛncanbèle ní lè, pe n gee bee joo a wolo gi lóʔo.

Kɔlɔsi ye 1:4 Iomraidhean Croise

2 Korɛnti ye 7:7

Wi panni yagana báriga ni si ban í, fwɔɔ gee wi baa joo wolo ma lè yele kéeli na, gee bee n jo, kánmee na yele woro tiimaa kɛɛlɛ lè, koro gi wɔ́ɔ̀ wolo kɛɛlɛ, níì cán wi n baa gi tɛ̀ɛn wolo na àmɛɛ gi láaw nyɛ yele na lè gbanʔama a yele i caa bi mii nyaa, ní àmɛɛ yele nyɛ funbɛɛnrɛ na lè, ní àmɛɛ yele yére n mii sɔ́lɔgɔ lè, a gee bee kàa taʔa mii fundaanri na.

Galasi ye 3:26

Níì cán àmɛɛ yele tága Kirisi Zyezu na lè, yele myɛ i nyɛ Kolocɔlɔɔ jàala tágali báriga ni.

Galasi ye 3:28

Wàa ní o nyɛ Zyefuo, wàa si i nyɛ syɛɛnfelegaa í, wàlá puloo, wàa si i nyɛ wɔ́rɔɔ í, wàlá nàɔn, wàa si i nyɛ cɔlɔɔ í, níì cán yele myɛ i nyɛ nibin Kirisi Zyezu ni.

Galasi ye 5:6

Níì cán syɔɔnwaa ga pye Kirisi Zyezu ni, kɛ́nɛkpeʔeleri yoo, kɛ́nɛnaa-sìngbeʔeleri yoo, tàa faala o nyɛ ní tɔ̀nɔ ní í, fwɔɔ tágali li báara lè tàmagi báriga ni.

Efɛzi ye 1:15

Gee bee na nlaa mii gi lóʔo àmɛɛ yele tága Kàfɔw Zyezu na lè, ní àmɛɛ yele tàmaga le ní Kolocɔlɔɔ syɛɛncanbèle myɛ ní lè,

Efɛzi ye 6:18

Ki n yɛlɛ yaa nyɛ́ɛrigboloyi féleye myɛ nyɛ́ɛri Kolocɔlɔɔ ma làrigèle myɛ ni Pìicǎnni ni. Ki n yɛlɛ ye kòro nyɛ̀nɛ na yáā nyɛ́ɛri ní lòmaana ní Kolocɔlɔɔ syɛɛncanbèle myɛ kéele na.

Kɔlɔsi ye 1:9

Gee bee na nlaa cángee na wolo yele kéeli lóʔo lè, a wolo wɔ́ɔ̀ kòro ni Kolocɔlɔɔ nyɛ́ɛri yele kéeli na sìnlaʔa ni, wolo i wi nyɛ́ɛri koro ga pye Pìicǎnni sícilimɛ ní li kérigèle cánna myɛ í yele fúnyi nyìn, jàngó yele í Kolocɔlɔɔ nyɛ́nɛ kéeli fílige cán.

1 Tesaloniki ye 1:3

Wolo i sɔ̀ngí ni taagi yele kéeli na làla o làla wolo Tóow Kolocɔlɔɔ nyɛ́nɛ na, àmɛɛ yele báara lè tágali ní tàmagi báriga ni, ní àmɛɛ yele kpàracogi kpéʔele lè yele sɔ̀ngumi taʔala báriga ni wo Kàfɔw Zyezu Kirisi na.

1 Tesaloniki ye 3:6

Kàjáa tɔ́ɔliw ni Timɔte n yìri yaà yele ma n nan naa wolo na n baa syɛɛntaanra joo wolo ma yele tágali ní yele tàmagi kéele na. Wi n baa wolo pye, ncan yele i yaà ni sɔ̀ngí wolo kéeli na làla o làla ní tàmaga ní, yele i caa bi wolo nyaa àmɛɛ wolo wɔ́ɔ̄ caa bi yele nyaa lè.

2 Tesaloniki ye 1:3

Ni senyɛ̀nnɛ, àmɛɛ kàa fàrá yele tágali na lè gbanʔama, á yele tàmagi si wɔ́ɔ i kpɔ́ʔɔgi ni syée, gee yele myɛ nibin nibin le ní yeyɛɛ ní lè, koro na gi yɛlɛ wolo í da bariga kaangi Kolocɔlɔɔ ma làla o làla yele kéeli na, koro gi sín.

Filemɔn 1:5

Níì cán àmɛɛ mɔ tàmaga le lè ní Kolocɔlɔɔ syɛɛncanbèle myɛ ní, ní àmɛɛ mɔ tága Kàfɔw Zyezu na lè, mii i gee bee lúro.

Heburubèle 6:10

Níì cán Kolocɔlɔɔ o kologi í, fáliw yele kpéʔele lè n fàra tàmagi na yele tɛ̀ɛn pèle na wi mɛ́ɛgi na lè, àmɛɛ yele da ni Kolocɔlɔɔ syɛɛncanbèle dɛ̀ɛmɛ́ lè ní sèʔé i nyɛ be dɛ̀ɛmɛni na tɔ́ɔliw ni lè, wi a fɛ̀ʔɛ gee bee kàa faala na í.

1 Zyan 3:14

Amɛɛ wolo tàmaga le ní wolo senyɛnbèle ní lè, gee bee na wolo gi cán ncan wolo n yiri kùúw ni n kwɔ́ɔ n jée sìíw ni. Syɔ́ɔnwee wi nyɛ wi ga tàmaga le ní wi senyɛnnɛ ní lè í, wee bee n kòro kùúw ni.

1 Zyan 3:23

Dee naa di nyɛ wi tundunri, wi n jo, ki n yɛlɛ wo tága woro Jáaw Zyezu Kirisi mɛ́ɛgi na, wó tàmaga le ní woyɛɛ ní àmɛɛ Kirisi da gi joo n gbàn wolo ma lè.

1 Zyan 4:16

Tàmagee Kolocɔlɔɔ le ní wolo ní lè, wolo tiimaa n gee bee cán ní wɔ́ɔ̀ tága gi na. Kolocɔlɔɔ wi nyɛ tàmagi. Wee wi ga kòro tàmagi bee ni lè, wee bee i nyɛ Kolocɔlɔɔ ni, Kolocɔlɔɔ si wɔ́ɔ i nyɛ wee bee fɔ́lɔ ni.