2 Timɔte 2:2 - Cebaara Bible 2010

² Dee mɔ lóʔo mii ma lè séerafɔɔlɔ saʔa nyɛ́nɛ na, mi dee bee kàlifáa tágala syɛ́ɛnbèle pèle ma, poro bele pe a wɔ́ɔ gbǎn ra pèle nikwɔɔlɔ tama di na lè.

2 Timɔte 2:2 Iomraidhean Croise

Ɛsidirasi 7:10

Níì cán Ɛsidirasi maa wi fúngi yaʔa Yawe làlwaw tamana, ní wi kpéʔeleli na, ní i syɛ́ɛnbèle tama Isirayɛli làlwaw kajoogéle, ní sínni kèlē na.

Ɛsidirasi 7:25

Mɔ si na Ɛsidirasi, ki n yɛlɛ mi kacɔɔnribéle ní kútiijoobéle télege bi yɛlɛ ní Kolocɔlɔɔ sícilimi ní bi nyɛ mɔ ma lè, koro ga pye paa cábigi jelige syɛɛnnɛ myɛ kútii nyuu ní sínnɛ ní, poro bele pe mɔ Kolocɔlɔw làlwa kèlē cán lè, máā wi tèé bele na pe nyɛ lè pe ga wi cán í.

Nehemii 7:2

níì Zyerusalɛmi kakarigari kàlifáa mii senyɛnw Hananii, ní Zyerusalɛmi kpaataʔa-tɔ́nɔgi kùndigi Hananya ma, wi pye lè tágala syɔ́ɔn, wee wi da ni fɛ̀ɛgí lè Kolocɔlɔɔ na n sɔ̀lɔ syɛ̀ɛnnɛ saʔa na.

Ŋúnuyi 101:6

Mii nyɛ́nɛ a pye tágala syɛ́ɛnbèle na be nyɛ lè tári ni, koro ga pye be tɛ́ɛn mii taana. Wee wi táanri kajoolo fun syɛ́ɛnbèle kólogi ni lè, wee bee fɔ́lɔ a ra báara mii ma.

Kàseegèle 13:17

Tundunbeew i tuun wɔʔɔgɔ ni, kàjáa tundunwee fúngo gi fílige lè, wi i maa ni pɔʔɔlɔ ní.

Zyeremii 23:28

Kanyaajoowee wi ga ŋúnɔgɔ ŋúnɔ lè, ki n yɛlɛ wi ŋúnɔgi bee joo wi tɛ̀ɛn. Mii syɛ́ɛnri ga wɔ́ɔ̀ nan wee na lè, ki n yɛlɛ wi di joo wi tɛ̀ɛn kányɛɛgi na. Sìge ga nyáʔami yaliipyá ni, nyàʔá gee bee a nyɔɔ?» Yawe wi jo nya.

Levii ye sáriga-wòlori 14:42

Pé kàdɛnɛyaa caa be le wozeliyee sìndɛʔɛ ni, pé ní pooraa nikwɔɔ caa bi tɛ́ʔɛ kpáagi wáa.

Malasyii 2:7

Níì cán sáriga-wòlow nyɔ́ɔwara i cánni kɔngi, woro nyɔ́ɔgi na be wɔ́ɔ̄ làlwaw kéele yíbe, níì cán Yawe wi lè Nyɛ̀ʔɛni Sùlasiibéle Kafɔlɔ, woro tunduɔn wii.

Córolo 12:7

Kánmi bee si na ban mii falipyew Mowizi kéeli nyɛ í. Wi i nyɛ tágala syɔ́ɔn mii kpáagi myɛ ni.

Matye 13:52

A wi be pye: «Koro na Mowizi làlwaw tamafɔlɔ o tamafɔlɔ wi nyɛ lè nyɛ̀ʔɛni fànʔa pìitamawaa, wi i nyɛ àmɛɛ nànwaa nyɛ lè, wee wi nyɛ lè kpaʔafɔlɔ ní i yalɛɛri ní yafɔnri yirigi wi lɔgbanri yárira ni ni tèé.»

Matye 24:25

Wéle, a mii gi joo n tɛ̀ɛn yele na wii sáni ki ba kpéʔele lè.

Luki 12:42

A Kàfɔw jo: «Wìí wi nyɛ syɔɔn kacooli kàrigafɔlɔ, wee wi lè tágala syɔ́ɔn níì cìlige, wee kàfɔlɔ wi a wi télege lè wi falipyebèle myɛ nyúngo na, koro ga pye waa be lìíli lɛɛlɛ kaangi be ma li làrigaanni ni?

1 Korɛnti ye 4:2

Ki si n yɛlɛ kacɔɔnriɔ í pye tágala syɔ́ɔn.

2 Korɛnti ye 2:14

Wolo i bariga kaangi Kolocɔlɔɔ ma, woro wee wi wolo kaan a wolo i fànʔa taagi lè kérigèle na làrigèle myɛ ni àmɛɛ wolo nyɛ lè Kirisi ni, ní i wolo téeri ni wi cánni nùngo caragi tɛ́ɛyi myɛ ni.

2 Korɛnti ye 3:5

Ki o nyɛ mɔ a jo wolo i gi sɔ̀ngí wolo fúnyi ni n jo keelaa n kpéʔele wolo tiimaa báriga ni í, kàjáa Kolocɔlɔɔ wi séew kaangi wolo ma.

Kɔlɔsi ye 1:7

Epafirasi wi yele tama Syɛɛnjóocǎnri bee na, wi lè wolo syɛɛn-nidaanmaɔ ní wolo pulonyɛnnɛ. Wi i nyɛ tágala syɔ́ɔn Kirisi fáliw ni wi kpéʔele yaà lè yele ma wolo sìndɛɛgi ni.

1 Timɔte 1:12

Mii i bariga kaangi wolo Kàfɔw Kirisi Zyezu ma, woro wee wi fǎngi kaangi mii ma lè níì mii córo tágala syɔ́ɔn, níì mii lége wi fáliw ni,

1 Timɔte 1:18

Mii pìíw Timɔte, mii n tundunri naa kàlifáa mɔ ma n yɛlɛ ní syɛ́ɛnri ní dee pe da sélì joo mɔ kéeli na lè, koro ga pye mɔ í da kapɛɛnjǎnni kpúmɔn ti bárigaw ni,

1 Timɔte 4:14

Fundoori Pìicǎnni kaan mɔ ma lè, ki ga yɛlɛ mɔ í di faʔa í. Mɔ n di taa kanyaajoori báriga ni, lǎlee ni yɛɛ̀kinibèle da kɔ́yi taʔa mɔ nyúngi na lè.

1 Timɔte 4:6

Mɔ ga ni wo senyɛnbèle tama kérigèle bee na, mɔ a pye Kirisi Zyezu falipyecàɔn, àmɛɛ mɔ fànʔa taagi lè tágali, ní tamajanni syɛ́ɛnrɛ báriga ni, dee na mɔ taʔa lè.

1 Timɔte 5:22

Mɔ a wári kɔ́ mɔ kɔ́yi taʔa syɔɔnwaa faala na í, ki ga wɔ́ɔ̀ yɛlɛ mɔ í pínɛ ní pèle ní kapeebyeri na í. Ki n yɛlɛ mɔ tíimaa í kòro wojaɔn ní.

1 Timɔte 6:12

Da tágali kapɛɛnjànna kpúmɔn, mí sìibangwɔɔw cò wi lè mɔ kayeli nyúngo, woro wee kéele na mɔ séeracǎnw joo lè séerafɔbèle saʔa nyɛ́nɛ na.

2 Timɔte 3:10

Mɔ tiimaa si n mii tamani fílige n cán, ní wɔ́ɔ̀ mii tánʔaganmi, ní mii kakɔrirɔgèle tímanaganma cán, n fàra mii tágali, ní mii kpàracogi, ní mii tàmagi, ní mii lòmaani na,

2 Timɔte 3:14

Mɔ si na, gee mɔ tama n cán lè kányɛʔɛ ni, mi kòro maa gee bee kpéʔele. Níì cán bele be mɔ tama lè, mɔ n be cán.

Heburubèle 2:17

Koro na àmɛɛ ki da pye lè ŋàʔanaga kéele wi pye sèjira ní wi senyɛnbèle ní kánmi myɛ na, a wi wɔ́ɔ baa pye nya, jàngó bi pye nyinimɛ sáriga-wòlobèle kàfɔlɔ ní tágala syɔ́ɔn Kolocɔlɔɔ fáliw ni, koro ga pye bàā kùsulugo kpéʔele syɛ́ɛnbèle kapeegéle kéele na.

1 Samyɛli 2:35

Mii a sáriga-wòlowaa télege niyɛɛ wóo, wi a pye tágala syɔ́ɔn, wee wi a ra kérigèle kpéʔele lè mii fúngo, bi yɛlɛ ní mii fúngi sɔ̀ngumɔ ní. Mii a kpaʔa faan wi ma, gee gi lè ki a too bi nyaa í. Wi a ra báara mii wonyɛnɛ-wòlow yɛ́ʔɛ ma làla o làla.