2 Timɔte 3:17 - Cebaara Bible 2010

¹⁷ koro ga pye Kolocɔlɔɔ syɔ́ɔn í foro si fànʔa taa kacànbyeri myɛ na.

2 Timɔte 3:17 Iomraidhean Croise

Nehemii 2:18

Kánmee na mii Kolocɔlɔw kɔjànga da pye mii na lè, ní syɛ́ɛnree fànʔafɔw joo mii ma lè, a mii gee bee joo n tɛ̀ɛn be na. A be jo: «Ye yìri waa faanri!» A be fànʔa le peyɛɛ ni falicanw bee pyele na.

Kapyegèle 9:36

Pìitamawaa maa pye Zyɔpe ni cɔlɔɔ, pe i wi yiri Tabita, ní si i wi yiri Girɛkiiri ni Dɔrikasi. Wi maa ni kacàngēle saʔa kpéʔele, ní i foomɔfɔbèle dɛ̀ɛmɛ́.

2 Korɛnti ye 9:8

Kolocɔlɔɔ fánʔa i nyɛ bàā kpɔ́ʔɔri féleye myɛ kaangi yele ma wonɛʔɛrɛ ní, koro ga pye bàā yele màkow myɛ nyɔɔgi yele ma kàbanyi myɛ na, ní làrigèle myɛ ni, jàngó yele í taa saʔa, si gbǎn ra kacǎngèle féleye myɛ kpéʔele.

Efɛzi ye 2:10

Níì cán wolo i nyɛ Kolocɔlɔɔ kɔ́yi yakpéʔelere, wi n wolo faan Kirisi Zyezu ni, koro ga pye wolo í da kacǎngèle kpéʔele, gele woro da kɔ̀rirɔ n sámaga lè jàngó wolo í da táanri ge ni.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

2 Timɔte 2:21

Gee bee na syɔ́ɔnwee ga wiyɛɛ sámaga n yirige kakolobyeri ni lè, woro a pye falicanw kpéʔelele yalege, gee Kàfɔw jée n mùnu n yaʔa wiyɛɛ ma falicanw myɛ kánma na lè, jàngó waa báara woro ma.

Tiiti 1:16

Pe i gi nyuu níì jo pe n Kolocɔlɔɔ cán, bi gi taa pe kapyegèle i gi tèé pe n wi cée. Pe n tɔ̀nɔ n pee ní i nyɛ sìnloʔobéle, pe fanʔa o gi na bi gbǎn kacànnaa faala kpéʔele í.

Tiiti 2:14

Woro tiimaa wi wiyɛɛ gaan wolo kéeli na, koro ga pye bi wolo syɔɔ kakolobyeri myɛ ma, si wolo jée mùnu jàngó wolo í pye woro tiimaa syɛ̀ɛnnɛ, kapyejǎngèle láa si wɔ́ɔ pye wolo na wolo í kòro bàā ge kpéʔele.

Tiiti 3:1

Maa be sɔ̀ngumi tìrigí gi na mí be pye, ki n yɛlɛ be peyɛɛ gaan fànʔafɔbèle ní séekpɔɔw fɔ̀ɔlɔ ma sáā lúro be ma si peyɛɛ zámaga yaʔa bàā kacǎngèle myɛ kpéʔele,

Heburubèle 10:24

Ki n yɛlɛ wolo í da woyɛɛ kɔ̀rɔsíi, sáā woyɛɛ kɛɛlɛ, koro ga pye wolo í da tàmaga nii ní syɛ́ɛnbèle ní, sáā kacàngēle kpéʔele.

Heburubèle 13:21

ki n yɛlɛ wi fànʔa kaan yele ma jàngó yele í gbǎn ra kapyejǎngèle féleye myɛ kpéʔele bi yɛlɛ ní wi nyɛnɛ kéeli ní, si wɔ́ɔ wi kanidaanni kpéʔele wolo fúnyi ni Zyezu Kirisi bárigaw ni, woro wee na nìjangbɔɔri yɛlɛ lè làla o làla kwɔ́ɔmɔ fun! Amiina!