2 Timɔte 2:13 - Cebaara Bible 2010

¹³ Wolo ga pye wolo o nyɛ tágala syɛɛnnɛ í, wi a kòro tágala syɔ́ɔn, níì cán wi a gbǎn wiyɛɛ cée í.»

2 Timɔte 2:13 Iomraidhean Croise

Ezayi 25:1

Yawe, mɔ wi nyɛ mii Kolocɔlɔw. Mɔ mii a ra kpɔ̀ʔɔrɔ́, mɔ mɛ́ɛgi mii a ra sòoló. Níì cán mɔ n bìngaara kele kpéʔele, gele mɔ da kɔ̀rirɔ n tímana yaà lè làridɔɔnnɔ ni, ge lè wodelegèle, ní kányɛɛgi wòʔolo.

Córolo 23:19

Kolocɔlɔɔ o nyɛ syɔɔn bi finɛ í. Wi o nyɛ Adami pyà bi kɔ́ mii-ga-ra-cán joo keele na í. Gee wi joo lè, a wi a gi yaʔa lé sìngbeʔele ni? Wi ga syɛɛnrɛ joo, a wi a di yaʔa lé sìnvoro ni?

Matye 24:35

Nyɛ̀ʔɛni ní tári a kwɔ́ɔ, kàjáa mii syɛ́ɛnri a tɔ̀nɔ́ kwɔ́ɔ í.

Wɔrɔmi ye 3:3

Ki ga pye poro pèle o nyɛ tágala syɛɛnnɛ í, a gee bee a gbǎn Kolocɔlɔɔ kàriga lé wi a ní pye tágala syɔ́ɔn í?

Wɔrɔmi ye 9:6

Gee bee ga jo Kolocɔlɔɔ syɛ́ɛnri n sàa wii í. Níì cán Isirayɛli yòdaʔayi myɛ o nyɛ Isirayɛli syɛ̀ɛnnɛ kányɛʔɛ ni í.

1 Korɛnti ye 1:9

Kolocɔlɔɔ i nyɛ tágala syɔ́ɔn, woro wee wi yele yeri lè n baa pínɛ n pye nibin wi Jáaw Zyezu Kirisi ni, wi lè wolo Kàfɔw.

Làlwaw Kaanziin 7:9

Koro na gi cán mi cán Yawe mɔ Kolocɔlɔw wi nyɛ Kolocɔlɔɔ Wodelew. Kolocɔlɔw bee wi nyɛ lè tágala syɔ́ɔn, wi i wi joogaanni, ní wi funjǎngi kɔngi fwɔɔ ni nangi bele be tàmaga le ní wi ní, ní i wi kajoodɛɛngèle kɔngi lè, poro yòdaʔayi yìrigēle saala kagunɔw na.

1 Tesaloniki ye 5:24

Yele yerifɔw i nyɛ tágala syɔ́ɔn, woro wi a gi kpéʔele.

2 Tesaloniki ye 3:3

Kàfɔw si i nyɛ tágala syɔ́ɔn, woro wi a fànʔa le yele ni sáā yele kɔ̀rɔsíi jàngó yele í syɔɔ Wobeew ma.

Tiiti 1:2

jàngó sìibangwɔɔw sɔ̀ngurɔ tɛɛtaʔaga í pye be ma, Kolocɔlɔɔ wi lè wi o finɛ nyáana í, wi maa sìíw bee nyɔ́ɔ fàli sáni làrigèle í séli lè.

Heburubèle 6:18

jàngó yi katɛɛyi siin yi lè yi a gbǎn fàli í, Kolocɔlɔɔ si a wɔ́ɔ gbǎn finɛ yi kéeli na í, yee bee kéele í wolo kɛɛlɛ gbanʔama, wolo bele wo fàn n sáà sɔ̀ngumi tɛɛtaʔaga taa n cò níì syɔɔ lè, koro gee Kolocɔlɔɔ tɛ́ʔɛ wolo yɛ́ʔɛ ma lè.