2 Timɔte 2:25 - Cebaara Bible 2010

²⁵ Ki n yɛlɛ waa kàkabalayi fɔ̀ɔlɔ tama ní funjànga ní, dɔ̀ʔɔ́ Kolocɔlɔɔ a be sɔ̀nguri kàriga, pe kàdoʔo wáa pe kapeegèle ma si kányɛɛgi cán,

2 Timɔte 2:25 Iomraidhean Croise

Zyeremii 31:33

«Kàjáa joogaanni mii a kpéʔele ní Isirayɛli kpáagi wòolo ní lè cányi bee kàdoʔo ma, loro li nyɛ lee naa,» Yawe wi jo nya, «mii a mii làlwaw lége be fúnyi ni, mii a wi sɛ́bɛ pe zɔ̌nbèle na, ki a ní pye kàdɛnɛgɛ kàlagorigēle na í. Mii a pye be Kolocɔlɔw, pé pye mii syɛ́ɛnbèle.

Ezekyɛli 11:19

Mii a fungo nibin kaan be ma, mii a pìifɔnnɔ le yele ni, mii a kàdɛnɛgi fúngo yirige be céri ni, si cere fúngo kaan be ma.

Ezekyɛli 12:3

Mɔ, syɔɔn-pya, ki n yɛlɛ mi yirile túgoro sámaga àmɛɛ wojo-mí-káriɔ wóro nyɛ lè, mí yiri canviitelege ni pe nyɛnɛ na! Núngo tɛ́ɛgi ni mɔ nyɛ lè, maa syée tɛ́ɛgaa nikwɔɔ ma pe nyɛnɛ na, dɔ̀ʔɔ́ pe a gi nyaa bi cán poro i nyɛ niceebéle narigbaʔa.

Ezekyɛli 36:26

Mii a funvɔngɔ kaan yele ma, mii a pìifɔnnɔ le yele ni. Mii a kàdɛnɛgi fúngo yirige yele céri ni, si cere fúngo kaan yele ma.

Ezekyɛli 36:31

Lǎli bee ni yele a sɔ̀ngí taa yele tánʔaganbeemi na, ní yele kapyegèle na, gele ge lè ke da nyɔɔ í. Yele láagi a kwɔ́ɔ yeyɛɛ ni yele kolomi kèlē, ní yele yanɔnʔɔyi kéele na.

Zakarii 12:10

Lǎli bee ni mii a kpɔʔɔrɔ pìle ní nyɛ́ɛrigbɔʔɔ pile tìrige bi tɔ́n Davidi kpáagi, ní Zyerusalɛmi ye na, pe si a ra wéle mii ma, mii wee be súu n fùru lè. Pe a pye wi kùu káyaagi na, àmɛɛ syɔɔn gáà pye pìinibinge kuu káyaʔa na lè, pe a ra nyaan wi kéeli na gbanʔama, àmɛɛ syɔɔn nyaan lè gbanʔama pìiselio fɔnnɔ kéele na.

Matye 11:29

Ye mii fáliw túgoro tugo yeyɛɛ na àmɛɛ pe gáà nìye zúu taʔa yi na lè, ye pye mii pìitamabéle. Níì cán mii i màama kpéʔele, á mii fúngi wɔ́ɔ̀ nyíngi. Yele a ŋɔ́ndaali taa yele fúnyi ni.

Matye 21:32

Níì cán Zyan maa pan yele ma n baa sínni kólogo tɛ̀ɛn yele na, yele si ga tága wi na í. A wálisyɔɔbèle ní nànjaacebèle tága wi na, àlí yele wírè gee bee nyaa lè, yele ga sèʔê yele fúnyi kàriga si tága wi na í.

Mariki 1:15

níì jo: «Lǎli n foro, a Kolocɔlɔɔ fǎngi nùuni. Ye kàdoʔo wáa yele kapeegèle ma, yé tága Syɛɛnjóocǎnri na.»

Zyan 5:34

Mii si ga niyɛɛ yérige syɔɔn séera na í. A mii kérigèle naa nyuu yele ma wii, koro ga pye yele í taa syɔɔ.

Kapyegèle 11:18

Lǎli ni pe syɛ́ɛnri bee lóʔo lè, a be fúnyi nyíngi be na, a be i Kolocɔlɔɔ kpɔ̀ʔɔrɔ́ níì jo: «Jàʔá Kolocɔlɔɔ n gi yaʔa syɛɛnfeleyi í wɔ́ɔ ra kàdoʔo wáa yi kapeegèle ma koro ga pye yi sìíw taa.»

Kapyegèle 2:38

A Pyɛri be yari: «Ye kàdoʔo wáa yele kapeegèle ma, yele myɛ nibin nibin si batɛmiw kpéʔele Zyezu Kirisi mɛ́ɛgi na, koro ga pye Kolocɔlɔɔ í yele kapeegèle kùsulugo syɔɔ, si yakaangi kaan yele ma gi nyɛ lè Pìicǎnni.

Kapyegèle 20:21

Mii maa tɔ̀nɔ ni séeraw kpéʔele Zyefubèle ní Girɛkibèle ma níì jo pe be fúnyi kàriga Kolocɔlɔɔ ma, pé tága wolo Kàfɔw Zyezu na.

Kapyegèle 5:21

A pe ga wi syɛ́ɛnri lóʔo n kwɔ́ɔ, a be sáà jée kpɔ̀ʔɔrɔli kpaʔa ni nyǐnjerigi na ni syɛ́ɛnbèle tama yaà. A sáriga-wòlobèle kàfɔgbɔɔɔ ga pan ní bele ní be pye lè ní wi ní, a be Sanedirɛnw yeri n kpóʔoro n fàra Isirayɛli ye yòdaʔayi wólɛɛbéle myɛ na. Níì gáridibèle tun kàsokpaagi ma níì jo be sa pìitunbèle kɔ́ri paa maa.

Kapyegèle 5:31

Kolocɔlɔɔ n wi kpɔ́ʔɔ, níì wi télege wiyɛɛ kàliige kɔ́lɔ ma, ní wɔ́ɔ̀ wi kpéʔele Fànʔafɔlɔ ní Syɔɔfɔlɔ, koro ga pye wi kanmaa kaan Isirayɛli ye ma be kàdoʔo wáa be kapeegèle ma ge kùsulugi si syɔɔ.

Kapyegèle 8:22

Koro na mi kàdoʔo wáa mɔ péemi bee ma, máā Kàfɔw nyɛ́ɛri koro ga pye wi mɔ sɔngubeeri kùsulugo syɔɔ, ní ki ga pye bi gbǎn kpéʔele.

Galasi ye 6:1

Ni senyɛ̀nnɛ, syɔɔnwaa ga too kapeele ni, yele bele ye nyɛ lè Pìicǎnni kôdanʔabéle, ki n yɛlɛ ye wi yìrige ye yérige ní fûnnyinge ní. Mɔ wee wi wi yìrige lè, maa miyɛɛ kɔ̀rɔsíi koro ga pye Sutanaw a wɔ́ɔ kɔ́ mɔ lɛ́ɛlɛ bi lége kapeelaa ni í.

1 Timɔte 2:4

Wi i caa syɛ́ɛnbèle myɛ í syɔɔ, si kányɛɛgi myɛ cán.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

2 Timɔte 3:7

Pe i tama làrigèle myɛ ni, pe si a tée gbǎn kányɛɛgi fílige cán í.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

Tiiti 3:2

ki ga yɛlɛ pe kɔ́ wàa faala mɛ́ʔɛ kálagi í, koro ga jáa bi kàsii kúun wàa ma í, ki n yɛlɛ be pye fûnnyingefɔɔlɔ sáā màama kpéʔele syɛ́ɛnbèle myɛ ma kányɛʔɛ ni.

Zyaki 1:17

ki n yɛlɛ ye gi cán yakaanree myɛ di nyɛ lè wojanra ní, ní kpɔ́ʔɔree di nyɔɔ n foro lè, toro myɛ i yìrigí Kolocɔlɔɔ ma, woro wee wi gbɛ̀ɛ́nmi yárira myɛ kpéʔele lè, ti lè nyɛ̀ʔɛni na, woro wee wi wɔ́ɔ̄ nyɛ lè wi o fɛ̀ɛ́ í, wi si wɔ́ɔ o kàragí àmɛɛ nyínmi nyɛ lè í.

1 Pyɛri 3:15

Kàjáa ki n yɛlɛ ye Kirisi yaʔa wi pye yele fúnyi kàrigafɔlɔ, yé pye wogboʔoro-yaʔabéle ní làla o làla, koro ga pye syɔɔn o syɔɔn wi yele yíbe yele sɔ̀ngumi tɛɛtaʔaga kéele na lè, yele í syɛɛnlurugoro taa kaan wi ma.

1 Zyan 5:16

Syɔɔnwaa ga wi senyɛnnɛ nyaa wi i kapeelaa kpéʔele li si o nyɛ kùu wólo í, ki n yɛlɛ wi nyɛ́ɛri Kolocɔlɔɔ ma wi kéeli na, Kolocɔlɔɔ a sìi kaan senyɛnw bee ma. Gee naa a gbǎn pye bele má be kapeegèle kpéʔele lè, ke si o nyɛ kùu wòʔolo í. Kapeelaa i yaà, li i nyɛ kùu wólo, mii ga jo syɔɔn í da nyɛ́ɛri lee bee kéele na í.