2 Timɔte 2:24 - Cebaara Bible 2010

²⁴ Kàfɔw falipyeo ga yɛlɛ waa kàsii kúunri í. Fwɔɔ waa fûnnyinge kpéʔele ní syɛ́ɛnbèle myɛ ní, si gbàn syɛ́ɛnbèle tamaganma na, si wɔ́ɔ pye kpàracogofɔlɔ.

2 Timɔte 2:24 Iomraidhean Croise

2 Cányi kèlē 24:6

A fànʔafɔw sáriga-wòlobèle Kàfɔlɔ Yehoyada yeri ní baa wi pye: «Wáliw kéele Yawe falipyew Mowizi da joo lè níì jo waa syoo Isirayɛli syɛɛnkpoʔolomi ma, séeraw fànikpaʔa kéele na, nyàʔá na mɔ o Levii ye ŋàʔaná paa wi syoo Zyuda, ní Zyerusalɛmi ye ma bàā maa í?»

Ezayi 40:11

Wi a ra wi bàtogi nàʔá àmɛɛ bànaʔaɔ nyɛ lè, wi a ra bàpiigèle kpóʔoro ní wi kɔ́gi ní, sáā ge lée da taari wi fìcibigi na. Wi a ra bànɔɔbèle kɔ́ri bàā syée yɛ́rirɛ, bele má pìíbèle ŋɔri lè.

Danyɛli 6:20

A fànʔafɔw sɔ̀li n yìri nyǐngi nyɔ́ɔ na nyǐnjerigi na n kári kelekele càarabèle wéʔe ma.

Matye 12:19

Wi a ba ra túngu ní syɛ́ɛnbèle ní í, wi si a wɔ́ɔ ba ra fúlo be na í. Pe si a wɔ́ɔ ra wi yákpoli lúro kóloyi na í.

Zyan 6:52

A wi ga gee bee joo n kwɔ́ɔ, a kàfulogo yìri Zyefubèle nínge ni, a pe i peyɛɛ gábala níì jo: «Mɛ̀ɛ́ woro a gbǎn wi céri kaan wolo ma wolo í lìi bi sɛ́ɛ?»

Kapyegèle 15:2

Amɛɛ kàfulogi ní kàkabalagi yìri lè poro ní Pɔli ní Barinabasi níngi ni, a Egiliziw gi tímana n gi nyaa fwɔɔ Pɔli ní Barinabasi, ní poro pèle í kári Zyerusalɛmi ma bi sa pìitunbèle ní yɛɛ̀kinibèle yíbe kàkabalagi bee kéele na.

Kapyegèle 23:9

Lǎli bee ni a kàfulogi fala n kpɔ́ʔɔ be níngi ni. làlwaw sɛ́bɛwelebèle bele be pye lè Farisibèle, a poro pèle yìri n yére níì be kábala níì jo: «Wolo ga kapeelaa faala nyaa nǎnw naa na í. Kapye pìlaa li da joo ní wi ní koro ga jáa nyɛ̀ʔɛni tundunwaa yoo yele ga cán í.»

Kapyegèle 7:26

Ki nyǐndaligi na a wi sáà Isirayɛli wóbèle pèle siin nyaa pe i túngu. A wi i ŋàʔaná bi kàsiiw kwɔ́ɔ be níngi ni níì jo: ‹Ni tàannyɛ̀nnɛ, yele i nyɛ senyɛ̀nnɛ, nyàʔá na si yele yeyɛɛ wɔʔɔ nya nyùngo fun?›

2 Korɛnti ye 10:1

Mii Pɔli tiimaa i yele nyɛ́ɛri Kirisi fûnnyingi ní wi funjǎngi kéele na, mii wee wi màámi kpéʔele lè yele nyɛ́nɛ na lǎlee ni mii ga pye yaà lè yele níngi ni, mii si ga núngo yele taana, mii n soro.

2 Korɛnti ye 10:4

Níì cán wolo kapɛɛnkpumɔn-yáriri o nyɛ àmɛɛ dulunyanw syɛ̀ɛnnɛ wóro nyɛ lè í, kàjáa ti séew n kpɔ́ʔɔ Kolocɔlɔɔ bárigaw ni bi gbǎn fǎnyi jáa. Wolo i kàkabalayi cáan,

2 Korɛnti ye 6:4

Kàjáa wolo kérigèle myɛ i gi tèé ncan wolo i nyɛ Kolocɔlɔɔ falipyejànbēle, àmɛɛ wolo wɔʔɔyi, ní fɔ̀rɔyi, ní kagbanyi myɛ kpàracó lè gbanʔama.

Galasi ye 5:22

Kàjáa gee Pìicǎnni sangi lè, koro gi nyɛ: tàmagi, ní fundaanri, ní bɛ̀ɛ́li, ní kpàracogi, ní tánʔaganjǎnmi, ní funjǎngi, ní mɔ í pye tágala syɔ́ɔn,

Efɛzi ye 4:2

Ki n yɛlɛ yaa màámi ní funjǎngi myɛ kpéʔele, yáā fûnnyingi ní kpàracogi kpéʔele ní yeyɛɛ ní tàmagi ni.

Làlwaw Kaanziin 34:5

Mowizi wi lè Yawe falipyew, a wi kùu yaà beè Mowabi tári ni n yɛlɛ ní gi ní àmɛɛ Yawe da gi joo n gbàn lè.

Filipikaʔa ye 2:14

Gee myɛ yele kpéʔele lè ki n yɛlɛ yele í da gi kpéʔele sànʔara ní kàkabalaga fun,

Filipikaʔa ye 2:3

Ki ga yɛlɛ yele í da yarigaa faala kpéʔele ní funwaliya ní í, koro ga jáa ní gbanzan kpɔ́ɔmɔ ní í, fwɔɔ yele myɛ nibin nibin í da màama kpéʔele yeyɛɛ ma, sáā gi córo yele syɛɛnnyɛnbèle n sɔ̀lɔ yele tiimaw na.

Kɔlɔsi ye 3:13

Kapye yele wàa i sɔ̀ngí wàa n kapeele pye woro na, ki n yɛlɛ yaa yeyɛɛ kpàracó yáā yeyɛɛ kùsulugi syoo. Kánmee na Kàfɔw yele kùsulugi syɔɔ lè, ki n yɛlɛ ye wɔ́ɔ yaa yeyɛɛ kùsulugi syoo kánmi bee na.

1 Tesaloniki ye 2:7

Bi gi taa wolo maa yɛlɛ bi dée gbǎn pye yele ma tugoro àmɛɛ wolo nyɛ lè Kirisi pìitunbéle. Kàjáa wolo ga koro kpéʔele í. Wolo maa ni fûnnyinge kpéʔele ní yele ní àmɛɛ nafɔlɔ wi tiimaa pyà kɔ̀rɔsíi lè, wee wi ŋɔri lè.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

Tiiti 1:1

Mii Pɔli, wi lè Kolocɔlɔɔ púlo ní Zyezu Kirisi pìituɔn, wi n mii tun koro ga pye mii í da Kolocɔlɔɔ wonyɛnɛ-wòlobèle dɛ̀ɛmɛ́ paa syée yɛʔɛ̀ ma tágali ni, sáā kányɛɛgi tèé be na gee gi yɛlɛ lè ní Kolocɔlɔɔ yɛ́ɛgi fyáara ní,

Tiiti 1:7

Níì cán àmɛɛ yɛɛ̀kiniw nyɛ lè Kolocɔlɔɔ fáliw kacɔɔnriɔ, fwɔɔ wi pye kajoolo fun, ki ga yɛlɛ wi pye nyùnwaʔafɔlɔ í, wàlá wi fúngi í tanʔama dɛ́nɛ í, wàlá wi wiyɛɛ gaan sínmi ma í, wàlá wi pye kàsiikuuɔn í, wàlá wi pye tɔ̀nɔpeew caafɔlɔ í.

Tiiti 1:9

wí wɔ́ɔ syɛɛnjóofiiri sámaga cò di yɛlɛ lè ní tamani ní, koro ga pye wi gbǎn ra syɛ́ɛnbèle kɛɛlɛ ní tamajanni bee ní, sáā kàkabalayi fɔ̀ɔlɔ nyɔ́ɔyɔ tɔ́ngi.

Tiiti 3:2

ki ga yɛlɛ pe kɔ́ wàa faala mɛ́ʔɛ kálagi í, koro ga jáa bi kàsii kúun wàa ma í, ki n yɛlɛ be pye fûnnyingefɔɔlɔ sáā màama kpéʔele syɛ́ɛnbèle myɛ ma kányɛʔɛ ni.

Zyaki 1:1

Mii Zyaki wi nyɛ lè Kolocɔlɔɔ púlo ní wɔ́ɔ i nyɛ Kàfɔw Zyezu Kirisi wóo, mii a sɛ́bɛw naa tórigo yele ma, yele bele ye nyɛ lè Isirayɛli syɛɛnfeleyi kɛɛ ní siin yodaʔaya níì cariga dulunyanw tɛ́ɛyɛ myɛ ni lè, mii i yele syáanri!

Zyaki 3:17

Kàjáa sícilimi bi yìrigí lè nyɛ̀ʔɛni na, wozeligi gi nyɛ pi i nyɛ tɛɛlɛ fun, gee gi taʔa lè gee bee na, koro gi nyɛ yɛɛ̀nyingi kéele n bi dɛ́nɛ, fûnnyingi si wɔ́ɔ i nyɛ bi ni, pi o jáma í, pi i nyinimɛ ní kacàngēle kpéʔele làrigèle myɛ ni, syɛɛnjóotɛɛyɛ siin joolo o nyɛ bi ni í, pi i nyɛ funviire na.

Zyaki 4:2

Yele i yarira saʔa láa pingi yele si o di taagi í. A koro gi kaan a yele i syɛ́ɛnbèle kúu. Yele i nyabɛɛnnɛ kpéʔele syɛ́ɛnbèle yárira na, yele si a gbǎn di taa í, gee bee na yele kàkabalayi kpéʔele ní i túngu ní yeyɛɛ ní, gee yele caa lè, yele o gi taagi í, níì cán yele o gi nyɛ́ɛri Kolocɔlɔɔ ma í.

Zyozuwe 1:1

Mowizi wi pye lè Yawe falipyew, woro kùúli kàdoʔo ma, a Yawe gi joo Nun jáaw Zyozuwe ma, woro wee wi pye lè Mowizi dɛ̀ɛmɛfɔw níì wi pye:

1 Pyɛri 3:8

Koro myɛ kàdoʔo ma ki n yɛlɛ ye myɛ sɔ̀ngurɔ í pye sèjira, yé pye fungo nibin na. Senyɛnnɛgi tàmaga n yɛlɛ gi pye yele ni, yáā nyinimɛ taagi yeyɛɛ na, yáā màama kpéʔele yeyɛɛ ma.

Zyudi 1:3

Mii syɛɛn-nidaanmabèle, mii maa séli ni ŋàʔaná bi sɛ́bɛwaa sɛ́bɛ tórigo yele ma wolo syɔɔli kéele na, lee na wo pínɛ lè, a mii ní baa gi nyaa ki i nyɛ ŋàʔanaga kéele fwɔɔ mii í wi sɛ́bɛ bi yele kɛɛlɛ si jo, tágalee Kolocɔlɔɔ kàlifáa wi syɛɛncanbèle ma lè, li lè li a gbǎn fàli í, ki n yɛlɛ yele í da kapɛɛnnɛ kpúmɔn li kéeli na.