2 Timɔte 4:16 - Cebaara Bible 2010

¹⁶ Lǎli ni mii sélì mii kéeli tɛ̀ɛn kútiijoo-tɛ́ɛgi ni lè, wàa faala da pye ní mii ní í, pe myɛ maa mii cée. Ki si ga yɛlɛ Kolocɔlɔɔ í gee bee córo be ma í!

2 Timɔte 4:16 Iomraidhean Croise

Mariki 14:50

A wi pìitamabèle myɛ fàn níì wi yaʔa.

Luki 12:11

Pe ga kɔ́ ni yele kɔ́ri ni syée sérikpaayi ma, ní kútiijoobèle, ní fànʔafɔbèle ma lǎlee ni lè kútiiw kéele na, syɛ́ɛnree yele a sa joo lè, ní kánmee na yele a sa di joo lè, ki ga yɛlɛ yele fúnyi í kɔ́ curugo kéeli bee na í.

Zyan 16:32

Ye wéle, làlaa i maa, li n caà nan n kwɔ́ɔ, lee ni yele a cariga lè, yele myɛ nibin nibin a kári yele kpaaya ma, si mii yaʔa mii nibin. Kàjáa mii o nyɛ mii nibin í, níì cán Tofɔw i nyɛ ní mii ní.

Kapyegèle 22:1

«Mii senyɛnbèle, ní mii tóobèle, ye mii syɛ́ɛnri lóʔo dee mii a joo lè tɔ́ɔliw ni bi mii kéeli tɛ̀ɛn yele na.»

Kapyegèle 25:16

A mii be yari: ‹Wɔrɔmi ye kalɛɛlɛ ban li nyɛ bi syɔɔn kaan syɛ́ɛnbèle ma í, fwɔɔ wi ní wi kútiikuun-nyɛ́nbèle í pínɛ joo peyɛɛ nyɛ̀nɛ na.›

Kapyegèle 7:60

A wi kɔ́ɔ̀ kpùmɔnɔ níì yákpogbɔɔlɔ wáa níì jo: «Ni Kàfɔlɔ, ki ga yɛlɛ mɔ í kapeeli naa fwɔ́ɔlɔ tɔ́n be ma í.» A wi ga syɛ́ɛnri bee joo n kwɔ́ɔ, a wi fala n ŋúnɔ.

1 Korɛnti ye 13:5

ki o kanaa-sìnzinre kpéʔele í, ki o kiyɛɛ nyɔɔmɔ caa í, ki o fundanʔara kpéʔele í, ki o kapeele sɔ̀ngí í,

1 Korɛnti ye 9:3

Bele be mii kologi lè, poro má mii a syɛ́ɛnri naa joo si jo:

2 Korɛnti ye 7:11

Funbɛɛnri naa tiimaa n yɛlɛ ní Kolocɔlɔɔ kínidɛnɛgi ní, ye gi wéle gee funbɛɛnri bee kpéʔele yele ni lè. Yele n ŋàʔana gbanʔama n tànʔa taa! Ki n tɔ̀nɔ n yele fúnyi curugo, a yele fyáa gbanʔama, yele maa tɔ̀nɔ ni caa bi mii nyaa, níì kéeli bee cɔɔnri kányɛʔɛ ni, níì gi gbàn kakolobyew bee na gbanʔama! Yele n gi tɛ̀ɛn kánmi myɛ na ncan yele n fílige kéeli bee ni.

Filipikaʔa ye 1:17

bele si be Kirisi kéeli nyuu lè kàsiiw kánma na, bele bee o di nyuu ní funviire ní í. Pe i sɔ̀ngí bi wɔʔɔlaa fàra mii kàsoleri na.

Filipikaʔa ye 1:7

Sɔ̀nguri bee n yɛlɛ mii í di sɔ̀ngi yele myɛ kéeli na, níì cán yele kéeli i nyɛ mii fúngi ni, á yele myɛ yele lɛɛli taa kpɔ́ʔɔri ni ní mii ní n mii yaʔa naa kàsokpaagi ni, ní wɔ́ɔ̀ yele lɛɛli taa kpɔ́ʔɔri ni ní mii ní àmɛɛ mii Syɛɛnjóocǎnri tèé lè níì jo ti i nyɛ kányɛʔɛ, ní wɔ́ɔ i nyɛ báriga syɛ́ɛnrɛ.

2 Timɔte 1:15

Mɔ n gi cán Azii tári syɛ̀ɛnnɛ myɛ n mii yaʔa. Fizyɛli ní Hɛrimɔsyɛni wɔ́ɔ i nyɛ bele bee pèle.

2 Timɔte 4:10

níì cán Demasi n mii yaʔa dulunyanw naa tàmaga kéele na, níì kári Tesaloniki ma. Keresan si n kári Galasii ma, á Tiiti kári Dalimasii ma.

2 Timɔte 4:15

Mi wɔ́ɔ maa miyɛɛ kɔ̀rɔsíi wi na, níì cán wi maa ni wolo syɛɛnjóori kábala gbanʔama.

1 Pyɛri 3:15

Kàjáa ki n yɛlɛ ye Kirisi yaʔa wi pye yele fúnyi kàrigafɔlɔ, yé pye wogboʔoro-yaʔabéle ní làla o làla, koro ga pye syɔɔn o syɔɔn wi yele yíbe yele sɔ̀ngumi tɛɛtaʔaga kéele na lè, yele í syɛɛnlurugoro taa kaan wi ma.