2 Timɔte 4:1 - Cebaara Bible 2010

¹ Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

2 Timɔte 4:1 Iomraidhean Croise

Ŋúnuyi 50:6

Nyɛ̀ʔɛgèle i wi sínni kéele jáari níì cán Kolocɔlɔɔ tiimaa wi nyɛ kútiiceriw. Ŋɔ́ndaala

Ŋúnuyi 96:13

Yawe yɛ́ʔɛ ma! Níì cán wi i maa, níì cán wi i maa ba kútiiw kúun tári na. Wi a ba kútiiw kúun dulunyanw na ní sínnɛ ní, ní syɛɛnfeleyi na bi yɛlɛ ní wi kányɛɛgi ní.

Ŋúnuyi 98:9

Yawe yɛ́ʔɛ ma! Níì cán wi i maa bi ba kútiiw ceri tári na. Wi a ba kútiiw ceri dulunyanw na ní sínnɛ ní bi syɛɛnfeleyi kútii ceri ní kányɛɛgi ní.

Matye 16:27

Níì cán Syɔɔn-pya a kɔ́ pan wi Tóow nìjangbɔɔrɔ ni ní wi tundunbèle ní. Lǎli bee ni wi a ba syɔɔn o syɔɔn sàra bi yɛlɛ ní wi kapyegèle ní.

Luki 19:12

gee bee na a wi jo: «Nànwaa maa pye fànʔafɔlɔ jáa, a wi si kɔ́ ni syée kùleelile ni pe sa fǎngi kaan woro ma, wí náa lúru ba tɛ́ɛn gi na.

Luki 19:15

Lǎli ni wi sáà fǎngi taa n kwɔ́ɔ lè, a wi lúru n pan. Falipyebèle bele má wi da wáliw kaan lè, a wi bele bee yeri níì jo be pan naa woro ma, koro ga pye tɔ̀nɔwee be taa lè jàgiw ni woro í ba wi cán.

Luki 23:42

Níì fala n gi joo Zyezu ma níì jo: «Zyezu, mɔ ga kɔ́ɔ̀ pan bi ba tɛ́ɛn mɔ fangi na lǎli ni lè, mi sɔ̀ngi mi taa mii na.»

Kapyegèle 10:42

Zyezu maa tundunri joo wolo ma níì jo, wolo í da di fíligi da nyuu syɛ́ɛnbèle ma si jo, wee Kolocɔlɔɔ télege lè wi pye niweebèle ní kúbèle kútiicerio, woro wi nyɛ wee bee.

Kapyegèle 17:31

Níì cán wi n cangaa tɛ́ʔɛ gee ni wi a ba kútiisinw kúun lè dulunyanw syɛ̀ɛnnɛ na woro syɛɛntelegew báriga ni, wi n gi fɛ̀ɛ́w fílige n tɛ̀ɛn syɛ́ɛnbèle myɛ na àmɛɛ wi wi nyán n yirige lè kúbèle nínge ni.»

Wɔrɔmi ye 2:16

Gee bee si a ba yiri gbɛ̀ɛ́nmi na cángi bee na, gee ni Kolocɔlɔɔ a ba kútiiw joo lè kalaragèle myɛ kéele na ge nyɛ lè syɛ́ɛnbèle fúnyo ni, ki si a kpéʔele Zyezu Kirisi bárigaw ni bi yɛlɛ ní Syɛɛnjóocǎnri ní mii nyuu lè.

Kɔlɔsi ye 3:4

Kirisi wi nyɛ yele sìíw, wi ga baa wiyɛɛ dɛ̀ɛn lǎlee ni lè, lǎli bee ni wi a wɔ́ɔ yele tɛ̀ɛn ní wiyɛɛ ní nìjangbɔɔri ni.

2 Tesaloniki ye 2:8

Lǎli bee ni Kapeegèle Syɔ́ɔn a wiyɛɛ dɛ̀ɛn, woro wee Zyezu a ba kpóo lè ní wi nyɔ́ɔgi káfalaga ní, si wi kálagi péw woro panni nìjanra darigala báriga ni.

1 Timɔte 5:21

Mii a gi joo bi gbàn mɔ ma, Kolocɔlɔɔ ní Kirisi Zyezu, ní nyɛ̀ʔɛni tundunnyɛnɛ-wòlobēle nyɛ́nɛ na, ki n yɛlɛ mɔ í syɛ́ɛnri naa cò, ki ga yɛlɛ mɔ í kɔ́ keelaa joo ceri li sìnvilige sìnján ni í, sáā syɛ́ɛnbèle pèle yirigi pèle ni í.

2 Timɔte 1:10

Syɛ́ɛnbèle n baa kpɔ́ʔɔri bee nyaa tɔ́ɔliw ni àmɛɛ wolo Syɔɔfɔw Kirisi Zyezu baa wiyɛɛ dɛ̀ɛn lè, woro wee wi kùúw kwɔ́ɔ lè, níì sìíw, ní sìnvɔnʔɔmi yirige gbɛ̀ɛ́nmi na Syɛɛnjóocǎnri báriga ni.

2 Timɔte 2:14

Maa be sɔ̀ngumi tìrigí kérigèle bee na, mi gi joo mi gbàn be ma Kolocɔlɔɔ nyɛ́nɛ na jàngó paa peyɛɛ kɔ̀rɔsíi kàkabalayi syɛɛnjóonɛʔɛrɛ na, níì cán ti i nyɛ tɔ̀nɔ fun, àlí ti i di lóʔofɔbèle kálagi.

2 Timɔte 4:18

Kàfɔw a ra mii syoo kapeeyi myɛ ma, si ní mii syɔɔ jàngó mii í jée wi nyɛ̀ʔɛni fànʔa ni. Woro na kpɔ́ʔɔri yɛlɛ làrigèle myɛ ni! Amiina!

2 Timɔte 4:8

Nlaʔa tɔ́ɔliw naa na, Kàfɔw wi lè kútiisinw kúunfɔlɔ, wi n kpɔ́ʔɔri nyùndɔnnɔ tɛ́ʔɛ yaà mii yɛ́ʔɛ na, sínni wólo, lee wi a ba kaan mii ma lè cángi bee na. Mii nibin si má ban wi a li kaan í, bele myɛ be wi làridɛ̀ɛ́nni sige lè ní fundaanra ní, wi a wɔ́ɔ kèle kaan bele bee ma.

Tiiti 2:13

àmɛɛ wolo wo sɔ̀ngumi tɛɛtaʔajanga sige lè, gi lè Zyezu Kirisi lúrubanni àmɛɛ wi a ba wiyɛɛ dɛ̀ɛn lè wi nìjangbɔɔri ni, woro wee wi lè Kolocɔlɔɔ Wogbɔɔw ní wolo Syɔɔfɔw.

1 Pyɛri 1:7

Kagbanyi bee nyúngo i nyɛ bi yele tágali sɛʔɛ wéle, loro lee li nyɔɔ n sɔ̀lɔ lè tɛ́ɛw na wi nyɛ lè yakwɔʔɔ, pe si i wi sɛʔɛ ni wéle ní náagi ní, kánmi bee na fwɔɔ yele tágali í sɛʔɛ wéle koro ga pye yele si sòololo, ní nìjanra, ní kpɔɔmɔ taa Zyezu Kirisi làridɛ̀ɛ́nni ni.

1 Pyɛri 4:5

Wee wi wiyɛɛ zámaga n kwɔ́ɔ bi ba kútiiw kúun niweebèle ní kúbèle na lè, woro wi a ba be yíbe kérigèle bee na.

1 Pyɛri 5:4

Lǎli ni bànaʔabèle Kàfɔlɔ ga baa wiyɛɛ dɛ̀ɛn lè, wi a bàngwɔɔ nìjangbɔɔrɔ taʔa yele na, ti pye yele ma kpɔʔɔrɔ.

2 Pyɛri 1:11

Kánmi bee na Kolocɔlɔɔ a kólogi sámaga múgu yele ma yele í jée Zyezu Kirisi kwɔ́ɔmɔ fun fangi ni, wi lè wolo Kàfɔw ní wolo Syɔɔfɔw.

2 Pyɛri 1:17

Tofɔw Kolocɔlɔɔ maa kpɔ́ɔmi ní nìjangbɔɔri taʔa wi na, níì cán yákpolo maa yìri Nìjangbɔɔri ma, dee di nyɔɔ n sɔ̀lɔ ti myɛ na lè, a li joo ní wi ní níì jo: «Wee naa wi nyɛ mii Pìinidaanmaw, wi kéeli n mii dɛ́nɛ gbanʔama.»

1 Zyan 2:28

Awá tɔ́ɔliw ni, ni pìibēle, ki n yɛlɛ yele í kòro Kirisi ni, koro ga pye lǎli ni wi ga baa wiyɛɛ dɛ̀ɛn lè, yele í gbǎn soro bi yére, jàngó fɛ̀ɛrɛ a kɔ́ ba yele taa wi làribanni ni yele í da làrá wi na í.

Tɛ̀ɛnnɛ 1:7

Ye wéle, wi i maa ní fàfaanyi ní. Nyapiigèle myɛ si a ba wi nyaa, àlí bele pe da wi súu lè. Tári syɛ̀ɛnnɛ myɛ a ba ra sùpiigèle wáa wi kéeli na. Anbée ki a ba pye. Amiina.