2 Timɔte 4:5 - Cebaara Bible 2010

⁵ Mɔ si na, ki n yɛlɛ mɔ í miyɛɛ cǒmi cán kérigèle myɛ ni, mí wɔʔɔgi kpàraco, fáliwee kanyaajooo yɛlɛ waa kpéʔele lè, da wee bee kpéʔele, máā mɔ fáliw kpéʔele mi foro.

2 Timɔte 4:5 Iomraidhean Croise

Ezayi 62:6

Zyerusalɛmi, mii n kpaàwelebéle télege mɔ tobèle ǹjoʔo ni, pe ga yɛlɛ bi pyèri nyáana í n cángi pínɛ yébiligi ni. Yele bele ye Yawe sɔ̀ngí ni taagi Zyerusalɛmi kéeli na lè, yele a kɔ́ ŋɔ́n daa nyáana í!

Zyeremii 6:17

Mii n kɔ̀rɔsiifɔɔlɔ yìrige yele ma, ye yákirii yaʔa tòmaagi wìimɛ na. Kàjáa pe i syɛɛnlurugori kaangi níì jo: ‹Wolo a yákirii yaʔa í.›

Ezekyɛli 3:17

«Syɔɔn-pya, mii n mɔ télege kpaàweleo Isirayɛli kpáagi wòolo nyúngo na. Syɛ́ɛnri di yirigi mii nyɔ́ɔgi ni lè, ti lóʔo mí be sàmi mii ma.

Ezekyɛli 33:2

«Syɔɔn-pya, ki joo mɔ syɛɛnfelegi wòolo ma mí be pye: ‹Lǎli ni mii ga ŋɔséew tórigo táraa wòolo kurugo lè, á tári bee wòolo nànwaa nyɛ́nɛ n wòlo peyɛɛ níngi ni n pye kɔ̀rɔsiifɔlɔ,

Ezekyɛli 33:7

Mɔ na, syɔɔn-pya, mii n mɔ télege Isirayɛli kpáagi wòolo kɔrɔsiifɔlɔ. Lǎli ni mɔ ga syɛ́ɛnri lóʔo, dee di yirigi mii nyɔ́ɔgi ni lè, mi be sàmi mii ma.

Matye 25:16

Wee wi sirakamayi kagunɔ taa lè, a wi fala n kári n sa ni jàgiw wáa ní yi ní n ní baa sirakamayaa kagunɔ tɔ̀nɔ taa.

Mariki 13:34

Ki i nyɛ àmɛɛ syɔɔn gáā syée kùlo ni lè, níì wi kpáagi ní wi yáriri myɛ kàlifáa wi falipyebèle ma, níì fáliw tɛ̀ɛn be na nibin nibin, níì kpàánweeli tɛ́ɛnfɔlɔ pye wi kòro nyɛ̀nɛ na.

Mariki 13:37

Gee mii nyuu yele ma lè, gee bee mii wɔ́ɔ̄ nyuu syɛ́ɛnbèle myɛ ma: ‹Ye kòro nyɛ̀nɛ na.› »

Luki 12:37

Falipyebèle bele kàfɔlɔ ga pan ní baa be nyaa nyɛ̀nɛ na lè, bele bee i nyɛ dùba pìibēle. Mii a gi joo yele ma kányɛʔɛ ni wi a wiyɛɛ bwɔɔ ní wi sɛntiiriw ní, si be télege, sáā lìíli kaangi be ma.

Kapyegèle 21:8

Ki nyǐndaligi na a wolo yiri nɛɛ bee n kári Sezarikaʔa ma n sáà tìrige Filipi na, wi lè Syɛɛnjóocǎnri joofɔlɔ, ní wɔ́ɔ i nyɛ kɔrɔsiinw pe da nyɛ́nɛ n wòlo lè bele bee wàa, a wolo i syɔ̀ɔ́n yaà.

Wɔrɔmi ye 15:19

Kirisi n gee bee myɛ kpéʔele fɛ̀ɛ́bèle ní kakpoloyi báriga ni, ní Pìicǎnni báriga ni fwɔɔ n taa a mii wi Syɛɛnjóocǎnri joo n foro tɛ́ɛyi myɛ ni nlaa Zyerusalɛmi ma n taa n sáà nan Ilirii na.

Efɛzi ye 4:11

Wi n pèle kaan poro í pye pìitunbéle, níì pèle kaan pe pye kanyaajoobéle, pèle si pye Syɛɛnjóocǎnri joofɔɔlɔ, pèle si pye bànaʔabēle ní tamafɔɔlɔ.

Efɛzi ye 4:12

Wi n koro kpéʔele jàngó bi Kolocɔlɔɔ syɛɛncanbèle nyɔɔ bi foro, koro ga pye poro í da Kolocɔlɔɔ fáliw kpéʔele, kàa sáā taari Kirisi céri na,

Kɔlɔsi ye 1:25

Mii n baa pye Egiliziw falipyeo n yɛlɛ ní fáliw ní, wee Kolocɔlɔɔ kàlifáa mii ma lè yele kéeli na. Fáliw bee wi nyɛ mii í da woro syɛ́ɛnri myɛ nyuu yele ma.

Kɔlɔsi ye 4:17

Ye gi joo Arisyipi ma yé wi pye waa wi fáliw kɔ̀rɔsíi wee Kàfɔw kaan woro ma lè, koro ga pye woro í wi kpéʔele foro.

1 Tesaloniki ye 5:6

Koro na ki ga yɛlɛ waa ŋúnɔ àmɛɛ wozanbèle nyɛ lè í, fwɔɔ wo kòro nyɛ̀nɛ na wó woyɛɛ cǒmi cán.

1 Timɔte 4:12

Ki ga yɛlɛ mɔ í kɔ́ syɔɔnwaa faala yaʔa wi mɔ faʔa si pwɔɔ mɔ piimi na í. Fwɔɔ mɔ í pye fɛ̀ɛ tágafɔbèle ma mɔ nyɔɔsyɛɛnri ni, ní mɔ tánʔaganmi, ní mɔ tamagi, ní mɔ tágali ni n fàra kasingèle myɛ na.

1 Timɔte 4:15

Mi gbèé pye kérigèle bee na, mi miyɛɛ gaan ge ma koro ga pye syɛ́ɛnbèle myɛ í gi nyaa àmɛɛ mɔ syée lè yɛʔɛ̀ ma tágali ni.

2 Timɔte 1:8

Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

2 Timɔte 2:10

Koro na mii i kérigèle myɛ kpàracó Kolocɔlɔɔ syɛɛnnyɛnɛ-wòlobèle kéele na, koro ga pye poro í wɔ́ɔ syɔɔli taa, n fàra bàngwɔɔ nìjanri na, dee Kirisi Zyezu kaangi lè.

2 Timɔte 2:3

Pínɛ maa wɔʔɔ ní mii ní àmɛɛ Kirisi Zyezu kapɛɛnkpumɔnjàɔn nyɛ lè.

2 Timɔte 4:17

Kàfɔw si maa yére n mii sɔ́lɔgɔ níì fànʔa kaan mii ma, koro ga pye mii í gbǎn Syɛɛnjóocǎnri joo bi foro, jàngó syɛɛnfeleyi myɛ í di taa lóʔo. Wi n wɔ́ɔ̀ mii yirige càaraw nyɔ́ɔ ni.

Heburubèle 13:17

Ki n yɛlɛ yaa lúro yele yɛɛ̀kinibèle ma, yé yeyɛɛ gaan be ma. Níì cán pe i nyɛ yele pìígèle kɔ̀rɔsiifɔɔlɔ, poro Kolocɔlɔɔ a kɔ́ ba yíbe ge kéeli na. Ki n yɛlɛ yaa lúro be ma jàngó paa be fáliw kpéʔele ní fundaanra ní, ki ga yɛlɛ paa wi kpéʔele ní funbɛɛnrɛ ní í, gee bee a pye tɔ̀nɔ fun yele ma.

1 Pyɛri 1:13

Koro na ye nìrimɛ le yeyɛɛ ni, yé yeyɛɛ cǒmi cán, yé wɔ́ɔ yele sɔ̀ngumi myɛ taʔa kpɔ́ʔɔri na, dee yele a ba taa lè Zyezu Kirisi tɛ̀ɛ́nni làla ni.

Tɛ̀ɛnnɛ 3:2

Kolocɔlɔɔ kôdanʔari kèlē cɛɛri ge kòro yaà mɔ ma lè ní ní i caa bi kwɔ́ɔ, ki n yɛlɛ maa ge kɔ̀rɔsíi jàngó kàa í da fàrá ge na, níì cán mii ga mɔ kapyegèle nyaa a ge foro mii Kolocɔlɔw nyɛ́nɛ na í.