2 Timɔte 2:21 - Cebaara Bible 2010

²¹ Gee bee na syɔ́ɔnwee ga wiyɛɛ sámaga n yirige kakolobyeri ni lè, woro a pye falicanw kpéʔelele yalege, gee Kàfɔw jée n mùnu n yaʔa wiyɛɛ ma falicanw myɛ kánma na lè, jàngó waa báara woro ma.

2 Timɔte 2:21 Iomraidhean Croise

Ŋúnuyi 119:9

Mɛ̀ɛ́ nìgɔcariɔ a wi kólogi sámaga gi pye fɔɔnrɔ fun? Ki n yɛlɛ wi mɔ syɛ́ɛnri sámaga wi cò.

Ezayi 1:25

Mii a ní mii kɔ́gi taʔa mɔ na, mii a mɔ tunmɔviri láʔa tunweele na àmɛɛ sɛ́ʔɛ gi kpéʔele lè, mii a mɔ yanɔnʔɔri myɛ yirige mɔ ni.

Ezayi 52:11

Ye kári, ye kári, ye yiri yaà beè! Yele a kɔ́ tánga yanɔnʔɔgɔ faala na í! Ye yiri gi níngi ni! Ye yeyɛɛ jée ye mùnu, yele bele ye Yawe yacanri tugu lè.

Zyeremii 15:19

Gee bee na Yawe syɛ́ɛnri naa joo níì jo: «Mɔ ga lúru n pan mii ma, mii a ní mɔ lúrugo mɔ í ba ra mii fáliw kpéʔele. Mɔ ga ni yacangi wɛ̀ɛ́ ni láari gbanzan yárigi na, mɔ a pye àmɛɛ mii nyɔ́ɔgi nyɛ lè. Poro má gi nyɛ pe lúru pan mɔ ma, mɔ má ban gi nyɛ mɔ í lúru pan be ma í.

Malasyii 3:3

Wi a tɛ́ɛn bi pye àmɛɛ wálifiio gbàlafɔlɔ nyɛ lè, wee wi wálifiiw gbàlá ni fɔ́ɔnri yirigi wi ni lè. Wi a Levii yòdaʔayi jéemununɔ kpéʔele bi fɔ́ɔnri yirige be ni, àmɛɛ be fɔɔnrɔ yirigi lè tɛɛ̀, ní wálifiio ni, pe a ba pye Yawe má syɛ́ɛnbèle pèle, bele pe a ra maa ní yakaanyi ní lè ní sínnɛ ní.

Kapyegèle 9:15

A Kàfɔw si wi pye: «Da syée, níì cán mii n nǎnw bee nyɛ́nɛ n wòlo wi pye mii falipye-yariga waa mii mɛ́ɛgi kéele nyuu syɛɛnfeleyi ma, ní fànʔafɔbèle, ní Isirayɛli ye yòdaʔayi myɛ ma.

1 Korɛnti ye 5:7

Ye levélɛɛw yirige yeyɛɛ ni, koro ga pye yele si pye búrufɔ́ɔn, àmɛɛ yele nyɛ lè levé fun, níì cán pe n wolo sɔ̀lɔ-mí-yaʔali séri byà kpóo n kwɔ́ɔ wi nyɛ lè Kirisi.

2 Korɛnti ye 7:1

Mii syɛɛn-nidaanmabèle, àmɛɛ nyɔɔfaliyi bee nyɛ wolo ma lè, ki n tɔ̀nɔ n yɛlɛ wo céri nɔ́nʔɔrɔ ní fúnyi nɔ́nʔɔrɔ kele myɛ mùnu wo láʔa woyɛɛ na, wó sín wo foro Kolocɔlɔɔ yɛ́ɛgi fyáara na.

2 Korɛnti ye 9:8

Kolocɔlɔɔ fánʔa i nyɛ bàā kpɔ́ʔɔri féleye myɛ kaangi yele ma wonɛʔɛrɛ ní, koro ga pye bàā yele màkow myɛ nyɔɔgi yele ma kàbanyi myɛ na, ní làrigèle myɛ ni, jàngó yele í taa saʔa, si gbǎn ra kacǎngèle féleye myɛ kpéʔele.

Efɛzi ye 2:10

Níì cán wolo i nyɛ Kolocɔlɔɔ kɔ́yi yakpéʔelere, wi n wolo faan Kirisi Zyezu ni, koro ga pye wolo í da kacǎngèle kpéʔele, gele woro da kɔ̀rirɔ n sámaga lè jàngó wolo í da táanri ge ni.

1 Timɔte 6:11

Mɔ wee si wi nyɛ lè Kolocɔlɔɔ syɔ́ɔn, ki n yɛlɛ maa fé kérigèle bee na, mí miyɛɛ daʔa sínni na, ní Kolocɔlɔɔ yɛ́ɛgi fyáara ní, n fàra tágali, ní tàmagi, ní kpàracogi, ní funjǎngi na.

2 Timɔte 2:16

Léeli Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ na, níì cán bele be di nyuu lè, poro a ra syée yɛʔɛ̀ ma làla o làla Kolocɔlɔɔ yɛ́ʔɛnaa-sìnvyaari ni.

2 Timɔte 2:20

Tɛ́ɛw ní wálifiiw yaleye yagana ban yi kòró fànʔafɔ-gbaʔa ni í, kàjáa cóori ní tíiri yaleye wɔ́ɔ i yaà. Pe n yàa tɛ́ʔɛ falicanw kánma na, ní wɔ́ɔ̀ yàa tɛ́ʔɛ falipeew kánma na.

2 Timɔte 3:17

koro ga pye Kolocɔlɔɔ syɔ́ɔn í foro si fànʔa taa kacànbyeri myɛ na.

2 Timɔte 4:11

Luki nibin wi kòro naa ní mii ní. Mariki kɔ́ri maa maa ní miyɛɛ ní, níì cán mii màko i nyɛ wi na gbanʔama fáliw kéele na.

Tiiti 3:1

Maa be sɔ̀ngumi tìrigí gi na mí be pye, ki n yɛlɛ be peyɛɛ gaan fànʔafɔbèle ní séekpɔɔw fɔ̀ɔlɔ ma sáā lúro be ma si peyɛɛ zámaga yaʔa bàā kacǎngèle myɛ kpéʔele,

Tiiti 3:14

Ki n yɛlɛ wolo wóbèle í wɔ́ɔ kacànbyeri tama cán, sáā peyɛɛ màkow nyɔɔgi, jàngó pe a kɔ́ pye kanyɔɔnɔ fun syɛɛnnɛ í.

Tiiti 3:8

Syɛ́ɛnri bee i nyɛ kányɛʔɛ, mii i caa mɔ í da di nyuu da gbàngí bele ma be tága lè Kolocɔlɔɔ na, koro ga pye paa sɔ̀ngí da taagi kacǎngèle kpéʔelele na. Gee bee gi nyɔɔ ní i nyɛ ní tɔ̀nɔ ní syɛ́ɛnbèle ma!

1 Pyɛri 1:22

Amɛɛ yele fɔ̀lɔ lè kányɛɛgi na níì yele fúnyi jée n mùnu koro ga pye senyɛnnɛgi tàmadelege í pye yele ni, ki n yɛlɛ ye wɔ́ɔ tàmaga le ní yeyɛɛ ní kányɛʔɛ na ní yele fúnyi myɛ ní.

1 Pyɛri 1:7

Kagbanyi bee nyúngo i nyɛ bi yele tágali sɛʔɛ wéle, loro lee li nyɔɔ n sɔ̀lɔ lè tɛ́ɛw na wi nyɛ lè yakwɔʔɔ, pe si i wi sɛʔɛ ni wéle ní náagi ní, kánmi bee na fwɔɔ yele tágali í sɛʔɛ wéle koro ga pye yele si sòololo, ní nìjanra, ní kpɔɔmɔ taa Zyezu Kirisi làridɛ̀ɛ́nni ni.

1 Zyan 3:3

Syɔ́ɔnwee faala wi wi sɔ̀ngumi taʔa Kirisi na kánmi bee na lè, wee bee a ra wiyɛɛ jé da mùú si pye tɛɛlɛ fun àmɛɛ woro nyɛ lè.