Kɔlɔsi ye 1:12 - Cebaara Bible 2010

¹² yele sáā bariga kaangi ní fundaanra ní Tofɔw Kolocɔlɔɔ ma, woro wee wi yele sámaga lè, koro ga pye yele í lɛɛlɛ taa wi syɛɛncanbèle kɔ́rigɔ ni gbɛ̀ɛ́nmi tɛ́ʔɛ ni.

Kɔlɔsi ye 1:12 Iomraidhean Croise

1 Fànʔafɔbèle 6:7

Kpáagi làrivaanna ni, pe maa ni gi faanri ní kàdɛnɛrɛ ní, dee di pye lè wodangwɔɔrɔ ní. Koro na kpáagi faan n baa kwɔ́ɔ, marito tìnmɛ, wàlá kpanaga, wàlá tunmɔrɔ yálaa faala tinmɛ ga lóʔo gi na í.

1 Cányi kèlē 29:20

Koro kàdoʔo ma a Davidi syɛɛnkpoʔolomi myɛ pye: «Ye Yawe yele Kolocɔlɔw kaan bariga na.» A syɛɛnkpoʔolomi myɛ Yawe be toolɛɛbèle Kolocɔlɔɔ kaan bariga na. Pe maa tìgi n kpùmɔnɔ n yɛ́ɛyi cíbele Yawe yɛ́ʔɛ ma, ní fànʔafɔw yɛ́ʔɛ ma.

Ŋúnuyi 116:7

Ni fungo, lúru mi tɛ́ɛn mɔ ŋɔ́ndaali ni, níì cán Yawe n kacànna pye mɔ na.

Ŋúnuyi 36:9

Mɔ kpáagi fúngo yacanra i be tíngi, mɔ si i be kaangi pe i gbo mɔ kanidaangèle lòcoologo na.

Ŋúnuyi 79:13

Wolo si na, wo nyɛ lè mɔ syɛ́ɛnbèle, ní i nyɛ mɔ babéle, bele mɔ náari lè, wolo a ra mɔ kpɔ̀ʔɔrɔ́ làla o làla. Wolo a ra mɔ soololi kéele jáari làrigèle myɛ syɛ̀ɛnnɛ nínge ni.

Ŋúnuyi 97:11

Gbɛ̀ɛ́nmi i nyín syɛɛnsinw ma, bele fúnyo yi sín lè, fundaanra i nyɛ bele bee ma.

Kàseegèle 16:1

Fúngi katimanagéle i nyɛ syɔɔn ma, kàjáa Yawe má nyínni syɛɛnlurugoro nyɛ.

Kàseegèle 4:18

Syɛɛnsinbèle kóbile i nyɛ àmɛɛ canvolovɔ́ngɔ gbɛɛnmɛ nyɛ, bee na kàa taari lè bi taa cángi í ba tɛ́ɛn nyùngo ni.

Danyɛli 2:23

Mii tóobèle Kolocɔlɔɔ, mɔ má mii bariga kaangi, ní i mɔ sòoló sícilimi, ní fǎngi kéele na mɔ kaan mii ma lè, yárigee wolo nyɛ́ɛri mɔ ma lè, mɔ n gi tɛ̀ɛn mii na, gee gi nyɛ lè fànʔafɔw kéele, mɔ n li tɛ̀ɛn wolo na!»

Matye 25:34

Lǎli bee ni fànʔafɔw a gi joo wi kàliige wóbèle ma: ‹Yaa maa, mii Tóow dùba pìibēle, ye ba fǎngi kɔ́rigɔ lìi, gee gi sámaga yele kéeli na lè nlaa yaà dulunyanw sélimɛ na.

Zyan 14:6

A Zyezu wi yari: «Jo mii si wi nyɛ kólogi, ní kányɛɛgi, ní sìíw. Syɔɔn faala a gbǎn nan Tofɔw na mii kàdoʔo ma í.»

Zyan 20:17

A Zyezu wi yari: «Mɔ a kɔ́ mii cǒ yérige í, níì cán mii ga kɔ́ɔ̀ lúgu n kári Tofɔw ma í. Kàjáa da syée mi sa mii senyɛnbèle pye: Mii a lúgu kári mii Tóow ma, wi lè yele Tóow, woro wee wi lè mii Kolocɔlɔw, ní wɔ́ɔ i nyɛ yele Kolocɔlɔw.»

Zyan 4:23

Kàjáa làlaa i maa, li si n nan n kwɔ́ɔ, bele be nyɛ lè Kolocɔlɔɔ kpɔ̀ʔɔrɔfɔ-dèlebèle, poro a ra Tofɔw Kolocɔlɔɔ kpɔ̀ʔɔrɔ́ pǐli ní kányɛɛgi na. Níì cán kpɔ̀ʔɔrɔfɔbèle bee félege Tofɔw caa paa woro kpɔ̀ʔɔrɔ́.

Kapyegèle 20:32

Tɔ́ɔliw ni mii n yele yaʔa Kàfɔw ma, ní wɔ́ɔ̀ yele yaʔa wi kpɔ́ʔɔri syɛ́ɛnrɛ ma, dee ti a gbǎn ra kàa fàrá yele na lè, si kɔ́rigi kaan yele ma bi fàra bele myɛ na Kolocɔlɔɔ sámaga n yaʔa wiyɛɛ ma lè.

Kapyegèle 26:18

Mii a mɔ tun be ma mɔ í sa be nyapiigèle paʔala, koro ga pye pe yiri yébilimi ni bi jée gbɛ̀ɛ́nmi ni, pé wɔ́ɔ kàdoʔo wáa Sutanaw fànʔa ma si kàri Kolocɔlɔɔ ma, koro ga pye wi be kapeegèle kùsulugo syɔɔ, pé wɔ́ɔ pínɛ kɔ́rigi taa ní syɛ́ɛnbèle ní, bele Kolocɔlɔɔ sámaga n yaʔa wiyɛɛ ma lè, àmɛɛ be tága mii na lè.›

Wɔrɔmi ye 11:17

Amɛɛ si gi nyɛ lè mɔ a jo pe n káganyaa cɛnɛ n láʔala olivyew tiicɔ́rɔgɔ na, mɔ wee wi nyɛ lè sìnbirigi olivye tíige káganga, á be mɔ pwɔɔ n táriga tiicɔ́rɔgi káganya nínge ni, a mɔ baa taa ni gbo ki nǐnri lɔ̀ʔɔ na,

Wɔrɔmi ye 15:27

Ki n be dɛ́nɛ bi gi kpéʔele nya, a gi wɔ́ɔ i nyɛ Zyefubèle fwɔ́ɔlɔ i nyɛ be na. Níì cán àmɛɛ Zyefubèle da syɛɛnfeleyi wozanya lɛɛ lè yáriri na dee Pìicǎnni kaan be ma lè, ki n wɔ́ɔ̀ yɛlɛ syɛɛnfeleyi í da Zyefubèle dɛ̀ɛmɛ́ ní be kɔlɔ̀ yáriri ní.

Wɔrɔmi ye 8:17

Amɛɛ wolo nyɛ lè wi pìibēle, wolo wɔ́ɔ i nyɛ wi kɔriliibéle, wolo i nyɛ Kolocɔlɔɔ kɔriliibéle ní i nyɛ Kirisi kɔriliinyɛ̀nnɛ, níì cán wolo n pínɛ ni wɔʔɔ ní Kirisi ní, koro ga pye wolo í wɔ́ɔ ba pye ní wi ní wi nìjangbɔɔri ni.

Wɔrɔmi ye 9:23

Bele na wi da nyinimɛ taa lè níì be sámaga n yaʔa nìjangbɔɔri kánma na, wi maa wɔ́ɔ ni caa bi gi tɛ̀ɛn àmɛɛ woro nìjangbɔɔri lɔ́rɔ nɛʔɛ be ma lè.

1 Korɛnti ye 8:6

koro ní ki myɛ ní wolo má, Kolocɔlɔɔ i nyɛ nibin, woro wi nyɛ wolo Tóow, woro wee má yáriri myɛ yìri lè, wolo i nyɛ woro wòolo, Kàfɔw wɔ́ɔ i nyɛ nibin, woro wi nyɛ Zyezu Kirisi, woro wee báriga ni yáriri myɛ nyɛ lè n fàra wolo myɛ na.

1 Korɛnti ye 9:23

Mii i kérigèle myɛ kpéʔele Syɛɛnjóocǎnri kéele na, koro ga pye mii í mii lɛɛli taa di ni.

2 Korɛnti ye 11:14

Gee bee o nyɛ funwɔɔ-keele í, níì cán Sutanaw tiimaa i wiyɛɛ gàragí mɔ a jo gbɛ̀ɛ́nmi tundunwaa wii.

2 Korɛnti ye 5:5

Wee si wi wolo sámaga lè kéeli bee kánma na, woro wi nyɛ Kolocɔlɔɔ, woro wee wi Pìicǎnni kaan wolo ma lè li pye yaseligi wozanri yɛ́ʔɛ na.

Efɛzi ye 1:11

Kolocɔlɔɔ maa wɔ́ɔ̀ wolo nyɛ́nɛ n wòlo, wolo í pye Kirisi ni jàngó wolo í pye woro wòolo n yɛlɛ ní wi nyɛnɛ kakɔrirɔli ní, woro wee wi kérigèle myɛ kpéʔele lè n yɛlɛ ní wi kínidɛnɛgi sɔ̀ngurɔ ní,

Efɛzi ye 1:18

Wi wɔ́ɔ yele yaʔa yele í da nyaagi yele fúnyi ni, koro ga pye sɔ̀ngumi tɛɛtaʔaga kéele na wi yele yeri lè, yele í gee bee cán bi fàra wi kɔ́rigi nìjangbɔɔrɔ lɔnɛʔɛrɛ na, gi nyɛ lè wi syɛɛncanbèle,

Efɛzi ye 2:18

Níì cán woro bárigaw ni wolo myɛ siinw tɛɛ̀jeʔe taa Tofɔw ma Pìicǎnni nibin ni.

Efɛzi ye 3:6

kalarali bee li nyɛ ncan syɛɛnfeleyi wozanya n baa pye Zyefubèle kɔriliinyɛ̀nnɛ, níì cenijanra taa, ní wɔ́ɔ̀ pye be pínɛnyɛ̀nnɛ Kolocɔlɔɔ nyɔɔfaligi ni, gee gi taa lè Kirisi Zyezu ni Syɛɛnjóocǎnri báriga ni.

Efɛzi ye 4:6

a Kolocɔlɔɔ wɔ́ɔ i nyɛ nibin wi lè tágafɔbèle myɛ Tóo, woro wi nyɛ pe myɛ nyúngo na, ní i nyɛ pe myɛ nínge ni, ní i nyɛ pe myɛ fúnyo ni.

Efɛzi ye 5:11

Ki ga yɛlɛ yele lɛɛlɛ í pye yébilimi kapyegèlē ni í, ncan ke i nyɛ tɔ̀nɔ fun, fwɔɔ yaa fúlo ke kpéʔelefɔbèle na.

Efɛzi ye 5:20

Ki n yɛlɛ yaa bariga kaangi Tofɔw Kolocɔlɔɔ ma làrigèle myɛ ni kérigèle myɛ na wolo Kàfɔw Zyezu Kirisi mɛ́ɛgi na.

Efɛzi ye 5:4

Ki ga wɔ́ɔ̀ yɛlɛ fɛ̀ɛfɔnmi syɛ́ɛnrɛ, ní faʔami syɛ́ɛnrɛ, ní kɔ̀nʔɔbeeri syɛ́ɛnrɛ í da nyuu yele níngi ni í, ncan dee bee ga nyɔɔ í. Dee si yele yɛlɛ bàā nyuu lè, toro di nyɛ bariga kaanni syɛ́ɛnrɛ.

Efɛzi ye 5:8

Yele maa sélì pye yébilimɛ, kàjáa tɔ́ɔliw ni yele i nyɛ gbɛ̀ɛnmɛ Kàfɔw ni. Ki n yɛlɛ yele í da táanri gbɛ̀ɛ́nmi pìibēle tánʔaganma na.

Kɔlɔsi ye 2:2

koro ga pye bi be kɛɛlɛ, pé tan peyɛɛ na tàmagi ni, pé Kolocɔlɔɔ kéeli cán bi fílige si tága li na, koro si pye be ma àmɛɛ lɔnɛʔɛrɛ nyɛ lè, pé wɔ́ɔ Kolocɔlɔɔ kalarali cán bi fílige, li lè Kirisi,

Kɔlɔsi ye 3:15

Fûnnyingi Kirisi kaangi lè, ye gee bee yaʔa kaa yele fúnyi kàragí, koro gee kéele na Kolocɔlɔɔ da yele yeri lè níì jo yele í pye cere nibin. Ki n yɛlɛ yaa bariga kaangi wi ma.

Kɔlɔsi ye 3:17

Yariga o yariga yele kpéʔele lè, a ki i nyɛ syɛɛnjóoro yoo, wàlá kapyele yoo, ki n yɛlɛ yaa ki myɛ kpéʔele Kàfɔw Zyezu mɛ́ɛgi na, yáā bariga kaangi Tofɔw Kolocɔlɔɔ ma wi bárigaw ni.

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Heburubèle 12:23

Yele n nùuni fundaanra syɛɛnkpoʔolomɔ na, ní booma wozelizeebèle Egilizi na, poro bele mɛ́ɛyɛ yi sɛ́bɛ lè nyɛ̀ʔɛni ni. Yele n nùuni Kolocɔlɔɔ na wi lè syɛ́ɛnbèle myɛ kútiijooo, ní syɛɛnsinbèle pìigēle na, bele be nyɔɔ n foro lè.

Heburubèle 3:1

Gee bee na, mii senyɛnjǎnbèle, yele bele Kolocɔlɔɔ wɔ́ɔ̀ yeri lè, ki n yɛlɛ ye yele sɔ̀ngumi myɛ taʔa Zyezu na, woro wi nyɛ pìitunw ní sáriga-wòlobèle kàfɔlɔ wolo tágali kéele na, lee wo nyuu ni tèé lè.

Heburubèle 3:14

Níì cán tágali li da sélì pye wolo ma lè, wolo ga li sámaga n cò n taa n sáà nan gi kwɔ́ɔmi na, wolo i nyɛ Kirisi pínɛnyɛ̀nnɛ,

Zyaki 3:9

Ní loro ní wolo Kàfɔw kpɔ̀ʔɔrɔ́ wi lè wolo Tóow, loro wonijanni ní wolo wɔ́ɔ̄ syɛ́ɛnbèle dángi, poro bele Kolocɔlɔɔ faan a be woro tiimaa wíri lè.

1 Pyɛri 5:1

Egiliziw wólɛɛbéle be nyɛ lè yele níngi ni, bele bee ní mii nyuu tɔ́ɔliw ni, mii wee wi wɔ́ɔ̄ nyɛ lè wolɛɛwaa àmɛɛ poro nyɛ lè, ní Kirisi wɔʔɔyi séera, á mii wɔ́ɔ̀ lɛɛlɛ taa nìjanri ni, dee wi a kɔ́ ba tɛ̀ɛn wo na lè, mii i yele nyɛ́ɛri níì jo:

1 Zyan 1:3

gee si wolo nyaa lè, ní gee wolo lóʔo lè, gee bee wolo wɔ́ɔ̄ nyuu yele ma, koro ga pye yele si wɔ́ɔ pye ní wolo ní pínɛnyɛnnɛgi ni. Pínɛnyɛnnɛgi ni wolo nyɛ lè koro gi nyɛ Tofɔw, ní wi Jáaw Zyezu Kirisi wógi.

Tɛ̀ɛnnɛ 21:23

Kěgi màko o nyɛ cángi gbɛ̀ɛnmɛ na í, wàlá yégi wómɔ na í, níì cán Kolocɔlɔɔ nìjangbɔɔri di nyɛ ki gbɛ̀ɛ́nmi, á Bàpili si i nyɛ gi fètinni.

Tɛ̀ɛnnɛ 22:14

Bele be be fànibèle jée lè koro ga pye poro í lɛɛlɛ taa sìíw tíige ni, si wɔ́ɔ gbǎn jée kěgi kpàánweegéle ni lè, bele bee i nyɛ dùba pìibēle!

Tɛ̀ɛnnɛ 22:5

Yébilige a ní pye yaà í, pe màko a ní pye fètinnɛ gbɛ̀ɛnmɛ na í, wàlá cángi wómɔ na í, níì cán Kàfɔw Kolocɔlɔɔ a ra gbɛ̀ɛ́nmi yirigi be ma. Pe a pye fànʔafɔɔlɔ làla o làla kwɔ́ɔmɔ fun.