2 Timɔte 3:12 - Cebaara Bible 2010

¹² Bele myɛ si be caa lè bàā táanri Kolocɔlɔɔ yɛ́ɛgi fyáara na Kirisi Zyezu kólogi ni, pe a wɔ́ɔ ra be wɔʔɔ.

2 Timɔte 3:12 Iomraidhean Croise

Matye 16:24

Lǎli bee ni a Zyezu gi joo wi pìitamabèle ma níì jo: «Syɔ́ɔnwee faala wi ga ni caa bi taʔa mii na lè, ki n yɛlɛ wi wi nyɛnɛ kérigèle yaʔa wi wi tiiparigi láa waa maa mii kurugo.

Matye 23:34

Koro na ye wéle, mii a ra kanyaajoobèle, ní sícilibèle, ní làlwaw sɛ́bɛwelebéle tungu yele ma. Yele si a ba ra be pèle kúu, si wɔ́ɔ ra pèle kóri tiipariyi na, sáā pèle kpúmɔn ní sapiigèlē ní yele sérikpaayi ni, sáā be wɔʔɔ da máari kěyi ni.

Mariki 10:30

wee bee a di dabata-da tɔ̀nɔ taa dulunyanw naa ni, gee bee n jo kpáayi, ní senyɛnnǎnbèle, ní senyɛnjebèle, ní nafɔbèle, ní pìíbèle, ní séyi ní. Ki si a wɔ́ɔ pye ní wɔʔɔlɔ ní, wi náa ba sìibangwɔɔw taa nyɛ̀ʔɛna.

Zyan 16:2

Pe a kɔ́ ra yele nɛnɛ be sérikpaayi na. Alí làlaa a kɔ́ ba pye syɔɔnwaa ga yele wàa taa n kpóo, wee bee a ra sɔ̀ngí Kolocɔlɔɔ fáli woro kpéʔele nya.

Zyan 16:33

A mii kérigèle naa joo yele ma wii, koro ga pye yele í fûnnyingi taa mii ni. Yele a wɔʔɔli taa dulunyanw ni. Kàjáa ki n yɛlɛ ye soro, níì cán mii n dulunyanw jáa.»

Zyan 17:14

Mii n mɔ syɛ́ɛnri joo be ma, a be kéeli dulunyanw syɛ̀ɛnnɛ bɛɛn níì cán pe o nyɛ dulunyanw wòolo í, àmɛɛ mii nyɛ lè mii o nyɛ dulunyanw wóo í.

Kapyegèle 14:22

n sa ni pìitamabèle zɔ̀nbēle nìrí, ní i be kɛɛlɛ níì jo be tágali cò kányɛʔɛ ni, ní wɔ́ɔ i gi nyuu be ma níì jo: «Wɔʔɔyɔ féleye saʔa a wo taa, wó náa jée Kolocɔlɔɔ fǎngi ni.»

1 Korɛnti ye 15:19

Kapye dulunyanw naa yagana kéele na wolo wolo sɔ̀ngumi taʔa Kirisi na, wolo i nyɛ nyinimɛ wòolo ní n sɔ̀lɔ syɛ́ɛnbèle myɛ na.

2 Korɛnti ye 1:12

Gee gi nyɛ lè wolo kpɔ́ɔmi nyúngo, koro gi nyɛ àmɛɛ wolo fúnyi gi fílige n tɛ̀ɛn wolo na lè ncan wolo i táanri dulunyanw ni funjànya ní funviire na Kolocɔlɔɔ yɛ́ʔɛ ma, àlí tánʔaganmi bee na wolo da ni táanri yele níngi ni, syɔɔn sícilimɛ báriga ni ban wolo táanri í, Kolocɔlɔɔ kpɔ́ʔɔri báriga ni wolo táanri.

2 Korɛnti ye 4:9

Pe i wolo wɔʔɔ, kàjáa dɛ̀ɛmɛfɔlɔ ga fɔ̀n wolo na í. Pe i wolo kpúmɔn ni cáan, wolo si o kúu í.

1 Timɔte 2:2

gee bee í pye fànʔafɔbèle ní syɛɛnkpolobèle myɛ kéele na koro ga pye wolo si kòro ŋɔ́ndaala ní yɛɛ̀nyinge na, sáā fɛ̀ɛgí Kolocɔlɔɔ na, si wɔ́ɔ ra kasingèle myɛ kpéʔele.

1 Timɔte 3:16

Kolocɔlɔɔ yɛ́ɛgi fyáara kalarala n kpɔ́ʔɔ gbanʔama, kàkabalaga o nyɛ gi ni í, wi maa wiyɛɛ dɛ̀ɛn syɔɔn, wi maa tànʔa taa Pìicǎnni báriga ni, nyɛ̀ʔɛni tundunbéle maa wi nyaa, syɛ́ɛnbèle pèle maa sa ni wi kéeli nyuu syɛɛnfeleyaa nínge ni, pèle maa tága wi na dulunyanw ni, Kolocɔlɔɔ maa wi yìrige n lúrugo ǹjogi ni nìjangbɔɔri tɛ́ʔɛ ma.

1 Timɔte 6:3

Syɔɔnwaa ga ni syɛ́ɛnbèle tama tamalaa nikwɔɔ ni, lee li fàli wolo Kàfɔw Zyezu Kirisi tamajanni na lè, ní wɔ́ɔ̀ fàli Kolocɔlɔɔ yɛ́ɛgi fyáara tamana na,

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

Tiiti 2:12

Toro di gi tèé wolo na ki n yɛlɛ wolo í Kolocɔlɔɔ yɛ́ʔɛnaa-sìnvyaari ní dulunyanw ki laànitaʔa yaʔa sáā táanri yákirii na, ní sínni, ní Kolocɔlɔɔ yɛ́ɛgi fyáara na lǎli naa ni,

Zyozuwe 17:14

A Zyozɛfu yòdaʔayi wòolo baa gi joo Zyozuwe ma níì jo: «Nyàʔá na mɔ tɛʔɛ̀ nibin kaan wolo ma, lɛɛlɛ nibin yagana wolo kɔ́rigi, bi gi taa wolo i nyɛ syɛɛnnɛʔɛmɛ àmɛɛ Yawe dùbaw taʔa wolo na lè n baa nan lǎli naa na?»

1 Pyɛri 3:14

Alí ki ga wírè pye yele í da wɔʔɔ sínni kéele na, yele i nyɛ dùba pìibēle! Yele a kɔ́ ra fɛ̀ɛgí be syɛɛngbanri joolo na si yele fúnyi yaʔa yaa curugu yele na í.

2 Pyɛri 3:11

Ki si ga pye yáriri bee myɛ a ba kálagi kánmi bee na, mɛ̀ɛ́ yele nàʔaganmi yɛlɛ bi pye? Fwɔɔ yele í da nàʔajànma náari Kolocɔlɔɔ yɛ́ɛgi fyáara na,

Tɛ̀ɛnnɛ 12:4

A ki gi nángi tɛ́ʔɛ n nyɛ̀ʔɛni ŋɔripiigèlē tílaya taanri wóʔo kíle n cáan tári na, níì yére fícɛnni fɔ́lɔ yɛ́ʔɛ ma jàngó wi ga see, koro í pìíw cò bi káa.

Tɛ̀ɛnnɛ 7:14

A mii wi yari: «Mii Kàfɔw, mɔ n gi cán n sɔ̀lɔ mii na.» A wi mii yari: «Bele naa be yiri wɔʔɔgbɔɔgi ni níì pe búroyi jée n mùnu Bàpili sìsyaan ni, a yi fílige.