2 Timɔte 3:15 - Cebaara Bible 2010

¹⁵ Nlaa mɔ piimi làla ni mɔ n syɛɛnsɛbɛcǎnri cán. Toro ti a gbǎn sícilimɛ kaan mɔ ma syɔɔli kéele na àmɛɛ mɔ tága lè Kirisi Zyezu na.

2 Timɔte 3:15 Iomraidhean Croise

2 Cányi kèlē 34:3

Wi fǎngi yɛ̀ʔɛlɛ kɔrɔtaanri wólo na, n sèʔê wi yaʔa pyà, a wi séli ni wi toolɛɛgi Davidi Kolocɔlɔw caa. Yɛ̀ʔɛlɛ kɛɛ ní siin wóli na, a wi séli ni Zyuda ní Zyerusalɛmi jéemununi fáli kpéʔele, wi n sáriga-wòlo-tɛ́ɛyi, ní Asyera tiikóriyi, ní ǹdedanyi, ní tunmɔgbalari yasunyo yirige yaà.

Ŋúnuyi 19:7

Ki i yirigi nyɛ̀ʔɛni láʔalee ma ni syée n sa ni tuun láʔalee ma, yarigaa faala o làrá gi káfugi na í.

Ŋúnuyi 71:17

Ee Kolocɔlɔɔ! Mɔ n mii tama, nlaa yaà mii cárimi làla ni, mii i mɔ bingaari kèlē nyuu fwɔɔ n baa nan níjanʔa na.

Kàseegèle 22:6

Kólogee pyà yɛlɛ waa táanri lè, wi le gi ni. Alí wi ga baa lɛɛ, wi a láʔa gi na í.

Kàseegèle 8:17

Bele mii kéeli dɛ́nɛ lè, bele bee kéele n wɔ́ɔ̀ mii dɛ́nɛ. Bele be mii caa lè, pe i mii nyaagi.

Syɛɛnjóow 12:1

Da sɔ̀ngí maa taagi mɔ Faanfɔw na mɔ cárimi canya ni, sáni canbeeyi í da maa lè, yɛ́ɛgèle si nan, gele ni mɔ a ra gi nyuu lè si jo: «Mii yanidaanmaga ní o nyɛ ge ni í,»

Danyɛli 10:21

Kàjáa, gee gi sɛ́bɛ kányɛɛgi sɛ́bɛ ni lè, mii i caa bi gi joo tɛ̀ɛn mɔ na. Wàa faala o mii dɛ̀ɛmɛ́ kapɛɛnni kpúmɔnnɔ na ní be ní í, kapye yele kùndigiw Misyɛli ban í.

Matye 22:29

A Zyezu be yari: «Yele n pùuni ncan yele ga Kolocɔlɔɔ syɛɛnsɛbɛri cán í. Yele ga wɔ́ɔ̀ wi séew cán í.

Luki 1:15

Níì cán wi a ba pye syɛɛnkpɔɔɔ Kàfɔw yɛ́ʔɛ ma, dùvɛɛnw ní yárigee faala syɔɔn a gbaa lè ki yɛ́ɛgi wɔ́ɔ wi na, wi a tée ra gee bee kàa gbo nyáana í, sáni wi nɔ́ɔw í wi see lè, wi fúngi a nyìn Pìicǎnni na,

Luki 2:40

Pìíw si maa ni leegi ní i báriga taagi. Wi sícilimi maa nɛʔɛ, níì cán Kolocɔlɔɔ kpɔ́ʔɔri maa pye wi na.

Luki 24:27

Syɛ́ɛnree myɛ ti da sɛ́bɛ lè Kolocɔlɔɔ syɛɛnsɛbɛri ni wi kéeli na, a wi séli Mowizi wóri na ní kanyaajoobèle wóro myɛ ní n toro myɛw kɔ́rɔ tɛ̀ɛn be na.

Luki 24:32

A be i gi nyuu peyɛɛ ma níì jo: «Lǎli ni wi da ni nyuu ní wolo ní kólogi na lè, ní i Kolocɔlɔɔ syɛɛnsɛbɛri kɔ́rɔ tèé wolo na lè, wolo fúnyi da ni tàán ni maa wolo ni ì?»

Luki 24:45

Lǎli bee ni a wi be fúnyi múgu be na koro ga pye pe Kolocɔlɔɔ syɛɛnsɛbɛri kɔ́rɔ cán,

Zyan 5:47

Amɛɛ si gi nyɛ lè yele ga tága woro sɛ́bɛw syɛ́ɛnrɛ na í, mɛ̀ɛ́ yele a gbǎn tága bi sɛ́ɛ mii syɛɛnjóori na?»

Kapyegèle 10:43

Kanyaajoobèle myɛ maa ni wi séeraw kpéʔele níì jo: ‹Syɔ́ɔnwee faala wi ga tága lè wi na, wee bee kapeegéle kusulugo a syɔɔ wi mɛ́ɛgi báriga ni.› »

Kapyegèle 13:29

Syɛ́ɛnri ti da sɛ́bɛ lè wi kéeli na, a pe ga dee bee myɛ kpéʔele n foro wi na, a be náà wi tìrige tíigi na n sáà le nyángi ni.

Kapyegèle 16:1

Koro kàdoʔo ma a Pɔli kári Dɛribe ma, ní náà kári Liisitiri ma. Pìitamawaa si maa pye yaà pe i wi yiri Timɔte, wi nɔ́ɔw maa pye Zyefuo, ní i nyɛ tágafɔlɔ, wi tóow si i nyɛ Girɛkio.

Kapyegèle 17:2

A Pɔli jée gi ni àmɛɛ wi tàli ni gi kpéʔele lè làla o làla. A wi cégboʔolo taanri kwɔ́ɔ yaà, ní i Kolocɔlɔɔ syɛɛnsɛbɛri kɔ́rɔ nyuu ni fíligi be ma be cândɛnɛgi ni.

Kapyegèle 26:24

N Pɔli yaʔa syɛ́ɛnri bee joolo na wiyɛɛ kéeli na, a Fɛsitusi yákpoli wáa níì jo: «Pɔli, mɔ n cúro! Amɛɛ mɔ sɛ́bɛw tama n caanri lè, gee bee n cúromɔ wáa mɔ na.»

Wɔrɔmi ye 1:2

Syɛɛnjóocǎnri bee di nyɛ dee Kolocɔlɔɔ da joo n kaan lè booma ni wi kanyaajoobèle ma níì jo paa di nyuu syɛ́ɛnbèle ma, àmɛɛ di sɛ́bɛ lè wi syɛɛnsɛbɛcǎnri ni.

Wɔrɔmi ye 16:26

ní si baa li tɛ̀ɛn tɔ́ɔliw ni kanyaajoobèle syɛɛnsɛbɛrɛ báriga ni n yɛlɛ ní bàngwɔɔ Kolocɔlɔɔ kajooli ní, koro ga pye syɛɛnfeleyi myɛ í di lóʔo si fɔ̀lɔ́ tága,

Wɔrɔmi ye 2:27

Gee bee na wee wi nyɛ lè kɛ́nɛnaa-sìngbeʔeleo céri kàbaan na ní i làlwaw kèlē kpéʔele ni forogi, wee bee a tànʔa taa mɔ na, mɔ wee wi lè mɔ o làlwaw kólogo táanri ki tánʔaganmi na lè í, bi gi taa làlwaw syɛɛnsɛbɛrɛ i nyɛ mɔ ma n fàra kɛ́nɛw kpéʔelele na.

1 Korɛnti ye 1:21

Níì cán dulunyanw syɛ̀ɛnnɛ sícilimɛ ga gbàn n be kaan a be Kolocɔlɔɔ cán í, Kolocɔlɔɔ wi koro kpéʔele nya wi sícilimi báriga ni, ki si n Kolocɔlɔɔ dɛ́nɛ bi tágafɔbèle syɔɔ wi syɛ́ɛnri joolo báriga ni, dee joolo dulunyanw syɛ̀ɛnnɛ córo lè labalama kéele.

Efɛzi ye 6:4

Tofɔbèle, ki ga yɛlɛ yele í wɔ́ɔ kɔ́ yele pìíbèle fúnyo kaan yaa taanri í. Kàjáa yele ga ni be gbóo yaa be sàmí, yáā be tama Kàfɔw kèlē ni.

Làlwaw Kaanziin 4:6

Yele a ge kɔn sáā ge kpéʔele, níì cán gee bee ki a pye yele sícilimi, ní yele cánni syɛɛnfeleyi nyɛ́nɛ na, yoro yee yi a làlwaw naa kèlē myɛ lóʔo lè sáā gi nyuu si jo: ‹Syɛɛnfelegi naa gi nɛʔɛ lè, ki n cìlige, ní wɔ́ɔ̀ keele cán.›

1 Timɔte 4:13

Mi kòro Kolocɔlɔɔ syɛ́ɛnri wélejoolo na, ní syɛ́ɛnbèle kɛɛlɛlɛ, ní be tamani na, sáni mii í nan yaà lè.

2 Timɔte 1:1

Mii Pɔli, wi lè Kirisi Zyezu pìituɔn Kolocɔlɔɔ kínidɛnɛgi báriga ni, wi n mii tun koro ga pye mii í da sìíw nyɔɔfaliga syɛ́ɛnrɛ nyuu, sìíwee wi nyɛ Kirisi Zyezu ni lè.

2 Timɔte 1:5

Mii wɔ́ɔ i mɔ tágadeeli kéele sɔ̀ngí ni taagi, lee li da pye lè mɔ nɔɔlɛɛgi Lowizi ma, ní mɔ nafɔw Unisi ma lè, mii n wɔ́ɔ̀ tága gi na ncan tágali bee wonijanna li nyɛ mɔ ma.

2 Pyɛri 3:16

Anbée gi wɔ́ɔ̄ nyɛ wi sɛ́bɛbèle myɛ ni lǎli ni wi nyuu kérigèle bee na lè, kérigèle kèle i yaà sɛ́bɛbèle bee ni, gele kɔ́rɔ wi cánma bɛɛn lè, kanaa-sìnjánbèle ní fûngabalayi fɔ̀ɔlɔ si i ge kɔ́rɔw kàragí, àmɛɛ be gi kpéʔele Kolocɔlɔɔ syɛɛnsɛbɛri tɛ́ɛyaa nikwɔɔ ni lè, si ba kálagili cáan peyɛɛ na.

Tɛ̀ɛnnɛ 19:10

A mii fala n too wi taana jàngó bi wi kpɔ̀ʔɔrɔ, a wi mii pye: «Tíi, mɔ a kɔ́ koro kpéʔele í! Níì cán mii i nyɛ mɔ ní mɔ senyɛnbèle púlonyɛnwaa, poro bele má Zyezu séeraw nyɛ lè. Da Kolocɔlɔɔ kpɔ̀ʔɔrɔ́! Zyezu séeraw wi nyɛ kanyaajoori joolo nyúngo.»

1 Samyɛli 2:18

Samyɛli maa ni báara Yawe yɛ́ʔɛ ma. Wi maa pye nìgɔcaripile, lɛn efɔdi búrogo si i nyɛ wi na.