2 Timɔte 2:16 - Cebaara Bible 2010

¹⁶ Léeli Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ na, níì cán bele be di nyuu lè, poro a ra syée yɛʔɛ̀ ma làla o làla Kolocɔlɔɔ yɛ́ʔɛnaa-sìnvyaari ni.

2 Timɔte 2:16 Iomraidhean Croise

Ɛsidirasi 10:10

Ɛsidirasi wi lè sáriga-wòlow, a woro yìri n yére níì be pye: «Amɛɛ yele syɛɛnfeleyaa càbala pɔri lè, koro n pye kapeʔe n níì kàa fàra Isirayɛli ye kolomi na.

Oze sɛ́bɛw 12:1

Efirayimi n mii màʔa ní jànvaaw ní, Isirayɛli kpáagi wòolo n mii màʔa ní námaraw ní. Kàjáa Zyuda sèʔé i táanri ní Kolocɔlɔɔ ní, wi i nyɛ tágala syɔ́ɔn Kolocɔlɔɔ ma wi lè Wojanw.

1 Korɛnti ye 15:33

Yele a kɔ́ tíi wàa í yele fáana pùuni í, nyaarinyɛnbeebèle i funjǎnyi kálagi.

1 Korɛnti ye 5:6

Yele kpɔ́ɔmi ga nyɔɔ í! Yele ga cán pe ga levé* cɛɛri le búrumii-pírigege ni, wi n cariga n búruw myɛ foro ì?

1 Timɔte 1:9

àmɛɛ wo gi cán lè ncan làlwaw ga tɛ́ʔɛ syɛɛnsiɔn kéele na í, fwɔɔ kakolobyebèle, ní syɛɛnjamabèle, ní Kolocɔlɔɔ yɛ́ʔɛnaa-sìnvyaabèle, ní kapeebyebèle, ní Kolocɔlɔɔ céefɔbèle, ní Kolocɔlɔɔ kólogi yaʔafɔɔlɔ, ní bele pe be seefɔbèle kúu lè, ní syɛɛnkpoobèle,

1 Timɔte 4:7

Kàjáa mi Kolocɔlɔɔ yɛ́ʔɛnaa-sìnvyaabèle kèlē ní celɛɛbèle tánlɛɛyɛ cée, mí miyɛɛ dama mi tàli Kolocɔlɔɔ yɛ́ɛgi fyáara kele na.

1 Timɔte 6:20

Ee Timɔte, kàlifawee wi nyɛ mɔ ma lè, maa wi kɔ̀rɔsíi, kàjáa Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ, ní kàkabalayi yi taagi lè sícili-váanami ni, mi toro yaʔa,

2 Timɔte 2:14

Maa be sɔ̀ngumi tìrigí kérigèle bee na, mi gi joo mi gbàn be ma Kolocɔlɔɔ nyɛ́nɛ na jàngó paa peyɛɛ kɔ̀rɔsíi kàkabalayi syɛɛnjóonɛʔɛrɛ na, níì cán ti i nyɛ tɔ̀nɔ fun, àlí ti i di lóʔofɔbèle kálagi.

2 Timɔte 2:21

Gee bee na syɔ́ɔnwee ga wiyɛɛ sámaga n yirige kakolobyeri ni lè, woro a pye falicanw kpéʔelele yalege, gee Kàfɔw jée n mùnu n yaʔa wiyɛɛ ma falicanw myɛ kánma na lè, jàngó waa báara woro ma.

2 Timɔte 3:13

Kàjáa syɛɛnpeebèle ní jànvaafɔbèle a ra syée yɛʔɛ̀ ma kapeebyeri ni, sáā syɛ́ɛnbèle fáana da pùuní, si wɔ́ɔ ra peyɛɛ bùuní.

Tiiti 1:11

Fwɔɔ wo be nyɔ́ɔyi tɔ́n, níì cán pe i narigbaapoyaa nyáʔami àmɛɛ be yi syɛ́ɛnbèle tama lè kérigèle kèle na gele ge lè ke ga yɛlɛ í, pe i gee bee kpéʔele tɔ̀nɔw kánma na wee wi pee lè.

Tiiti 1:14

jàngó pe a kɔ́ fɔ̀lɔ Zyefubèle tánlɛɛyɛ ní kányɛɛgi céefɔɔlɔ kajoogéle na í.

Tiiti 3:9

Ki si n yɛlɛ mɔ í da miyɛɛ kɔ̀rɔsíi nyùngo fun kàkabalayi na, ní narigbaayi sélimɛ kele na n fàra kàsiiw ní kàkabalayi na be kpéʔele lè Mowizi làlwaw kéele na, níì cán tɔ̀nɔ o nyɛ dee bee ni í, ti i nyɛ gbanzan.

Heburubèle 12:15

Ki n yɛlɛ yaa kɔ̀rɔsíi koro ga pye syɔɔnwaa faala a kɔ́ kólogo Kolocɔlɔɔ kpɔ́ʔɔri kurugo í. Ye wɔ́ɔ yaa kɔ̀rɔsíi koro ga pye yasanzorodo tíige a kɔ́ fìin yele níngi ni bi yele fúnyi curugo si wɔ́ɔ yele saamaw nɔ́nʔɔ í.

2 Pyɛri 2:18

Bele be náà séli n syɔɔ lè kavɔn n yiri kobuunugi tánʔafɔɔlɔ nínge ni, a be i nɛ̀ɛnyɛnɛgɛ nyungo fun syɛ́ɛnri nyuu bele bee ma, ní i be lɛ́ɛlɛ bàā có ní céri ki laànitaʔa kanɔnʔɔbeere ní.

2 Pyɛri 2:2

Syɛ̀ɛnnɛ saʔa a taʔa be kanɔnʔɔbeeri na, kányɛɛgi kólogo mɛ́ʔɛ si kálagi poro kéeli na.

Tɛ̀ɛnnɛ 13:14

Ki maa ni tári syɛ̀ɛnnɛ fáana fɛ̀ɛ́bèle bee báriga ni, fɛ̀ɛ́bèle bele fànʔa yaweeseligi da kaan gi ma lè jàngó kaa be kpéʔele koro yɛ́ʔɛ ma. A gi tári syɛ̀ɛnnɛ pye, yaweegee pe da kpúmɔn n kpàli ní ŋɔsée ní á gi lúru n wéege lè, pe gee bee niwirige sámaga paa gi kpɔ̀ʔɔrɔ́.

Tɛ̀ɛnnɛ 13:3

A mii gi nyùngaa nibin nyaa, a be gi kpúmɔn n kpàli, a gi pye mɔ a jo ki n kùu n kwɔ́ɔ, kpàligi bee maa yɛlɛ bi dée gi kpóo, koro ní ki myɛ ní a gi fala n pɔʔɔ. A tári syɛ̀ɛnnɛ myɛ i káama gi na, níì taʔa gi na.