2 Timɔte 2:9 - Cebaara Bible 2010

⁹ toro dee kéele na mii wɔʔɔ lè àlí pe n mii pwɔɔ ní nyɔ̀ʔɔmɔ ní, mɔ a jo kapeebyeo mii nyɛ. Kàjáa Kolocɔlɔɔ syɛ́ɛnri ga pwɔɔ í.

2 Timɔte 2:9 Iomraidhean Croise

Luki 23:32

A be wɔ́ɔ̀ kapeebyebèle pèle siin kɔ́ri n fàra Zyezu na bi sa be pínɛ kpóo ní wi ní.

Kapyegèle 21:33

A sùlasiibèle kàfɔgbɔɔɔ sáà nùuni Pɔli na níì wi cò níì be pye pe wi pwɔɔ ní nyɔ̀ʔɔdiriye siin ní, níì syɛ́ɛnmi yíbe bi gi cán wee wi nyɛ lè, ní gee wi pye lè.

Kapyegèle 28:31

Wi maa ni Kolocɔlɔɔ fǎngi kéele nyuu be ma, ní i be tama Kàfɔw Zyezu Kirisi kérigèle na ní nànzorodo ní, syɔɔn faala ga wi yérige í.

Kapyegèle 9:16

Wɔʔɔgee myɛ gi yɛlɛ bi too wi na lè mii mɛ́ɛgi kéele na, mii a gee bee tɛ̀ɛn wi na.»

Efɛzi ye 3:1

Gee bee na mii Pɔli wi nyɛ lè Kirisi Zyezu kàsoleo yele syɛɛnfeleyi wozanya kéele na,

Filipikaʔa ye 1:17

bele si be Kirisi kéeli nyuu lè kàsiiw kánma na, bele bee o di nyuu ní funviire ní í. Pe i sɔ̀ngí bi wɔʔɔlaa fàra mii kàsoleri na.

Filipikaʔa ye 1:7

Sɔ̀nguri bee n yɛlɛ mii í di sɔ̀ngi yele myɛ kéeli na, níì cán yele kéeli i nyɛ mii fúngi ni, á yele myɛ yele lɛɛli taa kpɔ́ʔɔri ni ní mii ní n mii yaʔa naa kàsokpaagi ni, ní wɔ́ɔ̀ yele lɛɛli taa kpɔ́ʔɔri ni ní mii ní àmɛɛ mii Syɛɛnjóocǎnri tèé lè níì jo ti i nyɛ kányɛʔɛ, ní wɔ́ɔ i nyɛ báriga syɛ́ɛnrɛ.

Kɔlɔsi ye 4:18

Mii Pɔli tiimaa kɔ́gi gi fòów naa sɛ́bɛ. Ye sɔ̀ngi ye taa gi na àmɛɛ pe mii pwɔɔ lè. Ki n yɛlɛ Kolocɔlɔɔ í kpɔ́ʔɔri kaan yele ma!

Kɔlɔsi ye 4:3

Ki n yɛlɛ ye wɔ́ɔ yaa nyɛ́ɛri wolo kéeli na, koro ga pye Kolocɔlɔɔ í kpàánweele múgu wolo ma syɛ́ɛnri joolo kéele na, jàngó wolo í da Kirisi kalarali kéele nyuu, loro lee kéele na pe mii pwɔɔ lè,

1 Tesaloniki ye 1:8

Níì cán yele ye pye sábabu á Kàfɔw syɛ́ɛnrɛ nan Maseduwani ní Akayi tári na, nɛɛ bee yagana si ban í, ti n nan tɛ́ɛyi myɛ na, àmɛɛ yele tága Kolocɔlɔɔ na lè, kéeli bee n wɔ́ɔ̀ nan tɛ́ɛyi myɛ na, koro na ki o nyɛ ŋàʔanaga kéele wolo í ní yarigaa joo í.

2 Tesaloniki ye 3:1

Ni senyɛ̀nnɛ, gee gi syɛɛnsanri kwɔ́ɔ lè, koro gi nyɛ yaa nyɛ́ɛri wolo kéeli na jàngó Kàfɔw syɛ́ɛnrɛ í cariga kelekele si kpɔʔɔrɔ taa, àmɛɛ gi kpéʔele yaà yele ma lè,

2 Timɔte 1:12

Gee bee na mii fɔ̀rɔyi bee kpàracó, mii si o fɛ̀ɛrɛ kpéʔele Syɛɛnjóocǎnri joolo na í, níì cán wee na mii tága lè, mii n wi cán, mii si n wɔ́ɔ̀ gi cán ncan gee mii kàlifáa wi ma lè séew i nyɛ wi ma bàā gi kpáaw wéle bi taa cángi bee í ba nan.

2 Timɔte 1:16

Ki n yɛlɛ Kàfɔw í nyinimɛ taa Onɛsifɔri kpaʔa wóbèle na, ncan wi n mii fúngi nyíngi tɔlɔyɔ saʔa, àmɛɛ pe da mii pwɔɔ lè ní nyɔ̀ʔɔmi ní, gee bee ga pye wi na fɛ̀ɛrɛ kéele í.

2 Timɔte 1:8

Gee bee na mɔ a kɔ́ ra fɛ̀ɛrɛ taagi wolo Kàfɔw séera kpéʔelele kéele na í, mii kéeli ga wɔ́ɔ̀ yɛlɛ li pye mɔ na fɛ̀ɛrɛ í, mii wee wi nyɛ lè wi kàsolew. Kàjáa ki n yɛlɛ mɔ í da wɔʔɔ ní mii ní Syɛɛnjóocǎnri kéele na Kolocɔlɔɔ séew báriga ni.

2 Timɔte 2:3

Pínɛ maa wɔʔɔ ní mii ní àmɛɛ Kirisi Zyezu kapɛɛnkpumɔnjàɔn nyɛ lè.

2 Timɔte 4:17

Kàfɔw si maa yére n mii sɔ́lɔgɔ níì fànʔa kaan mii ma, koro ga pye mii í gbǎn Syɛɛnjóocǎnri joo bi foro, jàngó syɛɛnfeleyi myɛ í di taa lóʔo. Wi n wɔ́ɔ̀ mii yirige càaraw nyɔ́ɔ ni.

1 Pyɛri 2:12

Ki n yɛlɛ yele í da nàʔajànma náari syɛɛnfeleyi nínge ni, koro ga pye, àmɛɛ be yele mɛ́ɛpɛɛnyi yiri lè níì jo yele i nyɛ kapeebyebèlē, pe ga ni yele kapyejǎngèle nyaagi, pe a nìjangbɔɔri taʔa Kolocɔlɔɔ na wi canbangi na.

1 Pyɛri 2:14

wàlá fànʔafɔbèle wi tungu lè pe sa ra kapeebyebèle yɛ́ɛyɛ wáragi lè sáā kacànbyebèle sòoló lè yoo, ki n yɛlɛ yaa lúro pe myɛ ma.

1 Pyɛri 3:16

Ki si n yɛlɛ yaa gee bee kpéʔele ní fûnnyinge, ní kpɔʔɔrɔ ní, yé pye funviire fɔ̀ɔlɔ, koro ga pye, àlí pe ga wíre ni yele mɛ́ɛpɛɛnyi yiri, ní i yele nàʔajǎnmi faari, bee yele náari Kirisi ni lè, fɛ̀ɛrɛ í be taa.

1 Pyɛri 4:15

Kapye yele wàa faala i wɔʔɔ, ki ga yɛlɛ ki kɔ pye mɔ a jo syɛɛnkpóō wi nyɛ í, wàlá kàyuuo, wàlá kakolobyeo, wàlá wee wi wi nyɔ́ɔgi nii wi syɛɛnnyɛnbèle kèlē ni lè í.