2 Timɔte 4:17 - Cebaara Bible 2010

¹⁷ Kàfɔw si maa yére n mii sɔ́lɔgɔ níì fànʔa kaan mii ma, koro ga pye mii í gbǎn Syɛɛnjóocǎnri joo bi foro, jàngó syɛɛnfeleyi myɛ í di taa lóʔo. Wi n wɔ́ɔ̀ mii yirige càaraw nyɔ́ɔ ni.

2 Timɔte 4:17 Iomraidhean Croise

Ŋúnuyi 109:31

Níì cán wi n yére foomɔfɔw kàliige ma, bi wi syɔɔ bele má be kolomi kaangi wi ma lè.

Ŋúnuyi 22:21

Mii pǐli syɔɔ ŋɔséew ma, mi mii sìíw syɔɔ pɔ́nbèle fànʔa ma!

Kàseegèle 20:2

Fànʔafɔw fundanʔara i nyɛ àmɛɛ càaraɔ kaanana nyɛ lè. Wee wi ga wi fúngi tanʔa lè, wee bee n kapeele pye wiyɛɛ na.

Kàseegèle 28:15

Amɛɛ càaraɔ kaana lè, ní àmɛɛ ursi fùurí ni maa lè, ànbée kùndigipeeo nyɛ, wee wi tɛ́ɛn fànʔafun syɛɛnfelege nyúngo na lè.

Ezayi 41:10

Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.

Ezayi 41:14

« ‹Zyakɔbi, mɔ wi lè fyɛɛnpiige, Isirayɛli fànʔa fun yakuuli, mɔ a kɔ́ ra fɛ̀ɛgí í. Mii a mɔ dɛ̀ɛmɛ,› » Yawe wi jo nya, mɔ Nyunzyɔɔw wi lè Isirayɛli Wojanw.

Zyeremii 2:30

Mii n yele jáabèle kpúmɔn koro ga yafyɛn nyɔɔ í. Pe ga fɔ̀lɔ tamani na í. Yele ŋɔséew n yele kanyaajoobèle lìi, àmɛɛ càaraɔ nyɛ wee wi gàlagí kpéʔele lè.

Danyɛli 6:22

A Danyɛli fala ni nyuu ní fànʔafɔw ní níì jo: «Ee fànʔafɔw, ki n yɛlɛ mɔ í kòro sìi na làla o làla.

Danyɛli 6:27

Làlwa kéeli mii joo n gbàn lè loro li lee naa: Mii fǎngi tɛ́nɛmɛ myɛ ni, ki n yɛlɛ paa fɛ̀ɛgí Danyɛli Kolocɔlɔw na sáā wi kpɔ́ʔɔgi. Níì cán woro wi nyɛ Kolocɔlɔɔ woweew, wi a kòro beè làla o làla! Wi fǎngi a tée kálagi nyáana í, wi kùndigiri a kòro beè bi ba nan gi kwɔ́ɔmi na.

Matye 10:19

Kàjáa lǎli ni pe ga yele le be kɔ́yi ni lè, syɛ́ɛnree yele a joo lè, ní kánmee na yele a di joo lè, ki ga yɛlɛ yele fúnyi í kɔ́ curugo kéeli bee na í. Dee yele a joo lè, Kolocɔlɔɔ a di kaan yele ma lǎli bee ni.

Luki 1:1

Kérigèle gele ke da kpéʔele wolo níngi ni lè, syɛ̀ɛnnɛ saʔa n ge sɛ́bɛ,

Luki 21:15

Níì cán mii tiimaa wi a nyɔɔsyɛɛnri kaan yele ma n fàra sícilimi na, koro ga pye yele nígoowaa faala a fànʔa taa yele na bi joo yele jáa í, wàlá bàā yele kábala ní wi syɛ́ɛnri ní í.

Kapyegèle 23:11

Cángi bee nyǐndaliga yébilige ni a Kàfɔw pan Pɔli ma n baa joo ní wi ní níì jo: «Soro mi yére, níì cán àmɛɛ mɔ mii séeraw kpéʔele lè Zyerusalɛmi ni, ànbée gi yɛlɛ mɔ í wɔ́ɔ wi kpéʔele Wɔrɔmi ni.»

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

Wɔrɔmi ye 15:31

koro ga pye mii í taa syɔɔ Zyude tári sìndagabéle ma, fáliw si wɔ́ɔ nyɔɔ Kolocɔlɔɔ syɛɛncanbèle ma wee mii syée sa kpéʔele lè Zyerusalɛmi ma.

2 Korɛnti ye 12:9

a wi mii yari: «Mii kpɔ́ʔɔri n yɛlɛ ní mɔ ní, níì cán mii fǎngi i gi kapyeli forogi mɔ ma lǎli ni mɔ nyɛ lè fànʔa-fǔnmi ni.» Gee bee na ki n mii dɛ́nɛ gbanʔama n sɔ̀lɔ mii í niyɛɛ gbɔ́ʔɔ ní mii fànʔa-fǔnmi kèlē ní, koro ga pye Kirisi fǎngi í pye mii ni bàā mii dɛ̀ɛmɛ́.

Efɛzi ye 3:8

Wi n kpɔ́ʔɔri bee kaan mii ma, mii wi lè Kolocɔlɔɔ syɛɛncanbèle myɛ wobile, koro ga pye mii í da Kirisi córomɔ fun lɔnɛʔɛri syɛɛnjóocànra nyuu syɛɛnfeleyi wozanya ma,

1 Timɔte 1:12

Mii i bariga kaangi wolo Kàfɔw Kirisi Zyezu ma, woro wee wi fǎngi kaangi mii ma lè níì mii córo tágala syɔ́ɔn, níì mii lége wi fáliw ni,

2 Timɔte 2:1

Gee bee na, ni pyà, ki n yɛlɛ mi nìrimɛ le kpɔ́ʔɔri báriga ni, dee wo taa Kirisi Zyezu ni lè.

2 Timɔte 2:9

toro dee kéele na mii wɔʔɔ lè àlí pe n mii pwɔɔ ní nyɔ̀ʔɔmɔ ní, mɔ a jo kapeebyeo mii nyɛ. Kàjáa Kolocɔlɔɔ syɛ́ɛnri ga pwɔɔ í.

2 Timɔte 3:11

ní wɔ́ɔ̀ mii wɔʔɔyi, ní mii fɔ̀rɔyi cán. Wɔʔɔyi ní fɔ̀rɔyi yi too mii na lè Antyɔsyi ni, ní Ikonyɔmi, ní Liisitiri ni, á mii yi kpàraco, mɔ n yee bee myɛ cán. Kàfɔw si n mii syɔɔ yi myɛ ma.

2 Timɔte 4:5

Mɔ si na, ki n yɛlɛ mɔ í miyɛɛ cǒmi cán kérigèle myɛ ni, mí wɔʔɔgi kpàraco, fáliwee kanyaajooo yɛlɛ waa kpéʔele lè, da wee bee kpéʔele, máā mɔ fáliw kpéʔele mi foro.

Tiiti 1:3

Lǎlee wi da nyɛ́nɛ n wòlo lè, a li ga baa nan, a wi sìíw bee kéele tɛ̀ɛn wi syɛ́ɛnri báriga ni, dee wolo Syɔɔfɔw Kolocɔlɔɔ kàlifáa mii ma lè níì jo mii í da di nyuu.

Heburubèle 11:33

Tágali báriga ni bele bee pèle da fànyaa jáa, á pèle kasingèle kpéʔele, a nyɔɔfaliyi foro pèle ma, á pèle càarabèle nyɔ́ɔyɔ tɔ́n,

1 Pyɛri 5:8

Ki n yɛlɛ ye yeyɛɛ cǒmi cán, yé kòro nyɛ̀nɛ na! Níì cán yele kàsiitun-nyɛ́nw wi lè Dàzɔɔnw, wi i nyaari ni máari àmɛɛ càaraɔ nyɛ, wee wi kaana lè, syɔ́ɔnwee wi a taa káa lè, wee bee wi caa.

2 Pyɛri 2:9

Kánmi bee na Kàfɔw gi cán àmɛɛ wi a gbǎn wi yɛ́ɛgi fyáafɔɔlɔ yirige be kagbanyi ni lè, si syɛɛnnaa-sìnzinbèle kɔn wɔʔɔgi kánma na kútiiw canjerige yɛ́ʔɛ na,

1 Samyɛli 17:37

A Davidi níì jo: «Yawe wi mii syɔɔ càaraw kajinre ní ursiw kɔ́lɔ ma lè, wi a wɔ́ɔ mii syɔɔ Filisitini ye wów bee ma.» Lǎli bee ni a Sawuli Davidi pye: «Da syée, ki n yɛlɛ Yawe í pye ní mɔ ní.»