2 Timɔte 4:10 - Cebaara Bible 2010

¹⁰ níì cán Demasi n mii yaʔa dulunyanw naa tàmaga kéele na, níì kári Tesaloniki ma. Keresan si n kári Galasii ma, á Tiiti kári Dalimasii ma.

2 Timɔte 4:10 Iomraidhean Croise

Matye 12:32

Syɔ́ɔnwee faala ga syɛɛnpeere joo n wáa Syɔɔn-pya na lè, di kùsulugi a syɔɔ wi ma. Kàjáa wee ga syɛɛnpeere joo n wáa Pìicǎnni na lè, di kùsulugi a tée syɔɔ wi ma dulunyanw naa ni í, n náa kɔ́ɔ̀ yére dulunyanwee wi maa lè í.

Matye 26:56

Kàjáa gee naa myɛ n kpéʔele jàngó gi foro àmɛɛ kanyaajoobèle da gi sɛ́bɛ lè.» A pìitamabèle myɛ fàn n cariga wi na.

Luki 14:33

Kánmi bee na yele wee ga pye lè, wi ga kàdoʔo wáa yáriri myɛ ma di nyɛ wi ma lè í, wee bee a gbǎn pye mii pìitamaɔ í.

Luki 16:13

Falipyewaa faala a gbǎn báara kùndigibéle siin ma í. Fwɔɔ wàa kéele í wi bɛɛn, wàa wólo si wi dɛ́nɛ, wi a tan wàa na, si wiyɛɛ láagi yirige wàa ni. Yele a gbǎn pye Kolocɔlɔɔ falipyebèlē, si ní pye lɔ́ri falipyebèlē í.»

Luki 17:32

Ki n yɛlɛ ye sɔ̀ngi ye taa Lɔti céw kéele na.

Kapyegèle 13:13

A Pɔli ní wi kôdanʔanyɛnbèle jée bàtowaa ni Pafɔsi ni n kári Pɛrizyi ma Panfilii tári ni. A Zyan láʔa be na n lúru n kári Zyerusalɛmi ma.

Kapyegèle 15:38

Kàjáa Pɔli da ni caa pe ní wi kɔ́ri í, níì cán wi maa lúru poro kurugo Panfilii ni, wi ga fɔ̀lɔ n kári ní poro ní fáliw ma í.

Kapyegèle 16:6

Amɛɛ Pìicǎnni be yérige lè níì jo pe a kɔ́ sa Kolocɔlɔɔ syɛ́ɛnri joo Azii ni lè í, a be lúru n kári n sáà foro Firizii, ní Galasii tári ni.

Kapyegèle 17:1

A Pɔli ní Silasi foro Anfipolisi, ní Apolonii ni n sáà nan Tesaloniki na, Zyefubèle sérikpaagaa si maa pye nɛɛ bee.

Kapyegèle 17:11

Zyefubèle bee si maa pɔ́rɔ n sɔ̀lɔ Tesaloniki ye wóbèle na, níì cán pe maa syɛ́ɛnri cò ní fundaanra ní, ní i Kolocɔlɔɔ syɛɛnsɛbɛri sámagi ni wéle ní lòmaana ní canʔa o canʔa, jàngó bi gi cán kapye kérigèle Pɔli nyuu lè ke i nyɛ kányɛʔɛ.

Kapyegèle 17:13

Kàjáa lǎli ni Tesaloniki ye Zyefubèle gi lóʔo lè Pɔli i yaà ni Kolocɔlɔɔ syɛ́ɛnri nyuu Bere ye ma wɔ́ɔgēle, a be kári yaà n ní sáà syɛ́ɛnbèle bee sɔ́ɔn be na.

Kapyegèle 18:23

A wi ga sáà làlaa kwɔ́ɔ nɛɛ bee, koro kàdoʔo ma a wi kári n sa ni Galasii tári nyaari ní Firizii tári ní n taʔala tiyɛɛ na ni pìitamabèle myɛ dɛ̀ɛmɛ́ pe nìri.

2 Korɛnti ye 2:13

koro ní ki myɛ ní mii fúngi ga gbàn n ŋɔ́ndaala taa í, níì cán mii da sáà wolo senyɛnw Tiiti nyaa yaà í. Koro na mii kólogi nyɛ́ɛri be ma n kári Maseduwani ma.

2 Korɛnti ye 7:6

Kàjáa Kolocɔlɔɔ wi funjurugoyi fɔ̀ɔlɔ kɛɛlɛ lè, wi n wolo kɛɛlɛ Tiiti panni báriga ni.

2 Korɛnti ye 8:16

Wolo i bariga kaangi Kolocɔlɔɔ ma àmɛɛ wi wolo lòmaani wonijanna lége lè Tiiti ni yele kéeli na.

2 Korɛnti ye 8:23

Ki ga yére Tiiti na, woro i nyɛ mii pínɛnyɛnnɛ, ní wɔ́ɔ i nyɛ mii falipyenyɛnnɛ yele kéeli na. Ki si ga yére wolo senyɛnzanbèle na, poro i nyɛ egilizibèle tundunbéle, ní wɔ́ɔ i nyɛ Kirisi nìjanri.

2 Korɛnti ye 8:6

Gee bee na wolo Tiiti nyɛ́ɛri wi kári yaà yele ma, koro ga pye àmɛɛ wi kpɔ́ʔɔri naa fáli séli yaà yele ma lè, wi sa wi foro.

Galasi ye 1:2

ní senyɛnbèle myɛ be nyɛ lè ní mii ní, wolo a sɛ́bɛw naa tórigo yele Galasi tɛ́nɛmi Egilizibéle ma.

Filipikaʔa ye 2:21

Níì cán pe myɛ i peyɛɛ kérigèle caa, pe o Kirisi Zyezu wógèle caa í.

1 Timɔte 6:10

Níì cán wáliw tàmaga gi nyɛ kapeegèle myɛ nìnre, á pèle si kòro wi caali na, níì pùuni n léeli tágali na, níì kayaaya saʔa tɛ́ʔɛ n peyɛɛ fúnyi kálagi.

1 Timɔte 6:17

Ki joo mi gbàn dulunyanw naa lɔrɔfɔɔlɔ ma mí be pye, pe a kɔ́ ra peyɛɛ gbɔ́ʔɔgi í, mí wɔ́ɔ gi joo be ma pe a kɔ́ be sɔ̀ngumi taʔa lɔ́ri na í, níì cán ti i nyɛ yakwɔʔɔ, fwɔɔ pe be sɔ̀ngumi taʔa Kolocɔlɔɔ na, woro wee wi yáriri myɛ kaangi wolo ma lè wonɛʔɛrɛ ní, koro ga pye wolo í da fundaanra kpéʔele.

2 Timɔte 1:15

Mɔ n gi cán Azii tári syɛ̀ɛnnɛ myɛ n mii yaʔa. Fizyɛli ní Hɛrimɔsyɛni wɔ́ɔ i nyɛ bele bee pèle.

2 Timɔte 4:16

Lǎli ni mii sélì mii kéeli tɛ̀ɛn kútiijoo-tɛ́ɛgi ni lè, wàa faala da pye ní mii ní í, pe myɛ maa mii cée. Ki si ga yɛlɛ Kolocɔlɔɔ í gee bee córo be ma í!

Tiiti 1:4

Mii a sɛ́bɛw naa tórigo mɔ ma, Tiiti, mɔ wi lè mii pìiseew tágali ni li nyɛ wo myɛ siinw ma lè, ki n yɛlɛ Tofɔw Kolocɔlɔɔ ní wolo Syɔɔfɔw Kirisi Zyezu í kpɔ́ʔɔri ní fûnnyingi kaan mɔ ma!

Filemɔn 1:24

n fàra mii falipyenyɛnbèle na be lè Mariki, ní Arisitaki, ní Demasi, ní Luki ní!

2 Pyɛri 2:15

Pe n kôzingi yaʔa níì pùuni n taʔa Bozɔri jáaw Balaami kôlaagi na, woro wee kakolobyeri sàra da dɛ́nɛ lè gbanʔama,