2 Timɔte 2:22 - Cebaara Bible 2010

²² Tɔ́ɔliw ni ki n yɛlɛ maa fé nìgɔpii-kérigèle ki laànitaʔa kele yɛ́ʔɛ na, bele be Kàfɔw mɛ́ʔɛ yiri lè ní funviire ní, maa táanri bele bee tánʔaganma na, sínni, ní tágali, ní tàmagi, ní bɛ̀ɛ́li na.

2 Timɔte 2:22 Iomraidhean Croise

Ŋúnuyi 119:9

Mɛ̀ɛ́ nìgɔcariɔ a wi kólogi sámaga gi pye fɔɔnrɔ fun? Ki n yɛlɛ wi mɔ syɛ́ɛnri sámaga wi cò.

Ŋúnuyi 17:1

Davidi nyɛ́ɛrigi. Ee Yawe, sínni syɛ́ɛnrɛ lóʔo, ki n yɛlɛ mi mii sùpili lóʔo, líiyi cáan mi mii nyɛ́ɛrigi lóʔo, jànvaa nyɔ́ɔ ni ban gi yiri í.

Kàseegèle 15:8

Syɛɛnpeebèle sáriga i nyɛ yanɔnʔɔgɔ Yawe ma, kàjáa syɛɛnsinbèle nyɛ́ɛrigɛ n wi dɛ́nɛ.

Kàseegèle 6:5

Miyɛɛ zyɔɔ àmɛɛ wogaà syoo tòzoo ma lè, ní àmɛɛ féjɛɛnnɛ syoo parà levɔlɔ ma lè.

Kàseegèle 7:8

Ki maa ni sɔ̀lɔ́ kàlari-kólogi ni n sáà nùuni cɔlɔɔ tɛ́ʔɛ na. A ki i syée yɛ́rirɛ wi kpáagi ma.

Levii ye sáriga-wòlori 15:18

Nàɔn ga sínɛ ní cɔlɔɔ ní, pe n yɛlɛ bi wéli, si córo wonɔnʔɔbéle ní fwɔɔ bi taa ba nan cângwɔɔgi nyɔ́ɔ na.

Kapyegèle 7:59

ní sa ni Etyɛni wábagi ní kàdɛnɛri ní, a Etyɛni i nyɛ́ɛri níì jo: «Kàfɔw Zyezu, mi mii pǐli syɔɔ!»

Kapyegèle 9:14

Sáriga-wòlobèle kàfɔɔlɔ n wɔ́ɔ̀ fànʔa kaan wi ma a wi pan nɛɛ naa koro ga pye bele myɛ be mɔ mɛ́ɛgi yiri lè kěgi naa ni, wi ba bele bee cò bi pwɔɔ.»

Wɔrɔmi ye 14:17

Níì cán Kolocɔlɔɔ fǎngi o nyɛ lìile ní gbaala kéele í, fwɔɔ sínni, ní fûnnyingi, ní fundaanri, dee wolo taagi lè Pìicǎnni báriga ni.

Wɔrɔmi ye 14:19

Koro na kérigèle ke a gbǎn bɛ̀ɛ́li yaʔa li kòro wolo níngi ni lè, si wɔ́ɔ wolo yaʔa waa woyɛɛ dɛ̀ɛmɛ́ kàa sáā fàrá wolo tágali na lè, waa gele bee caa.

1 Korɛnti ye 1:10

Ni senyɛ̀nnɛ, mii i yele nyɛ́ɛri wolo Kàfɔw Zyezu Kirisi mɛ́ɛgi na níì jo ye bɛ̀ɛ nibin na, yele a kɔ́ ra wálagi yeyɛɛ na í, fwɔɔ ye pínɛ ye pye nibin, funzɔnguri ní syɛɛnjóori na.

1 Korɛnti ye 1:2

wolo a sɛ́bɛw naa tórigo yele ma ye nyɛ lè Kolocɔlɔɔ Egiliziw Korɛnti ni, yele bele Kolocɔlɔɔ nyɛ́nɛ n wòlo lè jàngó yele í pye wi syɛɛncanbéle Kirisi Zyezu ni n fàra bele na be nyɛ lè tɛ́ɛyi myɛ ni ni nyɛ́ɛri Kolocɔlɔɔ ma Zyezu Kirisi mɛ́ɛgi na, wi lè wolo ní poro myɛ Kàfɔw.

1 Korɛnti ye 10:14

Mii syɛɛn-nidaanmabèle, koro na gi yɛlɛ yaa còʔoró yaa léeli yasunzunri na.

1 Korɛnti ye 14:1

Yaa tàmagi caa kányɛʔɛ ni, yé wɔ́ɔ yaa Pìicǎnni fundooro caa. Gee si yele yɛlɛ bàā caa bi sɔ̀lɔ ti myɛ na lè koro gi nyɛ kanyaajoori fundooro.

1 Korɛnti ye 6:18

Yaa còʔoró yaa léeli kanɔnʔɔri na. Kapeele o kapeele syɔɔn kpéʔele lè, wi céri na ban wi li kpéʔele í. Kàjáa wee wi ga kanɔnʔɔrɔ kpéʔele lè, wi n kapeele taʔa wi tiimaa céri na.

1 Timɔte 1:14

Wolo Kàfɔw n tɔ̀nɔ n kpɔʔɔrɔ kaan mii ma saʔa, n fàra tágali, ní tàmagi na, dee wo taagi lè Kirisi Zyezu ni.

1 Timɔte 1:5

Joogbanni naa nyúngo i nyɛ tàmagi, gee gi yìri lè zɔ̀njǎnw, ní funviiri, ní tágadeeli ma.

1 Timɔte 2:8

Koro na mii caa nǎnbèle í da Kolocɔlɔɔ nyɛ́ɛri tɛ́ɛyi myɛ ni, páā fɔɔnrɔ fun kɔ́yi yìrigí fundanʔara, ní kàkabalaga fun.

1 Timɔte 4:12

Ki ga yɛlɛ mɔ í kɔ́ syɔɔnwaa faala yaʔa wi mɔ faʔa si pwɔɔ mɔ piimi na í. Fwɔɔ mɔ í pye fɛ̀ɛ tágafɔbèle ma mɔ nyɔɔsyɛɛnri ni, ní mɔ tánʔaganmi, ní mɔ tamagi, ní mɔ tágali ni n fàra kasingèle myɛ na.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

Heburubèle 12:14

Ki n yɛlɛ ye ŋàʔana ye pye bɛ̀ɛlɛ na ní syɛ́ɛnbèle myɛ ní, yé wɔ́ɔ pye funviire na, níì cán syɔɔn faala a gbǎn Kàfɔw nyaa funviiri kàdoʔo ma í.

1 Pyɛri 2:11

Mii syɛɛn-nidaanmabèle, àmɛɛ yele nyɛ lè kùsɛɛbéle ní nibɔɔnnɔ, mii i yele nyɛ́ɛri níì jo yele í da còʔoró céri ki laànitaʔa kele na ge kapɛɛnni kpúmɔn ní syɔɔn pǐli ní lè.

1 Pyɛri 3:11

Ki n yɛlɛ wi kàdoʔo wáa kapeebyeri ma, wáā kacǎngèle kpéʔele, wi kòro waa bɛ̀ɛ́li caa sìnlaʔa ni.

3 Zyan 1:11

Mii syɛɛn-nidaanmaw, mɔ a kɔ́ ra kapeele tɛ́ɛlɛ í, fwɔɔ kacǎngèle. Wee wi kacǎngèle kpéʔele lè, wee bee i nyɛ Kolocɔlɔɔ wóo. Wee si wi kapeegèle kpéʔele lè, wee bee ga kɔ́ɔ̀ Kolocɔlɔɔ nyaa í.