2 Timɔte 4:18 - Cebaara Bible 2010

¹⁸ Kàfɔw a ra mii syoo kapeeyi myɛ ma, si ní mii syɔɔ jàngó mii í jée wi nyɛ̀ʔɛni fànʔa ni. Woro na kpɔ́ʔɔri yɛlɛ làrigèle myɛ ni! Amiina!

2 Timɔte 4:18 Iomraidhean Croise

Sélimɛ 48:16

ní nyɛ̀ʔɛni tunduɔn wi mii syɔɔ kapeeyi myɛ ma lè, ki n yɛlɛ wi dùbaw taʔa nànbiigèle naa na, mii mɛ́ɛgi, ní mii tóolɛɛgi Abirahami mɛ́ɛgi, ní mii tóow Izaaki mɛ́ɛgi sáā yiri be na pe see bi nɛʔɛ tári ni.

1 Cányi kèlē 4:10

A Yayebɛsi Isirayɛli Kolocɔlɔw mɛ́ʔɛ yeri níì jo: «Mɔ ga dùbaw taʔa mii na saʔa, mɔ ga mii láʔagoloyi lúrugo kàdoʔo ma, mɔ kɔ́gi ga pye ní mii ní, mɔ a kálagili léeli mii na, mii wɔʔɔgi si kwɔ́ɔ.» Gee wi nyɛ́ɛri lè, a Kolocɔlɔɔ gi kaan wi ma.

Ŋúnuyi 121:7

Yawe a ra mɔ kpáaw wéle bàā mɔ syoo kapeeyi myɛ ma, wi a ra mɔ pili kpáa wéle.

Ŋúnuyi 37:28

Níì cán gee gi sín lè, koro gi Yawe dɛ́nɛ, wi o wi tágala syɛ́ɛnbèle cèʔé í. Wi i be kpáaw wéle làla o làla, kàjáa syɛɛnpeebèle yòdaʔaya a kwɔ́ɔ yirige yaà.

Ŋúnuyi 73:24

Mɔ i mii yɛ́ɛgi kínigi mɔ lálii syɛ́ɛnri báriga ni, koro kàdoʔo ma mɔ a mii láa lége mɔ nijangbɔɔri ni.

Ŋúnuyi 92:10

Mɔ nigoobèle wéle bele, ee Yawe! Wéle, mɔ nigoobèle i kúu. Bele myɛ be kanaa-sìnzinri kpéʔele lè, pe n cariga.

Kàseegèle 14:32

Syɛɛnpeew i tuun kapeegi kéele na wi kpéʔele lè, syɛɛnsinw si i tɛɛlarala taagi àlí wi kùúw làla ni.

Matye 13:43

Lǎli bee ni syɛɛnsinbèle a ra daragi pe Tóow fànʔa ni àmɛɛ cángi daragi lè. Líiweele ga pye wee na lè, wi líiyi cáan waa lúro.

Matye 25:34

Lǎli bee ni fànʔafɔw a gi joo wi kàliige wóbèle ma: ‹Yaa maa, mii Tóow dùba pìibēle, ye ba fǎngi kɔ́rigɔ lìi, gee gi sámaga yele kéeli na lè nlaa yaà dulunyanw sélimɛ na.

Matye 6:13

Ki ga yɛlɛ mɔ í yarigaa yaʔa gi wolo kárima bi lége kapeele ni í. Ki n yɛlɛ mɔ í wolo syɔɔ Wobeew ma. [Níì cán fǎngi, ní séew, ní nìjangbɔɔri myɛ i nyɛ mɔ wóro làla o làla. Amiina!]›

Luki 11:4

Mí wolo kapeegèle kùsulugo syɔɔ, níì cán bele be kapeegèle kpéʔele wolo na lè, wolo tiimaa wɔ́ɔ i bele bee kùsulugo syoo. Ki ga yɛlɛ mɔ í yarigaa yaʔa gi wolo kárima bi lége kapeele ni í.› »

Luki 12:32

«Yele bele ye nyɛ lè bàala cɛɛri, yele a kɔ́ ra fɛ̀ɛgí í. Níì cán ki n yele Tóow dɛ́nɛ bi fǎngi kaan yele ma.

Luki 22:29

Mii si a tɔ̀nɔ́ fǎngi le yele kɔ́yi ni àmɛɛ mii Tóow gi le mii kɔ́yi ni lè.

Zyan 17:15

Mii o mɔ nyɛ́ɛri níì jo mɔ í be yirige dulunyanw ni wii í, kàjáa mii i mɔ nyɛ́ɛri mɔ í be syɔɔ Wobeew ma.

Wɔrɔmi ye 11:36

Níì cán woro má yáriri myɛ yìri, ti myɛ i nyɛ wi bárigaw ni, ti myɛ i nyɛ wi worò. Woro na nìjangbɔɔri yɛlɛ làla o làla. Amiina!

Wɔrɔmi ye 16:27

woro Kolocɔlɔwee nibin má sícilimi nyɛ lè, woro na nìjangbɔɔri yɛlɛ làla o làla kwɔ́ɔmɔ fun Zyezu Kirisi bárigaw ni! Amiina!

1 Korɛnti ye 1:21

Níì cán dulunyanw syɛ̀ɛnnɛ sícilimɛ ga gbàn n be kaan a be Kolocɔlɔɔ cán í, Kolocɔlɔɔ wi koro kpéʔele nya wi sícilimi báriga ni, ki si n Kolocɔlɔɔ dɛ́nɛ bi tágafɔbèle syɔɔ wi syɛ́ɛnri joolo báriga ni, dee joolo dulunyanw syɛ̀ɛnnɛ córo lè labalama kéele.

1 Korɛnti ye 10:13

Kagbanna ga kɔ́ɔ̀ too yele na, lee li lè li ga kɔ́ɔ̀ too n nyaa syɔɔn na í. Kolocɔlɔɔ i nyɛ tágala syɔ́ɔn, wi a fɔ̀lɔ kagbanna í too yele na bi yele jáa í. Kàjáa làa ga too yele na, wi a séew kaan yele ma yele í li jáa bi yiri li ni.

1 Korɛnti ye 15:50

Ni senyɛ̀nnɛ, mii syɛ́ɛnri naa kɔ́rɔ wi nyɛ céri ní sìsyaanw a gbǎn Kolocɔlɔɔ fǎngi kɔ́rigɔ lìi í, fɔ́nʔɔmi a gbǎn sìnvɔnʔɔmi kɔ́rigɔ lìi í.

2 Korɛnti ye 1:10

Woro wi wolo syɔɔ kùupeew bee ma, woro si wi a sèʔé ra wolo syoo. Kányɛʔɛ na wolo n wolo sɔ̀ngumi taʔa wi na ncan wi a ní sèʔé ra wolo syoo,

Galasi ye 1:5

woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!

1 Tesaloniki ye 5:23

Ki n yɛlɛ Kolocɔlɔɔ í yele jée mùnu mɛnɛ mɛnɛ, woro wee wi nyɛ lè yɛɛ̀nyingi kaanfɔlɔ, sáā yele pìígèle, ní yele fúnyi, ní yele céri myɛ kɔ̀rɔsíi jàngó ti ba pye kajoolo fun wo Kàfɔw Zyezu Kirisi làribanni ni!

2 Tesaloniki ye 3:3

Kàfɔw si i nyɛ tágala syɔ́ɔn, woro wi a fànʔa le yele ni sáā yele kɔ̀rɔsíi jàngó yele í syɔɔ Wobeew ma.

1 Timɔte 1:17

Bàngwɔɔ Fànʔafɔw, woro wee wi nyɛ lè wi a kùu bi nyaa í, syɔɔn si o wi nyaagi í, woro nibin wi lè Kolocɔlɔɔ, woro na kpɔ̀ʔɔrɔli ní nìjangbɔɔri yɛlɛ làla o làla! Amiina!

1 Timɔte 6:16

woro wee nibin wi nyɛ lè bànguu, woro wee wi nyɛ lè gbɛ̀ɛ́nmi ni bee bi lè syɔɔn a gbǎn nùuni bi na í, syɔɔnwaa faala si ga kɔ́ɔ̀ wi nyaa í, pe wàa a wɔ́ɔ gbǎn wi nyaa í, woro na kpɔ̀ʔɔrɔli ní séew yɛlɛ làla o làla! Amiina.

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 4:1

Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

Heburubèle 11:16

Kàjáa pe maa ni táraa caa, dee di nyɔɔ n sɔ̀lɔ lè, ti lè nyɛ̀ʔɛni wóro. Koro na àmɛɛ pe da ni Kolocɔlɔɔ yiri lè be Kolocɔlɔw, gee bee da pye wi na fɛ̀ɛrɛ í. Níì cán wi maa kèkpɔʔɔ sámaga be ma.

Heburubèle 12:22

Kàjáa yele n nùuni Siyɔn nyanbelegi, ní Kolocɔlɔɔ woweew kèkpɔʔɔ na ki lè Zyerusalɛmi, gee gi nyɛ lè nyɛ̀ʔɛni ni, ní nyɛ̀ʔɛni tundunnɛʔɛmɛ na.

Heburubèle 13:21

ki n yɛlɛ wi fànʔa kaan yele ma jàngó yele í gbǎn ra kapyejǎngèle féleye myɛ kpéʔele bi yɛlɛ ní wi nyɛnɛ kéeli ní, si wɔ́ɔ wi kanidaanni kpéʔele wolo fúnyi ni Zyezu Kirisi bárigaw ni, woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!

Zyaki 2:5

Mii senyɛn-nidaanmabèle, ye lóʔo, yele ga tɔ̀ʔɔ̂ gi cán ncan bele dulunyanw syɛ̀ɛnnɛ córo lè foomɔfɔbèle, bele bee Kolocɔlɔɔ nyɛ́nɛ n wòlo n kpéʔele yarigaa fɔ̀ɔlɔ woro ma tágali kólogo ni ì? Nyɛ̀ʔɛni fànʔa si pye pe woʔò, gee wi joo wi a kaan bele má be tàmaga le ní woro ní lè ì?

1 Pyɛri 1:5

ní i yele kpáaw wéle ní wi séekpɔɔw ní yele tágali báriga ni bi taa syɔɔli í ba nan, lee Kolocɔlɔɔ sámaga n yaʔa lè bi ba tɛ̀ɛn làrizanni ni.

1 Pyɛri 5:11

Woro na séekpɔɔw yɛlɛ làla o làla kwɔ́ɔmɔ fun! Amiina!

2 Pyɛri 1:11

Kánmi bee na Kolocɔlɔɔ a kólogi sámaga múgu yele ma yele í jée Zyezu Kirisi kwɔ́ɔmɔ fun fangi ni, wi lè wolo Kàfɔw ní wolo Syɔɔfɔw.

2 Pyɛri 3:18

Kàjáa ki n yɛlɛ ye gi yaʔa kàa í da taari yele na kpɔ́ʔɔri ni, ní Zyezu Kirisi cánni ni, wi lè wolo Kàfɔw ní wolo Syɔɔfɔw. Woro na nìjangbɔɔri yɛlɛ tɔ́ɔliw ni, ní làrigèle myɛ ni bi taa kwɔ́ɔmɔ fun cángi í ba nan!

Zyudi 1:1

Mii Zyudi, wi lè Zyezu Kirisi púlo, ní wɔ́ɔ i nyɛ Zyaki cɔnɔɔ, mii a sɛ́bɛw naa tórigo yele ma, yele bele ye nyɛ lè Tofɔw Kolocɔlɔɔ woyeribéle, ní wi syɛɛn-nidaanmabéle, wi si i yele kpáaw wéle Zyezu Kirisi ma.

1 Samyɛli 17:37

A Davidi níì jo: «Yawe wi mii syɔɔ càaraw kajinre ní ursiw kɔ́lɔ ma lè, wi a wɔ́ɔ mii syɔɔ Filisitini ye wów bee ma.» Lǎli bee ni a Sawuli Davidi pye: «Da syée, ki n yɛlɛ Yawe í pye ní mɔ ní.»

1 Samyɛli 25:39

A Davidi ga gi lóʔo Nabali n kùu, a wi jo: «Yawe n yɛlɛ waa wi kpɔ̀ʔɔrɔ́, woro wee wi mii táangi joo lè àmɛɛ wi faʔari láʔa mii na, dee Nabali da wáa mii na lè. Wi n wi falipyew yérige peemɛ kpéʔelele na. Yawe n Nabali péemi yaʔa a bi lúru n kòro wi nyúngi ni.» A Davidi tun Abigayili ma pe sa wi pye woro i caa bi wi láa woro cɔ́ɔ.