2 Timɔte 3:3 - Cebaara Bible 2010

³ ní tàmaga-fùnvɔɔlɔ, ní kayaakɔnbéle, ní mɛ́ɛkalagi-syɛ̀ɛnnɛ, pe si a gbǎn ra peyɛɛ có í, si pye nyinimɛ-fùnvɔɔlɔ, ní kacànnadeebéle,

2 Timɔte 3:3 Iomraidhean Croise

Sélimɛ 49:7

Pe fundanʔari n yɛlɛ ti dánga àmɛɛ di pee lè, pe fundanʔagbɔɔri í dánga àmɛɛ di gbàn lè. Mii a be wàli bi láʔa peyɛɛ na Zyakɔbi ni. Mii a be cariga bi màʔa Isirayɛli ni.

Ŋúnuyi 15:4

Wi o fɔ̀lɔ́ nikalagiɔ na í, kàjáa wi i Yawe yɛ́ɛgi fyáafɔɔlɔ kpɔ́ʔɔgi. Wi ga nyɔ́ɔgi fàli keele na, àlí wi bɔ̀nɔ ga baa pye li ni, wi a tée fɔ̀lɔ bi wi nyɔɔfaligi kàriga í.

Ŋúnuyi 22:6

Pe maa ni yákpogèle wáa mɔ kurugo, a be i syoo, pe maa be sɔ̀ngumi taʔa mɔ na, fɛ̀ɛrɛ ga be taa í.

Ezayi 53:3

Syɛ́ɛnbèle n wi faʔa, níì wi cée n yaʔa, funnyɛnigɛ syɔ́ɔn wi pye, wee wi tàli wɔʔɔgi na lè, wi n pye àmɛɛ wàa nyɛ, wee na syɔɔn wiyɛɛ yɛ́ɛgi tɔ́ngi lè, pe maa ni wi faari, wolo da wi córo í.

Ezayi 60:14

Bele be fǎngi gbàngí mɔ na lè, poro jáabèle a ba ra peyɛɛ jɛ́rɛgi mɔ yɛ́ʔɛ ma, mɔ faʔafɔbèle myɛ a ba ra tíri da tuun mɔ láari ni, pe a ra mɔ yiri Yawe kěgi, ní Isirayɛli Wojanw Siyɔn.

Danyɛli 8:23

Be fǎnyi kwɔ́ɔmɔ na, kapeebyebèle kapeebyere ga foro, fànʔafɔwaa nikwɔɔ a yìri, wee wi a pye lè nɛ̀ɛgbɔʔɔgɔ fɔ́lɔ, ní nigbanaɔ.

Matye 10:21

Syɔɔn a ba ra wi senyɛnnɛ kaangi kùúw ma, tofɔlɔ í da wi pyà kaangi kùúw ma, pìíbèle si wɔ́ɔ ba yìri be seefɔbèle kurugo sáā be kúu.

Matye 4:1

Koro kàdoʔo ma a Pìicǎnni Zyezu tórigo fìími tára ni, jàngó Dàzɔɔnw í sa wi kárima bi wéle.

Luki 10:16

Wee wi ga ni lúro yele ma lè, wee bee wɔ́ɔ i lúro mii ma. Wee si wi ga yele cée lè, wee bee n wɔ́ɔ̀ mii cée. Wee si wi mii cée lè, mii Tunvɔw wi wɔ́ɔ̀ cée.»

Luki 16:14

A Farisibèle ga kérigèle bee myɛ lóʔo Zyezu ma, a be i wi tɛ́ʔɛ, níì cán lɔ́ri kéele n be dɛ́nɛ n sɔ̀lɔ.

Zyan 6:70

A Zyezu be yari: «Mii tiimaa ban wi yele kɛɛ ní siinw nyɛ́nɛ n wòlo ì, bi gi taa wàa nibin i nyɛ yele ni dɛ̀ɛɔ?»

Wɔrɔmi ye 1:29

Kakolobyeri, ní kapeebyeri, ní fungboloyi, ní funbeeyi, n fàra nyabɛɛnni, ní syɛɛnkpoori, ní kàsiiw, ní fáanagi, ní zɔ̀nbeew na, kérigèle bee féleye myɛ be kpéʔele lè, gele bee ge be fúnyi nyìn. Pe wɔ́ɔ i nyɛ lóʔonjoobéle,

Wɔrɔmi ye 1:31

ní ní i nyɛ sɔ̀ngumɔ-fùnvɔɔlɔ, ní nyɔɔfaliyi kálagifɔɔlɔ, ní tàmaga-fùnvɔɔlɔ, ní nyinimɛ-fùnvɔɔlɔ.

1 Korɛnti ye 7:5

Ye a kɔ́ láʔa yeyɛɛ na í, fwɔɔ yele ga bɛ̀ɛ gi na bi làlaa yaʔa bàā nyɛ́ɛri Kolocɔlɔɔ ma. Si náa ní pye ní yeyɛɛ ní, koro ga pye Sutanaw a kɔ́ yele fáana lége kapeele ni yeyɛɛ sìnjomi báriga ni í.

1 Korɛnti ye 7:9

Kàjáa pe ga pye pe a gbǎn peyɛɛ jò í, ki n yɛlɛ pe cèpɔrigi kpéʔele. Koro gi a pɔ́rɔ, sáni be kòro ki sìngbeʔele ni káā be wɔʔɔ lè.

1 Tesaloniki ye 4:8

Koro na wee wi ga tundunri bee cée lè, syɔɔn ban wi cée í, Kolocɔlɔɔ wi cée, woro wee wi wi Pìicǎnni kaan yele ma lè.

1 Timɔte 3:11

Kánmi bee na cébèle wɔ́ɔ̀ yɛlɛ paa síngi paa táanri, ki ga yɛlɛ be pye mɛ́ɛkalagibéle í, fwɔɔ be peyɛɛ cǒmi cán, si pye tágala syɛɛnnɛ kérigèle myɛ ni.

Tiiti 1:8

Fwɔɔ wi pye nibɔnbèle tìrigefɔlɔ, wáā syɛ́ɛnbèle nyɔɔmɔ caa, si pye yákirifɔlɔ, ní syɛɛnsiɔn, ní funjàngafɔlɔ, si wiyɛɛ cǒmi cán,

Tiiti 2:3

Mí wɔ́ɔ gi joo kàcelɛɛbèle ma paa táanri Kolocɔlɔɔ yɛ́ɛgi fyáara na, ki ga yɛlɛ be pye mɛ́ɛkalagibéle í, koro ga jáa be pye sínmi púlobéle í. Ki n yɛlɛ paa cepiibèle tama kacǎngèle ni,

Zyaki 2:6

A yele si i foomɔfɔbèle faari! Lɔ́ri fɔ̀ɔlɔ ban be fǎngi cáan yele na, ní i yele kɔ́ri ni syée n sa ni kaangi kútiijoobèle ma ì?

2 Pyɛri 2:14

pe o cébèle wéle kapye ní wélebeele ní ban í, pe o tíngi kapeebyeri na í, pe i fûngabalayi syɛ̀ɛnnɛ lɛ́ɛlɛ ni có. Pe fúnyi n tàli n kwɔ́ɔ nyabɛɛnni na. Pe i nyɛ dángaw pìibēle.

2 Pyɛri 2:19

Pe i wɔ́rɔdi nyɔɔfaliga kpéʔele be ma, bi si gi taa poro tiimaa i nyɛ kálagimi púlobéle, níì cán yárigee gi fànʔa taa syɔɔn na lè, wi i nyɛ gee bee púlo.

2 Pyɛri 3:3

Ki n yɛlɛ yele í gi cán gbɛnʔɛnɛ bi cán kakpanami fɔ̀ɔlɔ a ba yìri canzanyi ni, poro bele pe a ra táanri da yɛlɛgi ní be céri ki laànitaʔa kele ní lè, pe a ra gi tɛ́ʔɛ

Zyudi 1:16

Nǎnbèle bee i kɔ́nʔɔri ní i kabala ni nyuu, ní i táanri ni yɛlɛgi ní be céri ki laànitaʔa kele ní, ní i nɛ̀ɛnyɛnɛgi syɛ́ɛnrɛ nyuu, ní i syɛ́ɛnbèle lɛ́ɛlɛ ni líi.

Zyudi 1:18

Pe maa yele pye: «Kakpanami fɔ̀ɔlɔ a kɔ́ ba yìri làrizanni ni, bele pe a ba ra táanri da yɛlɛgi ní be tiimaa ki laànitaagi kèlē ní ge nyɛ lè Kolocɔlɔɔ yɛ́ʔɛnaa-sìnvyaari wòʔolo.»

Tɛ̀ɛnnɛ 13:15

A gi wɔ́ɔ̀ fànʔa taa n sìíw ŋɔ́ngara le yaweeseligi niwirige ni, koro ga pye kaa nyuu, bele be lè pe ga fɔ̀lɔ bàā gi kpɔ̀ʔɔrɔ́ í, káā bele bee myɛ kúu.

Tɛ̀ɛnnɛ 13:17

Wàa faala si da pye bi gbǎn yarigaa syɔɔ í, wàlá bi yarigaa pára í, kapye fɛ̀ɛ́w o nyɛ wi na í, wi lè yaweegi mɛ́ʔɛ, wàlá ki mɛ́ɛgi córomɔ.

Tɛ̀ɛnnɛ 16:6

Níì cán pe n mɔ syɛɛncanbèle ní mɔ kanyaajoobèle sìsyaan wo, gee bee na mɔ sìsyaanw kaan be ma pe gbaa, ncan gee bee gi yɛlɛ be na.»

Tɛ̀ɛnnɛ 17:6

A mii céw bee nyaa a wi Kolocɔlɔɔ syɛɛncanbèle sìsyaan gbaa n fàra Zyezu séerafɔbèle wóo na, fwɔɔ a yɛ́ɛgi i wóo wi na àmɛɛ singbaadiɔn wóʔo nyɛ lè. A mii ga wi nyaa, a mii i káama gi na gbanʔama.