2 Timɔte 4:3 - Cebaara Bible 2010

³ Níì cán làla a kɔ́ ba pye, lee ni lè syɛ́ɛnbèle a gbǎn tamajanni kpàraco í. Kàjáa pe a ra pe nyɛnɛ tamafɔbèle saʔa caa bi yɛlɛ ní be céri ki laànitaʔa kele ní, jàngó paa poro fundaan-syɛ́ɛnri nyuu poro ma.

2 Timɔte 4:3 Iomraidhean Croise

1 Fànʔafɔbèle 18:22

A Elii syɛ́ɛnbèle pye: Mii nibin wi kòro Yawe kanyaajoow, Baali kanyaajoobèle si i nyɛ saala siin ní togoye siin ní kpɔrigɔ.

1 Fànʔafɔbèle 22:18

A Isirayɛli fànʔafɔw Zyozafati pye: «Mii da gi joo mɔ ma ì? Wi kanyaajoori o kacànga nyuu ni taari mii na í fwɔɔ kapeʔe yagana.»

1 Fànʔafɔbèle 22:8

A Isirayɛli fànʔafɔw Zyozafati yari: «Nànwaa nibin yagana wi kòro, wee báriga ni syɔɔn a gbǎn Yawe yíbe lè kàjáa wi kéeli n mii bɛɛn, níì cán wi kanyaajooraa faala o nyɛ wojanra mii kàbangi na í, fwɔɔ kapeʔe yagana. Woro wi nyɛ Misye wi lè Yimila jáaw.» A Zyozafati jo: «Fànʔafɔw ga yɛlɛ wi jo nya í.»

Yirile 32:33

A Yawe Mowizi yari: «Syɔ́ɔnwee wi kapeeli pye mii na lè, woro mɛ́ɛgi mii a kpóo yirige mii sɛ́bɛw ni.

Ezayi 28:12

Wi maa be pye: «Ŋɔ́ndaali wéle lee, wee wi fɔ̀rɔ lè ye wi yaʔa wi ŋɔ́n wi daa. Ŋɔ́ndaali wéle lee!» Kàjáa pe ga fɔ̀lɔ n lóʔo í.

Ezayi 30:10

Pe i gi nyuu kanyaabèle ma níì jo: «Ye a kɔ́ ra nyaagi í.» Ni gi nyuu kanyaajoobèle ma níì jo: «Ye a kɔ́ ra kányɛɛgi nyaagi bàā nyuu wolo ma í. Yaa fáanaga syɛ́ɛnrɛ nyuu wolo ma, yaa námara yanyaayi kéele nyuu wolo ma!

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Zyeremii 27:9

Yele doò, yele a kɔ́ ra lúro yele kanyaajoobèle, ní yele kanyaabèle, ní yele tiimaa ŋúnɔyi, ní yele kacánbèle, ní yele cɛ́lɛfɔbèle ma í, poro bele pe gi nyuu yele ma lè níì jo: Yele a tée pɔ́rɔtɔɔrɔ kpéʔele Babilɔni fànʔafɔw ma í!

Zyeremii 29:8

Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n jo: ‹Yele kanyaajoobèle, ní yele kanyaabèle be nyɛ yele níngi ni lè, yele a kɔ́ be yaʔa be yele fáana pùuni í. Yele a kɔ́ yele yákirii yaʔa ŋúnɔyi na yele ŋúnɔ lè í!

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Misye 2:11

Ki n yɛlɛ nànwaa í da nyuu da wáa káfalagi kurugo, bàā jànvaaw nyuu si jo: «Mii a joo mɔ ma dùvɛɛnw ní singbǎnmi kéele na!» Joonɛʔɛgɛfɔw bee félege wi a tɔ̀nɔ́ yɛlɛ syɛ́ɛnbèle naa na!

Luki 20:19

Lǎli bee wonijanna ni a làlwaw sɛ́bɛwelebéle ní sáriga-wòlobèle kàfɔɔlɔ i kanmaa caa bi wi cò, kàjáa pe maa ni fɛ̀ɛgí syɛ́ɛnbèle na. Pe maa gi cán poro má wi kàseeli bee wáa n kaan.

Luki 6:26

Lǎli ni syɛ́ɛnbèle myɛ ga ni yele mɛ́ɛtaangi yiri lè, wɔʔɔli a ba pye yele na, níì cán gee bee félege be toolɛɛbèle da wɔ́ɔ ni kpéʔele kanyaajoo-fáanabèle ma.

Zyan 8:45

Amɛɛ mii kányɛɛgi nyuu lè yele ma, gee bee na yele o tági mii syɛ́ɛnri na í!

Kapyegèle 17:21

Ncan Atɛni ye myɛ, ní nibɔnbèle ní pe baa tɛ́ɛn ní be ní lè, pe o yafyɛn kpéʔele í kapye kafɔngèle lóʔolo ní ge jooli ban í.

1 Korɛnti ye 2:1

Ni senyɛ̀nnɛ, lǎlee ni mii da kári yaà yele ma lè n sáà Kolocɔlɔɔ séeraw syɛ́ɛnrɛ joo lè, mii da sáà di joo yele ma syɛɛnjóokpoloro ni wàlá sícili-zyɛ́ɛnrɛ ni í.

1 Korɛnti ye 2:4

Tamani na mii da yele tama lè, ní Syɛɛnjóocǎnri mii da joo n tɛ̀ɛn yele na lè, mii da di joo yele ma kanmaa na jàngó bi yele fúnyi kàriga ní mii fúngi sícilimɛ ní í. Kàjáa Pìicǎnni fànʔa báriga ni mii da di joo,

Galasi ye 4:16

Amɛɛ mii kányɛɛgi joo yele ma lè, gee bee na lé mii baa kàri yele nígoo?

1 Timɔte 1:10

ní cecaabèle, ní nànjaabèle, ní nànjaananbèle, ní bele be syɛ́ɛnbèle yúu ni pára lè, ní jànvaafɔbèle, ní bele be kɛ̀ɛ́ lè jànvaaw na, ní kérigèle myɛ ní gele ke a gbǎn tamajanni kábala lè.

2 Timɔte 1:13

Syɛɛncanri mɔ lóʔo mii ma lè, mi miyɛɛ gaan di ma, tágali, ní tàmagi ni, dee wo taagi lè Kirisi Zyezu ni.

Zyudi 1:18

Pe maa yele pye: «Kakpanami fɔ̀ɔlɔ a kɔ́ ba yìri làrizanni ni, bele pe a ba ra táanri da yɛlɛgi ní be tiimaa ki laànitaagi kèlē ní ge nyɛ lè Kolocɔlɔɔ yɛ́ʔɛnaa-sìnvyaari wòʔolo.»