2 Timɔte 2:26 - Cebaara Bible 2010

²⁶ pe sɔ̀nguri si lúru pye àmɛɛ ti da yɛlɛ di pye lè, pé wɔ́ɔ yiri Dàzɔɔnw karinyanga ni gee na wi da be cò lè koro ga pye paa woro nyɛ́nɛ kérigèle kpéʔele.

2 Timɔte 2:26 Iomraidhean Croise

Zyɔbi 1:12

A Yawe Sutanaw pye: «Wéle, yáriri myɛ di nyɛ wi ma lè ti i nyɛ mɔ kɔ́lɔ na, kàjáa mɔ a kɔ́ kɔlɔ̀ taʔa wi na í.» A Sutanaw fala n núngo Yawe yɛ́ʔɛ ma.

Zyɔbi 2:6

A Yawe Sutanaw pye: «Wi i wee mɔ kɔ́lɔ na, kàjáa mɔ a kɔ́ nan wi sìíw na í.»

Ŋúnuyi 124:7

Wolo sìíw n syɔɔ àmɛɛ féjɛɛnnɛ gáà syɔɔ n yiri parileo pára ni lè. Pári n ceri, á wolo syɔɔ.

Ezayi 28:13

Poro má Yawe syɛ́ɛnri a pye kajoo-mí-taʔalaga o kajoo-mí-taʔalaga, kajoo-mí-taʔalaga o kajoo-mí-taʔalaga, tímanana o tímanana, tímanana o tímanana, cɛɛri nɛɛ naa, cɛɛri nɛɛ yáa. Koro ga pye bi be yaʔa tánʔani na, pe tàra bi lúru kàdoʔo ma bi too tɔ́nʔɔnɔ. Karinyanga í be cò, pe be cò bi kpéʔele pulobèlē.

Ezayi 53:12

Koro na mii a wi lɛɛli pínɛ kaan wi ma ní wogbolobèle ní. wi a yakoliri lɛɛ ní séew fɔ̀ɔlɔ ní, níì cán wi tiimaw n wiyɛɛ gaan n kùu, a be wi córo kakolobyebèle nínge ni, ní àmɛɛ wi syɛɛnnɛʔɛmɛ kapeegéle túgoro tugo, níì nyɛ́ɛri kakolobyebèle kéele na lè.

Ezayi 8:15

Syɛ̀ɛnnɛ saʔa a kpírige gi na bi too tɔ́nʔɔnɔ. Karinyangi a be cò, pe a be koli bi kári.»

Luki 11:21

Yakpaliya ga pye syɛɛnnirio ma lǎlee ni lè a wi i wi kàcooli kɔ̀rɔsíi, wi kɔlɔ̀ yáriri n pye yɛɛ̀nyinge na.

Luki 15:17

Amɛɛ sícilimɛ kɔ́ɔ̀ jée wi ni lè, a wi jo: ‹Falipyebèlē saʔa si zǐn i nyɛ mii tóow ma ni líi ni fɔ̀rɔgí a tàa i kòró, mii si tɔ̀nɔ́ ba kùu lé nya kateegi kɔ́yɔ ni?

Luki 5:10

A Zyaki ní Zyan wɔ́ɔ̀ fyáa, Zebede jáabèle pe da wɔ́ɔ̀ pínɛ ni báara ní Siimɔn ní lè. A Zyezu Siimɔn pye: «Mɔ a kɔ́ fyáa í. Nlaʔa lǎli naa na mɔ a ra syɛ́ɛnbèle taagi.»

Zyan 13:2

Lǎli ni pe da ni yébiligi lìile líi lè, koro n gi taa Sutanaw maa téè gi lége n kwɔ́ɔ Siimɔn jáaw Zyudasi Isikariyɔti fúngi ni, wi Zyezu le kɔyɔ ni.

Zyan 13:27

Kanyinni syɔɔlɔ kadoʔo ma, a Sutanaw fala n jée Zyudasi fúngi ni. Koro na Zyezu wi pye: «Gee mɔ a kpéʔele lè, ki kpéʔele kelekele.»

Kapyegèle 26:18

Mii a mɔ tun be ma mɔ í sa be nyapiigèle paʔala, koro ga pye pe yiri yébilimi ni bi jée gbɛ̀ɛ́nmi ni, pé wɔ́ɔ kàdoʔo wáa Sutanaw fànʔa ma si kàri Kolocɔlɔɔ ma, koro ga pye wi be kapeegèle kùsulugo syɔɔ, pé wɔ́ɔ pínɛ kɔ́rigi taa ní syɛ́ɛnbèle ní, bele Kolocɔlɔɔ sámaga n yaʔa wiyɛɛ ma lè, àmɛɛ be tága mii na lè.›

Kapyegèle 5:3

A Pyɛri wi yari: «Ananyasi, nyàʔá na mɔ Sutanaw yaʔa a wi mɔ fúngi nyìn nya a mɔ Pìicǎnni fáana, níì tári lɔ́raa wòlo n yaʔa miyɛɛ ma?

1 Korɛnti ye 15:34

Ye fundeleye le yeyɛɛ ni, yáā kasingéle kpéʔele, yé láʔa kapeegèle na. Níì cán pèle i yaà pe ga Kolocɔlɔɔ cán í, mii n koro joo bi fɛ̀ɛrɛ wáa yele na.

2 Korɛnti ye 2:11

koro ga pye Sutanaw a kɔ́ fànʔa taa wolo na í, níì cán wolo o nyɛ wi karinyanyi kéele sinján ni í.

Efɛzi ye 5:14

Níì cán keele o keele li yiri lè gbɛ̀ɛ́nmi na, li n kàri gbɛ̀ɛnmɛ. Gee bee na gi jo: «Yìri, mɔ wi ŋúnɔ lè, mi nyán mi yiri kúbèle nínge ni, koro ga pye Kirisi a gbɛ̀ɛnmɛ yirige mɔ ma.»

Kɔlɔsi ye 1:13

Wi n wolo yirige yébilimi fànʔa ni níì wolo lége wi Pìinidaanmaw fànʔa ni,

1 Timɔte 1:20

Poro pèle be nyɛ Himene ní Alɛkisandiri, mii si n be kaan Sutanaw ma koro ga pye gee bee í pye be ma tamana pe gi cán ki ga yɛlɛ poro í da Kolocɔlɔɔ mɛ́ɛgi kálagi í.

1 Timɔte 3:7

Ki n wɔ́ɔ̀ yɛlɛ kàfugi syɛ̀ɛnnɛ í da wi mɛ́ɛtaangi yiri jàngó faʔara a kɔ́ too wi na wi kɔ́ cò Dàzɔɔnw karinyanga na í.

Tɛ̀ɛnnɛ 12:9

A be yacobeekpɔɔgi cò n wáa kàfugi na, gi lè wàbilɛɛgi, be yiri lè Dàzɔɔnw, ní Sutanaw, woro wee wi dulunyanw syɛ̀ɛnnɛ myɛ fáana ni pùuní lè. A be wi yirige n wáa tári na ní wi tundunbèle ní.