2 Timɔte 2:14 - Cebaara Bible 2010

¹⁴ Maa be sɔ̀ngumi tìrigí kérigèle bee na, mi gi joo mi gbàn be ma Kolocɔlɔɔ nyɛ́nɛ na jàngó paa peyɛɛ kɔ̀rɔsíi kàkabalayi syɛɛnjóonɛʔɛrɛ na, níì cán ti i nyɛ tɔ̀nɔ fun, àlí ti i di lóʔofɔbèle kálagi.

2 Timɔte 2:14 Iomraidhean Croise

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Zyeremii 2:11

A syɛɛnfelegaa i gi kolocɔlɔbèlē fɛ̀ɛ́ lé, àlí n gi yaʔa pe o nyɛ kolocɔlɔ-tèlebēle í? A mii syɛ́ɛnbèle si be nìjanri fàli fànʔa fun yáriga na.

Zyeremii 2:8

Sáriga-wòlobèle ga gi joo níì jo: ‹Sán Yawe nyɛ í?› Làlwaw kɔ́rɔjoofɔɔlɔ ga mii cán í. Bànaʔabèle n mii cée. Kanyaajoobèle i kérigèle nyaagi ni nyuu Baali mɛ́ɛgi na. Pe n peyɛɛ daʔa fànʔa fun yáriya na.

Zyeremii 23:32

«Mii i cáan ní bele ní pe jànvaa ŋúnɔyi kanyaajooro kpéʔele lè, poro bele be yi nyuu ni tèé lè ní i mii syɛ́ɛnbèle pùuní ní be jànvaaw, ní be nɛ̀ɛgbɔʔɔgi syɛ́ɛnrɛ ní,» Yawe wi jo nya. «Mii na, mii ban wi be tun í. Mii ga yafyɛn joo n gbàn be ma í, pe o nyɛ bi gbǎn yafyɛn nyɔɔ syɛ́ɛnbèle naa na í,» Yawe wi jo nya.

Zyeremii 23:36

Yele a ní kɔ́ joo Yawe túgori kéele na í. Níì cán túgori bee a pye syɔɔn o syɔɔn ma wi tiimaa syɛ́ɛnrɛ. Yele i Kolocɔlɔɔ woweew syɛ́ɛnrɛ ŋángi, Yawe wi lè Nyɛ̀ʔɛni Sùlasiibéle Kafɔlɔ, wi lè wolo Kolocɔlɔw, ti lè woro wóri.

Zyeremii 7:8

Kàjáa wéle, yele n yeyɛɛ daʔa jànvaa syɛ́ɛnrɛ na, dee di lè ti o yafyɛn nyɔɔgi í.

Habakuki 2:18

Nyàʔá ǹdedanga a nyɔɔ, á koro gi yaʔa fáliw kacaɔn í gi tan, ní tunmɔgbalara màdeo, wee wi jànvaa tamana kaangi lè, á koro gi yaʔa fáliw kacaɔn wi wi sámaga lè, woro í wiyɛɛ daʔa wi na, si kòro bàā jànvaa kolocɔlɔbèle sámagi, poro bele be lè pe o nyuu í?

Matye 16:26

Syɔɔn ga dulunyanw yárira myɛ taa, á wi sìíw baa pùuni, nyàʔá gee bee a nyɔɔ wi na? A yarigaa i yaà lé gee syɔɔn a sa kaan lè sìíw lɔ́rɔ, sìíw si taa?

Kapyegèle 13:10

«Mɔ wee fúngo gi nyìn lè sícilibeemi myɛ, ní jànvaaw féleye myɛ na, Dàzɔɔnw pyà wi nyɛ mɔ, ní wɔ́ɔ i nyɛ kasingèle myɛ nígoo, mɔ a láʔa Kàfɔw kôzinge karigala na wii ì?

Kapyegèle 15:24

Wolo n gi lóʔo, wolo syɛ́ɛnbèle pèle n kári yaà yele ma n sáà yele sɔ̀nguri nyáʔami, níì yele fúnyi curugo yele na ní syɛɛnraa ní, bi gi taa wolo ga be tun í.

Wɔrɔmi ye 14:1

Syɔ́ɔnwee tágala li cɛ́rɛ lè yele níngi ni, ye wi sámaga ye cò cama, yele a kɔ́ ra wi kábala wi sɔ̀nguri kèlē na í.

Galasi ye 1:7

Kàjáa tàa nikwɔɔ ní o yaà í, á pèle si i yele fúnyi curugu, ní i caa bi Kirisi Syɛɛnjóocǎnri fàli.

Efɛzi ye 4:17

Gee bee na mii i dee naa nyuu ní i di séeraw kpéʔele Kàfɔw ni, koro gi nyɛ yele a ní kɔ́ ra táanri àmɛɛ syɛɛnfeleyi wozanya táanri ni yɛlɛgi ní pe sɔ̀ngubeeri ní lè í.

1 Tesaloniki ye 4:1

Ni senyɛ̀nnɛ, dee wolo a ní joo lè toro di nyɛ dee naa, tánʔaganmee na yele yɛlɛ bàā táanri lè yele kéeli si Kolocɔlɔɔ dɛ́nɛ, yele n tánʔaganmi bee tama wolo ma. Kánmi bee na si yele wɔ́ɔ̄ táanri. Wolo si sèʔé i yele nyɛ́ɛri ní i yele kɛɛlɛ Kàfɔw Zyezu mɛ́ɛgi na níì jo, ye ní yaa kàa fàrá gee bee na.

2 Tesaloniki ye 3:6

Ni senyɛ̀nnɛ, wolo a gi joo gbàn yele ma Kàfɔw Zyezu Kirisi mɛ́ɛgi na si jo, senyɛnnɛ o senyɛnnɛ wi sàlaga kpéʔele lè, wi si wɔ́ɔ o táanri ni yɛlɛgi ní tamani ní í, lee yele taa wolo ma lè, ki n yɛlɛ yaa còʔoró wee bee na.

1 Timɔte 1:4

pe si a wɔ́ɔ kɔ́ taʔa tanlɛɛyi ní narigbaayi sélimɛ na í bi lè láʔala fun, níì cán kérigèle bee félege i kàkabalayi yìrigí, níì Kolocɔlɔɔ fáliw kaan wi o syée yɛʔɛ ma tágali báriga ni í.

1 Timɔte 1:6

Syɛ́ɛnbèle pèle n pùuni kérigèle bee ni, níì kòro nyùngo fun syɛ́ɛnri na ni nyuu.

1 Timɔte 4:8

Níì cán syɔɔn ga wi yasɛɛyi tàli kérigèle kèle na, gee bee n wi dɛ̀ɛmɛ kèlē cɛɛri ni, kàjáa Kolocɔlɔɔ yɛ́ɛgi fyáara a gbǎn syɔɔn dɛ̀ɛmɛ kérigèle myɛ ni, níì cán syɔɔn ga ni fɛ̀ɛgí Kolocɔlɔɔ na, sìíw nyɔɔfaliga i nyɛ wee bee wóʔo tɔ́ɔliw ni, ní dulunyanwee ni wi maa lè.

1 Timɔte 5:21

Mii a gi joo bi gbàn mɔ ma, Kolocɔlɔɔ ní Kirisi Zyezu, ní nyɛ̀ʔɛni tundunnyɛnɛ-wòlobēle nyɛ́nɛ na, ki n yɛlɛ mɔ í syɛ́ɛnri naa cò, ki ga yɛlɛ mɔ í kɔ́ keelaa joo ceri li sìnvilige sìnján ni í, sáā syɛ́ɛnbèle pèle yirigi pèle ni í.

1 Timɔte 6:13

Kolocɔlɔɔ wi yáriri myɛ wéege lè, ní Kirisi Zyezu wi séeracǎnw kpéʔele lè Pɔnsi Pilati yɛ́ʔɛ ma, mii a gi joo bi gbàn mɔ ma poro nyɛ́nɛ na si jo,

2 Timɔte 1:6

Koro na mii i mɔ sɔngumi tìrigí gi na níì jo, fundooree Kolocɔlɔɔ kaan mɔ ma lè mii kɔdaʔari báriga ni mɔ na lè, mi gi yaʔa kàa í da fàrá dee bee na àmɛɛ syɔɔn gáā naà kpèʔelé lè.

2 Timɔte 2:16

Léeli Kolocɔlɔɔ yɛ́ʔɛnaa-sìnvyaari gbanzan syɛ́ɛnrɛ na, níì cán bele be di nyuu lè, poro a ra syée yɛʔɛ̀ ma làla o làla Kolocɔlɔɔ yɛ́ʔɛnaa-sìnvyaari ni.

2 Timɔte 2:23

Kàjáa labalami ní nyùngo fun yíbeyi cée, mí gi cán kérigèle bee ge maa ní kàsiiw ní.

2 Timɔte 4:1

Kirisi Zyezu wi a ba kútiiw kúun niweebèle ní kúbèle na lè wi làribanni ni, àmɛɛ wi a ba wiyɛɛ dɛ̀ɛn si wi fǎngi télege lè, mii a gi joo gbàn mɔ ma woro ní Kolocɔlɔɔ nyɛ́nɛ na si jo,

Tiiti 3:1

Maa be sɔ̀ngumi tìrigí gi na mí be pye, ki n yɛlɛ be peyɛɛ gaan fànʔafɔbèle ní séekpɔɔw fɔ̀ɔlɔ ma sáā lúro be ma si peyɛɛ zámaga yaʔa bàā kacǎngèle myɛ kpéʔele,

Heburubèle 13:9

Ki ga yɛlɛ ye gi yaʔa pe kɔ yele fáana pùuni ní tama-nibɔngèle kèle nikwɔɔlɔ félege ní í, ki n yɛlɛ yele zɔ̌nbèle í nìri Kolocɔlɔɔ kpɔ́ʔɔri báriga ni, ki ga yɛlɛ gi pye yaliifeleraa báriga ni í. Níì cán bele pe da ni zɔ̀nniriw caa lè yaliifeleraa báriga ni, pe ga tɔ̀nɔ taa gee bee ni í.

2 Pyɛri 1:13

Bi mii yaʔa vǒgi naa ni, ki n sín mii nyɛ́nɛ na mii í da lòmaana légi yele ni, àmɛɛ mii a ra yele sɔ̀ngumi tìrigí kérigèle bee na lè.

1 Samyɛli 12:21

Yele a kɔ́ wàli bi láʔa wi na í. Kapye koro ban í yele a yeyɛɛ daʔa gbanzan yáriyi na, yee yi lè yi a tɔ̀nɔ kaan syɔɔn ma wàlá bi wi syɔɔ í, níì cán yi i nyɛ gbanzan yáriya.