2 Timɔte 3:16 - Cebaara Bible 2010

¹⁶ Kolocɔlɔɔ syɛɛnsɛbɛri myɛ n yiri Kolocɔlɔɔ nyɔ́ɔgi ni, tɔ̀nɔ i nyɛ di ni bi gbǎn syɔɔn tama, si wɔ́ɔ syɔɔn kàriga, si ní syɔɔn sín, si wi tama kasingèle myɛ na,

2 Timɔte 3:16 Iomraidhean Croise

2 Samyɛli 23:2

Yawe Pǐli n joo mii nyɔ́ɔgi ni. Wi syɛ́ɛnri i nyɛ mii nyínni na.

Nehemii 9:20

Mɔ n mɔ Piicanni kaan be ma bi be cìlige, mɔ ga mɔ mánɛw láʔa be nyɔ́ɔyi na í, níì lǒgi kaan be ma lǎli ni lògbaagi be jáa lè.

Ŋúnuyi 119:11

Mii n mɔ syɛ́ɛnri kɔn mii fúngi ni, koro ga pye mii a kɔ́ kapeele pye mɔ na í.

Ŋúnuyi 119:130

Mɔ syɛ́ɛnri tɛ̀ɛnnɛ i gbɛ̀ɛnmɛ yirigi, ti i sícilimɛ kaangi kanaa-sìnjánbèle ma.

Ŋúnuyi 119:9

Mɛ̀ɛ́ nìgɔcariɔ a wi kólogi sámaga gi pye fɔɔnrɔ fun? Ki n yɛlɛ wi mɔ syɛ́ɛnri sámaga wi cò.

Kàseegèle 15:10

Wee wi kobili yaari lè, pe a wi kpúmɔn kàriga ní tanʔara ní, fúloli kéele ga wee bɛɛn lè, wi a kùu.

Kàseegèle 15:31

Wee wi líiyi cáan ni fúloli syɛ́ɛnrɛ lúro lè, dee di syɔɔn tórogi sìíw ma lè, wi a ra kòró sícilibèle nínge ni.

Kàseegèle 6:23

Níì cán tundunri i nyɛ fètinɛ, tamani i nyɛ gbɛ̀ɛnmɛ, kàfulogi gi tamana kaangi lè ki i nyɛ sìíw kólogo.

Misye 2:7

Zyakɔbi kpáagi wòolo, kánmi bee na lé yele nyuu? A Yawe fúngi tanʔama dɛ́nɛ lé? Kánmi bee na lé wi gi kpéʔele? Wee wi táanri ní sínnɛ ní lè, mii syɛ́ɛnri a kacànna pye wee bee na ì?

Sofonii 3:2

Ki o joomɔ faala lúro í, ki o fɔ̀lɔ́ kpúmɔn-mí-kàrigala na í, ki o kiyɛɛ daari Yawe na í, ki o nùuní gi Kolocɔlɔw na í.

Matye 13:52

A wi be pye: «Koro na Mowizi làlwaw tamafɔlɔ o tamafɔlɔ wi nyɛ lè nyɛ̀ʔɛni fànʔa pìitamawaa, wi i nyɛ àmɛɛ nànwaa nyɛ lè, wee wi nyɛ lè kpaʔafɔlɔ ní i yalɛɛri ní yafɔnri yirigi wi lɔgbanri yárira ni ni tèé.»

Matye 21:42

A Zyezu be pye: «Yele ga kɔ́ɔ̀ syɛ́ɛnri naa wéle Kolocɔlɔɔ syɛɛnsɛbɛri ni ì? Ti n jo: ‹Kàdɛnɛgee kpaafaanbèle da cée lè, koro ki baa pye kpáagi jɛ̀ɛ́nnɛ kadɛnɛzelige. Gee bee i nyɛ Kàfɔw kapyele, li si i nyɛ wo ma kakpɔɔlɔ.›

Matye 22:43

A wi be pye: «Mɛ̀ɛ́ si gi pye n sɛ́ɛ, á Davidi kɔ́ɔ̀ wi yeri Pìicǎnni báriga ni Kàfɔw, àmɛɛ wi gi joo lè níì jo:

Matye 26:54

Ki ga pye nya, mɛ̀ɛ́ Kolocɔlɔɔ syɛɛnsɛbɛri a gbǎn foro bi sɛ́ɛ, dee di joo lè, fwɔɔ gi pye kánmi naa na?»

Matye 26:56

Kàjáa gee naa myɛ n kpéʔele jàngó gi foro àmɛɛ kanyaajoobèle da gi sɛ́bɛ lè.» A pìitamabèle myɛ fàn n cariga wi na.

Mariki 12:24

A Zyezu be pye: «Amɛɛ yele nyɛ lè yele ga Kolocɔlɔɔ syɛɛnsɛbɛri ní wi séew cán lè í, gee bee ban gi yele pùuni ì?

Mariki 12:36

Bi gi taa Davidi tiimaa maa gi joo Pìicǎnni báriga ni níì jo: ‹Kàfɔw n gi joo mii Kàfɔw ma níì jo: Ba tɛ́ɛn mii kàliige ma fwɔɔ bi taa mii í mɔ nigoobèle cáan, mɔ si mɔ tɔ́lɔyi taʔa be na.›

Zyan 10:35

Amɛɛ gi nyuu lè làlwaw sɛ́bɛ ni níì jo, bele na Kolocɔlɔɔ da wi syɛ́ɛnri tɛ̀ɛn lè, pe i nyɛ kolocɔlɔbèlē (wolo si n gi cán yafyɛn a gbǎn Kolocɔlɔɔ syɛ́ɛnri fàli í),

Zyan 3:20

Syɔɔn o syɔɔn wi kapeegèle kpéʔele lè, gbɛ̀ɛ́nmi ga wee bee dɛ́nɛ nyáana í, wi o yirigi gbɛ̀ɛ́nmi na jàngó syɛ́ɛnbèle í kɔ́ woro kapyegèle nyaa í.

Kapyegèle 1:16

«Ni senyɛ̀nnɛ, Kolocɔlɔɔ syɛɛnsɛbɛri Pìicǎnni da lége lè Davidi nyɔ́ɔgi ni booma ni a wi di joo Zyudasi kéeli na lè, woro wee wi da kíni lè Zyezu còvɔbèle yɛ́ʔɛ na, ŋàʔanaga ki da pye fwɔɔ syɛ́ɛnri bee í dée foro.

Kapyegèle 18:25

Pe maa nǎnw bee tama Kàfɔw kólogo ni, a wi fúngi myɛ kòro gi na, a wi i Zyezu kéeli nyuu syɛ́ɛnbèle ma ní i be sámagi ni tama li na, kàjáa wi tɛɛ̀cánlaʔali li da pye Zyan batɛmiw.

Kapyegèle 20:20

Syɛ́ɛnree ti a gbǎn yele dɛ̀ɛmɛ lè, mii da fyáa syɛ́ɛnri bee joolo na yele ma í, mii maa ni yele tama syɛ́ɛnbèle nyɛ́nɛ na, ní wɔ́ɔ i yele tama yele kpáayi ni nibin nibin.

Kapyegèle 20:27

Níì cán mii n Kolocɔlɔɔ nyɛ́nɛ kérigèle myɛ joo yele ma, mii ga li làa faala làriga yele na í.

Kapyegèle 28:25

Amɛɛ gi nyɛ lè pe ga bɛ̀ɛ nibin na í, a be kári. Sáni be kári lè, a Pɔli níì syɛ́ɛnri naa joo be ma níì jo: «Gee Pìicǎnni joo yele tóolɛɛbèle ma lè kanyaajoow Ezayi nyɔ́ɔgi ni, ki tɔ̀nɔ i nyɛ kányɛʔɛ, li n jo:

Wɔrɔmi ye 15:4

Syɛ́ɛnree myɛ si ti da sɛ́bɛ lè booma ni Kolocɔlɔɔ syɛɛnsɛbɛri ni, dee bee maa sɛ́bɛ wolo tamani kéele na, koro ga pye kpàracogi ní kɛɛlɛli wi syɛɛnsɛbɛri kaangi wolo ma lè, wolo í sɔ̀ngumɔ tɛɛtaʔaga taa dee bee báriga ni.

Wɔrɔmi ye 2:20

ní ní i nyɛ nilabalabèle cìligefɔlɔ ní pìíbèle tamafɔlɔ, níì cán Mowizi làlwaw sɛ́bɛ wi nyɛ mɔ ma lè, kérigèle cánna ní kányɛɛgi myɛ i nyɛ wi ni.

Wɔrɔmi ye 3:2

Gee gi Zyefuo pɔ́rɔ n sɔ̀lɔ syɛɛnsanbèle na lè, ki n kpɔ́ʔɔ kánmi féleye myɛ na. Ki wozeligi gi nyɛ ncan Zyefubèle má Kolocɔlɔɔ da wi nyɔɔsyɛɛnri kàlifáa.

Wɔrɔmi ye 4:23

Kàjáa woro nibin kéeli na ban ki da sɛ́bɛ níì jo ki n córo wi ma nya í.

1 Korɛnti ye 12:7

Pìicǎnni tɛ̀ɛnnɛ kèlē si n kaan syɛ́ɛnbèle myɛ nibin nibin ma pe myɛ nyɔɔmɔ kéele na.

Galasi ye 3:8

Kolocɔlɔɔ maa téè gi tɛ̀ɛn wi Syɛɛnsɛ́bɛri ni àmɛɛ woro a ba sínni kaan syɛɛnfeleyi ma lè tágali báriga ni, gee bee na wi da Syɛɛnjóocǎnri naa joo Abirahami ma sáni gi ba kpéʔele lè níì jo: «Mɔ ni syɛɛnfeleyi myɛ a ba dùbaw taa.»

Làlwaw Kaanziin 4:36

N wi yaʔa nyɛ̀ʔɛni na, wi n wi yákpoli yaʔa a mɔ li lóʔo koro ga pye bi mɔ tama. Wi n wi naakpɔɔgi yaʔa a mɔ gi nyaa naa tári na. Mɔ n wi syɛ́ɛnri lóʔo náagi nínge ni.

2 Timɔte 2:25

Ki n yɛlɛ waa kàkabalayi fɔ̀ɔlɔ tama ní funjànga ní, dɔ̀ʔɔ́ Kolocɔlɔɔ a be sɔ̀nguri kàriga, pe kàdoʔo wáa pe kapeegèle ma si kányɛɛgi cán,

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

Heburubèle 11:1

Tágali li gi kaan a wolo gi cán ncan yáriree na wolo wolo sɔ̀ngumi taʔa lè, ti i nyɛ kányɛʔɛ wóro, yáriree di lè wolo o di nyaagi í, loro li dee bee kàkabalaga kwɔ́ɔ wolo ma.

Heburubèle 3:7

Gee bee na Pìicǎnni da ni syɛ́ɛnri naa nyuu níì jo: «Yele ga wi yákpoli lóʔo níjanʔa,

Heburubèle 4:12

Níì cán Kolocɔlɔɔ syɛ́ɛnri i nyɛ woweere ní, ní i báara, ti n tɛ́nɛ n sɔ̀lɔ nyɔɔyɔ siin-ziin ŋɔséebèle myɛ na. Alí ti i fúngi ní pǐli cɛnɛ ni láari tiyɛɛ na, ní i kaceleyi tɛɛsogiyo, ní yi pìremi láari tiyɛɛ na wɔ́ɔgēle. Ti i syɔɔn sɔnguri ní wi fúngi kakɔrirɔgēle sɛʔɛ ni wéle.