2 Timɔte 3:13 - Cebaara Bible 2010

¹³ Kàjáa syɛɛnpeebèle ní jànvaafɔbèle a ra syée yɛʔɛ̀ ma kapeebyeri ni, sáā syɛ́ɛnbèle fáana da pùuní, si wɔ́ɔ ra peyɛɛ bùuní.

2 Timɔte 3:13 Iomraidhean Croise

Zyɔbi 12:16

Woro má fǎngi ní kérigèle cánna nyɛ. Wee wi pùuni lè wàlá a wi i pèle pùuní, woro má be nyɛ.

Ezayi 44:20

Cɔ́ɔngi mùgulo n wi dɛ́nɛ, wi funnaa-sìnzingi i wi pùuní. Wi a gbǎn wiyɛɛ sìíw syɔɔ í, wi a tée gi joo í si jo: «Gee gi nyɛ mii kɔ́gi ni lè, jànvaa yáriga ban gi nyɛ ì?»

Ezekyɛli 8:13

A wi mii pye: «Mɔ a ní sèʔé kapeekpoloyaa nyaa, yee be kpéʔele lè.»

2 Korɛnti ye 6:8

Pe i wolo kpɔ́ʔɔgi ní wɔ́ɔ i wolo faari, pe i wolo mɛ́ɛpɛɛnyi yiri, ní wɔ́ɔ i wolo mɛ́ɛtaanyi yiri. Pe i wolo córo jànvaafɔɔlɔ, bi gi taa wolo i nyɛ kányɛɛjoobéle.

1 Timɔte 4:1

Pìicǎnni n gi joo n fílige níì jo: «Làlaa a kɔ́ ba pye syɛ́ɛnbèle pèle a yiri tágali ni si tan jànvaaw pìigēle na, si wɔ́ɔ taʔa màdebèle tamana na.

2 Timɔte 3:8

Amɛɛ Zyanɛsi ní Zyanbirɛsi da ni Mowizi kábala kánmee na lè, kánmi bee na nǎnbèle bee wɔ́ɔ i kányɛɛgi kábala. Pe sɔ̀ngumi n kálagi, tágadeele o nyɛ be ma í.

Tiiti 3:3

Níì cán wolo maa wɔ́ɔ̀ pye kanaa-sìnjánbéle ní sìnloʔobéle, ní wɔ́ɔ̀ pùuni, wolo maa pye céri ki laànitaʔa púloro ni, ni di kínidɛnɛgi kèlē féleye myɛ kpéʔele, wolo maa kòro kakolobyeri ní nyabɛɛnni na ni kpéʔele, wolo maa ni woyɛɛ kanibɛɛngèle kpéʔele níì woyɛɛ bara.

2 Pyɛri 2:20

Bele be Zyezu Kirisi sámaga n cán lè, wi lè Kàfɔw ní Syɔɔfɔw, níì taa n syɔɔ dulunyanw nɔ́nʔɔrɔ ma cánni bee báriga ni lè, kapye nɔ́nʔɔri bee n níì fànʔa taa be na n be cò n yérige kavɔn, gee bee kàdoʔo a náa ba pee bi sɔ̀lɔ wozeligi na bele bee ma.

2 Pyɛri 3:3

Ki n yɛlɛ yele í gi cán gbɛnʔɛnɛ bi cán kakpanami fɔ̀ɔlɔ a ba yìri canzanyi ni, poro bele pe a ra táanri da yɛlɛgi ní be céri ki laànitaʔa kele ní lè, pe a ra gi tɛ́ʔɛ

Tɛ̀ɛnnɛ 12:9

A be yacobeekpɔɔgi cò n wáa kàfugi na, gi lè wàbilɛɛgi, be yiri lè Dàzɔɔnw, ní Sutanaw, woro wee wi dulunyanw syɛ̀ɛnnɛ myɛ fáana ni pùuní lè. A be wi yirige n wáa tári na ní wi tundunbèle ní.

Tɛ̀ɛnnɛ 13:14

Ki maa ni tári syɛ̀ɛnnɛ fáana fɛ̀ɛ́bèle bee báriga ni, fɛ̀ɛ́bèle bele fànʔa yaweeseligi da kaan gi ma lè jàngó kaa be kpéʔele koro yɛ́ʔɛ ma. A gi tári syɛ̀ɛnnɛ pye, yaweegee pe da kpúmɔn n kpàli ní ŋɔsée ní á gi lúru n wéege lè, pe gee bee niwirige sámaga paa gi kpɔ̀ʔɔrɔ́.

Tɛ̀ɛnnɛ 18:23

fètinnɛ gbɛ̀ɛnmɛ a ní pye mɔ ni nyáana í, pe a ní cefɔɔn fɔ́lɔ, wàlá cefɔɔn yákpolo lóʔo mɔ ni nyáana í. Níì cán mɔ jagiwáabèle maa pye dulunyanw syɛɛnkpolobéle, mɔ maa ni syɛɛnfeleyi myɛ fáana ni pùuní ní mɔ dɛɛgi ní.»