2 Timɔte 4:8 - Cebaara Bible 2010

⁸ Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

2 Timɔte 4:8 Iomraidhean Croise

Sélimɛ 18:25

Bi syɛɛnsinw pínɛ kpóo ní syɛɛnpeew ní, mɔ a kɔ́ gi pye nya í. Bi syɛɛnsinw ní syɛɛnpeew pínɛ sèjira, mɔ a kɔ́ gee bee pye í. Wee wi nyɛ lè tári myɛ kútiijooo, gee gi sín lè, a wi a gbǎn kòro lé gi sìngbeʔele ni?»

Ŋúnuyi 31:19

Jànvaafɔbèle nyɔ́ɔyɔ í tɔ́n, poro bele be nɛ̀ɛnyɛnɛgi syɛ́ɛnrɛ nyuu lè syɛɛnsinw kánma na ní kpɔɔmɔ, ní faʔara ní!

Ŋúnuyi 7:11

Kolocɔlɔɔ wi nyɛ mii tunmɔzige-yárigi, woro wee wi fûnzinyi fɔ̀ɔlɔ syoo lè.

Kàseegèle 4:9

Pi a kpɔʔɔrɔ jàra pwɔɔ mɔ nyúngi ni, si fànʔafɔ-nyùndɔnjànna kaan mɔ ma yakanʔa.

Malasyii 3:17

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Cángee mii sámagi ni yaari lè, pe a ba pye mii wòolo, pe a tɔ̀nɔ́ pye mii tiimaa wòolo cángi bee na. Mii a ra be kɔ̀rɔsíi, àmɛɛ nàɔn wi jaà kɔ̀rɔsíi, wee wi báara wi ma lè.

Matye 24:36

«Syɔɔn faala ga cángi bee ní lǎli bee cán í, àlí nyɛ̀ʔɛni tundunbéle yoo, Jaafɔw yoo, kapye Tofɔw nibin ban í.

Matye 7:22

Pèle saʔa a ba gi joo mii ma cángi bee na si jo: ‹Kàfɔw, Kàfɔw, wolo da ni Kolocɔlɔɔ syɛ́ɛnri nyuu mɔ mɛ́ɛgi na ì, ní i màdebèle nɛnɛ ni yirigi mɔ mɛ́ɛgi na ì, ní wɔ́ɔ i kakpoloyi saʔa kpéʔele mɔ mɛ́ɛgi na ì?›

Luki 10:12

Mii a gi joo yele ma, ye gi cán Sodɔmi kěgi kútii a ba cɛ́rɛ bi sɔ̀lɔ kěgi bee wóo na cángi bee.

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Wɔrɔmi ye 8:23

Toro yagana si ban í, níì cán wolo bele fúnyo ni Pìicǎnni nyɛ lè yaseligi wozanri yɛ́ʔɛ na, wolo tiimaa wɔ́ɔ i cɛ́ɛn wolo fúnyi ni ni lǎli sige, lee ni Kolocɔlɔɔ a ba wolo kpéʔele foro lè wi pìibēle àmɛɛ wi a ba wolo céri syɔɔ lè.

1 Korɛnti ye 2:9

Kàjáa koro n taa àmɛɛ gi sɛ́bɛ lè níì jo: «Gee Kolocɔlɔɔ sámaga lè bele má be tàmaga le ní woro ní lè, nyapile ga kɔ́ɔ̀ gi nyaa í, líiweele ga kɔ́ɔ̀ gi lóʔo í, àlí ki ga kɔ́ɔ̀ jée syɔɔn fúngo ni í.»

1 Korɛnti ye 3:13

pe myɛ nibin nibin fáli a ba yiri gbɛ̀ɛ́nmi na. Níì cán náagi a ba wi kánmi tɛ̀ɛn cángi bee na, a syɔ́ɔnw fáli nyɔɔ yoo, wi ga nyɔɔ í yoo, náagi a ba wi sɛʔɛ, si wi félegi tɛ̀ɛn.

1 Korɛnti ye 9:25

Bele myɛ be kàbali kpéʔele lè, pe i peyɛɛ jó kérigèle myɛ na, koro ga pye poro í tɔ̀nɔ taa, bi gi taa tɔ̀nɔw bee i kwóo. Wolo si na, tɔ̀nɔnaa-sìngwɔɔw wolo caa.

2 Korɛnti ye 5:2

Wolo si wɔ́ɔ i cɛ́ɛn vǒyi naa ni, ní i caa bi jée wolo tɛɛkòroyi ni yi nyɛ lè nyɛ̀ʔɛni na.

Filipikaʔa ye 3:11

Ki ga pye nya, mii a gbǎn taa bi nyán yiri kúbèle nínge ni.

Kɔlɔsi ye 1:5

Gee bee n taa yele sɔ̀ngumi tɛɛtaʔaga báriga ni, gee gi nyɛ lè wogɔngɔ ní yele ma nyɛ̀ʔɛni na, kányɛɛgi syɛ́ɛnrɛ ti lè Syɛɛnjóocǎnri, toro di baa sɔ̀ngumi bee tɛɛtaʔaga tɛ̀ɛn yele na lǎli ni yele sélì di lóʔo lè.

1 Tesaloniki ye 1:10

ní i wi Jáaw sige bi taa wi yìri nyɛ̀ʔɛni na bi pan, woro wee Kolocɔlɔɔ da nyán n yirige kúbèle nínge ni lè, woro wi nyɛ Zyezu, wee wi wo syoo lè fundanʔari ma di maa lè.

1 Tesaloniki ye 5:4

Yele si na, ni senyɛ̀nnɛ, yele o nyɛ yébilimɛ ni í, koro na cángi bee a ba yele pàla àmɛɛ kàyuuo nyɛ lè í.

2 Tesaloniki ye 2:8

Lǎli bee ni Kapeegèle Syɔ́ɔn a wiyɛɛ dɛ̀ɛn, woro wee Zyezu a ba kpóo lè ní wi nyɔ́ɔgi káfalaga ní, si wi kálagi péw woro panni nìjanra darigala báriga ni.

1 Timɔte 6:19

koro ga pye pe a lɔnɛʔɛrɛ kɔn peyɛɛ ma nyɛ̀ʔɛna yɛ́ʔɛ na, dee bee a pye be ma kàpɔɔncàɔn, koro ga pye sìíwee wi nyɛ lè wodelew, pé wee bee sámaga be cò.

2 Timɔte 1:10

Syɛ́ɛnbèle n baa kpɔ́ʔɔri bee nyaa tɔ́ɔliw ni àmɛɛ wolo Syɔɔfɔw Kirisi Zyezu baa wiyɛɛ dɛ̀ɛn lè, woro wee wi kùúw kwɔ́ɔ lè, níì sìíw, ní sìnvɔnʔɔmi yirige gbɛ̀ɛ́nmi na Syɛɛnjóocǎnri báriga ni.

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 1:18

Kàfɔw í gi yaʔa Kàfɔw í ba nyinimɛ taa wi na cángi bee. Kérigèle gele myɛ na wi da mii màkow nyɔɔ lè Efɛzi ni, mɔ n ge cán n sɔ̀lɔ wozanbèle na.

2 Timɔte 2:5

syɔɔn ga jée kàfyaali ni, wi a gbǎn kpɔ́ɔmi nyùndɔnnɔ taa í, kapye wi ga kàfyaali kpéʔele li kpéʔeleganmi na í.

2 Timɔte 4:1

Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

Heburubèle 12:11

Wɔʔɔlaa faala tɔ̀nɔ́ o nyɛ fundaanra kéele li làrigbeʔeleli ni í, fwɔɔ funbɛɛnrɛ kéele. Kàjáa bele be ga sícilimɛ taa lè wɔʔɔli báriga ni, li kàdogi n baa be kaan pe n ni kasingéle kpéʔele yɛɛ̀nyinge na.

Heburubèle 9:28

ànbée Kirisi wɔ́ɔ̀ pye sáriga tɔlɔgɔ nibin jàngó bi syɛ̀ɛnnɛ saʔa kapeegéle túgoro tugo, wi ga baa wiyɛɛ dɛ̀ɛn tɔziin wógi na, ki a ní pye kapeegèle kéele na í, kàjáa bele be wi sige ní lòmaana ní lè, poro wi a ba syɔɔ.

Zyaki 1:12

Syɔ́ɔnwee wi kòro ni kpàracogo kpéʔele lè kagbanyi ni, wee bee i nyɛ dùba pyà. Níì cán àmɛɛ yi wi sɛʔɛ n wéle lè á wi fànʔa taa yi na, wi a kpɔ́ʔɔri nyùndɔnnɔ taa li lè sìíw wólo, lee Kolocɔlɔɔ joo wi a kaan bele má be tàmaga le ní woro ní lè.

1 Pyɛri 1:4

si wɔ́ɔ kɔrigɔ taa, gee gi nyɛ lè bàngalagi, ní wɔ́ɔ i nyɛ tɛɛlɛ fun, ki nìjanri si a kwɔ́ɔ bi nyaa í. Kolocɔlɔɔ n gee bee kɔn yele ma nyɛ̀ʔɛni ni,

1 Pyɛri 5:4

Lǎli ni bànaʔabèle Kàfɔlɔ ga baa wiyɛɛ dɛ̀ɛn lè, wi a bàngwɔɔ nìjangbɔɔrɔ taʔa yele na, ti pye yele ma kpɔʔɔrɔ.

Tɛ̀ɛnnɛ 1:7

Ye wéle, wi i maa ní fàfaanyi ní. Nyapiigèle myɛ si a ba wi nyaa, àlí bele pe da wi súu lè. Tári syɛ̀ɛnnɛ myɛ a ba ra sùpiigèle wáa wi kéeli na. Anbée ki a ba pye. Amiina.

Tɛ̀ɛnnɛ 19:11

A mii nyɛ̀ʔɛni nyaa womúgulo ní, níì syɔɔnfiige nyaa li ni. Wee wi pye gi na lè wodɛ́ɛɔn ní, pe i wi yiri Tágala Syɔ́ɔn ní Kányɛɛgi, wi kútiijoori ní wi kapɛɛnkpumɔnri n sín.

Tɛ̀ɛnnɛ 2:10

Wɔʔɔgèle ke a ba too mɔ na lè, ki ga yɛlɛ mɔ í fyáa ge na nyáana í. Wéle, cɛɛri ga pye Dàzɔɔnw a yele pèle cò bi le kàsow ni jàngó bi yele pye wéle, yele a ba wɔʔɔ fwɔɔ bi taa canya kɛɛ. Ki n yɛlɛ mɔ í kòro tágali ni fwɔɔ bi ba nan kùúw na, mii si sìi kaan mɔ ma, wi pye mɔ kpɔ́ʔɔri nyùndɔnnɔ.

Tɛ̀ɛnnɛ 22:20

Wee wi kérigèle naa séera kpéʔele lè, woro wi gi joo níì jo: «Ɛɛn, cɛɛri ga pye mii a pan.» «Amiina! Da maa Kàfɔw Zyezu!»

Tɛ̀ɛnnɛ 4:10

wolɛɛbèle toko ní sicɛrɛ n too n pe yɛ́ɛyi cíbele wi yɛʔɛ ma, wee wi tɛ́ɛn lè fàngoli ni, ní i wi kpɔ̀ʔɔrɔ́ àmɛɛ wi nyɛ lè sìi na làla o làla kwɔ́ɔmɔ fun, ní i pe fànʔafɔ-nyùndɔngèle cáan fàngoli yɛ́ʔɛ̀ ma, ní i gi nyuu níì jo:

Tɛ̀ɛnnɛ 4:4

A mii fàngorigèle kèle toko ní sicɛrɛ nyaa a ge fàngoli màʔa n kpàra, wolɛɛbèlē toko ní sicɛrɛ si i nyɛ wodɛ́ɛnbéle ní fàngorigèle bee ni ní buroviiye ní, fànʔafɔ-nyùndɔngéle si i nyɛ be ma nyúnyi ni, tɛɛ̀ wòʔolo.