2 Timɔte 3:5 - Cebaara Bible 2010

⁵ Kolocɔlɔɔ kôdanʔari fɛ̀ɛ a ba pye be na, kàjáa pe a wi séew cée. Ki n yɛlɛ mɔ í láʔa syɛ́ɛnbèle bee félege na.

2 Timɔte 3:5 Iomraidhean Croise

Ezayi 29:13

Kàfɔw n jo: «A syɛ́ɛnbèle naa nùuní mii na ní syɛɛnjóoro ní wii yagana, a be mii kpɔ̀ʔɔrɔ́ nyɔɔwara na wii yagana. Kàjáa be fúnyi n léeli mii na, mii yɛ́ɛgi fyáara di nyɛ be ma lè, ti i nyɛ syɔɔn ye kalɛɛgéle gele be tama n cò lè.

Matye 7:15

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè.

Efɛzi ye 4:14

Kánmi bee na wolo a ní kòro pìími ni, tamaveleyi káfalaya í ra wolo fíigi sáā wolo lée ra wáa da máari í bi yɛlɛ ní syɛ́ɛnbèle námara, ní be sícilibeemi ní bi syɔɔn pùuní lè í,

2 Tesaloniki ye 3:14

Wàa ga wolo syɛ́ɛnri cée, dee wolo sɛ́bɛ n tórigo lè yele ma sɛ́bɛw naa ni, yaa wee bee kɔ̀rɔsíi, yele a kɔ́ pínɛ yarigaa na ní wi ní í, jàngó fɛ̀ɛrɛ í wi taa.

2 Tesaloniki ye 3:6

Ni senyɛ̀nnɛ, wolo a gi joo gbàn yele ma Kàfɔw Zyezu Kirisi mɛ́ɛgi na si jo, senyɛnnɛ o senyɛnnɛ wi sàlaga kpéʔele lè, wi si wɔ́ɔ o táanri ni yɛlɛgi ní tamani ní í, lee yele taa wolo ma lè, ki n yɛlɛ yaa còʔoró wee bee na.

1 Timɔte 4:7

Kàjáa mi Kolocɔlɔɔ yɛ́ʔɛnaa-sìnvyaabèle kèlē ní celɛɛbèle tánlɛɛyɛ cée, mí miyɛɛ dama mi tàli Kolocɔlɔɔ yɛ́ɛgi fyáara kele na.

1 Timɔte 4:8

Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.

1 Timɔte 5:8

Syɔ́ɔnwee ga pye lè wi o wi syɛ́ɛnbèle màko nyɔɔgi í, àlí gee gi caà wi tiimaa kpáagi wòolo kéele kwɔ́ɔ lè, wee bee n tágali cée, ní wɔ́ɔ̀ pee n sɔ̀lɔ sìndagaɔ na.

1 Timɔte 6:5

Bele yákirii wi kálagi lè, poro má kàkabalabeeyi yìrigí, kányɛʔɛ o nyɛ be ma í, pe i gi sɔ̀ngí n jo Kolocɔlɔɔ yɛ́ɛgi fyáara i nyɛ dulunyanw tɔ̀nɔtaara kólogo.

2 Timɔte 2:16

Léeli Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ na, níì cán bele be di nyuu lè, poro a ra syée yɛʔɛ̀ ma làla o làla Kolocɔlɔɔ yɛ́ʔɛnaa-sìnvyaari ni.

2 Timɔte 2:23

Kàjáa labalami ní nyùngo fun yíbeyi cée, mí gi cán kérigèle bee ge maa ní kàsiiw ní.

Tiiti 1:16

Pe i gi nyuu níì jo pe n Kolocɔlɔɔ cán, bi gi taa pe kapyegèle i gi tèé pe n wi cée. Pe n tɔ̀nɔ n pee ní i nyɛ sìnloʔobéle, pe fanʔa o gi na bi gbǎn kacànnaa faala kpéʔele í.

Tiiti 3:10

Syɔ́ɔnwee wi syɛ́ɛnbèle wálagi peyɛɛ na lè, mɔ ga wi sàmi tɔlɔgɔ nibin n baa nan tɔziin wóʔo na, ki n yɛlɛ mi wi cée,