2 Timɔte 2:12 - Cebaara Bible 2010

¹² Wolo ga ni kpàracogo kpéʔele, wolo a wɔ́ɔ ba tɛ́ɛn ní wi ní fǎngi na. Wolo si ga wi cée, wi a wɔ́ɔ wolo cée.

2 Timɔte 2:12 Iomraidhean Croise

Kàseegèle 30:9

koro ga pye mii a kɔ́ tín si mɔ cée í, sáā gi nyuu si jo: ‹Wìí wi nyɛ Yawe?› Wàlá mii í fɔ̀n si kɔ́ yùu koro si mii Kolocɔlɔw mɛ́ʔɛ nɔ́nʔɔ í.

Matye 10:33

Wee faala si ga mii cée lè syɛ́ɛnbèle nyɛ́nɛ na, mii a wɔ́ɔ wee bee cée mii Tóow nyɛ́nɛ na, wi lè nyɛ̀ʔɛni na.

Matye 26:35

A Pyɛri wi yari: «Alí ki ga yére mii í kùu ní mɔ ní, koro ki a tɔ́ɔ pye, mii a tée mɔ cée í.» A pìitamabèle wozanbèlē myɛ wɔ́ɔ̀ fala ni syɛɛnnijanri nyuu.

Matye 26:75

A Pyɛri Zyezu syɛ́ɛnri sɔ̀ngi n taa dee wi da joo woro ma lè níì jo: «Sáni gòpɔ́w í nyɛni lè, mɔ a mii cée tɔlɔyɔ taanri.» A wi yiri kàfugi na n sa ni nyaan gbanʔama.

Mariki 10:33

Wi maa be pye: «Wéle, wolo i syée bele Zyerusalɛmi ma, pe si a Syɔɔn-pya le sáriga-wòlobèle kàfɔɔlɔ ní làlwaw sɛ́bɛwelebéle kɔ́yɔ ni be kútiiw kúun wi na, si jo wi n yɛlɛ ní kùu ní, si wi kaan Syɛɛnfeleyi ma,

Mariki 8:38

Níì cán wee wi ga ni fɛ̀ɛrɛ kpéʔele lè tɔ́ɔliw naa kanɔnʔɔbyebèlē nínge ni mii kéeli na, ní mii syɛ́ɛnri kéele na mii joo lè, Syɔɔn-pya a wɔ́ɔ ba fɛ̀ɛrɛ kpéʔele wee bee kéele na lǎli ni wi ga ni maa wi Tóow nìjangbɔɔrɔ ni lè ní wi tundunjanbèle ní.»

Luki 12:9

Wee si wi ga mii cée lè syɛ́ɛnbèle nyɛ́nɛ na, Syɔɔn-pya a wɔ́ɔ wee bee cée Kolocɔlɔɔ tundunbèle nyɛ́nɛ na.

Luki 22:29

Mii si a tɔ̀nɔ́ fǎngi le yele kɔ́yi ni àmɛɛ mii Tóow gi le mii kɔ́yi ni lè.

Luki 22:30

Koro ga pye yele í da líi sáā gbo mii tàbaliw na mii fǎngi ni. Yele a tɛ́ɛn fàngorigēle na bi pye Isirayɛli syɛɛnfeleyi kɛɛ ní siin kútiijoobéle.»

Luki 9:26

Níì cán wee wi ga ni fɛ̀ɛrɛ kpéʔele mii kéeli na lè, ní mii syɛ́ɛnri ní mii joo lè, Syɔɔn-pya a ba fɛ̀ɛrɛ kpéʔele wee bee kéele na lǎli ni wi ga ni maa lè wi tiimaa nìjangbɔɔri ni, ní wi Tóow nìjangbɔɔrɔ, ní wi tundunjanbèle wóro ní.

Kapyegèle 14:22

n sa ni pìitamabèle zɔ̀nbēle nìrí, ní i be kɛɛlɛ níì jo be tágali cò kányɛʔɛ ni, ní wɔ́ɔ i gi nyuu be ma níì jo: «Wɔʔɔyɔ féleye saʔa a wo taa, wó náa jée Kolocɔlɔɔ fǎngi ni.»

Wɔrɔmi ye 5:17

Níì cán syɔɔn nibin kapeele li gi kaan a kùúw baa fànʔa taa syɛ́ɛnbèle na syɔ́ɔnw bee nibin báriga ni, ki ga pye nya, bele be kpɔʔɔnɛʔɛri taa lè ní yakaangi ní ki nyɛ lè sínni, bele bee a ba pye fànʔafɔɔlɔ sìíw ni syɔɔn nibin báriga ni wi lè Zyezu Kirisi.

Wɔrɔmi ye 8:17

Amɛɛ wolo nyɛ lè wi pìibēle, wolo wɔ́ɔ i nyɛ wi kɔriliibéle, wolo i nyɛ Kolocɔlɔɔ kɔriliibéle ní i nyɛ Kirisi kɔriliinyɛ̀nnɛ, níì cán wolo n pínɛ ni wɔʔɔ ní Kirisi ní, koro ga pye wolo í wɔ́ɔ ba pye ní wi ní wi nìjangbɔɔri ni.

Filipikaʔa ye 1:28

mii í wɔ́ɔ gi lóʔo bele be túngu ní yele ní lè, yele o fɛ̀ɛgí be na kanmaa faala na í. Ki a pye be ma pe kálagili fɛ̀ɛ, si pye yele syɔɔli fɛ̀ɛ, gee bee n yìri Kolocɔlɔɔ ma.

1 Timɔte 5:8

Syɔ́ɔnwee ga pye lè wi o wi syɛ́ɛnbèle màko nyɔɔgi í, àlí gee gi caà wi tiimaa kpáagi wòolo kéele kwɔ́ɔ lè, wee bee n tágali cée, ní wɔ́ɔ̀ pee n sɔ̀lɔ sìndagaɔ na.

Zyudi 1:4

Níì cán nǎnbèle pèle n jée yele níngi ni làrama ni, Kolocɔlɔɔ yɛ́ʔɛnaa-sìnvyaabéle bɛɛ, bele be wolo Kolocɔlɔw kpɔ́ʔɔrɔ kàragí lè ni tànʔa kaangi peyɛɛ ma pe kanɔnʔɔbeeri kéele na, poro bele kútii kéele li da sɛ́bɛ lè booma ni, Zyezu Kirisi nibin wi nyɛ lè wolo Kàrigafɔw ní wolo Kàfɔw, pe n wee bee cée.

Tɛ̀ɛnnɛ 1:6

níì wolo kpéʔele fànnyɔɔgaa, gee ni wolo nyɛ lè wi Tóow Kolocɔlɔɔ sáriga-wòlobēle, woro wee na nìjangbɔɔri ní séekpɔɔw yɛlɛ lè làla o làla kwɔ́ɔmɔ fun! Amiina!

Tɛ̀ɛnnɛ 1:9

Mii Zyan, wi nyɛ lè yele senyɛnw, níì pínɛ ní yele ní wɔʔɔli, ní fǎngi, ní kpàracogi na Zyezu kólogi ni, mii maa pye lǒgi nínge tára ni pe yiri lè Patimɔsi. Níì cán àmɛɛ mii da ni Kolocɔlɔɔ syɛ́ɛnri nyuu lè, ní i Zyezu séeraw kpéʔele lè, koro na pe da mii cò n tórigo nɛɛ bee.

Tɛ̀ɛnnɛ 2:13

Mii n mɔ tɛɛkòrogi cán, nɛɛ bee Sutanaw fàngolo nyɛ. Mii n gi cán mɔ i mii mɛ́ɛgi córo, àlí lǎli ni mii séerafɔjǎnw Antipasi kùu lè, mɔ ga mii tágali cée í, woro wee pe da kpóo lè yele níngi ni, beè Sutanaw tɛɛkòrogo nyɛ lè.

Tɛ̀ɛnnɛ 20:4

A mii fàngorigēle nyaa. Bele pe da pye ge na lè wodɛ́ɛnbéle ní, a be fànʔa kaan bele bee ma paa kútiiw nyuu. Bele nyúnyo pe da cɛnɛ lè Zyezu séeraw kpéʔelele kéele na, ní Kolocɔlɔɔ syɛ́ɛnri kéele na, àmɛɛ be nyɛ lè pe da fɔ̀lɔ ni yaweegi ní ki niwirigi kpɔ̀ʔɔrɔ́ lè í, pe si da wɔ́ɔ̀ fɔ̀lɔ be gi fɛ̀ɛ́w kpúmɔn poro gbáagèle na, wàlá poro kɔ́yi na lè í, a mii bele bee nyaa, a be nyán níì tɛ́ɛn fǎngi na ní Kirisi ní yɛ̀ʔɛlɛ saala kagunɔ.

Tɛ̀ɛnnɛ 20:6

Bele be lɛɛlɛ taa lè kúbèle nyán-yiri-zélile ni, bele bee i nyɛ dùba pìibēle, ní Kolocɔlɔɔ syɛɛncanbéle! Kùu siin wów a fànʔa taa bele bee wàa na í, pe a pye Kolocɔlɔɔ ní Kirisi sáriga-wòlobēle, si pye fǎngi na ní wi ní yɛ́ɛgèle saala kagunɔ.

Tɛ̀ɛnnɛ 3:10

Amɛɛ mɔ kpàracogo kpéʔele lè n yɛlɛ ní mii syɛ́ɛnri ní dee mii joo lè, gee bee na mii a wɔ́ɔ mɔ syɔɔ wɔʔɔli làla ma, lee li a ba dulunyanw myɛ tɔ́n lè, koro ga pye bi tári syɛ̀ɛnnɛ sɛʔɛ wéle.

Tɛ̀ɛnnɛ 3:21

Wee wi ga fànʔa taa lè, mii a wee bee yaʔa wi tɛ́ɛn mii taana mii fàngoli ni, àmɛɛ mii wɔ́ɔ̀ fànʔa taa lè ní sáà tɛ́ɛn mii Tóow taana wi fàngoli ni lè.

Tɛ̀ɛnnɛ 3:8

Mii n mɔ kapyegèle cán. Wéle, mii n kɔ̀rigi múgu mɔ ma, wàa faala si a gbǎn gi tɔ́n í, níì cán mɔ séew n cɛ́rɛ, koro ní ki myɛ ní a mɔ mii syɛ́ɛnri cò, mɔ ga mii mɛ́ɛgi cée í.

Tɛ̀ɛnnɛ 5:10

Mɔ n be kpéʔele wolo Kolocɔlɔw ma fànnyɔɔgaa, gee ni be nyɛ lè sáriga-wòlobēle, pe si a ba pye fànʔafɔɔlɔ tári na.»