2 Timɔte 3:1 - Cebaara Bible 2010

¹ Ki n yɛlɛ mi gi cán làrigbangèle a ba pye canzanyi ni.

2 Timɔte 3:1 Iomraidhean Croise

Sélimɛ 49:1

A Zyakɔbi wi jáabèle yeri níì be pye: «Ye kpóʔoro naa mii ma. Gee ki a ba pye yele na lè nyɛ̀ʔɛna, mii a ba gi joo tɛ̀ɛn yele na.

Ezayi 2:2

Canzanyi ni, Yawe kpɔ̀ʔɔrɔli kpaʔa nyanbelege a ba pye nyanbeleyee ǹjoyo ni, ki a ba yìri bi pye dǎndamayi nyúnyo ni, syɛɛnfeleyi myɛ a kabi da syée yaà.

Zyeremii 48:47

Kàjáa canzanyi ni, Mowabi wóbèle be cò n kári lè mii a be lúrugo pan,» Yawe wi jo nya. Woro wi nyɛ kútiiw, wee wi joo Mowabi kéeli na lè.

Zyeremii 49:39

«Kàjáa canzanyi ni Elami wóbèle be cò n kári lè, mii a be lúrugo be pan,» Yawe wi jo nya.

Ezekyɛli 38:16

Ee Gɔgi, mɔ a lúgu kári mii syɛ́ɛnbèle Isirayɛli ye kánmi na, àmɛɛ fàfanʔa nyɛ, gee ki a tári tɔ́n lè. Làrigèle kwɔ́ɔmɔ na gee bee a pye, mii a mɔ yaʔa mɔ í pan mii tári kánma na, jàngó syɛɛnfeleyi í mii cán lǎli ni mii ga mɔ kéeli tɛ́ʔɛ n niyɛɛ dɛ̀ɛn lè wojaɔn ní pe nyɛnɛ na.› »

Danyɛli 10:14

A mii pan wii tɔ́ɔliw ni ba gi tɛ̀ɛn mɔ na, gee gi yɛlɛ ba pye mɔ syɛ́ɛnbèle na cányee ni yi maa lè. Níì cán yanyaagaa ní i nyɛ cányi bee kéele na.»

Danyɛli 11:36

Fànʔafɔw a ra gi kpéʔele, gee wi caa lè. Wi a ra wiyɛɛ gbɔ́ʔɔgi, sáā wiyɛɛ délegi kolocɔlɔbèle myɛ ǹjoʔo ni, wi a ra bingaari kèlē nyuu kolocɔlɔbèle Kolocɔlɔɔ kánmi na. Wi kérigèle a ra nyɔɔgi fwɔɔ bi taa fundanʔari làrivorolo í ba nan, níì cán gee gi kɔ̀rirɔ n tímana lè, ki a foro.

Danyɛli 12:11

Bi láa lǎlee na canʔa o canʔa sárigaw a ba yaʔa lè, ní lǎli ni kálagifɔw kapeekpɔʔɔ a sámaga yérige lè, cányi nyɔ́ɔ a pye saala kɔrɔni ní togoye sicɛrɛ ní kpɔrigɔ.

Danyɛli 12:7

A mii nǎnw joomɔ lóʔo, wee wi da lɛn fàniw búrogo le lè, níì pye cábigi lɔ̀ʔɔ ǹjoʔo ni, wi maa wi kàliige kɔ́gi ní wi kàmɔnɔ kɔ́gi yìrige n wáa nyɛ̀ʔɛgèle ma, níì kàli wee na wi nyɛ lè sìi na làla o làla kwɔ́ɔmɔ fun, níì jo kérigèle bee a pye làlaa, ní làrigèle, ní làlaa tíla ni, ní lǎli ni syɛɛnfelegi wojanga fanʔa ga baa kwɔ́ɔ lè péw, kérigèle bee myɛ a kpéʔele foro.

Danyɛli 7:8

Mii maa ni sɔ̀ngí nyɛ́ngèle kéele na, wéle, a nyɛnbilaa níì yiri gele nínge ni, a nyɛnzeligèle kèle taanri kɔ́n li yɛ́ʔɛ ma. Wéle nyapiigèlē maa pye nyɛ́nni bee na àmɛɛ syɔɔn nyapiigéle nyɛ lè, a nyɔɔ wɔ́ɔ̀ pye li na, gee ki da ni joogbɔɔmi nyuu lè.

Oze sɛ́bɛw 3:5

Koro kàdoʔo ma Isirayɛli ye a lúru pan, pe a ba ra Yawe be Kolocɔlɔw, ní be fànʔafɔw Davidi caa. Pe a ra cɛ̀lɛ́ bàā maa Yawe ní wi funjǎngi ma làrigèle kwɔ́ɔmɔ na.

Misye 4:1

Canzanyi ni, Yawe kpɔ̀ʔɔrɔli kpaʔa nyanbelege a ba pye nyanbeleyee ǹjoyo ni, ki a ba yìri bi pye dǎndamayi nyúnyo ni, syɛɛnfeleyi a kabi da syée yaà.

2 Timɔte 4:3

Níì cán làla a kɔ́ ba pye, lee ni lè syɛ́ɛnbèle a gbǎn tamajanni kpàraco í. Kàjáa pe a ra pe nyɛnɛ tamafɔbèle saʔa caa bi yɛlɛ ní be céri ki laànitaʔa kele ní, jàngó paa poro fundaan-syɛ́ɛnri nyuu poro ma.

2 Pyɛri 3:3

Ki n yɛlɛ yele í gi cán gbɛnʔɛnɛ bi cán kakpanami fɔ̀ɔlɔ a ba yìri canzanyi ni, poro bele pe a ra táanri da yɛlɛgi ní be céri ki laànitaʔa kele ní lè, pe a ra gi tɛ́ʔɛ

1 Zyan 2:18

Ni pìibēle, làrizanni n nan. Amɛɛ yele da gi lóʔo lè Kirisi nigoow a pan, Kirisi nigoobèle saʔa i beè n kwɔ́ɔ tɔ́ɔliw naa ni, gee bee na wo gi cán ncan làrizanni n nan.

Zyudi 1:17

Yele si na, mii syɛɛn-nidaanmabèle, syɛ́ɛnree wolo Kàfɔw Zyezu Kirisi pìitunbèle da téè joo lè, yaa sɔ̀ngí yaa taagi dee bee na.

Zyudi 1:18

Pe maa yele pye: «Kakpanami fɔ̀ɔlɔ a kɔ́ ba yìri làrizanni ni, bele pe a ba ra táanri da yɛlɛgi ní be tiimaa ki laànitaagi kèlē ní ge nyɛ lè Kolocɔlɔɔ yɛ́ʔɛnaa-sìnvyaari wòʔolo.»