2 Timɔte 2:19 - Cebaara Bible 2010

¹⁹ Koro ní ki myɛ ní kàpɔɔnwee Kolocɔlɔɔ sámaga n le lè, wee bee sèʔé i yaà. Pe n fɛ̀ɛ taʔa wi na. Fɛ̀ɛ́w bee syɛ́ɛnrɛ n jo: «Kàfɔw n wi wóbèle cán,» ní níì jo: «Syɔɔn o syɔɔn wi Kàfɔw mɛ́ʔɛ yiri lè, ki n yɛlɛ wee bee í láʔa kakolobyeri na.»

2 Timɔte 2:19 Iomraidhean Croise

Zyɔbi 28:28

Koro kàdoʔo ma a wi syɔɔn pye: ‹Wéle, gee gi nyɛ lè Kàfɔw yɛ́ʔɛ fyáara, koro gi nyɛ sícilimi. Bàā còʔoró kapeegi na, koro gi nyɛ cánni.› »

Ŋúnuyi 1:6

Níì cán Yawe n syɛɛnsinbèle kólogo cán, syɛɛnpeebèle kólogo si i syée kálagili ma.

Ŋúnuyi 112:6

Níì cán yafyɛn a tée wi cúngo nyáana í. Sɔ̀ngudaara a pye syɛɛnsinw kéele na làla o làla.

Ŋúnuyi 34:14

Da mɔ nyínni kɔ̀rɔsíi kapeeyi na, mí wɔ́ɔ maa mɔ nyɔ́ɔgi kɔ̀rɔsíi jànvaa syɛ́ɛnri joolo na.

Ŋúnuyi 37:18

Kolomɔ fun syɛ́ɛnbèle sìi canya kéele n kpɔ́ʔɔ Yawe ma, pe kɔ́rigi a kòro beè làla o làla.

Ŋúnuyi 97:10

Yele bele Yawe kéeli dɛ́nɛ lè, ye kapeegi yaʔa ki yele bɛɛn! Wi i wi tágala syɛ́ɛnbèle sìi kpáa wéle, wi i be yirigi syɛɛnpeebèle kɔ́yɔ ni.

Kàseegèle 10:25

Lǎli ni káfala-sìnjinni sɔ̀lɔ lè, syɛɛnpeeo ga níì nyaa í, syɛɛnsinw kàpɔɔn si i nyɛ bàngwɔɔ wóo.

Kàseegèle 3:7

Mɔ a kɔ́ pye sícilio miyɛɛ tiimaa nyɛ́nɛ na í. Da fɛ̀ɛgí Yawe na mí láʔa kapeebyeri na.

Ezayi 14:32

Syɛɛnlurugodìí ti a kaan syɛɛnfelegi naa tundunbéle ma? Ti a jo: «Yawe n Siyɔn télege, a wi syɛ́ɛnbèle fɔ̀rɔgɔfɔɔlɔ i tɛɛlaraga taagi yaà.»

Ezayi 28:16

Gee bee na Kàfɔw Yawe syɛ́ɛnri naa joo níì jo: «Wéle, mii n kàdɛnɛgɛ le kàpɔɔn Siyɔn ni, kàdɛnɛgee gi sɛʔɛ n wéle lè, jɛ̀ɛ́nnɛ kadɛnɛgɛ, gee gi nyɛ lè lɔgbanra wóʔo, kàpɔɔnwee wi sámaga n yére lè, wee wi ga wiyɛɛ daʔa wee bee na lè, wee bee a ní foo bàā fé í.

Ezayi 63:19

Wolo i nyɛ, mɔ a jo bele be lè n téè láa yaà làridɔnnɔ ni, mɔ o nyɛ pe nyúngi na í, bele be lè mɔ mɛ́ɛgi o yiri be na í. Ee! Mɔ ga maa nyɛ̀ʔɛgèle yabi, ní mɔ ga maa ni tíri naa, nyanbeleyi a dée ra cɛ̀lɛ́ mɔ yɛ́ʔɛ ma.

Ezayi 65:15

Yele a yele mɛ́ɛgi yaʔa gi pye dánga kpéʔele yáriga mii wonyɛnɛ-wòlobèle nínge ni.» Kàfɔw Yawe n yɛlɛ wi mɔ kpóo, si mɛ́ɛgaa nikwɔɔ taʔa wi falipyebèle na.

Ezekyɛli 9:4

A Yawe wi pye: «Sɔ̀lɔ mi màʔa kěgi nínge ni, Zyerusalɛmi níngi ni, mi fɛ̀ɛ kpúmɔn syɛ́ɛnbèle gbáagéle na, bele be cɛ́ɛn lè, ní i nyaan yanɔnʔɔyi myɛ kéele na yi kpéʔele lè gi ni.»

Nahumi 1:7

Yawe n nyɔɔ, wi i nyɛ tɛɛlaraga wɔʔɔgi canʔa na. Bele be làrá wi taana lè, wi i be kɔ̀rɔsíi.

Agizye 2:23

Yawe wi lè Nyɛ̀ʔɛni Sùlasiibéle Kafɔlɔ, wi n jo: «Cángi bee mii a mɔ láa, Syeyalityɛli jáaw Zorobabɛli, mɔ wi lè mii falipyew, Yawe wi jo nya, mii a mɔ kpéʔele àmɛɛ mɛ́ʔɛ fɛɛ yáriga nyɛ lè. Níì cán mii n mɔ nyɛ́nɛ n wòlo.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

Zakarii 3:9

Níì cán kàdɛnɛgi mii tɛ́ʔɛ Zyozuwe yɛ́ʔɛ ma lè ki wéle gee: Nyapiigèlē kɔrɔsiin ge nyɛ kàdɛnɛgi naa nibin na. Sɛ́bɛri di yɛlɛ bi kánʔana wòlo gi na lè, mii tiimaa wi a di kánʔana wòlo gi na.› Yawe wi lè Nyɛ̀ʔɛni Sùlasiibéle Kafɔlɔ, woro wi jo nya. ‹Mii a tári naa kapeele láʔa di na canʔa nibin ni.

Córolo 16:5

A wi gi joo Kore, ní wi kabigi wòolo myɛ ma níì be pye: «Nyɛ̀ʔɛna nyǐngi nyɔ́ɔ na wee wi nyɛ lè Yawe wóo, ní wee wi nyɛ lè wojaɔn, wi a wi tɛ̀ɛn. Wi a wee bee yaʔa wi nùuni woro na. Wee wi ga nyɛ́nɛ n wòlo lè, wi a wi yaʔa wi nùuni woro na.

Córolo 6:27

Kánmi bee na pe a mii mɛ́ɛgi taʔa Isirayɛli ye na, mii si dùbaw taʔa be na.»

Matye 24:24

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó pe fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Matye 28:19

Koro na gi yɛlɛ yaa syée, ye sa ra syɛɛnfeleyi myɛ kpéʔele pìitamabéle, yáā be batize Tofɔw, ní Jaafɔw, ní Pìicǎnni mɛ́ʔɛ na,

Matye 7:23

Mii si a gi joo be ma lǎli bee ni si be pye: ‹Mii ga yele cán nyáana í. Ye núngo mii taana, yele kakolobyebèle.›

Matye 7:25

A zěgi ga ni tuun, a cábiyi nyìn ni fóo, a káfalagi i funu gbanʔama ní i kpáagi bee ŋɔrɔgi, ki si ga too í, níì cán ki kàpɔɔnw i nyɛ fálagi ǹjoʔo ni.

Mariki 12:16

A be sáà wi láa n pan. A wi baa be yíbe níì jo: «Wìí syɔ́ɔn yɛ́ʔɛ ní wi mɛ́ɛgi gi gee wáliw na?» A be wi pye: «Sezari wii.»

Mariki 13:22

Níì cán kirisi-fáanabéle, ní kanyaajoo-fáanabéle a ba yìri, sáā fɛ̀ɛbēle ní kakpoloyo kpéʔele, jàngó be fanʔa ga taa poro í Kolocɔlɔɔ syɛɛnnyɛnɛ-wòlobèle fáana pùuni.

Luki 13:27

Wi a gí joo yele ma si yele yari: ‹Mii ga yele kàban-yìrigi cán í. Yele kakolobyebèle myɛ, ye núngo mii taana.›

Luki 6:48

Wi i nyɛ àmɛɛ nànwaa nyɛ lè wee wi kpaʔa faan lè. Wéle wi maa ki wéegi túgu wojurugo ní n nan fálaga na, níì kàpɔɔnw le gi na. Lǎli ni cábigi nyìn ni fóo lè, a lǒgi sáà kpáagi círi, ki ga gbàn n gi cúngo í. Níì cán wi maa gi sámaga n faan.

Zyan 10:14

Mii si wi nyɛ bànaʔacǎnw. Mii n mii bǎbèle cán, a mii bǎbèle wɔ́ɔ̀ mii cán,

Zyan 13:18

Mii o dee naa nyuu yele myɛ kéeli na í. Bele mii nyɛ́nɛ n wòlo lè, mii n be cán. Kàjáa fwɔɔ Kolocɔlɔɔ syɛɛnsɛbɛri í foro, dee di jo lè: ‹Wee wi líi ní mii ní lè, woro wi kàri mii nigoow.›

Zyan 3:33

Wee si wi fɔ̀lɔ wi séeraw na lè, wee bee n gi cán Kolocɔlɔɔ wi nyɛ kányɛɛgi fɔ́lɔ.

Kapyegèle 11:26

Lǎli ni wi sáà wi nyaa lè, a wi wi kɔ́ri n kári Antyɔsyi ma, a be sa ni peyɛɛ gbóʔoro ní Egiliziw ní, ní i syɛ̀ɛnnɛ saʔa tama n yɛɛlɛ nibin kwɔ́ɔ yaà. Antyɔsyi ni gi séli a be i pìitamabèle yiri Kiretyɛnbèle.

Kapyegèle 15:17

Koro ga pye wozanbèle í da Kàfɔw caa, n fàra syɛɛnfeleyi myɛ na yee mii yeri lè yi pye mii wóyi,› gee bee Kàfɔw joo, woro wee wi kérigèle bee kpéʔele lè,

Kapyegèle 9:14

Sáriga-wòlobèle kàfɔɔlɔ n wɔ́ɔ̀ fànʔa kaan wi ma a wi pan nɛɛ naa koro ga pye bele myɛ be mɔ mɛ́ɛgi yiri lè kěgi naa ni, wi ba bele bee cò bi pwɔɔ.»

Wɔrɔmi ye 11:2

Syɛ́ɛnbèle Kolocɔlɔɔ da nyɛ́nɛ n wòlo lè booma ni be pye woro wòolo, wi ga be cée í. Gee wi syɛɛnsɛbɛri joo lè Elii kéeli na, yele ga gee bee cán ì? Wi maa Kolocɔlɔɔ nyɛ́ɛri Isirayɛli ye kánmi na níì jo:

Wɔrɔmi ye 12:9

Tàmagi ga yɛlɛ kaa kpéʔele ní syɛɛnjóotɛɛyɛ siin joolo ní í. Ki n yɛlɛ ye kapeegèle yaʔa ke yele bɛɛn yé tan kacǎngèle na.

Wɔrɔmi ye 15:20

Mii i ŋàʔaná kányɛʔɛ ni bàā Syɛɛnjóocǎnri nyuu tɛ́ɛyi ni gi nyɛ lè pe ga kɔ́ɔ̀ Kirisi mɛ́ɛgi yeri í, koro ga pye mii a kɔ́ ra faanri wàa nikwɔɔ kàpɔɔnleo na í,

Wɔrɔmi ye 15:9

syɛɛnfeleyi wozanya si wɔ́ɔ ra Kolocɔlɔɔ kpɔ̀ʔɔrɔ́ wi nyínimi kéele na, àmɛɛ gi sɛ́bɛ lè níì jo: «Gee bee na mii a ra mɔ kpɔ̀ʔɔrɔ́ syɛɛnfeleyi nínge ni. Sáā kpɔ̀ʔɔrɔli ŋúnuyo ŋúu mɔ mɛ́ɛgi na.»

Wɔrɔmi ye 8:28

Wolo n gi cán Kolocɔlɔɔ i kérigèle myɛ pínɛ ni sámagi ke i nyɔɔgi bele má be tàmaga le ní woro ní lè, poro bele wi nyɛ́nɛ n wòlo lè n yɛlɛ ní wi kakɔrirɔli ní.

Wɔrɔmi ye 9:11

Lǎli ni pìíbèle bee pye lè sìnzee ni, koro n gi taa pe da kɔ́ɔ̀ kacànna wàlá kapeele kpéʔele í, a Kolocɔlɔɔ gi joo Erebeka ma níì jo: «Yɛʔɛfɔw a ba pye cɔnɔvɔw púlo.» Wi maa koro kpéʔele bi gi tɛ̀ɛn àmɛɛ woro gi kɔ̀rirɔ lè bi wàa nyɛ́nɛ wòlo bi yɛlɛ ní woro kínidɛnɛgi ní, ki wɔ́ɔ pye kánmi bee na, jàngó ki a kɔ́ ba pye mɔ a jo kapyegèle kéele na gi kpéʔele í, fwɔɔ woro kayeli kéele na gi kpéʔele.

1 Korɛnti ye 1:2

wolo a sɛ́bɛw naa tórigo yele ma ye nyɛ lè Kolocɔlɔɔ Egiliziw Korɛnti ni, yele bele Kolocɔlɔɔ nyɛ́nɛ n wòlo lè jàngó yele í pye wi syɛɛncanbéle Kirisi Zyezu ni n fàra bele na be nyɛ lè tɛ́ɛyi myɛ ni ni nyɛ́ɛri Kolocɔlɔɔ ma Zyezu Kirisi mɛ́ɛgi na, wi lè wolo ní poro myɛ Kàfɔw.

1 Korɛnti ye 8:3

Wee si wi tàmaga le lè ní Kolocɔlɔɔ ní, Kolocɔlɔɔ n wee bee cán.

2 Korɛnti ye 7:1

Mii syɛɛn-nidaanmabèle, àmɛɛ nyɔɔfaliyi bee nyɛ wolo ma lè, ki n tɔ̀nɔ n yɛlɛ wo céri nɔ́nʔɔrɔ ní fúnyi nɔ́nʔɔrɔ kele myɛ mùnu wo láʔa woyɛɛ na, wó sín wo foro Kolocɔlɔɔ yɛ́ɛgi fyáara na.

Galasi ye 4:9

Amɛɛ si yele Kolocɔlɔɔ cán lè tɔ́ɔliw ni, wàlá ki n pɔ́rɔ mii í gi joo si jo àmɛɛ Kolocɔlɔɔ yele cán lè, nyàʔá na yele ní i caa bi lúru kári gbanzan kalɛɛgèle kurugo, koro ga pye bi ní sa jée ke púlori ni kavɔn?

Efɛzi ye 2:20

Kolocɔlɔɔ n yele faan kàpɔɔnw na wi lè pìitunbèle ní kanyaajoobèle. Kirisi Zyezu tiimaa si wi nyɛ jɛ̀ɛ́nni kàdɛnɛzelige.

Efɛzi ye 3:15

wee má nyɛ̀ʔɛni ní tári narigbaaya myɛ yi mɛ́ɛyi taagi lè.

Efɛzi ye 4:30

Ki ga yɛlɛ yele wàa í kɔ́ Kolocɔlɔɔ Pìicǎnni kanibɛɛnnɛ kpéʔele í, níì cán loro li nyɛ Kolocɔlɔɔ fɛ̀ɛ́w, wee wi taʔa yele na lè bi taa syɔɔli canʔa í ba nan.

1 Timɔte 3:15

Koro ga pye mii ga mɔn naa yoo, mɔ í gi cán, gee syɔɔn yɛlɛ wi kpéʔele lè Kolocɔlɔɔ kpáagi ni, ki lè Kolocɔlɔɔ Woweew Egilizi, wi lè kányɛɛgi tiipɔlɔ ní gi kàpɔɔnw.

1 Timɔte 6:19

koro ga pye pe a lɔnɛʔɛrɛ kɔn peyɛɛ ma nyɛ̀ʔɛna yɛ́ʔɛ na, dee bee a pye be ma kàpɔɔncàɔn, koro ga pye sìíwee wi nyɛ lè wodelew, pé wee bee sámaga be cò.

Heburubèle 11:10

Níì cán wi maa ni kèkpɔɔgi sige, gee be faan lè kàpɔɔnnirio ǹjoʔo ni, Kolocɔlɔɔ si wi nyɛ gi tímanafɔw ní gi faanfɔw.

2 Pyɛri 3:14

Gee bee na, mii syɛɛn-nidaanmabèle, àmɛɛ yele kérigèle bee sige lè, yaa lòmaana kpéʔele, koro ga pye wi ba yele nyaa fɔɔnrɔ fun, ní tɛɛlɛ fun, yele si wɔ́ɔ pye fûnnyinge na.

1 Zyan 2:19

Pe n yiri wolo níngi ni n kári, kàjáa pe da pye wolo wòolo í. Níì cán pe ga maa pye wolo wòolo, pe mǎà dée kòro ní wolo ní. Amɛɛ si be yiri wolo níngi ni n kári lè, koro n gi tɛ̀ɛn pe wàa faala o nyɛ wolo wóo í.

Tɛ̀ɛnnɛ 17:8

Yaweegi bee mɔ nyaa lè, ki maa pye beè, ki si ní o nyɛ í. Ki a ba yìri bi yiri weecurugi ni bi kári kálagili ma. Tári syɛ̀ɛnnɛ be nyɛ lè pe mɛ́ɛyi ga sɛ́bɛ sìíw sɛ́bɛ ni í nlaa yaà dulunyanw sélimɛ na, bele bee ga baa yaweegi bee nyaa lǎlee ni lè, pe a ra káama gi na, níì cán ki maa pye beè, ki si ní o nyɛ í, ki si a ní ba nyaa.

Tɛ̀ɛnnɛ 2:13

Mii n mɔ tɛɛkòrogi cán, nɛɛ bee Sutanaw fàngolo nyɛ. Mii n gi cán mɔ i mii mɛ́ɛgi córo, àlí lǎli ni mii séerafɔjǎnw Antipasi kùu lè, mɔ ga mii tágali cée í, woro wee pe da kpóo lè yele níngi ni, beè Sutanaw tɛɛkòrogo nyɛ lè.

Tɛ̀ɛnnɛ 21:14

Kěgi tò kàpɔɔn kàdɛnɛyɛ maa pye kɛɛ ní siin, á be Bàpili pìitunbéle kɛɛ ní siin mɛ́ɛyɛ sɛ́bɛ yi na.

Tɛ̀ɛnnɛ 22:4

Pe a ra wi yɛ́ɛgi nyaagi, wi mɛ́ɛgi si pye wozɛbɛgɛ ní pe gbáagèle na.

Tɛ̀ɛnnɛ 3:8

Mii n mɔ kapyegèle cán. Wéle, mii n kɔ̀rigi múgu mɔ ma, wàa faala si a gbǎn gi tɔ́n í, níì cán mɔ séew n cɛ́rɛ, koro ní ki myɛ ní a mɔ mii syɛ́ɛnri cò, mɔ ga mii mɛ́ɛgi cée í.