2 Timɔte 3:10 - Cebaara Bible 2010

¹⁰ Mɔ tiimaa si n mii tamani fílige n cán, ní wɔ́ɔ̀ mii tánʔaganmi, ní mii kakɔrirɔgèle tímanaganma cán, n fàra mii tágali, ní mii kpàracogi, ní mii tàmagi, ní mii lòmaani na,

2 Timɔte 3:10 Iomraidhean Croise

Danyɛli 1:8

A Danyɛli gi kɔ̀rirɔ n tímana n jo woro ga yɛlɛ bi wiyɛɛ nɔ́nʔɔ ní fànʔafɔw yaliitaanra, ní wi dùvɛɛngbaaw ní í, a wi falipyenǎnbèle kùndigi nyɛ́ɛri gbanʔama, níì wi pye wi a kɔ́ woro ŋàʔana woro í wiyɛɛ nɔ́nʔɔ í.

Luki 1:3

Gee bee na, Teofiili, mɔ wee wi nyɛ lè báriga syɔ́ɔn, àmɛɛ mii tɔ̀nɔ n yíbeye saʔa kpéʔele lè kérigèle bee myɛ na nlaa ge sélimi na, a mii gi nyaa ki n yɛlɛ mii í wɔ́ɔ ge sɛ́bɛ taʔalagèlē bi tórigo mɔ ma.

Kapyegèle 11:23

Lǎli ni wi nan yaà lè, níì gi nyaa àmɛɛ Kolocɔlɔɔ kpɔ́ʔɔri kpéʔele be ma lè, a fundaanra pye wi ni, a wi pe myɛ kɛɛlɛ níì be pye be tan Kàfɔw na ní be fúnyi myɛ ní.

Kapyegèle 2:42

A be kòro ni pìitunbèle tamana lúro, níì pye pínɛnyɛnnɛgɛ na ní tágafɔzanbèle ní, ní wɔ́ɔ i búruw kabagi peyɛɛ na, ní i nyɛ́ɛri Kolocɔlɔɔ ma.

Kapyegèle 20:18

A pe ga nan yaà wi na, a wi gi joo be ma níì jo: «Nlaa mii jée lè cânzeligi na Azii tári ni yele n mii tánʔaganmi cán yeyɛɛ níngi ni.

Kapyegèle 26:4

Nlaa mii yìri lè wojáriɔ ní Zyefubèle myɛ n mii tánʔaganmi cán, níì cán Zyerusalɛmi ni mii lɛɛ mii felegefɔ-nyɛ́nbèle nínge ni.

Wɔrɔmi ye 16:17

Ni senyɛ̀nnɛ, bele be syɛ́ɛnbèle wálagi peyɛɛ na lè, ní i be fáana ni láari tamani na, lee yele tama lè, mii i yele nyɛ́ɛri yaa yeyɛɛ kɔ̀rɔsíi be na. Yaa còʔoró be na.

2 Korɛnti ye 1:17

Amɛɛ mii da ni gee bee sɔ̀ngí lè, a yele jo lé mii maa ni gi córo kafaʔala? Ba yele jo lé mii n gi tímana syɛ́ɛnbèle tímanaganma na bi jo keelaa na ɛɛn, si ní kɔ́ jo li na eʔe?

Efɛzi ye 4:14

Kánmi bee na wolo a ní kòro pìími ni, tamaveleyi káfalaya í ra wolo fíigi sáā wolo lée ra wáa da máari í bi yɛlɛ ní syɛ́ɛnbèle námara, ní be sícilibeemi ní bi syɔɔn pùuní lè í,

Filipikaʔa ye 2:20

Níì cán wàa nikwɔɔ o nyɛ ní mii ní wee wi sɔ̀nguri bee wonijanra sɔ̀ngí lè í, jàngó bàā yele kérigèle kɔ̀rɔsíi kányɛʔɛ ni í.

Filipikaʔa ye 2:22

Yele si n gi cán Timɔte i nyɛ syɛɛnsɛʔɛgwɔɔɔ, wi maa ni báara ní mii ní Syɛɛnjóocǎnri kéele na àmɛɛ pyà báara lè ní wi toò ní.

1 Tesaloniki ye 1:5

Níì cán àmɛɛ wolo da kári yele ma lè ní Syɛɛnjóocǎnri ní, wolo da kári n sáà di joo yele ma yagana í, kàjáa wolo maa wɔ́ɔ̀ kári ní fǎngi, ní Pìicǎnni, ní tágadeeli ní, lee li kpɔ́ʔɔ lè. Kánmee na wolo da pye lè yele níngi ni yele nyɔɔmi kéele na, yele n gee bee cán.

1 Timɔte 1:3

Amɛɛ mii da mɔ nyɛ́ɛri lè mii làrigárili ni Maseduwani ma níì jo mɔ í kòro Efɛzi ni, ki n yɛlɛ mɔ í kòro yaà, koro ga pye bele be syɛ́ɛnbèle tama lè tamalaa nikwɔɔ na, mɔ í da gi nyuu da gbàngí bele bee ma si be pye pe a ní kɔ́ ra gee bee kpéʔele í,

1 Timɔte 4:6

Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

2 Timɔte 2:22

Tɔ́ɔliw ni ki n yɛlɛ maa fé nìgɔpii-kérigèle ki laànitaʔa kele yɛ́ʔɛ na, bele be Kàfɔw mɛ́ʔɛ yiri lè ní funviire ní, maa táanri bele bee tánʔaganma na, sínni, ní tágali, ní tàmagi, ní bɛ̀ɛ́li na.

2 Timɔte 4:2

maa Kolocɔlɔɔ syɛ́ɛnri nyuu syɛ́ɛnbèle ma ní lòmaana ní, làrijǎngèle, ní làribeegèle ni, máā be kérigèle tèé be na, máā fúlo be na, máā be kɛɛlɛ, máā be tama ní kpàracogo ní làrigèle myɛ ni.

2 Timɔte 4:3

Níì cán làla a kɔ́ ba pye, lee ni lè syɛ́ɛnbèle a gbǎn tamajanni kpàraco í. Kàjáa pe a ra pe nyɛnɛ tamafɔbèle saʔa caa bi yɛlɛ ní be céri ki laànitaʔa kele ní, jàngó paa poro fundaan-syɛ́ɛnri nyuu poro ma.

2 Timɔte 4:7

Mii n kapɛɛnjǎnni kpúmɔn, níì kàfyaali fàn n nan láʔali na, ní wɔ́ɔ̀ tágali sámaga n cò.

Tiiti 2:7

Gee gi mɔ tiimaa kwɔ́ɔ lè, ki n yɛlɛ mɔ kapyejǎngèle í pye be ma fɛ̀ɛ kérigèle myɛ ni, mɔ tamani í pye tɛɛlɛ fun si pye ní báriga ní,

Heburubèle 13:9

Ki ga yɛlɛ ye gi yaʔa pe kɔ yele fáana pùuni ní tama-nibɔngèle kèle nikwɔɔlɔ félege ní í, ki n yɛlɛ yele zɔ̌nbèle í nìri Kolocɔlɔɔ kpɔ́ʔɔri báriga ni, ki ga yɛlɛ gi pye yaliifeleraa báriga ni í. Níì cán bele pe da ni zɔ̀nniriw caa lè yaliifeleraa báriga ni, pe ga tɔ̀nɔ taa gee bee ni í.

2 Pyɛri 3:11

Ki si ga pye yáriri bee myɛ a ba kálagi kánmi bee na, mɛ̀ɛ́ yele nàʔaganmi yɛlɛ bi pye? Fwɔɔ yele í da nàʔajànma náari Kolocɔlɔɔ yɛ́ɛgi fyáara na,