2 Timɔte 4:7 - Cebaara Bible 2010

⁷ Mii n kapɛɛnjǎnni kpúmɔn, níì kàfyaali fàn n nan láʔali na, ní wɔ́ɔ̀ tágali sámaga n cò.

2 Timɔte 4:7 Iomraidhean Croise

Kàseegèle 23:23

Kányɛɛgi syɔɔ, mɔ si a kɔ́ gi pára í, mí cánna, ní tamana, ní sícilimɛ taa.

Córolo 8:25

Wee wi ga yɛ̀ʔɛlɛ togoye siin ní kpɔrigɔ taa lè, wi a láʔa wi fáliw na, wi a ní da báara í.

Luki 11:28

A Zyezu wi pye: «Ɛɛn, kányɛʔɛ gii, kàjáa bele be Kolocɔlɔɔ syɛ́ɛnri lúro lè ní i gi kpéʔele àmɛɛ gi jo lè, poro be nyɛ dùbaw pìibēle n sèʔê sɔ̀lɔ.»

Luki 8:15

Dee si di too lè tácǎnri tɛ́ʔɛ ni, koro gi nyɛ bele be syɛ́ɛnri lóʔo lè níì di cò ní funviire, ní zɔ̀njàɔn ní, ní i sangi ní kpàracogo ní.

Zyan 17:6

Syɛ́ɛnbèle bele mɔ yirige dulunyanw syɛ̀ɛnnɛ ni n kaan mii ma lè, mii n mɔ mɛ́ɛgi tɛ̀ɛn be na. Pe maa pye mɔ woolo, á mɔ be kaan mii ma, a be mɔ syɛ́ɛnri kɔn ní i di kpéʔele.

Zyan 4:34

A Zyezu be pye: «Gee gi nyɛ lè mii lìíli, koro gi nyɛ mii í da mii Tunvɔw nyɛ́nɛ kèlē kpéʔele sáā wi fáliw forogi.

Kapyegèle 13:25

A Zyan ga ni wi fáliw kpéʔele, lǎli ni wi kɔ́ ni caa bi kwɔ́ɔ wi na lè, a wi jo: ‹Wee yele sɔ̀ngí wi i nyɛ lè mii, woro ban wi nyɛ mii í. Kàjáa ye wéle, wi i maa mii kàdoʔo ma, mii ga caà nyɔɔ n yɛlɛ bi wi taʔalayi mɛ́ɛngéle sánʔana wi tɔ́lɔyi na í.›

Kapyegèle 20:24

Koro ní ki myɛ ní mii o mii tiimaa sìíw córo yarigaa í, jàngó mii í tɛ́nɛ kàfyaali fǎn foro, mii fáliw si wɔ́ɔ foro, wee Kàfɔw Zyezu kaan mii ma lè níì jo mii í da Kolocɔlɔɔ kpɔ́ʔɔri syɛɛnjóocànra séera kpéʔele.

Galasi ye 2:2

Níì cán Kolocɔlɔɔ wi da gi tɛ̀ɛn mii na, koro na mii kári yaà. Syɛɛnjóocǎnri mii nyuu lè syɛɛnfeleyi ma a mii sáà di joo n tɛ̀ɛn mɛ́ɛkpoloyi fɔ̀ɔlɔ yagana na koro ga pye kàfyaalee mii fé lè, ní lee mii fàn n kwɔ́ɔ lè li a kɔ́ pye gbanzan í.

Filipikaʔa ye 1:30

Kapɛɛnni wonijanna yele kpúmɔn, lee yele da mii nyaa mii i kpúmɔn lè, níì gi lóʔo mii sèʔé i nyɛ li na fwɔɔ n baa nan níjanʔa na.

1 Timɔte 1:18

Mii pìíw Timɔte, mii n tundunri naa kàlifáa mɔ ma n yɛlɛ ní syɛ́ɛnri ní dee pe da sélì joo mɔ kéeli na lè, koro ga pye mɔ í da kapɛɛnjǎnni kpúmɔn ti bárigaw ni,

1 Timɔte 6:12

Da tágali kapɛɛnjànna kpúmɔn, mí sìibangwɔɔw cò wi lè mɔ kayeli nyúngo, woro wee kéele na mɔ séeracǎnw joo lè séerafɔbèle saʔa nyɛ́nɛ na.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 1:14

Yacanri be kàlifáa mɔ ma lè, mi dee bee kɔn Pìicǎnni báriga ni, loro lee li tɛ́ɛn wolo fúnyi ni lè.

2 Timɔte 3:10

Mɔ tiimaa si n mii tamani fílige n cán, ní wɔ́ɔ̀ mii tánʔaganmi, ní mii kakɔrirɔgèle tímanaganma cán, n fàra mii tágali, ní mii kpàracogi, ní mii tàmagi, ní mii lòmaani na,

Tɛ̀ɛnnɛ 3:10

Amɛɛ mɔ kpàracogo kpéʔele lè n yɛlɛ ní mii syɛ́ɛnri ní dee mii joo lè, gee bee na mii a wɔ́ɔ mɔ syɔɔ wɔʔɔli làla ma, lee li a ba dulunyanw myɛ tɔ́n lè, koro ga pye bi tári syɛ̀ɛnnɛ sɛʔɛ wéle.

Tɛ̀ɛnnɛ 3:8

Mii n mɔ kapyegèle cán. Wéle, mii n kɔ̀rigi múgu mɔ ma, wàa faala si a gbǎn gi tɔ́n í, níì cán mɔ séew n cɛ́rɛ, koro ní ki myɛ ní a mɔ mii syɛ́ɛnri cò, mɔ ga mii mɛ́ɛgi cée í.

Tɛ̀ɛnnɛ 6:11

A be buroviiye kaan pe myɛ nibin nibin ma, níì be pye ki n yɛlɛ pe ŋɔ́n daa bi ní làla cɛɛri kwɔ́ɔ bi taa be pulonyɛnbèle ní be senyɛnbèle nyɔɔ í foro, bele be yɛlɛ be kùu lè àmɛɛ poro nigoobèle da be tiimaw kpóo lè.

Jàbɔbèle 3:2

Koro n kpéʔele jàngó Isirayɛli ye yìrigèle syɛ̀ɛnnɛ í kapɛɛnni kéele cán si li tama, poro bele be lè pe da kɔ́ɔ̀ li cán í.