2 Timɔte 3:8 - Cebaara Bible 2010

⁸ Amɛɛ Zyanɛsi ní Zyanbirɛsi da ni Mowizi kábala kánmee na lè, kánmi bee na nǎnbèle bee wɔ́ɔ i kányɛɛgi kábala. Pe sɔ̀ngumi n kálagi, tágadeele o nyɛ be ma í.

2 Timɔte 3:8 Iomraidhean Croise

Yirile 7:11

A Faraɔnw Ezyipiti sícilibèle ní sàndoobèle yeri. A Ezyipiti nìnyɔʔɔnɔgi fɔ̀ɔlɔ wɔ́ɔ baa gee bee félege kpéʔele pe kacánmi báriga ni.

Yirile 7:22

A Ezyipiti nìnyɔʔɔnɔgi fɔ̀ɔlɔ wɔ́ɔ̀ gi felege kpéʔele be nìnyɔʔɔnɔgi báriga ni. A Faraɔnw fúngo gbàn. Wi ga fɔ̀lɔ n lóʔo Mowizi ní Aarɔn ma í n yɛlɛ ní gi ní àmɛɛ Yawe da gi joo lè.

Yirile 8:18

Kàjáa cángi bee na mii a Gosyɛn tɛ́nɛmi yaʔa kɔlɔ̀ na, beè mii syɛ́ɛnbèle nyɛ lè. Sísyɔnʔɔ faala a tée pye nɛɛ bee í. Koro ga pye mɔ í gi cán mii Yawe i nyɛ tɛ́nɛmi bee ni.

Yirile 8:7

Jàwaliri a láʔa mɔ ní mɔ falipyebèle, ní mɔ tári syɛ̀ɛnnɛ na, yele í syɔɔ di ma. Tàa a ní kòro beè kapye Niili cábigi ni ban í.»

Kapyegèle 15:24

Wolo n gi lóʔo, wolo syɛ́ɛnbèle pèle n kári yaà yele ma n sáà yele sɔ̀nguri nyáʔami, níì yele fúnyi curugo yele na ní syɛɛnraa ní, bi gi taa wolo ga be tun í.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 16:18

Níì cán syɛ́ɛnbèle bee félege o báara wolo Kàfɔw Kirisi ma í, pe tiimaa fícarigèle má be báara. Syɛ́ɛnbèle bele be nyɛ lè pe ga kɔ́ɔ̀ kapeegèle ní kacǎngèle cán n láʔala keyɛɛ na í, pe i bele bee fáana ni pùuní ní be lɛ́ɛlɛgi syɛ́ɛnrɛ, ní be jànvaaw syɛ́ɛnrɛ ní.

Efɛzi ye 4:14

Kánmi bee na wolo a ní kòro pìími ni, tamaveleyi káfalaya í ra wolo fíigi sáā wolo lée ra wáa da máari í bi yɛlɛ ní syɛ́ɛnbèle námara, ní be sícilibeemi ní bi syɔɔn pùuní lè í,

1 Timɔte 1:19

mí tágali cò ní funviire ní. Syɛ́ɛnbèle pèle n funviiri bee cée níì pùuni tágali kàbaan na, mɔ a jo àmɛɛ kɔ́rɔ gáà kéle lɔ̀ʔɔ ni lè.

1 Timɔte 4:2

Jànvaaw tamana i taagi syɛɛnjóotɛɛyi siin joofɔɔlɔ ma, poro bele fúnyo yi gbàn lè mɔ a jo namisógugo fɛɛ wii.

1 Timɔte 6:5

Bele yákirii wi kálagi lè, poro má kàkabalabeeyi yìrigí, kányɛʔɛ o nyɛ be ma í, pe i gi sɔ̀ngí n jo Kolocɔlɔɔ yɛ́ɛgi fyáara i nyɛ dulunyanw tɔ̀nɔtaara kólogo.

2 Timɔte 4:15

Mi wɔ́ɔ maa miyɛɛ kɔ̀rɔsíi wi na, níì cán wi maa ni wolo syɛɛnjóori kábala gbanʔama.

Tiiti 1:10

Níì cán syɛɛnjamabèle n nɛʔɛ, poro bele be nyùngo fun syɛ́ɛnri nyuu lè ní i syɛ́ɛnbèle fáana ni pùuní, bele be koro kpéʔele lè, pe saamaw i nyɛ kɛ́nɛw fɔ̀ɔlɔ.

Tiiti 1:16

Pe i gi nyuu níì jo pe n Kolocɔlɔɔ cán, bi gi taa pe kapyegèle i gi tèé pe n wi cée. Pe n tɔ̀nɔ n pee ní i nyɛ sìnloʔobéle, pe fanʔa o gi na bi gbǎn kacànnaa faala kpéʔele í.

2 Pyɛri 2:14

pe o cébèle wéle kapye ní wélebeele ní ban í, pe o tíngi kapeebyeri na í, pe i fûngabalayi syɛ̀ɛnnɛ lɛ́ɛlɛ ni có. Pe fúnyi n tàli n kwɔ́ɔ nyabɛɛnni na. Pe i nyɛ dángaw pìibēle.

1 Zyan 2:18

Ni pìibēle, làrizanni n nan. Amɛɛ yele da gi lóʔo lè Kirisi nigoow a pan, Kirisi nigoobèle saʔa i beè n kwɔ́ɔ tɔ́ɔliw naa ni, gee bee na wo gi cán ncan làrizanni n nan.

1 Zyan 4:1

Mii syɛɛn-nidaanmabèle, ki ga yɛlɛ yele í da tági pìígèle myɛ syɛ́ɛnrɛ na í. Ki n yɛlɛ yaa pìígèle sɛʔɛ yaa wéle jàngó bi gi cán kapye Kolocɔlɔɔ má ge yìri, níì cán kanyaajoo-fáanabéle saʔa n cariga dulunyanw ni.

Tɛ̀ɛnnɛ 2:20

Kàjáa mii n sèʔê tìgi mɔ na kéeli naa na, loro li nyɛ àmɛɛ mɔ fɔ̀lɔ gi na n céw bee yaʔa yaà lè, wee be yiri lè Zyezabɛli, woro wee wi wiyɛɛ yiri lè kanyaajooo, ní si i mii púlobèle tama, ní i be fáana jàngó paa kanɔnʔɔri kpéʔele, sáā yasunyi káara káa.

Tɛ̀ɛnnɛ 2:6

Gee si gi yaà lè mɔ ma, koro gi nyɛ Nikolayiti ye kapyegèle i mɔ bɛɛngi, àmɛɛ ge wɔ́ɔ i mii bɛɛngi lè.