2 Samyɛli 8:3 - Cebaara Bible 2010

³ A Davidi Erehɔbi jáaw Hadadezɛɛri jáa, wi pye lè Soba fànʔafɔw, lǎli ni wi kári lè bi ní sa Ufurati cábigi tára syɔɔ taa.

2 Samyɛli 8:3 Iomraidhean Croise

1 Samyɛli 14:47

Sawuli pye lè fǎngi na Isirayɛli ye nyúngi na, a wi kapɛɛnni kpúmɔn ní wi nigoobèle myɛ ní kàbanyi myɛ na. Wi n li kpúmɔn ní Mowabi ye, ní Amɔn ye, ní Edɔmi, ní Soba fànʔafɔbèle ní, n fàra Filisitini ye na. Tɛʔɛ o tɛʔɛ ni wi ga kári lè, wi n sáà fànʔa taa.

2 Samyɛli 10:19

Fànʔafɔbèle bele myɛ Hadadezɛɛri da ni kàragí lè, a poro ga gi nyaa a Isirayɛli ye poro jáa, a be bɛ̀ɛlɛ caa Isirayɛli ye ma, níì peyɛɛ gaan be ma. A Sirii ye fyáa bi ní Amɔn ye dɛ̀ɛmɛ.

2 Samyɛli 10:16

Sirii ye be pye cábigi jeligɔgee na lè, a Hadadezɛɛri tun a be sáà poro kɔ́ri. A pe i maa n baa nan Helami na. Hadadezɛɛri kapɛɛnkpumɔnbèle kàfɔlɔ Syobaki wi da pye pe nyǔngi na.

1 Cányi kèlē 18:3

A Davidi Soba fànʔafɔw Hadadezɛɛri jáa Hamati ma lǎli ni Hadadezɛɛri da ni syée sa wi fǎngi télege lè Ufurati cábigi nyɔ́ɔ na.

2 Samyɛli 10:6

A Amɔn ye gi cán ncan poro n tɔ̀nɔ n peyɛɛ kéeli kaan a li Davidi bɛɛn, a be tun Sirii ye ma, pe lè Bɛti-Erehɔbi ní Soba wóbèle, a be sáà nànbēle tɔlɔyɔ fɔɔlɔ sirakama láa yaà beè wáli na, níì saala kagunɔ láa Maaka fànʔafɔw wòolo ni, níì selebingéle kɔrɔni láa Tɔbi syɛ́ɛnbèle ni.

Ŋúnuyi 72:8

Wi a tɛ́ɛn yáriri myɛ nyúngo na fwɔɔ bi taa sa nan sólomi lɔ̀ʔɔ láʔalee na, bi séli Ufurati na fwɔɔ bi taa sa nan tári láʔala na.

Ŋúnuyi 60:1

Ŋúnuŋùúbèle kùndigi wóʔo. «Séeraw nyàáfyɛɛnrɛ na.» Davidi tára-nyɔ́ɔ-na ŋúnugi, tamana kéele na.

Làlwaw Kaanziin 11:24

Yele yédaagèle ga tánʔa n sɔ̀lɔ tɛʔɛ o tɛʔɛ ni, koro a pye yele wóʔo. Yele tári láʔagologo a séli fìími tára na bi taa sa nan Liban na, si ní séli Ufurati cábigi na bi taa sa nan Sólomi Lɔ̀ʔɔ na canʔajeemɛ ma.

Yirile 23:31

Mii a mɔ láʔagologi yaʔa gi séli Nyɛnɛri solomɔ lɔ́ʔɔ na si kári sa láʔa Filisitini tári solomɔ lɔ́ʔɔ na, si ní láa yaà fìími tára na bi kári sa nan Ufurati cábigi na. Níì cán mii a tári syɛ̀ɛnnɛ le mɔ kɔ́yi ni, mɔ a be nɛnɛ yirige yaà miyɛɛ yɛ́ʔɛ ma.

Sélimɛ 15:18

Cángi bee na a Yawe joogaanna kpéʔele ní Abirami ní níì jo: «Mii n tári naa kaan mɔ yodaʔayi ma, nlaa yaà Ezyipiti cábigi na n kári fwɔɔ n sáà nan cábikpɔɔgi na, gi lè Ufurati.

2 Samyɛli 10:15

A Sirii ye ga gi nyaa a Isirayɛli ye poro jáa, a pe be fǎnyi pínɛ.

2 Samyɛli 23:36

ní Natan jáaw Yigeyali wi lè Soba ye wów, ní Banii wi lè Gadi syɛɛnfelegaa,

2 Cányi kèlē 8:3

A Salomɔn kári Hamati kánmi na ki lè Soba wógi n sáà gi fálimi syɔɔ n taa.