2 Timɔte 4:14 - Cebaara Bible 2010

¹⁴ Alɛkisandiri wi lè kanyɛɛnfaanw, wi n kapeegèlē saʔa kpéʔele mii na. Kàfɔw si a wi sàra bi yɛlɛ ní wi kapyegèle ní.

2 Timɔte 4:14 Iomraidhean Croise

2 Samyɛli 3:39

Alí àmɛɛ pe wírè sǐnmi wo mii na lè n kpéʔele fànʔafɔlɔ, mii fǎngi n sèʔê cɛ́rɛ. Nǎnbèle bee be lè Seruya jáabèle, pe n nìri n sɔ̀lɔ mii na. Wee wi kapeegi kpéʔele lè ki n yɛlɛ Yawe í wi sàra bi yɛlɛ ní wi péemi ní.»

Ŋúnuyi 28:4

Pe sàra mi yɛlɛ ní be kapyegèle, ní be péemi kapyere ní, pe sàra mi yɛlɛ ní be kɔ́yi kapyele ní. Pe tiimaa kérigèle yaʔa ke lúru kòro be na.

Ŋúnuyi 62:12

Kolocɔlɔɔ n joo tɔlɔgɔ nibin, a mii dee naa lóʔo tɔlɔyɔ siin a di jo: «Kolocɔlɔɔ má fǎngi nyɛ.

Zyeremii 15:15

Ee Yawe, mɔ n ki myɛ cán, sɔ̀ngi mi taa mii na, pan mi ba mii dɛ̀ɛmɛ, gɔ̀lɔ́w wòlo mii wɔʔɔfɔbèle na! Mɔ a kɔ́ mii kíle kári í, mɔ wee fúngo gi lè ki o taanri kelekele í! Ki n yɛlɛ mi gi cán mii i faʔari kpàracó mɔ kéeli na.

Kayaagi Nyɛnigɛ 3:64

Ki sìndɛɛgi lúrugo be ma, ee Yawe, bi yɛlɛ ní be kɔ́yi kapyele ní.

Wɔrɔmi ye 12:19

Mii syɛɛn-nidaanmabèle, ki ga yɛlɛ yele tiimaa í da yele kapeegèle fwɔ́ɔgéle tɔ́ngi í, fwɔɔ ye Kolocɔlɔɔ fundanʔari yaʔa taa ge tɔ́ngi, níì cán ki n sɛ́bɛ níì jo: «Mii má kapeebyeri fwɔ́ɔtɔnrɔ nyɛ, mii a di fwɔ́ɔli tɔ́n,» Kàfɔw wi gi joo nya.

Wɔrɔmi ye 2:6

Cángi bee na wi a ba syɛ́ɛnbèle myɛ nibin nibin sàra bi yɛlɛ ní be kapyegèle ní.

2 Tesaloniki ye 1:6

Níì cán ki n sín Kolocɔlɔɔ yɛ́ʔɛ ma bi wɔ́ɔ ba yele wɔʔɔli sìndɛʔɛ lúrugo yele wɔʔɔfɔbèle ma,

1 Timɔte 1:20

Poro pèle be nyɛ Himene ní Alɛkisandiri, mii si n be kaan Sutanaw ma koro ga pye gee bee í pye be ma tamana pe gi cán ki ga yɛlɛ poro í da Kolocɔlɔɔ mɛ́ɛgi kálagi í.

2 Timɔte 4:15

Mi wɔ́ɔ maa miyɛɛ kɔ̀rɔsíi wi na, níì cán wi maa ni wolo syɛɛnjóori kábala gbanʔama.

1 Zyan 5:16

Syɔɔnwaa ga wi senyɛnnɛ nyaa wi i kapeelaa kpéʔele li si o nyɛ kùu wólo í, ki n yɛlɛ wi nyɛ́ɛri Kolocɔlɔɔ ma wi kéeli na, Kolocɔlɔɔ a sìi kaan senyɛnw bee ma. Gee naa a gbǎn pye bele má be kapeegèle kpéʔele lè, ke si o nyɛ kùu wòʔolo í. Kapeelaa i yaà, li i nyɛ kùu wólo, mii ga jo syɔɔn í da nyɛ́ɛri lee bee kéele na í.

Tɛ̀ɛnnɛ 18:20

Nyɛ̀ʔɛni, ki n yɛlɛ maa fundaanra kpéʔele gi kálagili kéele na! Yele Kolocɔlɔɔ syɛɛncanbèle, ní pìitunbèle, ní kanyaajoobèle, ki n yɛlɛ yaa fundaanra kpéʔele! Níì cán Kolocɔlɔɔ n gi kútiiw joo n ceri n yɛlɛ ní kapeegèle ní gi kpéʔele yele na lè.»

Tɛ̀ɛnnɛ 18:6

Kánmee na gi yele sàra lè, ye gi sàra kánmi bee na, yé gi kapyegèle tɛ́ɛyɛ siin lúrugo gi ma! Yagbaalee ki da nyìn n kaan yele ma lè, ye lee bee nyɛ́ngéle siin kaan gi ma.

Tɛ̀ɛnnɛ 6:10

A be yákpogèle wáa gbanʔama níì jo: «Kàfɔzinw, mɔ wi lè kányɛɛgi fɔ́lɔ, làlìí mɔ sige si náa wolo sìsyaanw wolo kútii joo ceri tári syɛ̀ɛnnɛ na, si gi sìndɛɛgi lúrugo be ma?»

1 Samyɛli 24:12

Wéle, mii tóow, mɔ búrogbɔɔgi búronyɔɔ wi wee mii kɔ́gi ni. Amɛɛ mii mɔ búrogbɔɔgi búronyɔɔ ceri lè, mii si ga mɔ kpóo í, koro na ki n yɛlɛ mɔ í gi fílige cán bi cán mii ga nyɔɔ kúun mɔ na í, kolomɔ faala o nyɛ mii na í, mii ga kapeele pye mɔ na í, á mɔ yiri ni mii caa bi mii sìíw kwɔ́ɔ.