11 ní wɔ́ɔ̀ mii wɔʔɔyi, ní mii fɔ̀rɔyi cán. Wɔʔɔyi ní fɔ̀rɔyi yi too mii na lè Antyɔsyi ni, ní Ikonyɔmi, ní Liisitiri ni, á mii yi kpàraco, mɔ n yee bee myɛ cán. Kàfɔw si n mii syɔɔ yi myɛ ma.
ní nyɛ̀ʔɛni tunduɔn wi mii syɔɔ kapeeyi myɛ ma lè, ki n yɛlɛ wi dùbaw taʔa nànbiigèle naa na, mii mɛ́ɛgi, ní mii tóolɛɛgi Abirahami mɛ́ɛgi, ní mii tóow Izaaki mɛ́ɛgi sáā yiri be na pe see bi nɛʔɛ tári ni.
Mɔ a kɔ́ ra fɛ̀ɛgí í, níì cán mii i nyɛ ní mɔ ní. Mɔ a kɔ́ ra wéle da máari ní funjurugoro ní i, níì cán mii wi nyɛ mɔ Kolocɔlɔw. Mii i nìrimɛ nii mɔ ni, mii i mɔ dɛ̀ɛmɛ́, mii i mɔ tɔʔɔ ni yéregi ní mii fàndaari kàliige kɔ́lɔ ní.
« ‹Zyakɔbi, mɔ wi lè fyɛɛnpiige, Isirayɛli fànʔa fun yakuuli, mɔ a kɔ́ ra fɛ̀ɛgí í. Mii a mɔ dɛ̀ɛmɛ,› » Yawe wi jo nya, mɔ Nyunzyɔɔw wi lè Isirayɛli Wojanw.
Mɔ ga ni lǒyi jeligi lǎli ni lè, mii a pye ní mɔ ní, ní cábiyi, yi a tée mɔ wáa í. Mɔ ga ni táanri náagi ni, mɔ a miyɛɛ sórigo gi ni í, naanyǐngi a mɔ sórigo í.
Làlwa kéeli mii joo n gbàn lè loro li lee naa: Mii fǎngi tɛ́nɛmɛ myɛ ni, ki n yɛlɛ paa fɛ̀ɛgí Danyɛli Kolocɔlɔw na sáā wi kpɔ́ʔɔgi. Níì cán woro wi nyɛ Kolocɔlɔɔ woweew, wi a kòro beè làla o làla! Wi fǎngi a tée kálagi nyáana í, wi kùndigiri a kòro beè bi ba nan gi kwɔ́ɔmi na.
Amɛɛ kàsiiw kpɔ́ʔɔgi ni maa lè, a sùlasiibèle kàfɔgbɔɔɔ fyáa Pɔli kéeli na ní i sɔ̀ngí pe a kɔ́ wi kíle cɛnɛ, a wi tun sùlasiibèle ma níì jo pe tìgi paa maa pe ba Pɔli yirige syɛ́ɛnbèle nínge ni pe sa wi lége yaà poro tɛɛkòrogi ni.
Kolocɔlɔɔ si i mii syoo àlí n baa nan níjanʔa na, a mii i séeraw kpéʔele syɛ́ɛnbèle myɛ ma, syɛɛn-yilibèle yoo, syɛɛnkpolobèle yoo, mii o tàa faala taari kanyaajoobèle syɛ́ɛnrɛ ní Mowizi wóri na í, dee pe da joo lè níì jo ti a kɔ́ ba foro.
Wolo n wolo sɔ̀ngumi taʔa yele kéeli na gbanʔama, níì cán wolo n gi cán kánmee na yele pínɛ ni wɔʔɔ ní wolo ní lè, kánmi bee na pe a ba yele pínɛ kɛɛlɛ ní wolo ní.
Koro na mii i fundaanra kpéʔele mii fànʔa-fǔnmi kèlē na, n náà fàra tɛʔɛlɛyi, ní fɔ̀rɔyi, ní wɔʔɔyi, ní kagbanyi na yi tuun mii na lè Kirisi kéeli na. Níì cán mii fǎngi ga cɛ́rɛ lǎlee ni lè, lǎli bee ni mii nyɛ ní fànʔa ní.
Kánmi bee na Kàfɔw gi cán àmɛɛ wi a gbǎn wi yɛ́ɛgi fyáafɔɔlɔ yirige be kagbanyi ni lè, si syɛɛnnaa-sìnzinbèle kɔn wɔʔɔgi kánma na kútiiw canjerige yɛ́ʔɛ na,