2 Timɔte 3:2 - Cebaara Bible 2010

² Níì cán syɛ́ɛnbèle a ba ra peyɛɛ nyɔɔmi yagana caa, pe a ba peyɛɛ daʔa wáliw na, sáā joogbɔɔmi nyuu, sáā peyɛɛ nyɛ́nɛ, si wɔ́ɔ ra Kolocɔlɔɔ mɛ́ɛgi kálagi, pe a ra pe seefɔbèle cèʔé, si pye sɔ̀ngumɔ-fùnvɔɔlɔ, si wɔ́ɔ pye Kolocɔlɔɔ yɛ́ʔɛnaa-sìnvyaabéle,

2 Timɔte 3:2 Iomraidhean Croise

Ŋúnuyi 10:3

Níì cán syɛɛnpeeo i wiyɛɛ gbɔ́ʔɔgi ní wi ki laànitaagi yárira ní, tɔ̀nɔpeew caafɔlɔ i dánga syɛ́ɛnri nyuu ní i Yawe faari.

Ŋúnuyi 49:6

Nyàʔá na mii a ra fɛ̀ɛgí wɔʔɔgi canya na, lǎli ni mii kàsiitun-nyɛ́nbèle kolomɔ ga mii le nínge lè?

Ŋúnuyi 52:1

Ŋúnuŋùúbèle kùndigi wóʔo. Tamani ŋúnugo Davidi ŋùu lè.

Kàseegèle 6:17

Nɛ̀ɛnyɛnɛgɛ nyapiigèle, ní nyínni li finɛ lè, ní kɔ́yee yi tɛɛlɛ fun sìsyaan ŋuu lè,

Ezayi 10:15

A kpanaga i kiyɛɛ gbɔ́ʔɔgi lé wee na wi báara ní gi ní lè? Ba tiicɛnɛ-síi i wiyɛɛ gbɔ́ʔɔ lé wee na wi báara ní wi ní lè? Ki a pye móō sàbinnɛ li li yìrigefɔw fíigi, móō kotinnɛ i wàa yìrigí wee wi lè wi o nyɛ tiige í.

Danyɛli 11:36

Fànʔafɔw a ra gi kpéʔele, gee wi caa lè. Wi a ra wiyɛɛ gbɔ́ʔɔgi, sáā wiyɛɛ délegi kolocɔlɔbèle myɛ ǹjoʔo ni, wi a ra bingaari kèlē nyuu kolocɔlɔbèle Kolocɔlɔɔ kánmi na. Wi kérigèle a ra nyɔɔgi fwɔɔ bi taa fundanʔari làrivorolo í ba nan, níì cán gee gi kɔ̀rirɔ n tímana lè, ki a foro.

Danyɛli 7:25

Wee wi nyɛ Pe Myɛ Nyúngo na lè, wi a ra syɛɛnpeeri nyuu woro na, wee wi nyɛ Pe Myɛ Nyúngo na lè wi a ra woro wojanbèle wɔʔɔ gbanʔama, wi a ra caa bi làrigèle ní làlwaw kàriga, wojanbèle a le wi kɔ́yi ni bi taa làla nibin ní làrigèle kèle, ní làlaa tíla í ba kwɔ́ɔ.

Matye 15:6

syɔ́ɔnw bee ga níì yɛlɛ wi wi tóow ní wi nɔ́ɔw kpɔ̀ʔɔrɔ í. Anbée yele Kolocɔlɔɔ syɛ́ɛnri faari yele kalɛɛgèle kéele na.

Luki 12:15

Níì fala n gi joo be ma níì jo: «Yaa kɔ̀rɔsíi, yé yeyɛɛ còganmi cán lɔjaabeeyi féleye myɛ na. Níì cán syɔɔn ga lɔrɔ saʔa taa felege o felege na, wi a gbǎn sìíw taa wi kɔlɔ̀ yáriri báriga ni í.»

Luki 16:14

A Farisibèle ga kérigèle bee myɛ lóʔo Zyezu ma, a be i wi tɛ́ʔɛ, níì cán lɔ́ri kéele n be dɛ́nɛ n sɔ̀lɔ.

Luki 6:35

Kàjáa ki n yɛlɛ ye tàmaga le ní yele nigoobèle ní, yáā kacàngēle kpéʔele, yáā fwɔ́ɔgèle nii, ye si a kɔ́ yele sɔ̀ngumi taʔa ge sìndɛɛgi taala na í. Níì cán yele a kɔ́ ba tɔ̀nɔkpɔɔɔ taa, wee wi lè Pe Myɛ Nyúngo na si pye woro jàala, níì cán woro wi nyɔɔgi sɔ̀ngumɔ-fùnvɔbèle ní syɛɛnpeebèle na.

Kapyegèle 5:36

Níì cán ki ga kɔ́ɔ̀ mɔn í, Tudasi wi da ni wiyɛɛ zɔ̀ngí lè syɛɛnkpɔɔɔ, a syɛ̀ɛnnɛ saala siin félege taʔa wi na, á pèle baa wi kpóo. Bele pe da ni lúro wi ma lè, a pe myɛ cariga, koro kàdogi da níì pye yafyɛn í.

Wɔrɔmi ye 11:18

ki ga yɛlɛ mɔ í da miyɛɛ nyɛ́nɛ tíigi bee káganya na í. Mɔ si i miyɛɛ nyɛ́nɛ yi na bi gi taa mɔ ban wi tíigi nyúngo tugo í, tíigi nyúngo gi mɔ tugo.

2 Korɛnti ye 5:15

Wi n kùu syɛ́ɛnbèle myɛ sìndɛʔɛ ni, koro ga pye bele be nyɛ lè sìi na, poro a ní kɔ́ ra pe nyɛnɛ kérigèle kpéʔele be sìíw làla ni í, fwɔɔ wee wòʔolo, woro wee wi kùu lè níì nyán poro kéeli na.

Filipikaʔa ye 2:21

Níì cán pe myɛ i peyɛɛ kérigèle caa, pe o Kirisi Zyezu wógèle caa í.

Kɔlɔsi ye 3:5

Gee bee na gi yɛlɛ yele í yele kanlɛɛmi kèlē kpóo ge nyɛ lè ceyuugi, ní nànyuugi, ní kanɔnʔɔri, ní céri ki laànitaʔa kérigèle, ní sɔ̀ngubeeri, ní fungbɔɔgi ní, ki nyɛ lè yasunzunro.

2 Tesaloniki ye 2:4

Yariga o yariga syɛ́ɛnbèle yiri lè Kolocɔlɔɔ, wàlá yáriree be kpɔ̀ʔɔrɔ́ lè, wi a ba ra dee bee myɛ kábala, sáā wiyɛɛ gbɔ́ʔɔgi di na, àlí wi a ba tɛ́ɛn kpɔ̀ʔɔrɔli kpaʔa fúngo ni, si wiyɛɛ dɛ̀ɛn si jo, woro wi nyɛ Kolocɔlɔɔ.

1 Timɔte 1:20

Poro pèle be nyɛ Himene ní Alɛkisandiri, mii si n be kaan Sutanaw ma koro ga pye gee bee í pye be ma tamana pe gi cán ki ga yɛlɛ poro í da Kolocɔlɔɔ mɛ́ɛgi kálagi í.

1 Timɔte 1:9

àmɛɛ wo gi cán lè ncan làlwaw ga tɛ́ʔɛ syɛɛnsiɔn kéele na í, fwɔɔ kakolobyebèle, ní syɛɛnjamabèle, ní Kolocɔlɔɔ yɛ́ʔɛnaa-sìnvyaabèle, ní kapeebyebèle, ní Kolocɔlɔɔ céefɔbèle, ní Kolocɔlɔɔ kólogi yaʔafɔɔlɔ, ní bele pe be seefɔbèle kúu lè, ní syɛɛnkpoobèle,

1 Timɔte 3:3

ki ga yɛlɛ wi wiyɛɛ gaan sínmi ma í, wi a kɔ́ pye syɛɛntanʔaɔ í, fwɔɔ wi pye fûnnyingefɔlɔ, wi a kɔ́ pye kàsiikuuɔn í, wi si a wɔ́ɔ kɔ́ wiyɛɛ daʔa wáliw na í.

1 Timɔte 6:10

Níì cán wáliw tàmaga gi nyɛ kapeegèle myɛ nìnre, á pèle si kòro wi caali na, níì pùuni n léeli tágali na, níì kayaaya saʔa tɛ́ʔɛ n peyɛɛ fúnyi kálagi.

1 Timɔte 6:4

syɔ́ɔnw bee n nyìn wi tiimaa kpɔ́ɔmi na, wi i nyɛ kanaa-sìnjáɔn. Nyùngo fun yíbeyi ní kàkabalayi syɛɛnjóonɛʔɛrɛ n wi yákiriw kálagi. Kérigèle bee ge maa ní nyabɛɛnni ní n fàra kàsiiw, ní tɛʔɛlɛyi syɛ́ɛnrɛ, ní sɔ̀ngubeeri na.

2 Timɔte 3:4

pe a ra be syɛɛnnyɛnbèle nii kɔyɔ ni, sáā pe nyɛnɛ kérigèle kpéʔele, sáā peyɛɛ gbɔ́ʔɔgi, nyáanagbɛ kérigèle a be dɛ́nɛ bi sɔ̀lɔ Kolocɔlɔɔ na.

Zyaki 2:8

Kolocɔlɔɔ fǎngi làlwa syɛ́ɛnrɛ di nyɛ lè wi syɛɛnsɛbɛri ni, dee di joo lè: «Mɔ syɛɛnnyɛnw kéele yaʔa li mɔ dɛ́nɛ àmɛɛ mɔ miyɛɛ dɛ́nɛ lè,» kapye yele i gee bee kpéʔele, gee bee n nyɔɔ.

Zyaki 4:16

Kàjáa yele kpɔ́ɔmi sɔ̀ngurɔ kèlē n gi kaan, a yele i yeyɛɛ gbɔ́ʔɔgi. Ye gi cán kpɔ́ɔmi bee myɛ n pee.

Zyaki 4:6

Koro ní ki myɛ ní kpɔ́ʔɔri Kolocɔlɔɔ kaangi lè, ti n kpɔ́ʔɔ n sáà sɔ̀lɔ, níì cán ki n joo wi syɛɛnsɛbɛri ni níì jo: «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle wi i nyɔɔgi bele bee na.»

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»

2 Pyɛri 2:10

n náa kɔ́ɔ̀ yére bele be táanri ni syée lè céri kèlē kurugo nɔ́nʔɔri láanitaʔa ni, ní i fǎnyi féleye myɛ faari lè. Pe nyúnyi n waʔa, a be wɔ́ɔ i peyɛɛ nyɛ́nɛ, pe o fɛ̀ɛgí bi nìjangbɔɔri fɔ̀ɔlɔ tɛʔɛlɛ í,

2 Pyɛri 2:12

Nǎnbèle bee si i nyɛ àmɛɛ yaweeri nyɛ lè sícilimɛ fun, toro dee di sii cò-mí-kpóoli kánma na lè, kérigèle ge nyɛ lè pe ga ge cán í, gele bee be faari. Pe a ba kálagi àmɛɛ yaweere nyɛ lè,

2 Pyɛri 2:18

Bele be náà séli n syɔɔ lè kavɔn n yiri kobuunugi tánʔafɔɔlɔ nínge ni, a be i nɛ̀ɛnyɛnɛgɛ nyungo fun syɛ́ɛnri nyuu bele bee ma, ní i be lɛ́ɛlɛ bàā có ní céri ki laànitaʔa kanɔnʔɔbeere ní.

2 Pyɛri 2:3

Pe a jànvaa syɛ́ɛnri tɛ́ʔɛ bi yele kpéʔele be jàgi-yárira be nyabɛɛnni kéele na. Kútiiw Kolocɔlɔɔ ceri be na lè nlaa yaà làridɔɔnnɔ ni, wee bee i nyɛ kólogi na n kwɔ́ɔ, pe kálagili si wɔ́ɔ i nyɛ̀nɛ na ni be sige.

Zyudi 1:16

Nǎnbèle bee i kɔ́nʔɔri ní i kabala ni nyuu, ní i táanri ni yɛlɛgi ní be céri ki laànitaʔa kele ní, ní i nɛ̀ɛnyɛnɛgi syɛ́ɛnrɛ nyuu, ní i syɛ́ɛnbèle lɛ́ɛlɛ ni líi.

Tɛ̀ɛnnɛ 13:1

A mii yaweʔe nyaa, a gi i yirigi sólomi lɔ̀ʔɔ ni, nyɛngéle kɛɛ ní nyùnyo kɔrɔsiin maa pye gi na, á gi fànʔafɔ-nyùndɔngéle kɛɛ tɔ́n gi nyɛ́ngèle na, Kolocɔlɔɔ mɛ́ɛkalagiri mɛ́ɛyɛ maa sɛ́bɛ gi nyúnyi na.

Tɛ̀ɛnnɛ 16:11

A be i syɛɛnpeeri nyuu ni wáa nyɛ̀ʔɛni Kolocɔlɔɔ na pe yáami ní pe námiyi kéele na, pe si ga sèʔê kàdoʔo wáa pe nàʔabeemi ma í.

Tɛ̀ɛnnɛ 16:21

A zěsolo-kùnguru-kpóloyo i yìrigí nyɛ̀ʔɛni na n ba ni tuun syɛ́ɛnbèle na, yi líbeganmi maa cúlobéle togoye siin-ziin kwɔ́ɔ. A syɛ́ɛnbèle i syɛɛnpeeri nyuu ni wáa Kolocɔlɔɔ na zěsolomi wɔʔɔgɔ kéele na, níì cán wɔʔɔgi bee n kpɔ́ʔɔ n caanri.

Tɛ̀ɛnnɛ 16:9

A káfukpɔʔɔ fala ni syɛ́ɛnbèle sórogi, a be i Kolocɔlɔɔ mɛ́ɛgi kálagi, woro wee má wɔʔɔyi bee sée nyɛ lè, pe ga fɔ̀lɔ n kàdoʔo wáa pe kapeegèle ma sáā kpɔʔɔrɔ taari Kolocɔlɔɔ na í.