2 Timɔte 4:11 - Cebaara Bible 2010

¹¹ Luki nibin wi kòro naa ní mii ní. Mariki kɔ́ri maa maa ní miyɛɛ ní, níì cán mii màko i nyɛ wi na gbanʔama fáliw kéele na.

2 Timɔte 4:11 Iomraidhean Croise

Oze sɛ́bɛw 14:4

Asirii ye wów a wolo syɔɔ í. Wolo a ní lúgu kapɛɛnkpumɔn-syɔ́ɔnyɔ na í, wolo a ní gi joo wolo kɔ́yi fáli ma í si jo: ‹Wolo Kolocɔlɔw í!› Níì cán mɔ taana círiw ba ni nyinidaara nyaagi.

Matye 19:30

Kàjáa yɛʔɛ̀ ma syɛ́ɛnbèle pèle saʔa a ba pye kàdoʔo ma, kàdoʔo ma wóbèle pèle saʔa si ba pye yɛʔɛ̀ ma.

Matye 20:16

Kánmi bee na kàdoʔo ma syɛ́ɛnbèle a ba pye yɛʔɛ̀ ma, yɛʔɛ̀ ma wóbèle si ba pye kàdoʔo ma.»

Luki 13:30

Ye wéle, kàdoʔo ma syɛ́ɛnbèle pèle a ba pye yɛʔɛ̀ ma, yɛʔɛ̀ ma wóbèle pèle si pye kàdoʔo ma.»

Kapyegèle 12:12

A wi ga kéeli bee sɔ̀ngi n kwɔ́ɔ, a wi kári Marii kpaʔa ma wi lè Zyan nɔ́ɔw, pe wɔ́ɔ i Zyanw bee yiri Mariki, syɛ̀ɛnnɛ saʔa maa peyɛɛ gbóʔoro nɛɛ bee ni Kolocɔlɔɔ nyɛ́ɛri.

Kapyegèle 12:25

Lǎli ni Barinabasi ní Sɔli sáà tundunri kpéʔele n kwɔ́ɔ lè, a be yiri Zyerusalɛmi ni n lúru ni syée, pe si maa Zyan kɔ́ri n pínɛ ní peyɛɛ ní, wee be yiri lè Mariki.

Kapyegèle 15:37

Barinabasi si maa ni caa Zyan í kári ní poro ní, wee be wɔ́ɔ̄ yiri lè Mariki.

Kapyegèle 15:39

A kàkabalagi bee kpɔ́ʔɔ be níngi ni, fwɔɔ a gee bee pye sábabu á be láʔa peyɛɛ na. A Barinabasi Mariki kɔ́ri n sáà jée bàtowaa ni bi lǒgi jeli bi kári Syipiri ma,

Kapyegèle 16:10

Pɔli yanyaagi bee kàdoʔo ma a wolo fala ni kanmaa caa bi kári Maseduwani ma, níì cán wolo maa gi fílige n cán ncan Kolocɔlɔɔ wi wolo yeri yaà, wolo í kári sa Syɛɛnjóocǎnri joo be ma.

Kɔlɔsi ye 4:10

Mii kàsolenyɛnw Arisitaki ní Barinabasi senyɛnw Mariki n yele syáanri, Mariki ga nan yaà yele na, ye wi sámaga ye cò àmɛɛ tundunri da jo n kwɔ́ɔ yele ma lè wi kéeli na.

Kɔlɔsi ye 4:14

Wolo syɛɛn-nidaanmaw Luki wi nyɛ lè lɔ̀ʔɔtɔrɔw, woro ní Demasi n yele syáanri.

2 Timɔte 1:15

Mɔ n gi cán Azii tári syɛ̀ɛnnɛ myɛ n mii yaʔa. Fizyɛli ní Hɛrimɔsyɛni wɔ́ɔ i nyɛ bele bee pèle.

2 Timɔte 2:21

Gee bee na syɔ́ɔnwee ga wiyɛɛ sámaga n yirige kakolobyeri ni lè, woro a pye falicanw kpéʔelele yalege, gee Kàfɔw jée n mùnu n yaʔa wiyɛɛ ma falicanw myɛ kánma na lè, jàngó waa báara woro ma.

Filemɔn 1:24

n fàra mii falipyenyɛnbèle na be lè Mariki, ní Arisitaki, ní Demasi, ní Luki ní!

1 Pyɛri 5:13

Egiliziwee wi nyɛ lè Babilɔni ni, wee Kolocɔlɔɔ nyɛ́nɛ n wòlo àmɛɛ yele nyɛ lè, wi n yele syáanri yaà, a mii pìíw Mariki wɔ́ɔ̀ yele syáanri.