2 Timɔte 2:7 - Cebaara Bible 2010

⁷ Da sɔ̀ngí mii syɛ́ɛnri na, dee mii nyuu lè. Níì cán Kàfɔw a sícilimɛ kaan mɔ ma mɔ í ti myɛ cán.

2 Timɔte 2:7 Iomraidhean Croise

1 Cányi kèlē 22:12

Ki n yɛlɛ Yawe í cánna ní sícilimɛ kaan mɔ ma bi gi yaʔa mɔ í gbǎn ba ra Isirayɛli ye kàragí bi yɛlɛ ní Yawe mɔ Kolocɔlɔw làlwa ní.

1 Cányi kèlē 29:19

Fungo kaan mii jáaw Salomɔn ma, gee gi nyɔɔ n foro lè, koro ga pye wi mɔ kajoodɛɛngèle ní mɔ lalwaw kèlē ní mɔ kajoogèle cò, sáā ge myɛ kpéʔele, si kpaakpɔɔgi faan, gee kéele na mii yáriri sámaga n yaʔa lè.»

Ŋúnuyi 119:125

Mii i nyɛ mɔ falipyeo, sícilimɛ kaan mii ma, koro ga pye mii í mɔ kajoogèle cán!

Ŋúnuyi 119:144

Mɔ kajoogèle n sín kwɔ́ɔmɔ fun, sícilimɛ kaan mii ma, jàngó mii í pye sìi na!

Ŋúnuyi 119:73

Mɔ kɔ́yi yi mii faan níì mii sámaga n yérige. Sícilimɛ kaan mii ma koro ga pye mii í da mɔ kajoodɛɛngèle tama bàā cángi!

Ŋúnuyi 64:9

Wi n be kaan a be too pe nyíngèle kéele na. Pe nyaafɔbèle myɛ i nyǔnyi kólo be kéeli na.

Kàseegèle 24:32

A mii sámaga n wéle kɔ̀rɔsii na, a mii nyaa, níì tamana taa mii nyaani báriga ni.

Ezayi 1:3

Nɔ̀ɔ n wi kàfɔw cán, a jòfani wi kàfɔw cán, wee wi wi kaangi wi i líi lè, kàjáa Isirayɛli ga yafyɛn cán í, mii syɛ́ɛnbèle ga yarigaa cán í.»

Ezayi 28:26

Wi Kolocɔlɔw wi gáà kóloyi bee tɛ̀ɛn wi na, si wɔ́ɔ tamani bee kaan wi ma.

Ezayi 5:12

Kɔ̀ríw, ní dǎngbogèle, ní tàmáw, ní máani, ní dùvɛɛnw n be kaan a pe i muguri pe lìigboloyi tɛ́ɛyɛ ni. Kàjáa pe o sɔ̀ngí Yawe fáliw kéele na í, pe o wi kɔ́yi fáli wéle í.

Danyɛli 1:17

A Kolocɔlɔɔ kérigèle cánna fúnyo kaan nìgɔcaribèle bee sicɛrɛ ma, sɛ́bɛri cánna, ní sícilimi myɛ kàbaan na. A Danyɛli yanyaayi myɛ, ní ŋúnɔyi myɛ kɔ́rɔ cán.

Luki 21:15

Níì cán mii tiimaa wi a nyɔɔsyɛɛnri kaan yele ma n fàra sícilimi na, koro ga pye yele nígoowaa faala a fànʔa taa yele na bi joo yele jáa í, wàlá bàā yele kábala ní wi syɛ́ɛnri ní í.

Luki 24:45

Lǎli bee ni a wi be fúnyi múgu be na koro ga pye pe Kolocɔlɔɔ syɛɛnsɛbɛri kɔ́rɔ cán,

Luki 9:44

«Syɛ́ɛnri naa mii a joo yele ma lè, ye di cò cama, níì cán pe a kɔ́ ba Syɔɔn-pya le syɛ́ɛnbèle kɔ́yɔ ni.»

Zyan 14:26

Dɛ̀ɛmɛfɔw Tofɔw a tun naa yele ma mii mɛ́ɛgi na lè, woro wi a ba yele tama kérigèle myɛ na si wɔ́ɔ yele kaan yele í da sɔ̀ngí da taagi kérigèle myɛ na mii da ni nyuu yele ma lè, dɛ̀ɛmɛfɔw bee wi nyɛ Pìicǎnni.

Zyan 16:13

fwɔɔ kányɛɛgi Pìle ga pan lǎlee ni lè, loro li a ba kíni yele yɛ́ɛgi na sáā kányɛɛgi myɛ tèé yele na. Níì cán li tiimaa syɛ́ɛnri ban li a ba ra nyuu í, fwɔɔ gee myɛ li lóʔo lè, gee bee li a ra nyuu, ní kérigèle gele ke a kɔ́ ba ra kpéʔele lè kàdoʔo ma, li a ba ra gele bee nyuu da fíligi yele ma.

Kapyegèle 7:10

ni wi yirigi wi wɔʔɔyi myɛ ni, níì kpɔ́ʔɔri, ní sícilimi kaan wi ma, a wi kéeli Faraɔnw dɛ́nɛ, wi pye lè Ezyipiti fànʔafɔw, a Faraɔn wi télege Ezyipiti tári, ní woro tiimaa kpáagi myɛ nyúngo na.

1 Korɛnti ye 12:8

Níì cán Pìicǎnni n sícili-zyɛ́ɛnri kaan wàa ma. Loro li wɔ́ɔ̀ cánni syɛ́ɛnrɛ kaan wàa nikwɔɔ ma.

Làlwaw Kaanziin 32:29

Pe ga maa pye sícilibēle, gee pe a dée cán wàli lè, koro gi nyɛ, pe mǎà dée pe nyɛ̀ʔɛnaw kéele cán.

Làlwaw Kaanziin 4:39

Koro na gi cán níjanʔa, mí gi cò mɔ fúngi ni, mi cán Yawe wi nyɛ Kolocɔlɔɔ, nyɛ̀ʔɛni na, ǹjogi ni, ní tári na naa táàma. Wàa ní o yaà ní woro ní í.

Filipikaʔa ye 4:8

Ni senyɛ̀nnɛ, gee gi syɛɛnsanri kwɔ́ɔ lè, toro di nyɛ kérigèle gele myɛ ge nyɛ lè kányɛʔɛ, ní gele myɛ ge líbe lè, ní gele myɛ ge sín lè, ní gele myɛ ge fílige lè, ní gele myɛ ge nyɛ lè tàmagi wòʔolo, ní gele myɛ ge nyɛ lè wojangéle ní, kapye ke n nyɔɔ níì yɛlɛ ní kpɔʔɔrɔ ní, yaa kérigèle bee sɔ̀ngí.

Kɔlɔsi ye 1:9

Gee bee na nlaa cángee na wolo yele kéeli lóʔo lè, a wolo wɔ́ɔ̀ kòro ni Kolocɔlɔɔ nyɛ́ɛri yele kéeli na sìnlaʔa ni, wolo i wi nyɛ́ɛri koro ga pye Pìicǎnni sícilimɛ ní li kérigèle cánna myɛ í yele fúnyi nyìn, jàngó yele í Kolocɔlɔɔ nyɛ́nɛ kéeli fílige cán.

1 Timɔte 4:15

Mi gbèé pye kérigèle bee na, mi miyɛɛ gaan ge ma koro ga pye syɛ́ɛnbèle myɛ í gi nyaa àmɛɛ mɔ syée lè yɛʔɛ̀ ma tágali ni.

2 Timɔte 2:6

Tèfalawee wi fɔ̀rɔ ní wi ségi ní lè, woro wi yɛlɛ bi séli wi lɛɛli taa yaliiri ni.

2 Timɔte 2:8

Sɔ̀ngi mi taa Zyezu Kirisi na wi lè Davidi yòdaʔagi, wi n nyán n yiri kúbèle nínge ni n yɛlɛ ní Syɛɛnjóocǎnri ní mii nyuu lè,

Heburubèle 12:3

Woro wee wi tɔ̀nɔ n kapeebyebèle kàkabalaya saʔa kpàraco lè, àmɛɛ pe da ni wi tiimaw kábala lè, ki n yɛlɛ yele í da sɔ̀ngí da taagi wi kéeli na, jàngó yele a kɔ́ fɔ̀rɔ yele fúnyi ni yele bárigaw si kwɔ́ɔ í.

Heburubèle 13:7

Ki n yɛlɛ yaa sɔ̀ngí yaa taagi yele yɛɛ̀kini-zélibèle kéele na, poro bele pe da ni Kolocɔlɔɔ syɛ́ɛnri nyuu yele ma lè. Yaa sɔ̀ngí be tánʔaganmi kéele na, ní àmɛɛ be kwɔ́ɔmi baa pye lè, yáā be tágali tɛ́ɛlɛ.

Heburubèle 3:1

Gee bee na, mii senyɛnjǎnbèle, yele bele Kolocɔlɔɔ wɔ́ɔ̀ yeri lè, ki n yɛlɛ ye yele sɔ̀ngumi myɛ taʔa Zyezu na, woro wi nyɛ pìitunw ní sáriga-wòlobèle kàfɔlɔ wolo tágali kéele na, lee wo nyuu ni tèé lè.

Heburubèle 7:4

Ye gi wéle àmɛɛ nǎnw bee da kpɔ́ʔɔ lè, Abirahami wi lè tofɔlɛɛgi, yacanri wi da taa lè kapɛɛnni ni, wi tiimaa n yáʔaw wòlo ti myɛ ni n kaan wi ma!

Zyaki 1:5

Kapye sícilimɛ n fɔ̀n yele wàa ma, ki n yɛlɛ wi bi nyɛ́ɛri Kolocɔlɔɔ ma, wi a bi kaan wi ma, níì cán woro wi syɛ́ɛnbèle myɛ kaangi saʔa, wi si o fúlo wi nyɛ́ɛrifɔbèle na í.

Zyaki 3:15

Sícilimi bee o yìrigí nyɛ̀ʔɛni na í. Kàjáa pi i nyɛ dulunyanw naa, ní syɔɔn tiimaa funzɔngumi, ní màdebèle wómɔ.

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

1 Zyan 5:20

Wolo n wɔ́ɔ̀ gi cán Kolocɔlɔɔ Jáaw n pan n baa sícilimɛ kaan wolo ma koro ga pye wolo í Wodelew cán. Wolo i nyɛ Wodelew ni wi Jáaw Zyezu Kirisi bárigaw ni. Woro wi nyɛ Kolocɔlɔɔ wodelew, ní wɔ́ɔ i nyɛ sìibangwɔɔw.